169
karkinlərin oğuz xanının üçüncü oğlu Yulduz xanın
nəvələrindən törənən olduğunu qeyd edir. (Q. Ə. Qey-
bullayevdə eyni fikirdədi.
Qubadlının Aşağı Mollu və Qəzyan kəndləri
ərazisində də Qaraun adlı toponimlər mövcuddur.
Qaraun dərə adlanan yerdə həm də qədim qəbirlərin
izləri qalmışdır.
Yevlax rayonunda Qarxun, Quba və Naxçıvanda
Qarahun, Qərbi Azərbayacan ərazisində isə Qaraon
kimi göstərilmişdir.
Qoşa kaha. Göyərabbas kəndində Zağlığın dərə-
sində yerləşir. İnformatorların dediklərinə görə
kahalardan birindən digərinə keçmək üçün yol var,
çox dərin kahalardır.
Qızılqaya. Toponimi rayonun bir neçə ərazisin-
də var. Daşlarının qırmızı rəngdə olması ilə bağlıdır.
Qızıl rəng, qaya isə müsbət relyef formasında ifadə
edilən toponimdir. Qızıl qaya oronimi Çardaxlı, Əli-
quluusagı, Xocamsaxlı və Qayalı kəndlərində də
qeydə alınmışdır.
Qızıldaş. Rayonda olan dağ adıdır. Dağın adı
qızıl (qırmızı) və daş sözlərindən ibarətdir. Qırmı-
zıya çalan daş süxurlarına görə belə adlandırılıb.
Qızıldaş oronimi digər rayonlarda da mövcuddur.
Şuşa, Qaradağ, Xanlar və Zəngilan rayonlarında da
var..
170
Qanqlı yal. Xocahan kəndi ərazisində yerləşir.
Kanqlı tayfası qədim türkdilli tayfalardan biridir.
Özbək, Qazax, Qırğız, Qaraqalpaqların etnogenezində
bu türk tayfaları fəal iştirak etmişlər. Onlar əvvəllər
VIII əsrdə Sırdərya hövzələrində yaşamışlar.
VI-VII əsrlərdə bir hissəsi oğuzlara, 1218-ci
illərdə isə monqollara qatılmışlar.
Azərbaycanın monqollar tərəfindən işğalında
Uyğur, Xələc, Kanqlı tayfalarının birlikdə iştirakı
mənbələrdə göstərilir.
Qanlı gədik. Bəzi toponimlərin tarixi bir
hadisəni özündə uzun illər əks etdirir. Qubadlıdakı
Qanlı gədik toponimi də baş vermiş hadisələrin adı
ilə bağlı olmuşdur. Qanlı gədik toponiminə Xoca-
vənd və Laçın rayonunda rast gəlinir.
Qaraquzey. Bu cür oronimlər rayonumuzun
ərazisində çoxluq təşkil edir. Qara toponimi heç də
rəng yox, böyük, iri, geniş mənasında işlənmişdir.
Bir neçə kənddə Qara quzey adlanan ərazilər var:
Mollu kəndi, Qəzyan kəndi. Bəzi tədqiqatlar quzeyin
gün düşməyən üzünə də Qara quzey, qara rəngin,
kölgənin olması kimi izah edirlər.
Qaraquç. Tarovlu kəndində yer adıdır. Ərazi
Kəpirli dağın Keçi qayasına qədər uzanan hissəsidir.
“Kitabi- Dədə Qorqud”un VII boyunda Qaraquc
yer adı 4 dəfə çəkilir. Buradan aydın olur ki, bu
171
torpaqlar Qazan xanın hakim olduğu torpaqlardır.
“Kitabi – Dədə Qorqud” dastanında deyilir: “ Qara-
quçda qazlıq at bundan keçdimi?” Bu toponimlər
Babək rayonu ərazisində də qeyd edilmişdir. Qara-
quç kəndinin həm də qədim yurd yeri olduğu qeyd
olunub. (KDQ 297. DQK -200)
Qoşa çinar. Xocik kəndində tarixi çox qədim
olan qoşa çinar ağaclarıdır.
Qaq düzü. (Davudlu kəndindəndir) Qədim mən-
bələrdə Qaq düzü (Leninqrad Slovar derevnil Turk-
skiy 1969 səh 422.) Qara güney (Güney cənub
mənasında işlənir) (Qəzyan) Qaralar kəndi (Həmin
kənddə Hinduvırt qalasının qalıqları qalmaqdadır).
