80
temperaturadan artıq olarsa, bu halda daha çox C vitamini parçalanacaqdır və ya
hazır xörəyi yuxarı temperaturada (70-75°C) saxladıqda, yenə C vitamini çoxlu
miqdarda parçalanır. Tərəvəzli sulu xörəklərin lazım olmayan miqdarda hazırlanıb
saxlanması da askorbin turşusunun miqdarına pis təsir edir və belə xörəyin 6 saat
saxlandıqdan sonra tərkibində C vitaminindən azacıq iz qalır.
Bişmiş tərəvəzlərin həm soyuducuda 3°C-də, həm də otaq temperaturunda
saxlanılması zamanı onlarda olan C vitamini parçalanır. Belə tərəvəzləri 24 saat
ərzində saxladıqda orada olan vitaminlərin 40:50%-ə qədəri parçalanır.
3) Hazır xörəklərin C vitamini aktivliyi və onun yüksəldilməsi yolları
Yayın axırında və payızda iaşə müəssisələrində hazırlanan pəhriz xörəkləri C
vitamini aktivliyi tələbini ödəyir. Aparılan təcrübələrdən sonra belə qərara gəlmiş-
lər. Məsələn, avqust ayında aparılan tədqiqatlara əsasən, demək olar ki, çox geniş
çeşiddən ibarət olmayan günorta yeməyi, sutkalıq C vitamini miqdarının 40%-ni
ödəyə bilir. Lakin yazda isə bu tamamilə dəyişir. Məsələn, mart ayında eyni
çeşiddən olan günorta yeməyində cəmi 5 mq askorbin turşusu olur, deməli 5-6-7
dəfə az olur. Qışda və yazın ilk ayında iaşə müəssisələrində hazırlanan tərəvəz
xörəklərində C vitamini aktivliyinin dəyişilməsi bəzi tərəvəzlərin rasiona ayrı-ayrı
fəsillərdə daxil olması ilə izah olunur.
C vitamininin hazır xörəklərdə aşağı düşməsinə texnoloji amillər də təsir gös-
tərir. Bütün bunlara əsasən, demək olar ki, fevral ayından başlayaraq, iaşə müəssi-
sələrində hazırlanan tərəvəz xörəklərinə C vitamininin mənbəyi kimi baxmaq olar.
Hal-hazırda qəti olaraq təyin olunmuşdur ki, orqanizmin həyat fəaliyyətini
artırmaq, xarici mühitin təsirinə qarşı müqavimətini yüksəltmək üçün və habelə
sinqa xəstəliyindən qorumaq üçün ona nəinki minimum norma, hətta 2-3 dəfə
bundan artıq C vitamini vermək lazımdır. Buna görə də iaşə müəssisələri qarşı-
sında hazır xörəklərin C vitamini aktivliyini artırmaq məsələsi durur.
Fəsildən asılı olmayaraq, həmişə çalışmaq lazımdır ki, 2-3 xörəklərdən ibarət
olan günorta yeməyində 50 mq-dan az askorbin turşusu olmasın.
81
Buna nail olmaq yollarından birisi askorbin turşusunu parçalayan texnoloji tə-
sirlərin aşağı salınmasıdır. Xüsusi olaraq, aşağıdakı qaydalara riayət etmək
lazımdır:
V
İaşə müəssisələrini həmişə təzə tərəvəzlə təmin etmək lazımdır. Tərəvəz
gətirdikdə, 1-2 günlük tələbat nəzərdə tutulmalıdır. Çünki göyərti qaldıqda,
xüsusilə isti yerdə C vitamini parçalanır;
VI
Təmizlənmiş kartofu xörəyə tökülməmişdən əvvəl, mütləq bir az əvvəl
doğramaq (doğranmış kartofu suda saxladıqda C vitamini itkiyə uğrayır) lazımdır;
VII
Duzlanmış kələmi saxladıqda, şoraba onun üzərini örtməli və emala götür-
dükdə belə, kələmi çox sıx (bağlı) saxlamalı, kələmin turşuluğu çox olmamalıdır;
VIII
Xörək hazırlanan qabların və pilətəüstü qabların vaxtlı-vaxtında
qalaylanması həyata keçirilməlidir;
IX
Bişmə vaxtı tərəvəzləri tezliklə qaynama dərəcəsinə çatdırmaq lazımdır;
X
Duru xörək və tərəvəzlər bişirilən vaxt, orada maye çox buxarlanma-
malıdır, hazır olması üçün lazım olan vaxtdan artıq qaynadılmamalıdır;
XI
Tərəvəz həlimlərini duru xörəklərin və sousların hazırlanmasında istifadə
etmək məqsədəuyğundur;
XII
Tərəvəzli xörəyi o qədər miqdarda hazırlamaq lazımdır ki, onu ən qısa
müddət ərzində istifadə etmək mümkün olsun;
XIII
Qışda və yazın əvvəl aylarında xörəklərdə C vitaminini lazımi
miqdarda saxlamaq üçün, onları süni kristal şəkildə olan askorbin turşusu ilə
zənginləşdirmək lazımdır. Bundan başqa, duru xörəkləri, kompotları, kiselləri
vitaminləşdirmək lazımdır (müəssisələrdə xörəyi paylama yerinə verdikdə qazana
C vitamini tökürlər).
