“Mənçərə məxsus oba, Mənçərin obası” mənasındadır. Yaşayış
məntəqəsi XIX əsrin axırlarında Quba rayonu Qrız kənd sakini
Mənçər adlı şəxsə məxsus olan oba yerində salınmışdır.
MİRZƏMƏMMƏDKƏND. Yaşayış məntəqəsini Mir zəməm -
mədkənd camaatı (Quba rayonu) keçmiş qışlaq yerində saldığı
üçün belə adlandırılmışdır. Əvvəllər Mirzəməmmədkəndqışlaq
adlanmış, sonradan oykonimin tərkibindəki kənd komponenti
düşdükdən sonra müasir şəklini almışdır. Oykonim “Mirzəməm -
məd kəndə məxsus qışlaq, Mirzəməmməd kəndindən olanların
qışlağı” mənasındadır. Kənd rayonun Qımılqışlaq İƏV-də yerləşir.
MOLLABÜRHANLI
. Kənd rayonun Qımılqışlaq İƏV-də,
Qudyalçayın sol sahilində yerləşir. Oykonim molla (dini rütbə) və
Bürhan (antroponim – şəxs adı) sözlərindən ibarət olub, “Molla
Bürhana məxsus kənd” mənasındadır.
MURUQOBA. Yaşayış məntəqəsi XIX əsrin ortalarında
Dağıstanın Çaroda rayonundakı Muruq kəndindən köçüb gəlmiş
ailələrin məskunlaşması nəticəsində yaranmışdır. Oykonim
“muruqluların obası, muruqlulara məxsus oba” mənasındadır.
Kənd Ləcət İƏV-nə daxildir.
MÜQTƏDİR. Rayonun eyniadlı İƏV-də qəsəbə. Antropon-
imdir. Əvvəllər adı Xudatbaza (Xudatın anbarları yerləşən yer)
olmuşdur. Qəsəbəyə sonralar inqilabçı Müqtədir Aydınbəyovun
(1884–1918) adı verilmiş və memorial toponimə çevrilmişdir.
MÜRSƏLLİQIŞLAQ. Yaşayış məntəqəsi XIX əsrin orta ların -
da Canaxır kəndindən çıxmış Mürsəlli nəslinə mənsub ailələrin
məskunlaşması nəticəsində yaranmışdır. Oykonim “mürsəllilərə
məxsus qışlaq” mənasındadır. Kənd Hülövlü İƏV-də yerləşir.
79
MÜRŞÜDOBA. Rayonun Nərəcan İƏV-də kənd. Əvvəllər
paralel olaraq dildə Ləcət də adlandırılırdı. Oykonim Mürşüd (şəxs
adı) və oba komponentlərindən ibarət olub, “Mürşüdə məxsus
oba” mənasındadır. Kənd Alpançayın sol sahilində, Xaçmaz-
Xudat yolunun kənarında yerləşir.
MÜŞFİQ. Rayonun Müşkür İƏV-də kənd. Memorial topon-
imdir. 1992-ci ilə qədər kənd Zaliyevka adlanırdı. Yaşayış
məntəqəsini XIX əsrin sonlarında Rusiyadan köçürülmüş ailələr
salmışlar.
MÜŞKÜR. Rayonun eyniadlı İƏV-də kənd. XIX əsrdə
ruslaşmaya məruz qalan bir sıra yaşayış məntəqələri kimi bu
kəndin də adı əvvəllər Yekaterinovka, daha sonra isə Pavlovka
adlandırılmışdı. Bu onunla bağlı idi ki, çar Rusiyasının ucqarlara,
o cümlədən Azərbaycana köçürmə siyasəti nəticəsində mərkəzi
quberniyalardan köçüb gəlmiş ailələrin məskunlaşması bu yaşayış
məntəqəsini əmələ gətirmişdir.
Müşkür “qışlaq” mənasındadır. Vəlvələçayla Samur çayı
arasındakı ovalıq Müşkür adlanırdı. Qədimdə Müşkür düzündə
yaşayan əhaliyə müşkür əhalisi deyilirdi.
Göyçay rayonunun Yeniarx İƏV-də Müşkürlü oykonimi qeydə
alınmışdır. Oykonim qədimdə Müşkür düzündə yaşamış ellərin
ümumi adı olmuşdur.
MÜZƏFFƏROBA. Rayonun Müşkür İƏV-də kənd. Yaşayış
məntəqəsi Quba rayonundakı Cek kəndinin sakini Müzəffər adlı
şəxsin keçmiş oba yerində salınması nəticəsində yaranmışdır.
Oykonim “Müzəffərə məxsus oba, Müzəffərin obası”
mənasındadır.
NABRAN. Rayonun eyniadlı İƏV-də kənd. Xəzər dənizinin
sahilindədir. Keçmiş adı Nabranqışlaq olmuşdur. Mənbələrdə
80
Köhnə Xudat kəndinə məxsus qışlaq kimi qeyd olunur. XIX əsrin
əvvəllərində həmin kənddən çıxan ailələr burada kiçik oba
yaratmış və sonralar böyüyüb yaşayış evləri artdıqca kəndə
çevrilmişdir. Mənbələrdə qeyd olunur ki, 1821-ci ildə üç, 1859-
cu ildə isə yeddi ailədən ibarət olan bu obada XIX əsrin axırlarında
Dağıstanın müxtəlif kəndlərindən köçmüş ailələr məskunlaşmağa
başlamışlar.
