A Z Ə R B A Y C A N V Ə K İ L İ ‐ III nömrə
22
Məcəlləsinin 114‐cü maddəsində təsbit edilmişdir. Bunlar cinayət prosesində iştirak edən və ya
əvvəllər iştirak etmiş hakimlə, andlı iclasçı ilə, prokurorla, müstəntiqlə, təhqiqatçı ilə və ya məhkəmə
iclasının katibi ilə qohumluq əlaqələrinin, habelə bu şəxslərdən şəxsi və ya xidməti asılılığın olması;
cinayət təqibi üzrə icraatda hakim, andlı iclasçı, prokuror, müstəntiq, hal şahidi, məhkəmə iclasının
katibi, tərcüməçi, mütəxəssis, ekspert və ya şahid qismində iştirak etməsi; hakim, prokuror,
müstəntiq və ya təhqiqatçı vəzifələrini tutması (təqsirləndirilən, şübhəli şəxsin və ya cinayət
prosesinin fəaliyyət qabiliyyəti olmayan iştirakçısının qanuni nümayəndəsi olması, yaxud mülki
iddiaçı və ya mülki cavabdeh kimi tanınmış işlədiyi orqanın nümayəndəsi qismində iştirak etməsi
hallarından başqa); qanuna və ya məhkəmənin hökmünə əsasən müdafiəçi və ya nümayəndə olmaq
hüququnun olmamasıdır. Həmçinin vəkilin cinayət işində iştirakını istisna edən hallardan biri də
qanuni mənafelərini müdafiə etdiyi şəxsin qanuni mənafeyi ilə ziddiyyət təşkil edən digər şəxsə
hüquqi yardım göstərməsidir ki, bu barədə də yuxarıda ətraflı danışılmışdır.
Qeyd edilən hallardan biri aşkar olunduqda müdafiəçinin özü‐özünə etiraz edib‐etməməsindən asılı
olmayaraq, o, ibtidai araşdırmaya prosessual rəhbərliyi həyata keçirən prokurorun və ya
məhkəmənin qərarı ilə cinayət prosesindən kənarlaşdırılır.
Vəkilin digər vəkillə əvəz edilməsi təqsirləndirilən şəxsin razılığı və ya tələbi ilə həyata keçirilir.
Belə əvəzetməni təqsirləndirilən şəxs izah etməyə borclu deyil. Əsas odur ki, vəkilin xidmətindən
məcburi imtinaya yol verilməsin (29). Vəkildən imtina təqsirləndirilən şəxsə işin növbəti
mərhələsində vəkilin xidmətindən istifadə üçün əsas deyil.
İstinadlar:
23
A Z Ə R B A Y C A N V Ə K İ L İ ‐ III nömrə
Fariz Namazlı
Vəkillər Kollegiyasının üzvü
CİNAYƏT PROSESİNDƏ
SÜBUTETMƏNİN SUBYEKTLƏRİ
1948‐ci il İnsan Hüquqları üzrə Ümumi Bəyannamənin 10 və
11‐ci maddələri təqsirləndirilən şəxsin işinin ədalətli məhkəmə
araşdırılması hüququnu tərəflərin bərabərliyi əsasında, ona
müdafiə üçün bütün vasitələrdən istifadə edilməsi imkanının yaradılmasını nəzərdə tutur. Bu
hüquq, həmçinin Azərbaycan Respublikasının Konstitusiyasında mühakimə icraatında tərəflərin
hüquq bərabərliyi prinsipi kimi nəzərdə tutulmuşdur.
İnsan Hüquqları üzrə Avropa Konvensiyasının 6‐ci maddəsi cinayət prosesində tərəflərin
bərabərliyi prinsipini nəzərdə tutur. 6‐cı maddə ilə qorunan ədalətli məhkəmə araşdırılması
hüququ qanunun aliliyi prinsipinin əsas anlayışlarındandır. Avropa Məhkəməsinin “Moreyka və
Azevedo Portuqaliyaya qarşı” işində qeyd etdi ki, ədalətli məhkəmə araşdırması hüququ
demokratik cəmiyyətdə o dərəcədə mühüm yer tutur ki, Konsensiyanın 6‐cı maddəsinin 1‐ci
bəndinin məhdud şəkildə şərh edilməsinə heç cür haqq qazandırıla bilməz.
