A Z
R B A Y C A N
X Z R D N Z G M
L Y
И
ИЧИ И И
9 dekabr 2016-cы il № 81-84 (9087)
4
Noyabrın 26-27-də Türkmənistanın
paytaxtı Aşqabadda BMT-nin dəstəyi
ilə “Davamlı nəqliyyat sistemi” mövzu-
sunda Birinci qlobal konfrans keçirilib.
Konfrans iştirakçıları bəşəriyyətin fira-
vanlaşmasını və ətraf mühitin qorunma-
sını təmin edəcək yeni yollar müəyyən
ediblər.
Konfransda Türkmənistan Prezi-
denti Qurbanqulu Berdiməhəmmədov,
BMT-nin baş katibi Pan Gi Mun, ATƏT-
in baş katibi Lamberto Zanyer, Gürcüs-
tan Prezidenti Georgi Marqvelaşvili,
Əfqanıstan Prezidenti Məhəmməd Əşrəf
Qəni, Pakistanın baş naziri Məhəmməd
Nəvaz Şərif, habelə 30-dan çox ölkə-
nin müvafiq nazirlik və idarələrinin nü-
mayəndələri, ekspertlər iştirak ediblər.
Tədbirdə Azərbaycanı “Azərbaycan
Dəmir Yolları” qapalı səhmdar cəmiy-
yətinin sədri Cavid Qurbanov başda ol-
maqla Nəqliyyat Nazirliyinin nümayən-
dələrinin daxil olduğu nümayəndə heyəti
və səfir Həsən Zeynalov başda olmaqla
Azərbaycanın Türkmənistandakı səfirli-
yinin əməkdaşları təmsil edirdi.
Tədbirin rəsmi açılış mərasimin-
də çıxış edən Türkmənistan Prezidenti
Qurbanqulu Berdiməhəmmədov bildirib
ki, müasir nəqliyyat infrastrukturunun
formalaşması, bu sahəyə yeni ərazilərin
cəlb edilməsi həm yük dövriyyəsinin
artırılması, yola sərf edilən vaxtın azal-
dılması, əlavə investisiyalar və digər üs-
tünlüklər, həm də yeni iş yerləri yaradıl-
ması, sosial obyektlər tikintisi deməkdir.
Q.Berdiməhəmmədov deyib ki, in-
kişaf və tərəqqinin etalonu məhz insan-
lar və onların ümdə tələbatı olmalıdır.
Bu sözlər nəqliyyat sahəsinə də aiddir.
Qlobal nəqliyyat konfransında mal-
ların səmərəli yerdəyişməsi və insanların
hərəkəti üçün nəzərdə tutulan davamlı,
təhlükəsiz, səmərəli və etibarlı multimo-
dal nəqliyyat dəhlizlərinin yaradılması
yolları müzakirə edilib.
BMT-nin Baş katibi Pan Gi Mun
özünün keçirdiyi mətbuat konfransında
bildirib ki, BMT tarixində nəqliyyatın in-
kişafı məsələlərinə həsr edilmiş ilk qlo-
bal konfrans olan bu tədbir onu göstərir
ki, davamlı inkişafın təmin edilməsində
və iqlim dəyişmələrinə qarşı mübarizədə
nəqliyyat sahəsinin əhəmiyyəti getdik-
cə daha dərindən dərk edilir. Baş katib
beynəlxalq nəqliyyat dəhlizləri yaradıl-
masında Türkmənistanın səylərini və
təcrübəsini yüksək qiymətləndirib.
Pan Gi Mun bildirib ki, nəqliyyat
sektorunun davamlı inkişafı qeyri-sabit
praktikalar nəticəsində yaranmış prob-
lemlərin həlli üçün həyati əhəmiyyətli
məsələdir. Parnik qazları tullantılarının
dörddə bir hissəsinin mənbəyi nəqliyyat
sektorudur. Yol-nəqliyyat hadisələrində
hər il 1,25 milyondan çox insan həlak
olur. Belə ölüm hallarının 90 faizi inki-
şaf etməkdə olan ölkələrdə baş verir.
