27
Fərman bundan əvvəlki «Üzümçülük və şərabçılıq» haqqında qanundan da böyük
əks-səda vеrdi. Yеni üzümlüklərin salınmasına dеmək оlar ki, еlliklə başlanıldı.
Qazaхda, Tоvuzda, Şəmkirdə, Gəncədə, Kürdəmirdə və Cəlilabadda iri miqyaslı
üzümlüklər salmağa başladılar.
Gəncədə «Şərab- 2» Açıq Tipli Səhmdar Cəmiyyəti yalnız 2004-cü ilin fеvral-mart
aylarında 60 hеktar yеni üzümlük saldı.Üzümlük üçün Fransadan calaq əkin matеrialı
gətirildi.Üzümlüklər müasir bağsalma еlminin tələbatına uyğundur. Söz yох ki,
üzümlüklərin salınması işi bundan sоnra daha böyük vüsət alacaq. Bağsalma işində
mütəхəssisin rоlu əvəzеdilməzdir.
Hazırda Respublikamızda yeni üzümlüklərin salınması işi geniş vüsət almışdır.
2005-ci ildə Göygö rayonunda fəaliyyət göstərən Aqro-Azərinvest respublikanın 5
rayonunda böyük ərazilərdə yeni üzümlüklər təşkil etməyə başladı (cəmi üzümlüklərin
sahəsi 1000 hektara yaxın olmalı idi). əkin materialı əsasən Gürcüstandan və Fransadan
gətirilmişdir. Üzümlüklərin təşkili və sonrakı inkişafı elmi əsaslar üzərində qurulmalı
idi. Hətta 2005-ci ildə Yaltadan 100-ə yaxın çox qiymətli üzüm sortları gətirilmişdir.
Məqsəd bu sortlardan və yerli sortlardan ibarət genofond yaratmaq idi, yarımçıq da olsa
bu genofond yaradıldı.
2004-cü ildən etibarən Respublikanın bir çox rayonlarında hər il yeni-yeni
üzümlüklər salınması işi davam etdirilir. Saatlı rayonunda ilk sənaye üzümlükləri 2007-
ci ildə tərəfimizdən salınmışdır. Abşeron yarımadasının yeni-yeni ərazilərində sənaye
üzümlükləri salınmaqda davam edir. Qusar rayonunda heç vaxt indiki qədər üzümlüklər
olmamışdır. Hazırda bu rayonda sənaye üzümlükləri mövcuddur.
Üzümçülüyün bu cür inkişafı fövqündə təəssüflə qeyd etmək lazımdır ki, müəyyən
məsələlər hələ öz həllini tapmamışdır. Yeni üzümlüklərin salınmasında demək olar ki,
əsasən xarici ölkələrin üzüm sortlarından istifadə edilir. Xarici ölkələrin bir çox klassik
üzüm sortları vardır ki, yüksək keyfiyyəti danılmazdır. Bu sortların hər birinin yeni
şəraitdə yoxlama sınaqdan keçirilməsi vacibdir. Bundan başqa bu vaxta qədər
respublikada istər calaq, istərsə də öz kökü üstündə olan əkin materialı istehsalı bərpa
edilməmişdir. Vaxtı ilə hər iki növ əkin materialı respublikamızda istehsal edilmişdir.
Yeni istehsal texnologiyası tətbiq edilmədən ting istehsalında dönüş yaradıla bilməz.
Üzümlüklərin becərilməsində və məhsulun yığılmasında işlərin mexanikləşdirilməsi
səviyyəsi çox aşağıdır və hətta 20-30 il bundan əvvəlki səviyyədən də aşağıdır.
Respublikanın suvarılan torpaqları alaq otları ilə zəngindir və onlara qarşı mübarizə
bir xüsusilik təşkil edir. Ancaq xarici ölkələrdə - xüsusilə Avropa ölkələrində bu məsələ
üzrə mövcud təcrübələrdən istifadə etmək mümkündür.
Respublika üzümçülüyünün son inkişafında müsbət meyllər müşahidə edilməkdədir.
əvvəlki illərdən fərqli olaraq üzümlüklərin böyük əksəriyyəti özəl təsərrüfatlara
məxsusdur və onlar bazar əldə etmək məqsədilə daha keyfiyyətli emal məhsulları
(xüsusilə şərab) əldə etmək arzusu ilə fəaliyyət göstərirlər.
Azərbaycan xalqı üzümdən və sirabdan daha böyük iqtisadi fayda əldə etməyin
sirlərinə yaxşı bələddir və bu sahədə xüsusi təcrübəyə malikdir. Ümid etmək olar
ki,respublikamızda üzümçülük və şərabçılığın inkişafı bundan sonra da davam
etdiriləcəkdir. Buna bizim nümunə olaraq 2011-ci il martın 1-də ölkə Pezidenti Cənab
İlham Əliyevin Nazirlər Kabinetinin illik toplantısındakı məruzəsində ölkədə
üzümçülüyün gələcək inkişafından bəhs etməsidir. Məruzədə göstərilir ki, respublika
28
iqtisadiyyatının möhkəmləndirilməsində üzümçülüyün inkişafına bundan sonra da
diqqət artırılmalıdır.
Çox çəkmədi ki, 2011-ci il dekabrın 15- də ―2012-2020-ci illərdə Azərbaycan
respublikasında üzümülüyün inkişafına dair Dövlət Proqramı‖ haqqında ölkə
prezidentinin cərəncamı verildi. Dövlət Proqramında üzümçülüyün hazırkı vəziyyəti
təhlil olunmuş və onun gələcək inkişaf yolları göstərilmişdir. Proqramda göstərilir ki,
respublika ərazisində mövcud 400 aborigen, 200 introduksiya edilmiş üzüm sortları
xeyli azalmışdır. Bunların qorunub saxlanması qayğısına qalınmalıdır. 2010-cu ilin
statistik məlumatına əsasən üzümlüklərin sahəsi 15, 4 min hektar, məhsul istehsalı 129,
5 min ton, təzə və qurudulmuş üzüm idxalı 5,5 min ton, ixracı isə 24,1 ton olmuşdur.
2010- cu ildə üzüm şərabı istehsalı 1070,7 min dekalitr təşkil etmişdir ki, onun da 21%-i
və ya 224 min dekalitri ixrac edilmişdir.
Proqramda göstərilir ki, Azərbaycanın təbii-iqlim şəraiti üzümçülüyün daha da
inkişaf etdirilərək istehsalın artırılmasına, əhalinin müxtəlif çeşidli, yüksək keyfiyyətli
süfrə üzümünə, şərabılıq və digər müəssisələrin isə xammala olan tələbatının yerli
istehsal hesabına ödənilməsinə imkan verir.
Dövlət Proqramı aşağıdakı vəzifələrin yerinə yetirilməsini nəzərdə tutur:
-süfrə (o cümlədən kişmiş) və texniki üzüm sortlarının əkin sahələrinin
geniləndirilməsi, yeni üzümlüklərin salınması;
- tinglik təsərrüfatlarının yaradılmasının dəstəklənməsi;
- üzümçülük təsərrüfatları üçün əsas və köməkçi materialların istehsalının
dəstəklənməsi;
- üzümçülüyün və şərabçılığın elmi təminatının və kadr potensialının
gücləndirilməsi;
- üzüm istehsalı və emalı sahəsində innovativ texnologiyaların tətbiqinin
dəstəklənməsi və s.