ilqar Məmmədov
öldürmək, onları kosmopolitizmə sürükləmək və bu irqin
«qanını» korlamaqdır. Alman faşistləri iddia edirdilər ki, yəhu-
dilər bu yolla dünya ağalığına can atırlar. Bunun qarşısını yalnız
sərt, repressiv tədbirlərlə almaq olar.
«Sol» totalitarizmi təmsil edən dövlətlərə isə keçmiş SSRİ və
kommunizm ideologiyasını rəsmi dövlət ideologiyasına çevirmiş
bir sıra digər dövlətlər - Çin, Şimali Koreya, Şimali Vyetnam və
s. aid edilir. Lakin tədqiqatçıların bəziləri bununla razılaşmır və
belə hesab edirlər ki, həmin dövlətlərdən yalnız bir qismində,
yəni SSRİ-də və Çində totalitar rejimlər mövcud olmuşdur. Digər
sosialist dövlətlərini isə avtoritar rejimli dövlətlər kimi xarakterizə
edirlər. Həmin məsələ ilə bağlı fikir ayrılığı bununla bitmir. Belə
ki, tədqiqatçılar arasında SSRİ-də, Çində totalitar rejimin möv-
cud olduğu dövrlə bağlı da mübahisələr aparılır. Təqdiqatçıların
bir qismi o fikirdədir ki, SSRİ-də totalitar rejim yalnız Stalinin,
Çində isə yalnız Mao-Szedunun hakimiyyəti dövründə mövcud
olmuşdur. Başqa bir qismi isə hesab edir ki, SSRİ-də totalitarizm
bütün dövrlərdə mövcud olmuşdur. Xanne Arendt isə, hətta
Faşist Almaniyasında totalitarizmin yalnız müharibənin son
dövrlərində formalaşdığını yazır. X.Arendt totalitarizmin necə bir
rejim olduğunu şərh edərkən həddindən artıq dar yanaşmadan
çıxış edir. «Totalitarizmin mənşəyi» adlı əsərində totalitarizmi
xaraterizə edərkən o, yalnız həbs düşərgələrinin yaradılması,
rejimin qəbul etmədiyi şəxslərin məhkəmə proseslərində «ifşa
olunması», «təmizləmə» əməliyyatlarının aparılması, cəmiyyətə
qarşı qəddarcasına zorakılıqların həyata keçirilməsi ilə bağlı
hadisələri diqqət mərkəzində saxlayır. X.Arendtin fikrincə. Sovet
İttifaqının post-stalin dövründə, Çində isə, hətta Mao-Szedunun
hakimiyyəti dövründə totalitar rejim mövcud olmamışdır. Həmin
fikirdə olan tədqiqatçılar post-stalin dövründə SSRİ-də mövcud
olan rejimi posttotalitar rejim kimi xarakterizə edirlər. Belə hesab
olunur ki, əgər bu anlayış (yəni «postotalitar rejim» anlayışı)
qəbul edilərsə posttotalitar rejim «avtoritarizmin keçid vəziy-
yətində olan bir növü kimi şərh edilməlidir».“'
Зеркин
Д.П. Основы политологии. Ростов-на-Дону, 1997,
S.169.
306
Dövlət və hüquq nəzəriyyəsi
Totalitar rejim şəraitində dövlət ictimai həyatın bütün sahələri
üzərində tam nəzarəti həyata keçirməklə həmin sahələr üzrə
münasibətləri reqlamentləşdirir və beləliklə, cəmiyyəti özündən
inkişaf və özünütənzimləmə kimi sosial funksiyalardan məhrum edir.
Dövlət özü ilə cəmiyyəti identifikasiya etməklə onu «dövlət- ləşdirir».
Dövlət hakimiyyəti diktatorun və ya kiçik bir qrupun əlində
cəmləşməklə tam şəkildə mərkəzləşdirilir. Diktatorun, yəni
«rəhbərin», «öndərin» şəxsiyyətinə pərəstiş yaranır, o, daim xalqının
mənafeyi üçün çalışan ən müdrik, dahi insan kimi təbliğ edilir. Ona
qarşı hər hansı bir tənqidi münasibət bütövlükdə dövlətə, dövlətçiliyə,
rejimə qarşı yönələn təxribat, xəyanət hesab olunur.