Həm də burunda Həkəri, Bərgüşad çayları birləşir.
Leninqdad, Slovar, Drevnik, Turkskiy (1969 səh
428).
Qaragül təpəsi. Qarakişilər kəndində təpənin
adıdır. İnformatorların oronimlə bağlı verdiyi məlu-
matlar üst-üstə düşmür.
Qarapərilər. Köhnə yurd yeri Qədili kəndinin
ərazisindədir. Məlumatlara əsasən, kəndin qədim adı
da Qarapərilər olmuşdur.
Qaraquzey. Qaranlıq dərə, Qəzyan kəndi, Qara
yer göstərilən oykonimlərdəki “qara” təyinedici söz-
ləri heç də rənglə əlaqəli deyildir. Qara təyini burada
“igid” böyük, hörmətli çalarlarında ifadə olunur. Bu
172
mənada həmin sözləri arxaik sözlər hesab etmək
olar.
Şəxs adları ilə ifadə olunan ikinci növ ismi
birləşmə modulunda formalaşan antropooykonimlər.
Əli (yurdu), Məşədi Həsən (yurdu), Məşədi
Qaranin (yurdu), İsmayıl (yurdu), Kəlba Mütəllim
(yurdu), Qaraxan (yurdu). (Leninqrad Slovar Drev-
nik Turkskiy (1969 səh 431).
Kəndlərin toponimlərinin xeyli hissəsini oroni-
mik oykonimlər təşkil edir. Qara daşın gədiyi, Ağ
yazının gədiyi, Sarı dərənin gədiyi.
Gül üstə arı ola
Pətəkdə balı ola,
Tanrı, burda
bir ovuc
Quzeyin qarı ola.
Qara güney. Əfəndilər kəndindədir. Çox geniş
ərazidir.
Qaramanlı qışlağı. Həmişə qışlaq yeri kimi isti-
fadə edilmişdir. Qaramanlı kəndinin cənubunda
yerləşir.
Qaraqoyunlu Piri. Tatar kəndi ərazisində
yerləşir. Yaxın kəndlərin əhalisi tərəfindən ziyarət
olunardı.
Quru boğaz. Çardaxlı kəndində olan ərazidir.
Heç vaxt su olmadığına görə adlandırılıb.
173
Qanlı yal rəvayəti. Belə rəvayət edilir ki,
keçmiş zamanlarda bir kişinin gözünün ağı, qarası
bircə oğlu varmış. Kişi bütün var-dövlətini oğluna
qurban deyib, onu böyüdərmiş. Aylar, illər keçir bu
oğlan böyüyüb, boya-başa çatır. Eşq sevdası onun da
başına dolur. O, kəndlərinin qonşuluğunda olan
kənddən bir qıza aşiq olur. Hər gün qızla Gizli yal
adlanan yerdə görüşüb, söhbət edərmişlər. Sən
demə, qızı öz kəndlərində varlı bir kişinin oğlu da
istəyirmiş. Di gəl ki, qız varlı kişinin oğlunu istəmir-
miş. Məsələ çox müşkülləşir. Qız da ki, açıb ürəyini
anasına deyə bilmir. Xəlvətcə yenə yalın arxasına
gəlib oğlana xəbər göndərir ki, qoşulub qaçsınlar. Bu
vaxt qızı güdən varlı kişi onları bir yerdə görür. Qan
vurur başına, hər ikisini yaralayır. Qan bunları götü-
rür. Oğlan ölür, qızı götürüb yaralı aparmaq istəyir.
Qız heç cür razılaşmır. Onu da qan aparır, hər
ikisinin də meyitləri yalın üstündə qalır. O gündən o
yerə “Qanlı yal” deyirlər.
Qaralar çökəyi. Qaralar və Kavdadıq kəndləri
ərazisindədir. Dərin çökəkdir, belə bir çökək həm də
Qərbi Azərbaycanda Saral kəndinin şərqində olan
geniş dərənin adidir. Bu ərazi keçmişdə, kənddə
yaşayan Qaralar tayfasına aid torpaq sahəsidir. Hə-
min ərazidə olan torpaqlar və biçənəklər qaralar adı
ilə adlandırılır. (Aslan Bayramov səh 196).
Dostları ilə paylaş: |