A
zərbaycan tarixən qədim ipək
yolunun keçdiyi və bir-birinə
uzaq məsafədə yerləşən dövlətləri ən
qısa yolla birləşdirən, ticari-iqtisa-
di dəhlizlərin qovuşduğu məkan olub.
Ölkəmizin bu sahədəki tarixi rolu indi
- qloballaşan dünyanın yeni geoiqtisadi
çağırışları kontekstində daha da artaraq
strateji əhəmiyyət kəsb edir. Avrasiya
məkanının mühüm logistik mərkəzlərin-
dən birinə çevrilən Azərbaycan həm də
bu sahədə yeni təşəbbüslərin müəllifidir.
ipək yolu üzərində geniş iqtisadi zolağın
yaradılmasının fəal dəstəkçisi olan res-
publikamız müxtəlif istiqamətlərə tran-
zit daşımalarının səmərəli təşkilinə də
etibarlı təminat verir.
dəniz nəqliyyatının
inkişaf prosesi heydər əliyevin
adı ilə bağlıdır
“Şərq-Qərb” və “Şimal-Cənub” nəq-
liyyat dəhlizlərinin kəsişməsində yerləşən
Azərbaycanın əlverişli geostrateji mövqeyə
malik olmasını ümummilli lider Heydər
Əliyev böyük uzaqgörənliklə qiymətlən-
dirirdi. Hələ 1998-ci ildə 32 ölkənin və 13
beynəlxalq təşkilatın təmsilçilərinin işti-
rakı ilə tarixi İpək yolunun bərpasına həsr
olunmuş konfransın məhz Bakıda təşkil
olunması və Avropa-Qafqaz-Asiya nəqliy-
yat dəhlizinin (TRASEKA) həyata keçiril-
məsini əks etdirən “Avropa-Qafqaz-Asiya
dəhlizinin inkişafı üzrə beynəlxalq nəqliy-
yat haqqında Əsas Çoxtərəfli Saziş”in də
imzalanması məhz ulu öndərin böyük fəda-
karlığının nəticəsi olmuşdur. Ötən müddət
ərzində bu istiqamətdə mühüm genişmiq-
yaslı layihələr həyata keçirilib.
Təqdirəlayiq haldır ki, ulu öndərin
ölkənin tranzit potensialının inkişaf etdiril-
məsinə yönələn strateji kursu Prezident İl-
ham Əliyev tərəfindən uğurla davam etdiri-
lir. Ölkəmizdə nəqliyyat infrastrukturunun
təkmilləşdirilməsi, tranzit potensialının
artırılması istiqamətində dövlət başçısının
təşəbbüsləri nailiyyətlərlə nəticələnir və
bu sahəyə yönələn irihəcmli dövlət inves-
tisiyaları nəzərdə tutulan işlərin maneəsiz
aparılmasına real zəmin yaradır. Xəzər
hövzəsində ən böyük ticarət limanı olan
Bakı Beynəlxalq Dəniz Ticarət Limanının,
dəmir yolu xətlərinin inşası və yenidənqu-
rulması layihələri, yeni beynəlxalq hava li-
manlarının tikintisi, müasir avtomobil yol-
ları şəbəkəsinin yaradılması Azərbaycanın
tranzit daşımalarında iştirakının miqyasını
dəfələrlə artırır.
