31
Rus ulusalçıları qarşısında suçlarını yumaq istəyən Ke-
renski ağa bu «qorxu»nu göstərməklə rus nasionalizminin ən
yaralı duyğusunu oyatmaq istəyir. Sosialist Rusiyanın devrimçi
Keçid Ağalığının başçısının düşüncəsinə görə, «Rus ulusu
baĢqa uyqarlıqlara peyin, özgə dövlətlərin tikintisində
material olmaq istəmirsə, rus olmayan ulusların alovlandığı
kimi ulusal düĢüncəsinin qutlu özünüanlama alovunda yan-
malıdır».
1
Kerenskinin təkcə bu açıqlaması ilə «panturanizm»dən,
onun Rusiyaya yönəlmiş «saldırıcı planlarından» danışan rus
siyasətçilərinin, publisistlərinin hansı yol tutduqları çox aydın
görünür.
Ancaq genəl amacdan başqa onlar bu strategiya ilə heç də
gərəksiz olmayan ikinci istəklərini yeritməyə çalışırlar. Gö-
rünür onu başa çatdırmağı da «Dni»nin [Günlər] əməkdaşı
Xondkaryan ağa boynuna götürüb. Onun işi yaxşı işlərdən
deyildir. O, Rusiyanın bağımsızlığa çalışan türk ellərinin
bütünlüklə, daha çox da azərbaycanlıların Rusiyadan ayrılıb
Türkiyəyə birləşmək istədiyini düşündüklərini göstərməyə
çalışır. Sözsüz, boşboğazlar bununla Qafqaz Konfederasiyası
yaratmağın gərəkliyini anlamış Qafqaz ellərinin beyninə
umudsuzluq salıb, psixoloci bölməyə çalışırlar.
«Panturanizm»dən qaldırılan bütün hay-haray iki anlam
daşıyır:
1.
Rus ulusu oyan, səni yeni Moğol axını gözləyir!
2.
Qafqaz ulusları düĢünün, Rusiyadan ayrılandan
sonra Türkiyənin ağalığı altına düĢəcəksiniz!
1
«Dni» № 60.
32
II
ZAREVANDIN PAMFLETĠ
Rus sığınmaçı basınındakı bu hay-küyünün qaynağı
Zarevand adlı birinin son çağlarda yayımlanmış «Türkiyə. Pan-
turanizm» adlı pamfletidir.
Pamflet [sataşma] keçmiş çar Rusiyasının İstanbuldakı
Böyük Elçiliyinin baş çevirəni, uluslararası hüquq ilişkiləri
bilicisi Mandelştam ağanın Zarevandın kitabına verdiyi «bü-
tünlüklə obyektivdir» dəyərilə başlayır.
Kitabın ilk bölmələrindəki türkçülük axının yaranma
tarixi, panturanizm ideologiyasının oluşumu ilə bağlı deyilən-
lərlə, onun yazarın obyektivliyinə verdiyi dəyərilə Mandelştam
ağa ilə bəlkə də barışmaq olar. Ancaq bu obyektivlik yazara
elmi yox, ancaq diplomatik biçimlərdə gərəkdir. O,
başlanğıcda oxucunu bir sıra obyektivliklə ələ alıb getdikcə
subyektiv istəklərinə daha çox qurşanaraq hay-küyçü
ədəbiyatın çox parlaq örnəklərini verir. Bizim günlərə yaxınlaş-
dıqca ondakı subyektivizm, hay-küyçülük, gerçəklərin qa-
tışdırılması, doğrulamalarının tutalqasızlığı daha da gözə çar-
pır.
Bu dəyərləndirməmizdə tutalqasız görünməmək üçün
sözlərimizi bir sıra örnəklərlə doğrulamağa çalışacağıq:
Başdan-ayağa yalan:
1.
