27
2007-ci ildə İnsan Hüquqları Evi Fondunun Azərbaycan filialı kimi təsis edilmiş İnsan Hüquqları
Evinə 2011-ci il mart ayının 10-da əvvəlcədən heç bir xəbərdarlıq edilmədiyi halda Azərbaycanda
fəaliyyət göstərə bilmək üçün hökumətlə razılığa gələnə qədər fəaliyyətlərini dayandırmaq əmri
verildi. 2007-ci ildən bəri İnsan Hüquqları Evi müvafiq orqanlara mütəmadi olaraq və vaxtında
hesabat vermişdir. QHT-lər haqqında qanunda artıq qeydiyyatdan keçmiş və Azərbaycanda
fəaliyyət göstərən QHT-lərə münasibətdə Ədliyyə Nazirliyi ilə razılığa gəlmək barədə hər
hansı tələb irəli sürülmürdü. 10 mart 2011-ci ildən əvvəl nə rəsmi bir xəbərdarlıq edilmiş, nə
də Azərbaycan İnsan Hüquqları Evinin dövlət orqanlarına vaxtında və müntəzəm hesabat
verməməsi barədə narazılıq ifadə olunmuşdu. Bir ildir davam edən danışıqlara baxmayaraq, hələ
də Azərbaycan İnsan Hüquqları Evinin yenidən açılmasına icazə verilmir
[4]
.
Venesiya Komissiyasının rəyində də bildirildiyi kimi (85-ci bənd) “qanun tərəfindən müəyyən
edilmiş məhdudiyyətlər, yaxud demokratik cəmiyyətdə ətraflı və aydın müəyyən edilmiş
məqsədlərə görə tələb olunnmadıqca hər hansı birliyin ifadə azadlığı dövlət orqanlarının
göstərişlərinə tabe tutula bilməz”
Azərbaycan İnsan Hüquqları Evinə qarşı yönəlmiş hərəkətlər aysberqin yalnız görünən
hissəsidir, doğrudan da Azərbaycan QHT-lərinin vəziyyəti daha yaxşı deyil. Onlar müntəzəm
olaraq hökumət tərəfindən müdaxilələrə və təhdidlərə məruz qalırlar. Məsələn, 2012-ci ilin fe-
vral ayında RATİ Ədliyyə Nazirliyindən sədrinin təkrar seçilməsi barədə hesabatın verilmədiyini
bildirən xəbərdarlıq almışdır. Məktubda həmçinin RATİ-nin Naxçıvan Muxtar Respublikasından
insan hüquqları ilə bağlı vəziyyət barədə internetdə yerləşdirilmiş hesabatının qərəzli olduğu,
hökumət orqanları tərəfindən uydurma hesab olunduğu bildirilmişdir. Oxşar məktub Naxçıvandakı
Demokratiya və QHT-lərin İnkişafı üzrə Resurs Mərkəzinə ünvanlanmışdır. Bu iki yerli QHT hələ
də ərazidə fəaliyyət göstərən azsaylı insan hüquqları QHT-lərindəndir və bu xəbərdarlıqlar qey-
diyyatdan keçmiş QHT kimi onların mövcudluğu üçün ciddi təhlükə təşkil edir.
19 aprel 2011-ci ildə Media Hüquqları İnstitutu Ədliyyə Nazirliyindən inzibati sanksiyaların
mümkünlüyü barədə xəbərdarlıq almışdır, belə ki Media Hüquqları İnstitutu Nazirliyə
sədrinin dəyişməsi barədə məlumat verməmişdir. Media Hüquqları İnstitutu təşkilat sədri
dəyişmədiyindən, sadəcə təkrar seçildiyindən xəbərdarlığın qəbuledilməz olduğunu bildirərək
Nazirliyə cavab vermişdir. Media Hüquqları İnstitutunun verdiyi məlumata görə, qanunda təkrar
seçilmə barədə məlumatın Ədliyyə Nazirliyinə göndərilməli olduğu deyilmir.
dövlət qeydiyyatı repressiya aləti kimi
Hüquqi Şəxslərin Dövlət Qeydiyyatı və Dövlət Reyestri haqqında 2003-cü ildə qəbul edilmiş
qanun Azərbaycanda QHT-lərin qeydiyyatı üçün birgə fəaliyyət prosesi nəzərdə tutur. Hətta
qanunun 8-ci maddəsində göstərilmiş müddətlərin sürətli proses olacağına da inanmaq olar: “Bir
qayda olaraq qeydiyyat prosesi üçün 40 gün, müstəsna hallarda 30 gün uzadılma ehtimalı və
ərizə sənədlərində çatışmazlıq olduqda, daha 20 gün”
[5]
.
[4] İHEF-nin bəyanatı “Azərbaycan İnsan Hüquqları Evi Azərbaycan hökuməti tərəfindən
bağlanmışdır”: http://humanrightshouse.org/Articles/16060.html
[5] Azay Quliyevin bildirdiyinə görə, “QHT-lər bir institut olaraq Azərbaycan Respublikasının qanunvericiliyində”:
Qeyri-Kommersiya Hüququ üzrə Beynəlxalq Jurnal, cild 13, say 4, dekabr 2011, səh. 95
28
Lakin reallıq tamam fərqlidir
[6]
, belə ki, tənqidçi təşkilatların susdurulmasının daha bir üsu-
lu onların qanuni işlərini qanuni qaydada aparmağa icazə verməməkdir. Çoxsaylı QHT-lər
qaydaların qeydiyyatın yubanması ilə nəticələnən, sui-istifadə ehtiva edən tətbiqi ilə üzləşirlər.