Azərbaycanın nəqliyyat sektorunu
dəniz sferası olmadan təsəvvür etmək çə-
tindir. Dəniz nəqliyyatı tarixi inkişaf yolu
keçib və bütün zamanlarda öz əhəmiyyət-
liyini saxlayıb. Müstəqillik qazanıldıqdan
sonra, xüsusən isə müasir dövrdə respubli-
kamızda dəniz nəqliyyatı sahəsinin tənzim-
lənməsi mühüm səciyyə daşıyır. Bu vacib
prosesin həyata keçirilməsində mərkəzi
icra hakimiyyəti orqanı funksiyasını daşı-
yan Azərbaycan Respublikasının Dövlət
Dəniz Administrasiyası ölkə başçısının
6 fevral 2006-cı il tarixli 1271 nömrəli
sərəncamına əsasən yaradılıb. Sərəncamda
Azərbaycan Respublikasında dəniz nəq-
liyyatı sahəsində aparılan siyasətin, habelə
Birləşmiş Millətlər Təşkilatının Beynəlxalq
Dəniz Təşkilatı və digər beynəlxalq təşki-
latlarla əməkdaşlığın, Azərbaycanın tərəf-
dar çıxdığı beynəlxalq konvensiyaların ic-
rasına nəzarətin həyata keçirilməsi Dövlət
Dəniz Administrasiyasının səlahiyyətlərinə
aid edilib. Azərbaycan Prezidentinin 2006-
cı il 20 aprel tarixli 395 nömrəli fərmanı ilə
təsdiq edilmiş “Əsasnamə”yə müvafiq ola-
raq administrasiya Azərbaycan ərazisində
dəniz nəqliyyatı sahəsində dövlət siyasətini
və tənzimlənməsini həyata keçirən mərkə-
zi icra hakimiyyəti orqanı kimi fəaliyyət
göstərməkdədir.
Ümumiyyətlə, dünya ticarət məhsulla-
rının 80 faizdən artıq hissəsinin təhlükəsiz,
maddi cəhətdən sərfəli və ətraf mühitə daha
az mənfi təsir göstərməklə daşınması məhz
dəniz nəqliyyatı vasitəsi ilə həyata keçiri-
lir. Dəniz nəqliyyatının inkişafı ilə əlaqədar
bütün dünya dövlətləri tərəfindən qəbul
olunan və riayət edilən, dənizçilik müna-
sibətlərini tənzimləyən tələblərə və norma-
lara daim ehtiyac duyulub. Bu normaların
effektiv fəaliyyət göstərən bir təşkilatda
müzakirə və qəbul edilməsinin vacibliyi
nəzərə alınaraq 1948-ci ildə Birləşmiş Mil-
lətlər Təşkilatının strukturuna daxil olan
Beynəlxalq Dəniz Təşkilatı yaradılıb. Azər-
baycan ümummilli lider Heydər Əliyevin
təşəbbüsü ilə 1995-ci ilin may ayında Bey-
nəlxalq Dəniz Təşkilatına tam səlahiyyətli
üzv qəbul olunub.
Heydər Əliyevin bütün sahələrdə ol-
duğu kimi, dəniz nəqliyyatı kompleksinin
inkişafı sahəsində də müstəsna rolunu qeyd
etmək istərdim. Dəniz donanmasına malik
keçmiş sovet respublikalarının bir çoxun-
da donanmalar qayğısızlıq və nəzarətsiz-
lik üzündən, demək olar ki, dağılıb. Bizim
ölkəmizdə isə iqtisadiyyatımızın strateji
cəhətdən mühüm sahəsindən biri olan də-
niz nəqliyyatı üzərində nəzarət saxlanılıb.
Bu gün də qeyd edilən sahəyə diqqət və
qayğı Prezident tərəfindən uğurla davam et-
dirilir. Bu diqqət və qayğının nəticəsidir ki,
hazırda donanmada sərnişin bərələri, “ro-
ro” tipli gəmilər, neft tankerləri, quru yük
gəmiləri, boru kəməri çəkən, elmi-tədqiqat,
qəza-xilasetmə, yedək və dalğıc gəmiləri,
torpaqqazan, həmçinin analoqu olmayan
iritonnajlı kran gəmiləri mövcuddur ki,
bu da ölkəmizin həqiqətən qüdrətli dəniz
dövləti olmasını təsdiqləyir. Ümumiyyət-
lə, hazırda respublikamızda iqtisadiyyatın
bütün sahələri ilə yanaşı, dəniz nəqliyyatı
sahəsinin də sürətli inkişafı, dövlətimizin
tranzit nəqliyyat dəhlizlərinin formalaşma-
sında iştirak etməsi möhtərəm Prezidentin
gərgin əməyinin nəticəsi kimi qiymətləndi-
rilməlidir.