Guya 1913-cü ildə Bəyazid kəndində panturançıların
qurultayı keçirilib, Azərbaycandan Məhəmməd Əmin Rəsul-
zadə, Əhməd bəy Ağayev, Əlimərdan bəy Topçubaşov o
33
qurultaya qatılıb.
Mən ömrümdə Bəyazid kəndini görməmişəm!
2.
Guya Azərbaycanın Baş bakanı, rəhmətlik Fətəli Xan
Xoyski türk ordusu gələndə pantürkçü çıxış edib.
3.
Guya Ərzurumda Azərbaycanla Türkiyə Ermənistana
qarşı savaş anlaşması bağlamışlar. Burada Kazım Qarabəkir
paşanın məktubuna dayanılsa da, bu bilginin düzgün qaynağı
göstərilmir.
4.
Guya Akçura bəy çıxış edib ermənilərin öldürülməsinin
gərəkliyini söylədi. Bu suçlamanı deyərkən onun düzgün
qaynağını göstərmək gərəkirdi.
5.
Guya mən Sovet okullarında inspektor olmuşam. Sovet
yox, genəlliklə heç yerdə, haçansa, hansısa okulun inspektoru
olmamışam.
6.
Guya Əhməd bəy Ağayev İstanbulla Astarxan arasını
gəzmişdir. O belə gəzintidə olmamışdır!
7.
Guya Akçurinlə İsmayıl bəy Qaspıralı Gənc türklərin
«İttihad və Tərəqqi» partiyası MK-nın üyələri olmuşlar. Onlar
beləsi olmayıblar!
Bunlar Mandelştam ağanın «obyektiv» dediyi yazarın bil-
gilərinin yalanını, tutalqasızlığını göstərən bir sıra örnəklərdir.
Faktların dolaşdırılmasını göstərmək üçün isə aşağıdakı
örnəyi gətiririk:
Zarevand ağa «Türkçülüyün əsasları»na dayanaraq rəh-
mətlik Ziya bəyin dilindən aşağıdakıları bildirir:
«Oğuzıstan yaxın gələcəyin böyük Türkiyəsidir».
Ziya bəy isə «Türkçülüyün əsasları» kitabının 20-ci səhi-
fəsində bununla bağlı deyir:
«Bu gün ancaq Oğuz türklərinin kültür birliyini düşünmək
olar. Türkiyənin, Azərbaycanın, İranın, Xarəzmin türkləri Oğuz
34
türkləridir. Bax, buna görə türkçülüyün yaxın idealı Oğuz, ya
da Türkmən birliyidir.
Bu hansı birlik olmalıdır? Siyasimi?
İndilik yox, gələcəkdən danışmağa isə gərək yoxdur. Bi-
zim indiki idealımız ancaq oğuzların kültür birliyilə
sınırlıdır. Türkçülüyün yaxın amacı bu topraqlarda (Oğuz
ellərində) təkcə kültürün ağalığına çalıĢmaqdır!».
Bax, gerçəklərlə belə oynayırlar!...
Zarevand ağa Ziya bəyin savaş çağında yazdığı, Rusiyanın
dağılmasından, onun dağıntıları üzərində «Turan»ın ya-
ranmasından danışılan şeirini sıralayır, ancaq Ziya bəyin sonra
o «Turan»dan nə yazdığını gizlədir. Ziya bəy Oğuz birliyindən
yuxarıda verdiyimiz abzası panturanizmlə bağlı baxışları ilə
bitirir.
«Panturanizm – bu, Leninin komunizmi, Məhəmmədin
cənnəti kimi utopiyadır! İdeal kimi onun ancaq insanları ro-
mantik qıcıqtək alovlandırmaq, devrimçiləşdirmək dəyəri
vardır».
Biz başqa örnəklər də gətirə bilərdik, ancaq bu da yetər.
Dinləyicilər aşağıda bir az ayrı yöndə açıqlayacağımız gerçək-
lərdən başqa örnəklər də tapacaqlar.
Dostları ilə paylaş: |