Totalitar rejimdə dövlət idarəetməsi yuxarıdan aşağıya doğru
ötürülən əmrin icra olunması qaydasında, yəni inzibati-amirlik
metodu ilə həyata keçirilir. Yerli hakimiyyət orqanları, sadəcə, əmrin
yuxarıdan aşağıya doğru ötürülməsi vasitəsinə çevrilir. Dövlətlə
hakim partiya eyniləşdirilir və hakim partiya bütün inzibati aparatı öz
inhisarına alır. Yəni dövlət aparatı hakim partiyanın üzvlərindən təşkil
olunmaqla partiyanın irəli sürdüyü tələblərin, göstərişlərin həyata
keçirilməsinə xidmət edir. Ölkədə bu partiyadan başqa heç bir partiya
fəaliyyət göstərmir. Hakim partiyanın qəbul etdiyi ideologiya rəsmi və
yeganə düzgün ideologiya elan edilir. Həmin ideologiya vasitəsilə
partiya dövlət, cəmiyyət, insan münasibətlərinin prinsiplərini
müəyyənləşdirir. Digər ideologiyalar isə yanlış, mürtəce ideologiyalar
hesab olunaraq qadağan edilir. Totalitarizm insanları «ideoloji
reallığı» real qəbul etməyə məcbur edərək obyektiv gerçəkliyin dərk
edilməsinə böyük maneə yaradır. Buna görə də Alen Bezanson yazır
ki, totalitarizm insanları müstəqil düşünə bilmək vasitələrindən
məhrum etməklə onları böyük maşının kiçik diyircəyinə çevirir.
Partiyanın aparıcı qüvvəsi siyasi fəaliyyət üzərində tam inhisara
yiyələndiyindən sıravi vətəndaşların siyasi «yadlaşması» baş verir.
Onların müqəddəratını müdrik rəhbər, partiya həll edir. İnsanların
həyatının bu şəkildə idarə olunması onlarda təşəb
307
ilqar Məmmədov
büskarlığı boğur və ictimai həyatda sosial ijdivendlik əhval-ruhi- yəsi
yaranır. Dövlətin nəhəng gücü və böyüklüyü qarşısında zərrəciyə
çevrilən insan aciz duruma düşür. Partiyanın göstərişlərinə əməl
etmək, qəbul etdiyi qərarlara heç bir şübhə olmadan inanmaq və
onların həyata keçirilməsinə xidmət etmək vətəndaşların əsas
vəzifəsinə çevrilir.
Rejimlə razılaşmayan və ya onun düşməni elan edilən şəxslərə,
qüvvələrə qarşı ən amansız tədbirlərin həyata keçirilməsi totalitar
rejimin xarakterik xüsusiyyətlərindən biridir. Hüquq mühafizə
orqanları əslində rejimin mühafizə olunmasına xidmət etdiyindən
həmin orqanlar bu məqsəd üçün hər cür repressiv tədbirlərdən
istifadə edir. Qanunvericilikdə formal olaraq insanların hüquq və
azadlıqlarından bəhs edilsə də, onlar həyata keçirilmir və sadəcə
deklarativ xarakter daşıyır. Totalitar rejimlər insanlara, hətta ayrı-ayrı
xalqlara qarşı amansız dövlət terroru həyata keçirdiynə görə,
A.Bezanson totalitarizmi «tamamilə yeni bir yırtıcı» adlandırmışdır.''
Totalitar rejimin bir xüsusiyyəti də onun aqressivliyə meylli
olması və ardıcıl militarizasiya siyasəti həyata keçirməsi ilə bağlıdır.
Militarizasiya siyasəti daha çox həmin aqressivlikdən irəli gəlir və
xarici «düşmənlərin» məhv edilməsinə yönəlir. Dövlət cəmiyyətin
iqtisadi maraqlarına zidd olsa belə, bu məqsədlə orduya külli
miqdarda vəsait ayırır, bu da insanların sosial rifahına mənfi təsir
göstərir.
Qeyri-demokratik rejimin ikinci əsas növü avtoritar rejimdir
(avtoritarizmdir). «Avtoritarizm» termini latınca hakimiyyət, nüfuz
mənasını verən auctoritas sözündəndir. Avtoritar rejimdən
danışarkən tez-tez bu termindən istifadə edilir. Avtoritar rejimin
özünün çoxlu tipləri var. Bu rejimin həm keçmiş tarixi dövrlərdə
müxtəlif növləri olmuş, həm də müasir dövrdə çeşidli formaları
mövcuddur. Avtoritar rejim formalarının təsnifatı çoxdur. Həmin
təsnifatları nəzərdən keçirdikdə avtoritar rejimin tiraniya rejimi,
despotiya rejimi, diktatura rejimi, hərbi tiraniya rejimi, hərbi-
Бенетон Филипп.
Введение в политическую науку. S. 185.
308
Dostları ilə paylaş: |