QHT-lərin qeydiyyatı proseduru getdikcə daha mürəkkəb bir prosedura çevrilir və qeydiyyat
prosesində çox vaxt uzunmüddətli yubanmalar meydana gəlir.
Əvvəlki təşkilat Seçkilərin Monitorinqi Mərkəzi (SMM) 2008-ci il prezident seçkiləri ərəfəsində
bağlandıqdan sonra, onun qurucuları yeni Seçkilərin Monitorinqi və Demokratiyanın Tədrisi
Mərkəzi (SMDT) təsis edib qeydiyyat üçün müraciət etmişdir. Ədliyyə Nazirliyinin SMM-i ləğv
etmək qərarını təşkilatın ünvanın dəyişməsi və regional filiallarının qeydiyyatı barədə bildiriş
verməməsiylə əsaslandırdı
[7]
. SMDT-nin qeydiyyat barədə ərizələri isə 2008-ci ildən bəri üç dəfə
müxtəlif xırda uyğunsuzluqlar əsas gətirilməklə geri qaytarılmışdır.
İntiqam Əliyev və digərlərinin Avropa İnsan Hüquqları Məhkəməsindəki işi bu problemə nümunə
ola bilər. 2003-cü ilin may ayında İntiqam Əliyev və daha 10 hüquqşünas qeyri-kommersiya
təşkilatı olan Azərbaycan Hüquqşünasları Forumunu təsis etdilər. Ərizəçilər birliyin dövlət
qeydiyyatından keçirilməsində əhəmiyyətli yubanmaları olduğundan şikayət edirdilər. Bu o demək
idi ki, birlik hüquqi status almaya bilərdi. Avropa İnsan Hüquqları Məhkəməsi bu qənaətə gəldi
ki, birliyin qeydiyyat tələbinə gec cavab verilməsi faktiki olaraq onu qeydiyyata almaqdan imtina
etməyə bərabərdir
[8]
. İntiqam Əliyev Azərbaycanda tanınmış insan hüquqları müdafiəçisidir. O,
insan hüquqları pozuntularının qurbanlarının hüquqi müdafiəsi ilə fəal şəkildə məşğuldur. Av-
ropa İnsan Hüquqları Məhkəməsi qərar verdi: “təkcə Ədliyyə Nazirliyini prosessual tələblərin
pozulmasına görə məsuliyyətdən azad edən yeni […] aktın qüvvəyə minməsi belə ədalət və
hüquqi müəyyənliyə ziddir”
Başqa sözlə, Venessiya Komissiyasının bildirdiyi kimi, qeydiyyat haqqında müəyyən edilən vaxt
çərçivəsi “ehtiyatla riayət olunduğu halda və müddətin uzadılması doğrudan da “müstəsna hallar”
üçün saxlanacağı təqdirdə qəbul edilə bilərdi”
[9]
. Artıq 2002-ci və 2006-cı illərdə ATƏT hesabatları
göstərirdi ki, bəzi ərizələr, xüsusən insan hüquqları QHT-lərinə aid olanlara “müstəsna” yanaşılır.
Qısası, “Əsas çatışmazlıqlar QHT-lərin qeydiyyatının uzun və mürəkkəb prosedur olması, pros-
edurun nəticələrinin proqnozlaşdırılmasının çətin olması faktıdır. Qeydə alınmış praktika göstərir
ki, qeydiyyat üçün müraciət etmiş QHT-lərdən bəziləri heç vaxt rəsmi qərar ala bilməyiblər, bu
qərarı ala bilənlər isə çox vaxt uzun müddət gözləməli olublar”
[10]
.
İnsan hüquqları müdafiəçiləri və hüquqşünaslar: açıq qurbanlar
Bir çox digər Avropa ölkələrinin Parlament nümayəndələrindən fərqli olaraq, azərbaycanlı millət
vəkilləri insan hüquqları müdafiəçilərini tənqid etməkdən utanmırlar və bunu nümayişkaranə
surətdə edirlər. 2011-ci ilin yanvar ayında bəzi insan hüquqları müdafiəçilərinin Avropa Şurasının
[6] Bu mövzuda daha ətraflı məlumat üçün bax: Vüqar Hüseynov, QHT-lərin dövlət
qeydiyyatının cari vəziyyəti, Demokratiyanın Tədrisi İctimai Birliyi, 2011
[7] Bax: http://dazzlepod.com/cable/08BAKU454/
[8] Əliyev və digərləri Azərbaycana qarşı , AİHM, 28736/05, 18 dekabr 2008.
[9] Venesiya Komissiyası, Rəy № 636 / 2011, 19 oktyabr 2011, 62-ci bənd
[10] Venesiya Komissiyası, sitat gətirilən iş, 60-cı bənd.