BMT-nin Baş katibi BMT üzvü
olan bütün dövlətləri, BMT sisteminin
nümayəndələrini, əsas qrupları və digər
əlaqədar tərəfləri nəqliyyatın davamlı
inkişafı üzrə öhdəlikləri imzalamağa və
bu sahədə əməkdaşlığı tənzimləməyə
çağırıb.
Pan Gi Mun deyib: “Əgər biz nəqliy-
yat sahəsində zəruri tədbirlər görməsək,
qlobal temperatur artımını Selsi şkalası
ilə nəinki 1,5 dərəcə, hətta 2 dərəcə həd-
dində saxlamaq mümkün olmayacaq”.
Xatırladaq ki, qlobal temperaturun
Selsi şkalası ilə 1,5 dərəcədən çox art-
masına yol verməməyin zəruriliyi iqlim
üzrə Paris sazişində təsbit edilib.
Konfrans çərçivəsində Türkmənis-
tanın təşəbbüsü ilə qitənin nəqliyyat
sistemlərinin inkişafı layihələrinə xüsusi
diqqət yetirilib. Belə layihələr sırasında
“Şimal-Cənub” vektoru üzrə Qazaxıs-
tan-Türkmənistan-İran polad magistralı,
Aşqabadda yeni beynəlxalq aeroportun
istifadəyə verilməsi, Amu-Dərya çayı
üzərindən Türkmənabad-Fərab dəmir-
yol və avtomobil körpülərinin, Aşqa-
bad-Türkmənbaşı avtobanının və Türk-
mənbaşı şəhərində beynəlxalq dəniz
limanının tikintisi layihələri var.
Forum çərçivəsində plenar iclaslar
və ixtisaslaşdırılmış sessiyalar, tema-
tik təqdimatlar keçirilib, bir sıra bey-
nəlxalq sənədlər imzalanıb, ikitərəfli və
çoxtərəfli görüşlər və danışıqlar aparılıb.
Konfransın seksiya iclasları XXI əs-
rdə ictimai nəqliyyatın rolu və formaları,
nəqliyyat sahəsinin inkişafı üçün ener-
getikanın əhəmiyyəti, kombinə edilmiş
nəqliyyat dəhlizlərinin davamlı şəbəkə-
sinin yaradılması, ayrı-ayrı ölkələrin
və beynəlxalq birliyin daxili resursları,
dövlət - özəl sektor tərəfdaşlığı hesabı-
na iri logistik layihələrin investisiyalarla
təmin edilməsi məsələlərinə həsr edilib.
“Azərbaycan Dəmir Yolları” Qapa-
lı Səhmdar Cəmiyyətinin sədri Cavid
Qurbanov konfransda çıxış edib. O qeyd
edib ki, “Şimal-Cənub” və “Qərb-Şərq”
beynəlxalq nəqliyyat dəhlizləri çərçivə-
sində dəmiryol sahələrinin tikintisi üzrə
fəal iş aparılır. Daha sonra o, həmin bey-
nəlxalq nəqliyyat dəhlizləri çərçivəsində
aparılan işlər, yeni avtomobil yolları və
dəmiryollar, yeni liman tikintisi, limanın
ətrafında azad ticarət zonası yaradılması
və başqa tədbirlər barədə ətraflı məlumat
verib.
Cavid Qurbanov tədbir çərçivəsin-
də Türkmənistanın baş nazirinin müa-
vini, xarici işlər naziri Rəşid Mərədov,
Türkmənistanın baş nazirinin müavini,
nəqliyyat və rabitə naziri Satlık Satlıkov,
dəmir yol naziri Bayram Annamərədov
və dəniz və çay nəqliyyatı xidmətinin
rəisi Aman Qurdovla ilə ikitərəfli görüş-
lər keçirib. Bu görüşlərdə “Qərb-Şərq”
nəqliyyat dəhlizinin perspektivləri,
Türkmənistan tərəfində bərələrin yük-
lərinin operativ boşaldılması, Türkmən-
başı limanının dərinləşdirilməsi üzrə
işlərin gedişi, iki ölkə arasında “ro-ro”
tipli bərələrin işə salınması və ikitərəfli
münasibətlərin digər aspektləri nəzərdən
keçirilib.