Həmçinin “Dənizdə insan həyatının
mühafizəsinə dair Beynəlxalq Konven-
siya”nın tələblərinin yerinə yetirilməsi
məqsədilə Xəzəryanı ölkələrdə ilk dəfə
olaraq Azərbaycanda yaradılmış, ən son
naviqasiya və müşahidə avadanlıqları ilə
təchiz edilmiş Uzaq Məsafədən Tanınma və
İzləmə Milli Mərkəzinin əsas funksiyaları -
Azərbaycanın ərazi sularında üzən gəmilə-
rin mövqeyinin peyk və radarlar vasitəsilə
izlənilməsi, onların hərəkətinin təhlükəsiz-
liyinin təmin edilməsi, naviqasiya xəbər-
darlıqlarına və hava haqqında proqnozlara
dair müvafiq məlumatların gəmilərə çat-
dırılması, “Azərbaycan Respublikasının
ərazi sularında üzmə Qaydaları”na riayət
olunmasına nəzarətin həyata keçirilməsi,
gəmilərdən daxil olan həyəcan siqnalları-
nın (SOS) və digər məlumatların aidiyyəti
dövlət qurumlarına çatdırılmasının təmin
edilməsi və əlaqələndirmənin təşkili, ha-
belə beynəlxalq təşkilatlar daxil olmaqla,
digər ölkələrin eyni adlı milli mərkəzləri
və gəmiçilik şirkətləri ilə mütəmadi olaraq
operativ əlaqənin yaradılması və informa-
siya mübadiləsinin həyata keçirilməsin-
dən ibarətdir. Uzaq Məsafədən Tanınma
və İzləmə Milli Mərkəzi öz texniki təchi-
zatı baxımından bir çox qabaqcıl Avropa
dövlətlərinin oxşar qurumlarından daha
üstündür. Milli Mərkəzdə işə cəlb olun-
muş mütəxəssislər xarici ölkələrin müvafiq
mərkəzlərində xüsusi təlimlər keçiblər.
dövlət dəniz
Administrasiyasının beynəlxalq
əməkdaşlığı genişlənir
Dövlət Dəniz Administrasiyası fəaliy-
yətində Beynəlxalq Dəniz Təşkilatı (BDT)
ilə münasibətlərə, eləcə də dəniz nəqliyyatı
sahəsi ilə bağlı digər beynəlxalq və regio-
nal əməkdaşlığa böyük önəm verir. Qeyd
etmək istərdim ki, BDT Birləşmiş Millətlər
Təşkilatının ixtisaslaşmış agentliyi olub,
beynəlxalq dəniz gəmiçiliyinin təhlükəsiz-
liyi, mühafizəsi və dəniz mühitinin qorun-
masını həyata keçirən beynəlxalq hökumət-
lərarası təşkilatdır.
BDT 1948-ci ildə Cenevrədə Birləşmiş
Millətlər Təşkilatının beynəlxalq konfran-
sında “Beynəlxalq Dəniz Təşkilatı haqqın-
da Konvensiyası”nın qəbul edilməsi ilə
təsis edilmiş və 1958-ci ildə “Hökumətləra-
rası dəniz məsləhətləşmə təşkilatı” (IMKO)
adı ilə fəaliyyətə başlamışdır. Sözügedən
qurumun adı 1982-ci ildən Beynəlxalq Də-
niz Təşkilatı adlanır və təşkilata üzv dövlət-
lərin sayı hal-hazırda 171-dir. BDT-nin rəs-
mi məqsədi beynəlxalq dəniz gəmiçiliyinə
aid istənilən texniki məsələlərdə hökumət
tənzimlənməsini və praktika sahəsində
hökumətlərin əməkdaşlığını təmin etmək,
dənizdə təhlükəsizlik, gəmiçiliyin səmərə-
liliyi, dənizin gəmilər vasitəsilə çirklən-
dirilməsinin qarşısının alınması və bu cür
çirklənməyə qarşı mübarizə məsələlərində
mümkün qədər praktiki baxımdan maksi-
mal normaların hamılıqla qəbul edilmə-
sini təşkil etmək və buna şərait yaratmaq,
təşkilatın məqsədi ilə əlaqədar inzibati və
hüquqi məsələləri nəzərdən keçirməkdir.