«Məhkəmə araşdırması» anlayışı prosesin çəkişmə xarakterli olmasını tələb edir; belə ki, cinayət
işləri üzrə məhkəmə araşdırmalarında həm ittiham, həm də müdafiə tərəfi üçün qarşı tərəfin
təqdim etdiyi qeydlərdən və sübutlardan xəbərdar olmaq və onlar barəsində izahat vermək
məsələsində bərabər imkanlar yaradılmalıdır (1).
Tərəflərin bərabərliyi prinsipi tələb edir ki, hər bir tərəf öz arqumentlərini, o cümlədən sübutlarını
təqdim etmək üçün ağlabatan imkana malik olmalı və əks tərəfin qarşısında əlverişsiz vəziyyətə
salınmamalıdır (2).
Cinayət‐prosessual ədəbiyyatlarda tez‐tez tərəflərin hüquq bərabərliyi prinsipindən ittiham tərəfi
kimi prokurorun səlahiyyətlərinin azaldılması, təqsirləndirilən şəxs və müdafiəçinin hüquqlarının
artırılması tələbləri irəli sürülür (3). Lakin bu fikirlər hələ də öz tam təsdiqini tapmayıb. Çünki
subyektlərdən birinə digərinə nisbətən çox hüquqların verilməsi tərəflərin hüquq bərabərliyi
prinsipinin pozulmasına səbəb olar. Azərbaycan Respublikasının CPM‐nin 32 maddəsi tərəflərin
çəkişməsi və onların bərabərliyi prinsipini nəzərdə tutsa da, bu prinsip daha çox məhkəmə
prosesində qorunur. Belə ki, həmin maddəyə əsasən, CPM‐də nəzərdə tutulmuş qaydada cinayət
prosesində tərəflərin çəkişməsini təmin etmək məqsədi ilə:
‐ hər bir tərəf məhkəmədə təmsil olunur;
‐ hər bir tərəf məhkəmədə öz mevqeyini müdafiə etmək üçün bərabər hüquqlara və imkanlara
malikdir.... (CPMnin 32.2 mad).
Maddənin məzmunundan göründüyü kimi, çəkişmə prinsipi yalnız məhkəmə prosesinə aiddir.
İbtidai istintaq mərhələsində isə tərəflərin bərabərliyi və çəkişmə prinsipinin olub‐olmaması bir
qədər mübahisəlidir. Müdafiə tərəfinin ibtidai istintaq mərhələsində cinayət işinin materialları ilə
tanış olmaq imkanı bir qədər məhduddur. CPM‐nin 91.5.19 və 92.9.8‐ci maddələri müdafiə
tərəfinə‐təqsirləndirilən şəxs və müdafiəçiyə yalnız həmin şəxslərin iştirakı ilə keçirilən istintaq
və ya digər prosessual hərəkətlərin protokolları ilə tanış olmaq imkanı verir. Müdafiə tərəfi iş üzrə
bütün mateiallarla yalnız ibtidai istintaq qurtardığı zaman tanış ola bilər (CPM‐nin 91.5.22 və
92.9.11 mad). Bu müddəa tərəflərin bərabərliyi və çəkişmə prinsipini pozur. Cinayət
24
A Z Ə R B A Y C A N V Ə K İ L İ ‐ III nömrə
mühakimə icraatı ittiham və müdafiə tərəfinin çəkişməsi əsasında həyata keçirilsə də, ibtidai
istintaqın aparıldığı dövrdə cinayət işi üzrə bütün materiallarla müdafiə tərəfinin tanış olmaq
hüququnun olmaması onların müdafiə hüququnu keyfiyyətli şəkildə həyata keçirməyə mane olur.
V. İbayev də çəkişmə prinsipinin cinayət prosesinin məhkəmə mərhələsində həyata keçirildiyini
qeyd edir. Onun fikrincə, ibtidai araşdırma mərhələsində həmin prinsip onun bütün mərhələlərində
tətbiq edilmir. İbtidai araşdırmanın ilkin mərhələsində iş üzrə hələ şübhəli və ya təqsirləndirilən
şəxsin olmadığı bir vaxtda çəkişmə prinsipi mövcud ola bilməz. İcraatın həmin mərhələsində ittiham
funksiyasını yerinə yetirən orqan və vəzifəli şəxslər məhkəmə baxışı mərhələsindən fərqli olaraq
müəyyən hakimiyyət səlahiyyətlərinə malik olurlar (4). Təbii ki, bu fikirlərlə razılaşmaq lazımdır.
İbtidai istintaq mərhələsində istintaq aparan orqan müdafiə tərəfinə nisbətən üstün mövqedə durur
və müdafiə tərəfinin hər hansı prosessual hərəkətin aparılması üçün istintaq orqanına vəsatətlə
müraciət etməsi, istintaq müddəti qurtarmamış iş materialları ilə tanış ola bilməməsi çəkişmə
prinsipinin tam həyata keçirilməsinə mane olur.