Azərbaycan nümayəndə heyəti Hin-
distanın yol-nəqliyyat magistralları və
gəmiçilik məsələləri üzrə dövlət naziri
Pon Radxakrişna ilə görüşlər keçirib. Bu
görüşlərdə “Şimal-Cənub” beynəlxalq
nəqliyyat dəhlizinin potensialı və həmin
marşrutun inkişafı ilə bağlı tədbirlər mü-
zakirə edilib.
Qeyd olunub ki, “Şimal-Cənub”
nəqliyyat dəhlizi İran, Azərbaycan və
Rusiya dəmir yollarının birləşdirilmə-
si vasitəsilə Skandinaviya ölkələrini
Fars körfəzi və Cənubi Asiya ölkələri
ilə əlaqələndirəcək. Bu dəhliz vasitəsilə
birinci mərhələdə ildə 6-10 milyon ton
yük daşınacaq, ikinci mərhələdə isə bu
göstərici ildə 15-20 milyon tona çatdırı-
lacaq.
Davamlı nəqliyyat üzrə Aşqabadda
keçirilən qlobal konfransın yekunlarına
həsr edilmiş mətbuat konfransında BMT
Baş katibinin müavini, eyni zamanda
bu konfransın baş katibi olan Vu Honq-
bo deyib ki, forum iştirakçıları insanla-
rın, o cümlədən bizim uşaqlarımızın və
nəvələrimizin salamatlığı naminə bir
araya toplaşıblar. O vurğulayıb ki, da-
vamlı nəqliyyatın təmin edilməsi bütün
insanlar üçün daha təhlükəsiz və daha
sağlam dünya yaratmaq məqsədinin re-
allaşdırılması baxımından zəruridir.
BMT Baş katibinin müavini qeyd
edib ki, bu cür mühüm tədbirin Türkmə-
nistanda keçirilməsi bu ölkənin yüksək
beynəlxalq nüfuzuna və Türkmənistan
liderinin BMT Baş Məclisinin tribuna-
sından səsləndirdiyi, nəqliyyat-kom-
munikasiya sektorunda tərəfdaşlığın
inkişafına yönəlmiş təşəbbüslərin bəyə-
nilməsinə dəlalət edir. Bu təkliflərin
aktuallığı və onlara ehtiyac olması göz
qabağındadır, çünki dünya iqtisadiy-
yatının əsas seqmentlərindən biri olan
nəqliyyat BMT-nin Davamlı İnkişaf
Hədəflərinin reallaşdırılmasında mü-
hüm rol oynayır.
Asiya beynəlxalq dəmiryol nəqliy-
yat dəhlizinin birinci növbəsinin – Ata-
murad – İmamnəzər (Türkmənistan)
– Akina (Əfqanıstan) sahəsinin əhəmiy-
yəti də qeyd edilib. Xatırladaq ki, bey-
nəlxalq dəhlizin bu sahəsinin təntənəli
açılışı noyabrın 28-də keçirilib.
Türkmənistan-Əfqanıstan-Tacikis-
tan transmilli dəmir yolunun birinci
növbəsinin açılış mərasimində çıxış
edən Türkmənistan Prezidenti Qur-
banqulu Berdiməhəmmədov qeyd edib
ki, yeni magistralın açılması qonşu
ölkələr arasında iqtisadi əməkdaşlı-
ğın inkişafına, habelə malların Azər-
baycana, Çinə, Hindistana, Avropa
ölkələrinə və digər regionlara çatdırıl-
masına kömək edəcək. Yaxın günlərdə
Amu-Dərya çayı üzərindən yeni dəmir-
yol və avtomobil körpülərinin də açılışı
olacaq.
