İdarəsi yaradılmışdı. Bu idarə müəssisə və kombinatların səhm nəzarət
paketini dövlətin əlində
saxlamaq şərtilə onların səhmdar cəmiyyətlər formasında yenidən təşkili məsələləri ilə məşğul
olurdu. Bu zaman yaradılan səhmdar cəmiyyətlərinin səhmlərinin təsərrüfat vahidi kimi
müəssisənin öz işçiləri arasında bölüşdürməsi nəzərdə tutulurdu.
Bu prosesə paralel olaraq, əvvəllər milliləşdirilmiş özəl və özəl-dövlət qarışıq mülkiyyətli
müəssisələrin restrukturizasiyası haqqında qərar da qəbul edilmiş, həmin müəssisələri keçmiş
sahiblərinə 1972-ci ilin milləşdirilmə dövrünə uyğun olan ilkin balans
qiymətilə almaq təklif
olunmuşdur. Bu zaman qiymətləndirmə prosesində indeksləşdirmə əmsalları da nəzərə alınırdı. Bu
səbəbdən də əvvəlki sahibkarlar və onların qohumları 18 il istifadə olunmuş, fiziki və mənəvi
cəhətdən köhnəlməyə məruz qalmış əmlakın yenidən dəyəri ödənilməklə satın alınmasına çox da
böyük həvəs göstərmirdilər.
Şərqi Almaniyada 1990-cı ilin 18 mart seçkilərindən sonra formalaşmış yeni hökumətin Qərbi
Almaniya ilə maksimum tez müddətdə birləşmək kursu götürməsi, özəlləşdirmə siyasətində də
keyfiyyət dəyişikliklərini şərtləndirmişdir. İlkin olaraq bu prosesin başlanılması
üçün AFR-dən
mütəxəsislər dəvət olunmuş və sonradan həmin ilin iyun ayında Qəyyum İdarəsi haqqında yeni
Qanunun qəbulu və özəlləşdirməyə məsul olan orqanın səlahiyyətlərinin genişləndirilməsi bu
istiqamət üzrə start götürmüş keyfiyyət dəyişikliklərini daha da sürətləndirmişdir. Qəyyum
İdarəsinin rəhbərliyində menecerlərlə yanaşı, AFR-in iri təsərrüfatçılarının təmsil olunması
özəlləşdirmə məsələlərinə praqmatik baxışların daha da güclənməsinə gətirib çıxartdı. Bu idarə
Federal hökumətin nəzdində fəaliyyət göstərərək, özəlləşdirilməsi nəzərdə tutulan bütün
müəssisələri öz tərkibinə keçirtmişdir. Qarşıda duran kifayət qədər əhatəli və mürəkkəb işlərin
təşkilinin maliyyələşdirilməsi məqsədilə hökumət Qəyyum İdarəsinə sonradan
hissə-hissə
qaytarılmaq şərti ilə 25 mlrd. marka həcmində kredit ayırmışdır. Özəlləşdirmədə effektivlik
məsələləri maliyyə problemi həll olunduqdan sonra ön plana çəkilməyə başladı. 1990-cı ilin
noyabr ayından etibarən Qəyyum İdarəsinin ərazi və sahəvi strukturlarının formalaşdırılması
prosesi start götürdü. Ərazi strukturlarının başlıca funksiyası sahəvi orqanlarla birgə özəlləşdirməyə
təklif olunan müəssisələrə alıcı tapmaqdan ibarət idi. Həmin müəssisələrlə bağlı son qərarı vermək
səlahiyyəti isə Qəyyum İdarəsinin mərkəzi Qərargahının özündə saxlanılırdı. Müəssisələrin
özəlləşdirilməsi prosesində Qəyyum İdarəsinin başlıca fəaliyyət prinsipi "kim daha çox ödəyir"
prioritetləri əsasında qurulmuşdu. Bu prinsipin reallaşdırılması digər ölkələrdə olduğu kimi
hərraclarda deyil, idarədə həyata keçirilirdi. Bu zaman Qəyyum İdarəsi qərb sahibkarlarının
marağını nəzərə alaraq rentabelli müəssisələri maksimum baha qiymətə satmağa çalışır, zərərlə
işləyən müəssisələr üçün isə simvolik qiymətlər tətbiq edirdi. Hətta zərərlə
işləyən müəssisələrdən
biri alıcıya onun işlərini tam qaydaya salınması şərti ilə cəmisi 1 markaya satılmışdı.
Qəyyum idarəsinin fəaliyyəti üç mərhələ üzrə həyata keçirilirdi. Birinci mərhələdə mümkün qədər
çox müəssisənin satışı məqsədi güdülürdü. İkinci mərhələdə müəssisələrin özəlləşdirilməsi
səhmləşdirmə yolu ilə davam etdirilir, bu zaman Qəyyum İdarəsi alıcılara maksimum miqdarda çox
səhm satmağa çalışır, yerdə qalan hissəni isə Qərbi Almaniyanın fond bazarlarında reallaşdırmağa,
habelə əmək kollektivinin üzvləri arasında bölüşdürməyə səy göstərirdi. Üçüncü mərhələdə isə
alıcısı tapılmayan, lakin məşğulluğun təşkilində mühüm rol oynayan müəssisələrin bazar şəraitinə
uyğunlaşdırılması prosesi həyata keçirilirdi. Bu məqsədlə həmin
müəssisələr kommunal
mülkiyyətə verilirdi.