Dövlət Dəniz Administrasiyası qa-
baqcıl ölkələrin dəniz nəqliyyatı sahəsində
təcrübəsinin öyrənilməsi və bu təcrübənin
ölkəmizdə tətbiqinə xüsusi diqqət yetirir.
Ölkəmiz bu sahədə çoxtərəfli əməkdaşlıq
fəaliyyətini təkcə BDT ilə deyil, həmçinin
Beynəlxalq Əmək Təşkilatı, Avropa Dəniz
Təhlükəsizliyi Agentliyi, Qara Dəniz İq-
tisadi Əməkdaşlıq Təşkilatı və digər bey-
nəlxalq və regional qurumlarla da inkişaf
etdirməkdədir.
Azərbaycan nümayəndə heyəti cari
ilin 21-25 noyabr tarixlərində Birləşmiş
Millətlər Təşkilatının nüfuzlu təşkilatı olan
Beynəlxalq Dəniz Təşkilatının London
şəhərində yerləşən baş qərargahında keçi-
rilmiş Dəniz Təhlükəsizliyi Komitəsinin
97-ci Sessiyasında iştirak edib. Sessiyada
dəniz üzgüçülüyünün təhlükəsizliyinin tə-
min edilməsi, dəniz mühitinin mühafizə-
si, gələcəkdə dəniz qəzalarının qarşısının
alınması, eləcə də beynəlxalq ictimaiyyəti
dərindən narahat edən dəniz quldurluğu
halları ilə mübarizəyə dair ümumi müza-
kirələr aparılıb. Sessiyada “Dənizdə insan
həyatının mühafizəsinə dair Beynəlxalq
Konvensiya”ya, “Dənizçilərin hazırlanma-
sına, onlara diplom verilməsinə və növbə
çəkməyə dair Beynəlxalq Konvensiya”ya,
“Yanğın Təhlükəsizlik Sistemləri haqqında
Məcəllə”yə, “Maye qazları qalama şəklin-
də daşıyan gəmilərin inşası və avadanlıq-
larına dair Beynəlxalq Məcəllə”yə, “Neft
tankerlərinin və qalama yüklər daşıyan gə-
milərin yoxlanılması üzrə genişləndirilmiş
təftiş proqramı haqqında Beynəlxalq Mə-
cəllə”yə, “Dayanıqlılığa dair Beynəlxalq
Məcəllə”yə və dəniz nəqliyyatı sahəsi
üzrə bir sıra digər mühüm sənədlərə təklif
edilən dəyişikliklər nəzərdən keçirilib.
Beynəlxalq konvensiya və məcəl-
lələrə təklif edilən dəyişikliklərdə gəminin
konstruksiyası - struktur, otsek və dayanıq-
lılıq, maşın şöbəsi və elektrik avadanlıqla-
rı yanğından mühafizə, yanğın detektor-
ları və yanğının söndürülməsi, xilasedici
vasitələr və avadanlıqlar, dəniz təhlükə-
sizliyinin gücləndirilməsi üçün xüsusi təd-
birlər, müəyyən tip gəmilərin heyəti üçün
xüsusi təlimlər barədə tələblər, xilasedici
vasitələrin yerləşdirilməsi, gəmi avadan-
lıqları, qalama yüklər daşıyan gəmilərin
yoxlanılması üzrə genişləndirilmiş təftiş
proqramı, neft tankerlərinin yoxlanılma-
sı üzrə genişləndirilmiş təftiş proqramı,
müəyyən əməliyyatlarda istismar olunan
gəmilər və müəyyən tip gəmilər üçün
tövsiyə və əlavə təlimatlar, sertifikatların
etibarlılıq müddətinin artırılması, şirkətlə-
rin məsuliyyətləri, sertifikatlar və onların
təsdiqnamələrinə dair təlimatlar, şirkətlə-
rin, kapitanların və gəmi heyətinin tövsiyə
olunan məsuliyyətlərinə dair təlimatlar öz
əksini tapıb.