Əfqanıstan Prezidenti Məhəmməd
Əşrəf Qəni öz çıxışında qeyd edib ki,
Böyük İpək yolunun dirçəldilməsi
əlaməti olan yeni dəmiryol magistralı
Avropa-Sakit okean regionu və Asiya
ölkələri istiqamətində mühüm nəqliy-
yat dəhlizinə çevriləcək.
Türkmənistan və Əfqanıstan pre-
zidentləri neft məhsullarının qəbulu,
saxlanması və nəqli üzrə dəmiryol ter-
minalının açılış mərasimində də iştirak
ediblər. Bu terminal gün ərzində 2 min
ton benzini, dizel yanacağını və aviasi-
ya kerosinini avtosisternlərə yükləməyə
imkan verəcək.
Türkmənistanın dövlət başçısı Qur-
banqulu Berdiməhəmmədov və Əfqa-
nıstan Prezidenti Məhəmməd Əşrəf Qəni
Akina dəmiryol stansiyasının açılış mə-
rasimində iştirak ediblər. Onlar sərhədə
qədər 3,5 kilometr məsafə qət edərək bu
stansiyaya gəlmiş ilk qatarı qarşılayıblar.
AşqAbAd konfrAnsı nəqliyyAtın dAvAmlı inkişAfı
üçün yeni perspektivlər müəyyən edib
“Azərbaycan Xəzər Dəniz
Gəmiçiliyi” QSC əməkdaşla-
rının bilik və bacarıqlarının
artırılması, o cümlədən bey-
nəlxalq təcrübənin mənim-
sənilməsi üçün təlimlərin
təşkilini davam etdirir.
Noyabrın 15-dən başlayan
təlimlər Gəmiçiliyin müxtəlif
struktur bölmələrinin işçiləri
üçün nəzərdə tutulub və“Li-
derlik, komanda ilə işləmə və
idarəetmə bacarıqları”, “Risk-
lərin
qiymətləndirilməsi”,
“Dənizçilik sahəsində Əməyə
Dair Konvensiya (2006) ilə
tanışlıq", "Sağlamlıq, əməyin
təhlükəsizliyi, keyfiyyət, ətraf
mühit və enerji idarəetmə sis-
temləri" mövzularında aparılıb.
İnteraktiv formada təşkil
olunan təlimlərdə dinləyicilər
müxtəlif ssenarilər üzrə ha-
zırlanan vəziyyətlərlə bağlı
müzakirələr aparıb, komanda
halında verilən tapşırıqları həll
ediblər.
İşçilərin peşəkarlıq səviy-
yəsinin yüksəldilməsi və fəa-
liyyətlərinin beynəlxalq stan-
dartlara uyğun təşkil edilməsi
məqsədilə keçirilən təlimləri
beynəlxalq dərəcəli təlimçi,
gəmiçilik sahəsində böyük
təcrübəyə malik kapitan Titos
Giannakakis aparıb. Noyabrın
24-dək davam edən təlimlər-
də Gəmiçiliyin 130-dan çox
əməkdaşı iştirak edib.
təlimlərdə Gəmiçiliyin 130-dAn çox əməkdAşı iştirAk edib
İranın xarici işlər nazirinin
müavini, Prezidentin Xəzər dənizi-
nin hüquqi statusunun müəyyən-
ləşməsi üzrə aparılan danışıqlar-
dakı xüsusi nümayəndəsi İbrahim
Rəhimpur Moskvaya səfər edib.
Səfər zamanı rusiyalı həmkarı
İqor Bratçikovla görüşən İ.Rəhimpur
Xəzər dənizinin hüquqi statusuna dair
fikir mübadiləsi aparıb. Görüşdə qeyd
olunub ki, dənizin hüquqi statusunu
müəyyən edəcək konvensiyanın hazır-
lanması üzrə işlər davam edir. Diqqətə
çatdırılıb ki, bu sənəd üzərində bütün
Xəzər sahili ölkələrinin təmsilçiləri iş-
ləyirlər.
