mə olub, görünür, “qıraq” (kənar) sözünün leksik xüsusiyyətini
aydınlaşdırır (23, 22–23).
Çapar Kazımov “Qıraxdın” toponiminin izahında qırax (qıraq)
sözünün tayfa adı, -dın tərkibini isə qədim dövrlərdə dilimizdə
ismin çıxışlıq hal şəkilçisi kimi işləndiyini yazır (27, 15).
Goranboy və Xanlar rayonlarında da qeydə alınmış Qırıqlı
oykoniminin mənbələrdə bu tayfanın adı ilə bağlı olduğu qeyd ol-
unur.
QOBUQIRAQ. Rayonun Hülövlü İƏV-də kənd. Yaşayış
məntəqəsi XIX əsrdə Quba rayonunun dağlıq ərazilərindəki
kəndlərdən köçüb gəlmiş ailələrin qobu adlı coğrafi ərazidə
məskunlaşması nəticəsində yaranmışdır. Oykonim Qobu (suyun
yardığı çökək, çay dərəsi) və qıraq tərkibindən ibarət olub,
“Qobunun qırağı, kənarı” mənasındadır.
Qobu sözü ilə əlaqədar Azərbaycanda bir sıra yer adları
mövcuddur. Bunlardan; Abşerondakı Qobu qəsəbəsi, Ağdaş
rayonundakı Qobuüstü kəndi, Girdimançayın bir qolu və s.
QOÇAQLI. Kənd Pirquluoba İƏV-də yerləşir. XIX əsrin
ortalarında Quba rayonunun dağlıq ərazilərindən köçüb gəlmiş
ailələrin məskunlaşması nəticəsində yaranmışdır. Oykonim Qoçaq
(şəxs, yaxud əlamət bildirən ad) və qazma (yaz fəslində təsərrüfat
işləri görmək üçün müvəqqəti yaşayış tikilisi, yaxud mal-qara
saxlamaq üçün sığınacaq) sözlərindən ibarət olub, “Qoçağın
qazması, Qoçağa məxsus qazma” mənasındadır.
QUSARÇAY. Rayonun eyniadlı İƏV-də yerləşən bu kənd
rayon mərkəzindən 15 km aralıdadır. Yaşayış məntəqəsi 1898-ci
ildə ingilislər tərəfindən tikilmiş dəmir yolu stansiyası əsasında
salınmışdır. Həmin stansiya yaxınlığında axan eyniadlı çayın adı
ilə əlaqədar olaraq belə adlandırılmışdır. Qusarçay yaşayış məntə -
qəsi əhalisinin əksəriyyətini Quba rayonunun dağlıq ərazilərindən
gəl miş ailələr təşkil edir. Kənddə 11 etnik qrupun tərkibinə daxil
76
olan ailələr yaşayır. Oykonim eyniadlı stansiyanın adı ilə
əlaqədardır.
LAMAN. Rayonun Qaraçı İƏV-də kənd. Etnotoponimdir.
Oykonim şahsevənlərin laman tirəsinin adı ilə bağlıdır.
Mənbələrin məlumatına görə Laman yaşayış məskəni kimi
XVIII əsrin axırlarından mövcuddur.
Ərdəbilli Təlabi Məhəmmədxan özünəməxsus şahsevən ailələri
ilə birlikdə Qubalı Fətəli xanın (hakimiyyət illəri 1762–1789)
icazəsi ilə Quba xanlığına gələrək Şabran və Müşkür mahallarında
bir çox əraziləri özünə bina etmişdir.
Lerik rayonunun Şingədulan İƏV-də eyniadlı yaşayış
məntəqəsi vardır.
LƏCƏT. Kəndin keçmiş adı Ləcətoba olmuşdur. Oykonim Qusar
rayonundakı Ləcət kəndinə məxsus qışlaq yerində salındığı üçün
belə adlandırılmışdır. Sonralar daimi yaşayış məntəqəsinə çevrilən
kəndin adındakı ikinci komponent olan “oba” sözü düş müş dür.
