Qirx altinci kitab ————— may 2011 İyul 2011
Yüklə 2,6 Mb. Pdf görüntüsü
|
162
zaman beynəlxalq təşkilatlarda Serbiyanı dəstəkləyir və ölkə- lərimizdə səfirliklərin açılması ikitərəfli əməkdaşlığımıza mühüm töhfələr verəcəkdir. Ölkəmizin Serbiyadakı səfiri Eldar Həsənov prezident İlham Əliyevə Azərbaycanın Serbiyadakı diplomatik missiyasının fəaliyyətinə göstərdiyi diqqət və qayğıya görə minnətdarlıq etdi. Səfir bildirdi ki, ulu öndər Heydər Əliyev Azərbaycanın xarici ölkələrdəki səfirliklərinin fəaliyyətinə böyük diqqət yetirirdi. Bu siyasəti prezident İlham Əliyev də davam etdirir. Eldar Həsənov Serbiya–Azərbaycan əlaqələrinin dərinləş- məsi üçün səfirliyin xətti ilə həyata keçirilən layihələr barədə də məlumat verdi. Görkəmli serb yazıçısı Milorad Paviçin xanımı Yasmina Mixayloviç həyat yoldaşının xatirəsinə göstərilən diqqət və ehtirama görə Azərbaycan prezidenti İlham Əliyevə təşəkkü- rünü bildirdi. O qeyd etdi ki, Milorad Paviçin xatirəsi Serbi- yada olduğu kimi, Azərbaycanda da hər zaman dərin hörmətlə anılacaqdır. Prezidenti İlham Əliyev «Azərnəşr» tərəfindən nəfis şəkildə çap edilmiş «Xəzər lüğəti» kitabını Serbiya prezidenti Boris Tadiçə və Milorad Paviçin ailəsinə təqdim etdi. Kitabın tərcüməçisi Əlövsət Ağalarov əsərin məzmunu haqda hər iki prezidentə qısa məlumat verdi. Yasmina Mixayloviç Milorad Paviçin müəllifi olduğu «Xəzər lüğəti» kitabının əlyazmasını prezident İlham Əliyevə təqdim etdi. Sonra mərasimə dəvət olunan xarici ölkələrin səfirliklərinin nümayəndələri prezident İlham Əliyev ilə görüşlərində Azər- baycana beynəlxalq aləmdə böyük marağın olduğunu, ölkəmizin iqtisadi inkişafının dünyada diqqətlə izlənildiyini bildirdilər və Serbiyada Azərbaycan səfirliyinin iqamətgahının açılması münasibətilə dövlətimizin başçısını təbrik etdilər. 163
SERBİYANIN NOVİ SAD ŞƏHƏRİNDƏ ÜZEYİR HACIBƏYLİNİN ABİDƏSİNİN AÇILIŞI MƏRASİMİ Novi Sad 9 iyun 2011-ci il
Azərbaycan prezidenti İlham Əliyev və Serbiya prezi- denti Boris Tadiç iyunun 9-da Novi Sad şəhərində dahi Azərbaycan bəstəkarı Üzeyir Hacıbəylinin büstünün açılışında iştirak etmişlər. Serbiyanın Novi Sad şəhəri Voevodina muxtar diyarının pay- taxtıdır və Belqraddan sonra ölkənin ikinci ən böyük şəhəri sayılır. Novi Sad 1694-cü ildə salınmışdır. XVII–XIX əsrlərdə Serbiya mədəniyyətinin beşiyi olmuş bu şəhəri «Serb Afinası» adlandırırlar. Bu gün Novi Sad Serbiya iqtisadiyyatının sənaye və maliyyə, ölkənin əsas mədəniyyət mərkəzlərindən biridir. Burada Serbiyanın ən qədim mədəniyyət, elm mərkəzləri, muzeylər, teatrlar yerləşir. Təsadüfi deyildir ki, Serbiyanın ilk teatrı 1861- ci ildə bu şəhərdə fəaliyyətə başlamışdır. Serbiyanın mədəni həyatına daha bir töhfəni Azərbaycan vermişdir. Prezident İlham Əliyevin təşəbbüsü və dəstəyi ilə Novi Sadda dahi Azərbaycan bəstəkarı Üzeyir Hacıbəylinin büstü ucaldılmışdır. Mərasimin aparıcısı Üzeyir Hacıbəylinin həyat və fəaliy- yətindən danışdı. Bildirdi ki, dahi Azərbaycan bəstəkarı Üzeyir Hacıbəylinin yaradıcılıq irsi nəinki Azərbaycan xalqının milli sərvətidir, həm də dünya mədəniyyətinin incisidir. Onun musiqisi dünya mədəniyyətinin Qızıl fonduna daxil olmuşdur. Bəstəkarın yaratdığı musiqi, ədəbi və elmi irs ölməz və əbədidir. Mərasimdə çıxış edən Novi Sad şəhərinin meri İqor Pabliçiç dahi bəstəkar Üzeyir Hacıbəylinin büstünün açılması mü- nasibətilə verdiyi dəstəyə görə prezident İlham Əliyevə təşək- 164
kürünü bildirdi. Qeyd etdi ki, çoxmədəniyyətli ölkə olan Serbiya digər mədəniyyətlərə hörmətlə yanaşır və Üzeyir Hacıbəylinin büstünün Novi Sadda ucaldılması bu şəhərin sakinləri üçün böyük şərəfdir. Azərbaycan və Serbiya prezidentləri büstün üzərindəki örtüyü götürdülər. Dövlət başçıları mərasimdə çıxış etdilər. Azərbaycan prezidenti İlham Əliyevin çıxışı
Hörmətli cənab Prezident! Hörmətli cənab mer! Hörmətli xanımlar və cənablar! Novi Sad şəhərinin əziz sakinləri! Bu gün Serbiya–Azərbaycan əlaqələrinin tarixində çox əlamətdar bir gündür. Dahi Azərbaycan bəstəkarı Üzeyir Hacıbəylinin büstü Serbiyanın gözəl guşələrindən biri olan Novi Sad şəhərində ucaldılıb. Mən sizin hamınızı bu müna- sibətlə ürəkdən təbrik edirəm. Üzeyir Hacıbəyli Azərbaycan klassik musiqisinin banisi, Azərbaycan Konservatoriyasının qurucusu və Azərbaycan milli himninin müəllifidir. 1918-ci ildə müsəlman Şərqində ilk demokratik respublika yaranmışdır – Azərbaycan Demokratik Respublikası və onun Dövlət himninin müəllifi məhz Üzeyir Hacıbəyli olmuşdur. Azərbaycan müstəqilliyini itirəndən sonra təbii ki, bizim milli himnimiz də səslənmədi. Ancaq Sovet İttifaqı dağılandan, Azərbaycan öz dövlət müstəqilliyini bərpa etdikdən sonra Üzeyir Hacıbəylinin yaratdığı Azərbaycan Demokratik Respublikasının milli himni müstəqil Azərbaycan Respublikasının milli himni kimi elan edildi və bu gün bütün rəsmi tədbirlərdə Üzeyir bəyin bu gözəl əsəri səslənir. Dünən və bu gün ölkələrimizin tarixində çox əlamətdar hadisələr baş vermişdir. Dünən Belqradın Taşmaydan mey- danında serb xalqının dahi yazıçısı Milorad Paviçin və Azərbaycan xalqının görkəmli şəxsiyyəti Heydər Əliyevin abidələri ucaldılmışdır. Yaxın aylarda Bakı şəhərində serb
Yüklə 2,6 Mb. Dostları ilə paylaş:
|