37
İİF-in Azərbaycanda təşkil olunmasını müdafiə edənlər hesab edirlər ki, bu tədbir
demokratikləşdirməni sürətləndirə və internet istifadəçilərinin daha güclü şəbəkə qurmasına
kömək edə bilər. Fikir azadlığı tərəfdarları isə bu məsələ ilə əlaqədar Tunisi nümunə göstərirlər.
Belə ki, İİF-in əsas dəstəkçilərinin biri Tunis olmuşdur və 2005-ci ildə İnformasiya Cəmiyyəti üzrə
Dünya Sammiti məhz həmin ölkədə keçirilmişdir. Buna baxmayaraq, fəallar, jurnalistlər və həmin
dövrdə müxalifətdə olan siyasətçilərin vəziyyəti konfransdan sonra daha da pisləşmişdir. Tədbirin
Azərbaycanda keçirilməsinə qarşı olanların əsas arqumenti ondan ibarətdir ki, Azərbaycan
sadəcə olaraq demokratik ölkə deyil
[15]
. Sərhədsiz Reportyorlar Təşkilatı prezident İlham Əliyevi
“internetin düşməni” elan etmişdir”
[16]
.
Ölkə üzrə internet infrastrukturuna investisiya qoyuluşuna böyük tələbat vardır. 2010-cu ilin
payızında ABTQ tərəfindən verilən məlumata əsasən kənd və şəhər əhalisi arasındakı rəqəmsal
uçurum genişdir. Paytaxtdan kənarda yerləşən regionların əlaqələndirilmə səviyyəsi aşağıdır.
2010-cu il üzrə rəsmi statistikaya əsasən, Azərbaycanda yaşayan doqquz milyon əhalinin 36
faizinin internetə çıxışı mövcud olmuşdur. Bu rəqəmin cəmi 19 faizini genişzolaqlı internet
təşkil edir. Əksər istifadəçilər dial-up texnologiyasından istifadə edir. Bu isə bir çox hallarda
aşağı sürətli və az etibarlı xidmət deməkdir
[17]
. İnternetə çıxış sahəsində mobil texnologiyadan
da istifadə edilir. Azərbaycanda üçüncü nəsil (3G) texnologiyasından istifadəyə 2010-cu ildən
etibarən başlanılmışdır
[18]
. 2011-ci ilin sonlarınadək 3G texnologiyası ölkədə yalnız bir təchizatçı
tərəfindən təklif olunurdu. Azad Avropa Radiosu /Azadlıq Radiosunun reportajında həmin şirkətin
majoritar səhmdarları prezident Əliyevin ailə üzvləri ilə əlaqələndirmişdir
[19]
. 2011-ci ildə Azercell
şirkətinə 3G xidmətlərinin təmin edilməsi üzrə lisenziya verilmişdir.
Bakı şəhərindən kənarda internetə çıxış məhdud səviyyədədir. Hətta Bakı şəhərində belə,
əhatəli infrastrukturun mövcud olmasına baxmayaraq internetdən istifadə xərcləri bəzən
məhdudiyyətlərə səbəb olur. Paytaxtdan kənardakı regionlarda infrastruktur o qədər də etibarlı
deyil və bir çox insanlar abunə xərclərinin yuxarı olması ucbatından internetdən istifadə edə
bilmir
[20]
.
Seçkilər və internet
İnternetin artan təsiri və eləcə də qlobal səviyyədə internetə çıxışın əhəmiyyətli dərəcədə
yaxşılaşması nəzərə alınaraq, 2010-cu ilin noyabr ayında Azərbaycanda keçirilən Parlament
Seçkilərində internetin ilk dəfə olaraq effektiv kampaniya vasitəsi kimi istifadə olunduğunu
söyləmək mümkündür. Hakim partiya internetdən öz kampaniyasının tərkib hissəsi kimi istifadə
etmişdir. Onun kampaniyasında əsas yeri televiziya, Azərbaycanın əsas xəbər və seçki məlumat
[15] http://www.freedomhouse.org/report/freedom-world/2011/azerbaijan
[16] http://en.rsf.org/spip.php?page=predateur&id_article=37258
[17] http://www.internetworldstats.com/asia/az.htm
[18] http://www.itu.int/ITU-D/ict/newslog/Azercell+Launches+3G+Services+Azerbaijan.aspx
[19] http://www.azadliq.az/index.php?option=com_content&view=article&id=7305:azerbaijani-
presidents-daughters-tied-to-fast-rising-telecoms-firm&catid=347:meqaleen&Itemid=545
[20] http://www.easternpartnership.org/community/debate/republic-facebook-vs-republic-azerbaijan
38
mənbələri, yerli və eləcə də ölkə miqyaslı qəzetlər tuturdu. Bir çox müxalif siyasətçilər üçün
isə, internet yeganə kampaniya vasitəsi olmuşdur. Belə ki, internetdən kampaniya çərçivəsində
məlumatların, siyasət və strategiyaların çatdırılması üçün istifadə olunmuşdur. Bundan əlavə,
internet fikir azadlığı hüququnun tam olaraq reallaşdırıla bildiyi yeganə məkan olmuşdur.