Ləcət sözünün Azərbaycan dilinin dialektlərindəki ləc (ba taqlıq) və
ət (burada, yer, yurd, məkan mənalarında) kom po nent lərindən
düzəlib, “bataqlıq yer” mənasında olduğu ehtimal edilir.
Ləcət ərazisi qədim yaşayış məskənlərindən biridir. Keçən əsrin
70-ci illərində Ləcət dəmir yolu stansiyası yaxınlığından tapılmış
içərisində “Həyat ağacı” təsviri verilmiş küp bunu deməyə əsas
verir. Yaşayış məntəqəsi rayonun eyniadlı İƏV-dədir.
MAQSUDKƏND
. Rayonun Susayqışlaq İƏV-də kənd.
Oykonim Maqsud (şəxs adı) və kənd coğrafi terminindən ibarətdir.
Yerli məlumata görə kəndi Maqsud adlı şəxs saldığı üçün belə
adlandırılmışdır. “Maqsuda məxsus kənd” mənasındadır.
MANAFOBA. Kənd rayonun Çinartala İƏD-də yerləşir. Ərazi
sakinləri tərəfindən paralel olaraq Mollaoba kimi də tanınır.
77
Oykonim Manaf (şəxs adı) və oba komponentlərindən ibarət olub,
“Manafa məxsus oba, Manafın obası” mənasındadır. Yaşayış
məntəqəsi Quba rayonu Qrız kəndinin sakini Manaf adlı şəxsin
keçmiş oba yerində salındığı üçün belə adlandırılmışdır. Manaf
(şəxs adı) dini təhsilli (molla) şəxs olduğundan əvvəllər yaşayış
məntəqəsinin adı Molla Manaf oba adlanırdı. Yaşayış məntəqəsi
kimi XIX əsrin axırlarından məlumdur. Əvvəllər mövcud olmuş
Hacırüstəmoba oykonimi Manafobanın tərkibində itib-batmışdır.
MAŞIOBA. Rayonun Qımılqışlaq İƏV-də kənd. Oykonimin
Maşı antroponimindən (şəxs adı) və oba coğrafi terminindən ibarət
olması ehtimal olunur. Bir mülahizəyə görə, yaşayış məntəqəsinin
adı təhrif olunmuşdur. Bu oykonim meşəoba, yəni “meşədə oba,
meşədəki oba” mənasındadır.
MEHRƏLİQIŞLAQ. Rayonun Hülövlü İƏV-də kənd. Yaşayış
məntəqəsi XIX əsrin axırlarında Quba rayonunun Əlig kənd sakini
Mehrəli adlı şəxsə məxsus keçmiş qışlaq yerində salındığı üçün
belə adlandırılmışdır. Oykonim “Mehrəliyə məxsus qışlaq”
mənasındadır.
MEŞƏLİ. Rayonun Nabran İƏV-də qəsəbə. Yaşayış məntəqəsi
Yalama 6 №-li balıq vətəgəsi yanında salınmış, 1965-ci ildən
rəsmi olaraq Meşəli adlandırılmışdır. Qəsəbəyə bu ad meşəlik
ərazidə, meşənin içində yerləşdiyinə görə verilmişdir.
MƏCİDOBA. Yaşayış məntəqəsi Quba rayonu Qrız kəndinin
sakini Məcid adlı şəxsə məxsus keçmiş oba yerində salınmışdır.
Oykonim “Məcidin obası, Məcidə məxsus oba” mənasındadır.
Kənd rayonun Uzunoba İƏV-də yerləşir.
MƏNÇƏROBA. Rayonun Nərəcan İƏV-də kənd. Oykonim
Mənçər (şəxs adı) və oba komponentlərindən ibarət olub,
78
Dostları ilə paylaş: |