Onu da qeyd etmək lazımdır ki, vitaminləşdirilmiş xörəyi saxladıqda 1 saat-
dan sonra 10%, 1,5 saatdan sonra isə 17% askorbin turşusu parçalanır. Kompota
vitamini birdəfəlik (masalara verilən qablara), kiselə isə hazırlanıb qurtardıqdan
sonra əlavə etmək daha məqsədəuyğundur.
Xörəyin C vitamini aktivliyini artırmaq üçün sənaye tərəfdən itburnudan ha-
zırlanan konsentratlardan da istifadə etmək olar. Lakin bunu elə xörəklərə tökmək
82
lazımdır ki, orada itburnu olması görünməsin. Bundan başqa, itburnunun həlimin-
dən də istifadə etmək olar. Bu həlimi belə hazırlamaq olar: bütöv giləmeyvələrdən
bir xörək qaşığı götürür, üzərinə 1 stəkan su tökür və 10 dəqiqə ərzində
qaynadırlar. Sonradan 22-24 saat ərzində 1 və 1 2 stəkan şəklində belə məhluldan
istifadə edirlər. Onun tərkibində ən azı 50-100 mq-a qədər C vitamini olur. C
vitamininin tələbini ödəmək üçün müəssisələrdə daha çox işlədilən şəkəri və duzu
da vitaminləşdirmək olar. Belə şəkərdən, məsələn, kütləsi 16 qr olan qənddən isti-
fadə etdikdə, orqanizm ondan 35 mq-a qədər askorbin turşusu alır. Bundan başqa,
narın üyüdülmüş (Na və Cl olan) duzları vitaminləşdirdikdə, əgər belə duz rütubət
çəkməzsə, onda olan C vitamini tərkibdə 3 aya qədər qala bilər. Xörək duzunda C
vitamininin daha çox miqdarda saxlanması üçün ona bir qədər kartof nişastası
əlavə etmək lazımdır (94% duz + 5% nişasta + 1% askorbin turşusu şəklində).
4) Şirin xörəklərin və içkilərin kütləvi qidalanma müəssisələrində C
vitamini ilə zənginləşdirilməsi
Ümumittifaq Elmi-Tədqiqat İctimai İaşə İnstitutu (hazırda Ümumrusiya Qida
İnstitutu) və SSRİ Tibb Elmlər Akademiyasının Qida İnstitutunun yeyinti məhsul-
larının vitaminləşdirilməsi laboratoriyası (hazırda Rusiya Tibb Elmləri Akademi-
yasınının Qida İnstitutu nəzdindədir) tərəfındən işlənib hazırlanmış məsləhətlərə
görə iaşə müəssisələrində şirin xörəklər və içkiləri qış-yaz dövründə gün ərzində C
vitamini ilə zənginləşdirmək üçün aşağıdakı şərtləri gözləmək lazımdır:
1. Şirin xörəklərin və içkilərin C vitamini ilə zənginləşdirilməsi işi tibb işçisi
yaxud tibb bacısı, mühəndis-texnoloq yaxud istehsalat müdiri tərəfındən, qabaq-
cadan təlimatlandırılmaqla aparılmalıdır.
Vitaminləşdirmə üçün məsul şəxs hər gün xüsusi jurnala qeydlər etməli,
burada xörəyin adı və ümumi kütləsini, payların və askorbin turşusunun miqdarını
göstərməlidir.
2. Vitaminləşdirilmiş şirin xörək və içkilər hazırlanan kimi də realizə
olunmalıdırlar.
Dostları ilə paylaş: |