Azərbaycan cəmiyyətinin hüquqları məhdudlaşdırılan təbəqələri sosial şəbəkə saytları və blo-
qlardan istifadə etməklə cəmiyyət və siyasətin formalaşması kimi mövzularda alternativ fikir
mübadiləsi aparmışlar.
İnternet səhifələrinin bloklanması
Müəyyən dövrlər ərzində bəzi internet səhifələrinin bloklanması barədə məlumatlar mövcuddur.
Lakin hökumət bu növ birbaşa senzuraya ümumilikdə yol verməmişdir
[21]
. 2010-cu ilin mart ayında
Facebook, Yahoo, G-mail və Azad Avropa Radiosu / Azadlıq Radiosunun Azərbaycan Xidmətinin
internet səhifələrinin bloklanması barədə məlumatlar mövcud olmuşdur. Bundan əlavə, müxalif
qəzetlərdən olan “Azadlıq” qəzetinin internet səhifəsi həmin dövrdə bloklanmışdır. Bəzi ehtimal-
lara görə bu hadisə həmin internet səhifəsinin prezident Əliyevlə bağlı Dubaydakı bəzi biznes
əlaqələrini işıqlandırması ilə bağlı olmuşdur
[22]
.
Azərbaycanın biznes və siyasi həyatında şəffaflığın olmaması insan hüquqları və fikir azadlığı
uğurunda mübarizə aparanlar üçün əsas narahatlıqlardan biri olmaqda davam edir. Korrupsiya
və qeyri-aşkar biznes siyasəti cəmiyyətin əksər hissələri kimi internetə də çox mənfi təsir göstərir.
Bundan əlavə, korrupsiya və qeyri-aşkar biznes siyasəti ictimaiyyətin məlumat əldə etmək və
hesabatlı idarəçilik hüquqlarının reallaşdırılması üçün qorxu yaradır və eləcə də, inkişaf və
mütərəqqi praktikanın təşviqi üçün mühüm rol oynayan sağlam biznes mühitini sıradan çıxarır.
İnternet populyarlaşdıqca, onlayn media ilə məşğul olanlar tətbiq edilə biləcək məhdudiyyətlərə
görə daha çox narahatlıq keçirir. Hökumətin siyasətini açıq-aşkar tənqid edən və demokra-
tik islahatları təşviq edən məzmuna yer verən internet səhifələrinin hökumət tərəfindən
süzgəclənməsi və bloklanması praktikasına başlanması meylləri var.
Aydındır ki, cəmiyyətdə (siyasət və ölkədəki ifadə azadlığının vəziyyəti ilə bağlı) real dəyişikliklərə
nail olunması istiqamətində səy göstərənlər xəbərlərin, təsvirlərin, informasiyanın və kampaniya
məlumatlarının daha geniş auditoriyaya çatdırılması məqsədi ilə internetdən get-gedə daha çox
istifadə edirlər. Adi vətəndaşlar da yerli hadisələr barədə məlumat mübadiləsinin asan bir üsulu
kimi internetdən istifadə etməyə başlamışlar. Bundan əlavə, vətəndaşlar regionda öz zənginliyini
və təsirini artırmağa həvəsli olan hökumətin təsirləri nəticəsində baş verən dəyişikliklər barədə də
internetdə məlumat mübadiləsi aparırlar. Lakin hökumət xüsusilə də Ərəb Baharından sonrakı
dövrdə yaranmış mühitdə onlayn vasitələrin potensial gücü barədə daha çox məlumatlanır və
internetdən istifadə və tərkib üzərində daha sərt məhdudiyyətlərin tətbiq ediləcəyinə dair işarələr
mövcuddur. Bundan əlavə, internetdən istifadə edənlər həbs və hətta zorakılıq riski ilə get-gedə
daha çox qarşılaşırlar. Bu isə, Azərbaycan media sektorunun bir çox sahələrində olduğu kimi
qorxu və özünü-senzura mühitinin yaranmasına səbəb olur.
[21] http://www.eng.kavkaz-uzel.ru/articles/13149/
[22] http://globalvoicesonline.org/2010/03/10/azerbaijan-confusion-over-internet-problems-with-azadliq-site/