Müdafiə tərəfi ibtidai istintaqın aparıldığı dövrdə bütün iş materialları ilə tanış olmadıqda iş üçün
əhəmiyyətli ola biləcək vəsatətlər verə bilmir, şahid ifadələri ilə tanış olmaq imkanından məhrum
olur və bütünlüklə müdafiə taktikasını qura bilmir. Buna görə də müdafiə tərəfinin ibtidai istintaq
dövründə iş materialları ilə tanış olmaq imkanının məhdudlaşdırılmasına dair qanunvericiliyin
normaları müdafiə hüquqlarını pozur və müdafiə tərəfinə öz taktiki gedişatını qurmaq üçün lazımi
tədbirlər görməsinə mane olur. Buna görə də müdafiə tərəfinin hüquqlarını məhdudlaşdıran CPM‐in
32‐ci maddəsinə dəyişikliklər edilərək həm də ibtidai istintaq müddətində müdafiə tərəfi ilə ititham
tərəfinə eyni hüquqlar verilməli, müdafiə tərəfinə bütün iş materialları ilə tanış olma imkanı
yaradılmalıdır.
Bu qayda analoji olaraq ittiham tərəfindən çıxış edən zərərçəkmişə şəxsə də aiddir. CPM‐nin
87.6.9‐cu maddəsinə görə, zərərçəkmiş şəxs iştirak etdiyi istintaq və ya digər prosessual
hərəkətlərin protokolları ilə tanış olmaq və protokoldakı yazıların düzgünlüyü və tamlığı barədə
qeydlər vermək hüququna malikdir. Göründüyü kimi, burada da zərər çəkmiş şəxsə bütün istintaq
materialları ilə tanış olmaq imkanı yaradılmamışdır, bu imkan ona yalnız ibtidai istintaq başa çatdığı
zaman verilir. Bu da zərərçəkən şəxsə ümumilikdə öz hüquqlarını həyata keçirməyə mane olur.
İbtidai isitntaq müddətində ittiham və müdafiə tərəfinin bərabər hüquqlara malik olmaması,
müdafiə tərəfinin, eləcə də zərərçəkən şəxsin istintaq materiallarına çıxışının olmaması onların öz
hüquqlarını keyfiyyətlə həyata keçirməsinə mane olur, zəruri sübut və vəsatətlərini vaxtında təqdim
edə bilmirlər.
Bəzi müəlliflər çəkişmə prinsipinin qanunvericilkdə əks edilməsinə qarşı çıxırlar. Onlar öz fikirlərini
əsaslandırmaq üçün aşağıdakı dəlilləri gətirirlər:
1) çəkişmə prosesi haqqın, güclünün, yoxsulun deyil, varlının qalib gəldiyi kəskin döyüşü xatırladır;
2) tərəflərin və məhkəmənin ümumi bir məqsədi var‐həqiqətə nail olmaq, ona görə də çəkişmə
üçün əsas yoxdur;
3) çəkişmə məhkəmənin sübutları tədqiq etmək və həqiqəti müəyyən etmək kimi fəal rolu ilə bir
araya sığmır;
4) prokuror və müdafiəçi bərabər deyil, prokuror ittihamçı deyil, qanunçuluq üzərində nəzarət
orqanıdır;
5) çəkişmə ibtidai istintaq mərhələsinə, kassasiya və nəzarət icraatına aid deyildir (5).
Lakin bu fikirlərlə razılaşmaq olmaz. Cinayət işi üzrə həqiqətə nail olunması sübutetmənin əsas
vəzifəsidir və bu vəzifə istintaq və məhkəmə orqanlarının qarşısında duran ən mühüm vəzifələrdən
biridir. Müdafiə tərəfi isə heç də bütün hallarda həqiqətin müəyyən olunmasına çalışmır, onun əsas
vəzifəsi təqsirləndirilən şəxsin təmizə çıxarılmasıdır. İstisna halarda müdafiə tərəfi həqiqətin
müəyyən edilməsinə çalışa bilər və bu da təqsirləndirilən şəxsin mənafeyinə uyğun olmalıdır.
İttiham tərəfi isə həqiqətin müəyyən edilməsi üçün cinayətin kim tərəfindən törədilməsi, təqsirli
şəxslərin məsuliyyətə cəlb olunmasına çalışır. Məhkəmə isə tərəflərin təqdim