Görüşdə vurğulanıb ki, İran, Rusi-
ya, Azərbaycan, Qazaxıstan və Türk-
mənistanın xarici işlər nazirlərinin
Xəzərin hüquqi statusu ilə bağlı növ-
bəti Zirvə görüşü gələn il Astana şəhə-
rində keçiriləcək.
xəzərin hüqUqi stAtUsU ilə bAğlı nÖvbəti
zirvə GÖrüşü Gələn il AstAnAdA keçiriləcək
Biznes forumda enli dəmir yoluna
malik ölkələrin milli dəmiryol şirkət-
lərinin, aparıcı nəqliyyat, logistika
və maşınqayırma müəssisələrinin,
Azərbaycanın və Rusiyanın əlaqədar
dövlət idarəetmə orqanlarının rəhbər-
ləri iştirak ediblər.
Azərbaycanın Baş nazirinin müa-
vini Abid Şərifov biznes forumda çıxış
edərək, iştirakçıları Azərbaycan Respub-
likasının Prezidenti İlham Əliyev adın-
dan salamlayıb, onlara uğurlar və rifah
arzu edib.
Baş nazirin müavini deyib: “Bakı
beynəlxalq nəqliyyat dəhlizlərinin kə-
sişdiyi mühüm mərkəzdir. Azərbaycanın
nəqliyyat infrastrukturu hələ XIX əsrin
ortalarında neft hasilatının inkişafı ilə
əlaqədar genişlənməyə başlayıb”. A.Şə-
rifov xatırladıb ki, SSRİ-də ilk elekt-
rikləşdirilmiş dəmir yolu məhz Azər-
baycanda yaradılıb. Ölkə rəhbərliyinin
nəqliyyat infrastrukturunun inkişafına
diqqətindən danışan A.Şərifov qeyd edib
ki, son illər bu sahəyə təqribən 25 mil-
yard dollar yatırılıb. O deyib: “Həmin
vəsait bərə keçidlərinin, avtomobil yol-
larının tikintisinə, Azərbaycan ilə Gür-
cüstan arasında dəmir yolunun tam ye-
nilənməsinə yönəldilib”. Azərbaycanın
iştirakı ilə Transxəzər Beynəlxalq Nəq-
liyyat Marşrutu, “Şimal-Cənub”, “Qərb-
Şərq” kimi nəqliyyat layihələrinin hə-
yata keçirildiyini xatırladan Baş nazirin
müavini biznes forum iştirakçılarına
bildirib ki, Azərbaycanı İranla və dəmir
yolunun Azərbaycandan keçən hissəsini
həmin istiqamətdə birləşdirən körpünün
tikintisi ilin sonuna qədər başa çatacaq.
“Bakı-Tbilisi-Qars” dəmir yolu da elə bu
ilin sonunda işə salınacaq. O bildirib ki,
“Bakı-Tbilisi-Qars” dəmir yolu birba-
şa Avropaya gedən yoldur. Baş nazirin
müavini Bakı Beynəlxalq Dəniz Ticarət
Limanının yaradılmasından, onun əra-
zisində Azad Ticarət Zonasının yaradıl-
ması layihəsinin icrasından danışaraq,
rusiyalı iş adamlarını həmin layihəyə
qoşulmağa dəvət edib.