Bəzi tədqiqatçılar oykonimi “çaysahili meşəlik” kimi izah
edirlər. Əslində isə, oykonim qızılbaş tayfa ittifaqına daxil olan
zülqədərlərin nabur tirəsinin adı ilə bağlıdır. Etnotoponimdir. Bunu
keçmişdə Quba qəzasında mövcud olmuş Naburlu kənd adı da
təsdiq edir.
Qobustan rayonu ərazisində Nabur oykonimi, Nabur hidronimi
(bulaq) və Nabur oronimi (palçıq vulkanı) mövcuddur ki, bunlar
da Qayı türklərinin məşhur qəbilələrindən olan zülqədər tayfasının
nabur tirəsini özündə yaşadır.
Nabran sözünün ilkin forması naburan olmuşdur. Sonralar
sözün tərkibindəki -u saiti düşmüş və oykonim müasir yazılış
formasını almışdır. Oykonimin tərkibindəki -an topoformantı
Azərbaycan toponimiyası üçün xarakterikdir: Alpan, Avaran,
Gilan, Qafan, Şirvan, Salyan və s. Deməli, bu topofotmant həm
də qədimdir. Tədqiqatçılar -an topoformantını cəmlik bildirən
şəkilçi hesab edirlər (50, 81–82). Deməli, Nabran oykonimi
“naburların məskəni” mənasını ifadə edir.
NAĞIOBA. Rayonun Dədəli İƏV-də kənd. Oykonim XIX
əsrin ortalarında Qrız kənd sakini Nağı adlı şəxsə məxsus keçmiş
oba yerində salındığı üçün belə adlandırılmışdır. “Nağıya məxsus
oba, Nağının obası” mənasındadır.
NƏRƏCAN. Rayonun eyniadlı İƏV-də kənd. Mənbələrdə
oykonimin türk dillərindəki nəri (o tərəfdə, o sahildə) və can (iki
çayarası ərazi) sözlərindən ibarət olub, “çayın o biri sahilində, iki
81
çay arasındakı ərazi” mənasında olması bildirilir. Tədqiqatçılar
“Nərəcan” oykonimini nərican sözü ilə bağlayaraq, Quba rayonu
ərazisindəki Nərican oronimi (dağ adı) ilə eyni mənşəyə malik
olmasını qeyd edirlər (8, II c., 133).
NİYAZABAD
. Rayonun eyniadlı İƏV-də yerləşir. XIV–XIX
əsr lərə aid tarixi mənbələrdə tez-tez adı çəkilən orta əsr Azər bay -
can şəhəri olub. XVIII–XIX əsrlərdə Quba xanlığının əsas limanı
olan Niyazabad Xəzər dənizi sahilindədir. Əvvəllər Azərbaycanın
iqtisadi, ticarət əlaqələrinin genişlənməsində bu şəhər böyük rol
oynayırdı. Həştərxandan gəmilərlə gətirilən mallar Niyazabadda
boşaldılır, sonra isə karvan vasitəsilə Şabran, Quba, Şamaxı və
digər ərazilərə aparılırdı. Sonralar Xəzərin səviyyəsinin aşağı
düşməsi və feodal çəkişmələri Niyazabadın tənəzzülə uğramasına
gətirib çıxardı.
XIX əsrin 30-40-cı illərində Rusiyadan buraya köçürülmüş rus
ailələrinin məskunlaşması nəticəsində yaşayış məntəqəsinin adı
təhrif olunaraq Nizovaya şəklinə düşmüşdü. Rus və Avropa
səyyahlarının əsərlərində Niyazabad toponiminin Nizobat, Nizovye
kimi variantlarına rast gəlinir. Əvvəllər Nizovaya şəklində işlədilən
bu oykonimi slavyan dillərinə məxsus “aşağı” mənasını verən
“nizovaya” leksemi ilə əlaqələndirirdilər. Əslində isə “Nizovaya”
sözü “Niyazabad”ın rus dilində tələffüz variantıdır.
1992-ci ildə Nizovaya adı Niyazoba variantı ilə əvəz olun -
muşdur. Oykonim Niyaz (şəxs adı) və oba komponentlərindən
ibarət olub, “Niyaza məxsus oba” mənasını ifadə edir.
ORTAOBA. Rayonun Yalama İƏV-də kənd. Yaşayış məntəqəsi
XIX əsrin ortalarında Quba rayonunun dağlıq ərazilərindən
köçmüş ailələrin qışlaq yerində məskunlaşması nəticəsində
yaranmışdır. Oykonim qonşu obalara nisbətən mərkəzdə, ortada
yerləşdiyinə görə belə adlandırılmışdır.
82
Dostları ilə paylaş: |