Azərbaycan nümayəndə heyəti Bey-
nəlxalq Dəniz Təşkilatının rəsmiləri, ses-
siyaya qatılmış bir sıra üzv dövlətlərin
nümayəndə heyətləri ilə ikitərəfli görüşlər
keçirib. Görüş zamanı qarşılıqlı əməkdaş-
lığın daha səmərəli və effektiv həyata ke-
çirilməsi, habelə dəniz nəqliyyatı sahəsi
ilə bağlı ölkəmiz üçün əhəmiyyətli olan
bir sıra mühüm məsələlər ətrafında fikir
mübadiləsi aparılıb. Sessiyanın sonunda
Dəniz Təhlükəsizliyi Komitəsinin sədr və
sədr müavini vəzifələrinə keçirilən seçki-
nin nəticələrinə görə, Avstraliyadan olan
nümayəndə Bred Qrovs sədr, Argentinadan
olan nümayəndə Xuan Karlos Kubisino isə
sədr müavini seçilib.
Ölkəmiz 1995-ci ildən BDT üzv oldu-
ğu tarixdən etibarən “Dənizdə insan həyatı-
nın mühafizəsinə dair Beynəlxalq Konven-
siya” (SOLAS-74), “Dənizin gəmilərdən
çirkləndirilməsinin qarşısının alınmasına
dair Beynəlxalq Konvensiya” (MARPOL),
“Dənizçilərin hazırlanmasına, onlara dip-
lom verilməsinə və növbə çəkməyə dair
1978-ci il tarixli Beynəlxalq Konvensiya”
(STCW), “Dənizdə gəmilərin toqquşması-
nın qarşısının alınmasına dair beynəlxalq
qaydalar haqqında Konvensiya” (COL-
REG), “Beynəlxalq dəniz gəmiçiliyinin
asanlaşdırılması haqqında Konvensiya”
kimi dəniz nəqliyyatı sahəsində 20-dən
çox beynəlxalq konvensiya və protokola
qoşulmuşdur. Beynəlxalq konvensiya və
protokollardan irəli gələrək dəniz nəqliy-
yatı sahəsinə dair tələblərin təmin olunması
qanunvericiliklə müəyyən olunmuş səla-
hiyyətlər çərçivəsində Azərbaycan Respub-
likasının Dövlət Dəniz Administrasiyası
tərəfindən həyata keçirilir.
Belə ki, “Azərbaycan Respublikası-
nın Dövlət Dəniz Administrasiyasının ya-
radılması haqqında” Prezidentin 6 fevral
2006-cı il tarixli 1271 nömrəli sərəncamın-
da Azərbaycanda dəniz gəmiçiliyi sahə-
sində aparılan siyasətin, habelə BMT-nin
Beynəlxalq Dəniz Təşkilatı və digər bey-
nəlxalq dəniz təşkilatları ilə əməkdaşlığın,
Azərbaycan Respublikasının tərəfdar çıx-
dığı beynəlxalq dəniz konvensiyalarının
icrasına nəzarətin həyata keçirilməsi səla-
hiyyətlərinin Administrasiyaya tapşırılma-
sı məsələsi öz əksini tapıb. Dövlət Dəniz
Administrasiyası gəmiçilik sahəsində fəa-
liyyət göstərən müəssisələr, təşkilatlar və
Azərbaycanın dövlət bayrağı altında üzən
gəmilər tərəfindən bu konvensiyaların
tələblərinin yerinə yetirilməsinə nəzarət
işini həyata keçirərək müvafiq sahədə bö-
yük uğurların qazanılmasını təmin edib.