“Azərbaycan Dəmir Yolları” Qapa-
lı Səhmdar Cəmiyyətinin sədri Cavid
Qurbanov bildirib ki, forumda əsasən
“Şimal-Cənub” və “Şərq-Qərb” nəqliy-
yat dəhlizləri ilə multimodal daşımaların
təşkili, beynəlxalq nəqliyyat dəhlizləri
ilə bağlı problemlər, dəmir yolu infrast-
rukturunun tikintisi, dəmiryol nəqliyyatı
vasitələrinin istehsalı, logistik zəncirvarı
əlaqələrin qurulması və digər məsələlər
müzakirə ediləcək. O, ölkənin bey-
nəlxalq nəqliyyat dəhlizlərinin mərkə-
zinə çevrilə biləcəyini, Astara-Yalama
istiqamətində də dəmir yollarının tam ye-
nilənəcəyini, Azərbaycanın Astara-Rəşt
dəmir yolunun tikintisi üçün İrana kredit
ayıracağını bildirib. C.Qurbanov İran və
Azərbaycandan keçməklə, Mumbaydan
Rusiyaya konteyner qatarlarının sınaq
yürüşünün yoxlanması və təhlili üçün
işçi qruplarının yaradılmasını zəruri he-
sab etdiyini deyib.
“Azərbaycan Xəzər Dəniz Gəmi-
çiliyi” QSC sədrinin müavini Fərhad
Quliyev Transxəzər Beynəlxalq Nəqliy-
yat Marşrutu, “Şimal-Cənub” və “Şərq-
Qərb” beynəlxalq nəqliyyat dəhlizləri
istiqamətində həyata keçirilən infrast-
ruktur layihələri haqqında forum iştirak-
çılarına məlumat verib. Onun sözlərinə
görə, Xəzərdə yeganə bərə operatoru
olan Azərbaycan Xəzər Dəniz Gəmiçi-
liyinin “Şərq-Qərb” və “Şimal-Cənub”
dəhlizləri istiqamətində konteyner
və vaqon daşımalarında fəaliyyəti də
müstəsna əhəmiyyətə malikdir.
Biznes forumun iştirakçılarına Gə-
miçiliyin sifarişi ilə Bakı Gəmiqayırma
Zavodunda tikiləcək Ro-Pax tipli unikal
gəmilər və şirkətin son illər yenilənən
donanması haqqında da məlumat verilib.
Bildirilb ki, Azərbaycan Xəzər Dəniz
Gəmiçiliyinin artması gözlənilən tranzit
yüklərin daşınmasında güclü potensialı
var
“Rusiya Dəmir Yolları” Açıq Səhm-
dar Cəmiyyətinin birinci vitse-prezidenti
Aleksandr Mişarin deyib ki, “Şimal-Cə-
nub” Beynəlxalq Nəqliyyat Dəhlizinin
inkişafı forumun əsas mövzusudur. O
xatırladıb ki, artıq Hindistanın Mumbay
şəhərindən Rusiyaya nümunəvi qatar
yola salınıb və bu qatar İran və Azər-
baycan ərazilərindən keçib. A.Mişarin
deyib ki, Mumbaydan Sankt-Peter-
burqa yüklərin daşınması müddəti yeni
istiqamət sayəsində Süveyş kanalından
keçən ənənəvi marşrutla müqayisədə 14
gün azala bilər. O, həmçinin bildirib ki,
Azərbaycan ilə Rusiya, habelə Rusiya
ilə İran arasında yük axını son üç ildə
xeyli artıb. A.Mişarinin sözlərinə görə,
yükdaşımaların da strukturu dəyişib, ha-
zırda əsasən yüksək gəlir gətirən yüklər
daşınır.
İran Dəmir Yolu İdarəsi sədrinin
müavini Hüseyn Aşuri ölkəsinin nəqliy-
yat potensialından danışaraq deyib ki,
“Şimal-Cənub” layihəsinin həyata ke-
çirilməsi sayəsində yüklərin daşınması
müddəti 40 faiz, onların daşınma xərc-
ləri 30 faiz azalacaq. O, tranzit yüklər
sahəsində daha səmərəli işləmək üçün
dəhlizə görə məsuliyyət daşıyan nəqliy-
yat şirkətinin yaradılmasını, bu şirkətin
fəaliyyətinin əlaqələndirilməsi üçün
marşrutun keçdiyi ölkələrdə onun fili-
allarının açılmasını, habelə şirkət təşkil
edilənə qədər həmin ölkələrin iştirakı ilə
işçi qrupunun yaradılmasını təklif edib.