Şərqi Almaniyada özəlləşdirmə zamanı dövlət əmlakının qiymətləndirməsi sahəsində
inventarizasiya problemləri prosesin gedişində ciddi çətinlikər yaratmışdı. Qiymətləndirməni
aparmaq üçün müstəqil ekspertlər qrupu dəvət olunmuş, onların qarşısına faktiki olaraq öz xidmət
müddətini başa çatdıran avadanlığın əvvəllər fəaliyyətdə olan qiymətləri əsasında
qiymətləndirilməsi məsələsi qoyulmuşdu. Bundan əlavə qiymətləndirmə komissiyasının işinə
istehsalatın acınacaqlı ekoloji vəziyyəti də neqativ təsir göstərirdi. Müəssisələrin külli miqdarda
borcları vəziyyəti daha da gərginləşdirdiyindən 1990-cı ilin noyabr ayında Federal hökumət
müəssisələrin özəlləşdirilməsi zamanı dövlət borclarının və ekoloji
çirkləndirməyə görə
hesablanmış cərimələrin silinməsi haqqında qərar verdi.
Qərbi Almaniyada özəlləşdirmənin gedişində geniş tətbiq olunan üsullardan biri də müəssisələrin
müflisləşmə və ləğvetmə yolu ilə satışı olmuşdur. Bu variantla özəlləşdirmə zamanı 400 şirkət
müflis elan olunmuş, 2700-ü isə ləğv edilmişdir.
Restitutsiya nəticəsində 300 şirkət və 240 mindən çox obyekt əvvəlki sahiblərinə qaytarılmışdır.
Şərqi Almaniyada kütləvi özəlləşdirmə modeli tətbiq edilməsə də maliyyə vasitəçilərinin rolu fəal
olmuş, 25 fond 100-dən çox şirkətin minoritar* paketini əldə etmişdir.
Yuqoslaviyanın özəlləşdirmə modeli müvəffəqiyyətli hesab olunmasa da, maraqlı xüsusiyətlərinə
görə diqqəti cəlb edir. Yuqoslaviyada (hərbi hadisələrə qədər) ictimai (dövlət)
müəssisələrinin tam
və ya qismən satışı 1989-cu ildə qəbul
edilmiş "İctimai kapitalın yerləşdirilməsi və dövriyyəsi haqqında", həmçinin 1990-cı ilin avqust
ayında qəbul edilmiş "Səhmdar kapital haqqında" qanunlarla tənzimlənirdi. Bu qanunlara əsasən
müəssisə səhmi iki məqsədlə, ayrıca olaraq daxildə və xaricdə istifadə üçün buraxa bilərdi. Daxili
səhm müəssisənin əmək kollektivi,
rəhbər heyəti, pensiya fondları və digər şəxslər arasında
bölüşdürülürdü. Xarici səhmlər isə ölkənin birjalarında satışa çıxarılır və sərbəst olaraq alıcıya
təklif olunurdu. "Kapital" haqqında Qanunla səhmlərin bölüşdürülməsinin aşağıdakı qaydaları
müəyyənləşdirilmişdir: hər bir işçi avtomatik surətdə səhmin nominal dəyərinin 30 faizi
məbləğində güzəşt hüququ qazanır. Bu güzəşt hüququna maksimum həddi bütövlükdə 60 faizi
ötməmək şərti ilə hər 1 illik əmək stajına görə, 2 faiz güzəşt də əlavə olunurdu. İşçilər üçün güzəşt
hüququ 10 il ərzində qüvvədə qalırdı. Mütəxəssislərin hesablamalarına görə, işçilərə verilən
güzəşt hüququ üzrə orta göstərici 44 faiz təşkil edirdi1. Yuqoslaviyada daxili səhmlərin yalnız
işçilər arasında satışına icazə verilirdi. Daxili səhm sahibləri əldə etdikləri səhmlərin ümumi
dəyərindən asılı olaraq müəssisənin idarəedilməsində və sərəncamında qalan mənfəətin
bölgüsündə iştirak edə bilərdilər.
Bununla yanaşı, hər bir işçinin öz müəssisəsindən aldığı səhmlərin 50 faizindən çox olmamaq şərti
ilə digər müəssisənin səhmlərini güzəştli şəkildə əldə etmək hüququ da saxlanılırdı. Bu zaman
həmin işçi ictimai bölmədəki hər bir illik əmək stajına görə 1 faiz güzəşt hüququna malik idi.
Lakin bütün hallarda güzəşt hüququnun həcminin əldə olunmuş səhmlərin nominal dəyərinin 50
faizindən çox olmasına icazə verilmirdi.
Yuqoslaviyada tətbiq olunan bu modelə özünüidarəetmə variantı kimi
digər ölkələrin özəlləşdirmə
təcrübəsində rast gəlinməmişdir. Balkanlardakı məlum müharibə səbəbindən həmin model
gözlənilən nəticəni verməmişdir.
Şərqi Avropanın digər ölkəsində - Rumıniyada "Özəlləşdirmə haqqında" Qanun 1990-cı ildə qəbul
olunmuşdur. Bu Qanunla tənzimlənən özəlləşdirmə prosesində səhmlərin bölüşdürülməsinin qarışıq
üsulu nəzərdə tutulurdu. Belə ki, Qanuna görə, özəlləşdirmə nəticəsində səhmdar cəmiyyətlərə
çevrilən dövlət əmlakının 30 faizlik paketi Özəlləşdirmə üzrə Milli Agentliyə yönəlir və sonradan