Qazaxıstanın nümayəndəsi, “Qa-
zaxıstan Dəmir Yolları” Milli Şirkəti”
SC-nin vitse-prezidenti Sanjar Yelyu-
bayev bildirib ki, Qazaxıstan, Azərbay-
can və Gürcüstan ərazilərindən keç-
məklə, Çindən Avropaya Transxəzər
Beynəlxalq Nəqliyyat Dəhlizi ilə üç
qatar yola salınıb. O, tərəflərə müraciət
edərək, onları vahid tarif siyasəti yürüt-
məyə və alternativ logistika yolları ax-
tarmağa çağırıb.
Azərbaycanın iqtisadiyyat nazirinin
müavini Sahil Babayev biznes forumda
çıxış edərək deyib ki, Azərbaycan “Şi-
mal-Cənub”, “Şərq-Qərb” layihələrinin
icrasında əhəmiyyətli rol oynayan regi-
onal nəqliyyat habıdır. S.Babayev nəq-
liyyat dəhlizində çatışmayan hissələrin
yaradılması prosesini sürətləndirməyə,
logistikanı genişləndirməyə, prosedur-
ları sadələşdirməyə, yükdaşımalara va-
hid qaydalar tətbiq etməyə çağırıb.
“Gürcüstan Dəmir Yolu” SC-nin
baş direktoru Mamuka Baxtadze bildi-
rib ki, Avropa İttifaqı ölkələrində isteh-
sal olunmuş avtomobillərdən ibarət ilk
konteyner qatarı dekabrın ortalarında
Poti limanından Tehrana yola düşəcək.
“Uralvaqonzavod” Elm-İstehsalat
Korporasiyası” SC-nin baş direktoru
Oleq Siyenko şirkətin “Azərbaycan Də-
mir Yolları” QSC-nin sifarişini yerinə
yetirərək, müxtəlif çeşidli 3 min yük
vaqonu göndərməsindən danışıb. O bil-
dirib ki, müəssisə artıq İran Dəmir Yolu
İdarəsi ilə də əməkdaşlıq etməyə baş-
layıb, bu ölkə üçün yük vaqonlarının 9
modelini layihələndirib. “Şimal-Cənub”
layihəsinə toxunan O.Siyenko bildirib
ki, bu, təkcə regionda deyil, həm də
dünyada ən uğurlu nəqliyyat layihəsi
olacaq. O, “Bakı-Tbilisi-Qars” dəmir
yolu layihəsini yüksək qiymətləndirərək,
onu güclü geosiyasi layihə adlandırıb.
Biznes forum çərçivəsində sənədlər
- “Azərbaycan Dəmir Yolları” QSC ilə
“Ukrayna Dəmir Yolu” Publik-Səhm-
dar Cəmiyyəti (PSC) arasında qarşı-
lıqlı anlaşma haqqında Memorandum;
“TransKonteyner” PSC ilə “Port Dal-
yan Ltd korporasiyası” SC arasında
strateji əməkdaşlıq niyyətləri haqqında
Memorandum; “TransKonteyner” PSC
ilə “Azərbaycan Dəmir Yolları” QSC
arasında əməkdaşlıq haqqında Memo-
randum; Hindistan Nəqliyyat-Logistika
Assosiasiyaları Federasiyası ilə “RJD
Logistika” SC arasında strateji əmək-
daşlıq haqqında Saziş; “Azərbaycan
Dəmir Yolları” QSC ilə “Rusaqrotrans”
QSC arasında əməkdaşlıq haqqın-
da Memorandum; “RJDstroy” SC ilə
“Bakı Metropoliteni” QSC arasında
əməkdaşlıq haqqında Memorandum
imzalanıb.
bAkıdA “strAteJi tərəfdAşlıq 1520: dünyAnın dÖrd tərəfini birləşdirən -
xəzər reGionU” mÖvzUsUndA beynəlxAlq biznes forUm keçirilib