Dövlət Dəniz Administrasiyası tərə-
findən dənizçilərin hazırlanması və onlara
diplomların verilməsi sahəsində həyata
keçirilən effektiv fəaliyyətin nəticəsidir
ki, 2011-ci ildə Avropa Dəniz Təhlükə-
sizliyi Agentliyi tərəfindən aparılmış
yoxlamalar nəticəsində Dövlət Dəniz
Administrasiyası tərəfindən verilmiş dip-
lom və sertifikatlar Avropa İttifaqının di-
rektivlərinə uyğun olaraq Avropa İttifaqı
tərəfindən tanınmışdır və xüsusi ilə qeyd
edilməlidir ki, Azərbaycan Respublikası
Beynəlxalq Dəniz Təşkilatının “Ağ siya-
hısı”na daxil edilib.
dəniz nəqliyyatı qanunvericiliyi
beynəlxalq hüquqi standartlara
tam cavab verir
Dəniz nəqliyyatı sahəsində qanunveri-
ciliyimizin təkmilləşdirilməsi istiqamətində
görülmüş işlər də xüsusi qeyd edilməlidir.
Xatırladım ki, Avropa İttifaqı tərəfindən
Avropa Qonşuluq və Tərəfdaşlıq Alətinin
Azərbaycan üzrə Fəaliyyət Proqramı çərçi-
vəsində Azərbaycan Respublikasının Döv-
lət Dəniz Administrasiyasında 2 il müddə-
tində “Azərbaycan Respublikasında dəniz
üzgüçülüyünün təhlükəsizliyinin və dəniz
mühitinin mühafizəsinin təkmilləşdirilməsi
haqqında Tvinninq layihəsi” həyata keçiri-
lib.
Qeyd edilən layihə çərçivəsində Av-
ropa İttifaqı təcrübəsi və qanunvericiliyi
nəzərə alınmaqla hazırlanmış “Dəniz li-
manları haqqında” Azərbaycan Respublika-
sının Qanun layihəsinin “Normativ hüquqi
aktlar haqqında” Azərbaycan Respublikası
Konstitusiya Qanununun 48-ci maddəsinə
uyğun olaraq Nazirlər Kabinetinə təqdim
edilib. Qeyd olunan qanun 18 aprel 2014-
cü il tarixində Milli Məclis tərəfindən qəbul
olunub. 7 fəsil və 29 maddədən ibarət olan
adıçəkilən qanun Azərbaycanın dəniz li-
manlarında ticarət gəmiçiliyindən yaranan
münasibətlərin tənzimlənməsini, limanla-
rın inşası, açılması, bağlanması qaydaları-
nı, limanlarda fəaliyyətin həyata keçirilmə-
sini, o cümlədən xidmətlərin göstərilməsi,
habelə limanlarda fəaliyyətin dövlət tən-
zimlənməsinin əsaslarını müəyyən edən
normativ müddəaları özündə ehtiva edir.
Həmçinin bu çərçivədə administra-
siya tərəfindən hazırlanmış 9 layihədən
artıq 7-si (“Azərbaycan Respublikasının
Dəniz Limanları Reyestrinin aparılması
Qaydası”, “Gəmi agenti haqqında Əsas-
namə”, “Limanlarda gəmi agenti tərəfindən
xidmətlərin göstərilməsi üçün sertifikatın
forması, qüvvədə olma müddəti, verilmə
və ləğv edilmə Qaydası”, “Azərbaycan
Respublikasının ərazi sularında üzmə Qay-
daları”, “Limanlarda qanunsuz müdaxilə
aktı zamanı təhlükəsizliyin təmin edilməsi
Qaydası”, “Limanın və limanın infrastruk-
tur obyektlərinin mühafizəsi Qaydası” və
“Dəniz terminalının operatoru tərəfindən
realizə olunan yükün və ona görə hesab-
laşmaların uçotu Qaydası”) təsdiq olunub.
Eyni zamanda adıçəkilən Tvinninq layihəsi
çərçivəsində dəniz üzgüçülüyünün təhlükə-
sizliyi üzrə Azərbaycan qanunvericiliyinin
“Dənizin gəmilərdən çirkləndirilməsinin
qarşısının alınmasına dair Beynəlxalq Kon-
vensiya”ya uyğun olaraq təkmilləşdirilmə-
si ilə bağlı bir sıra mühüm sənədlər işlənib
hazırlanıb.
Qeyd edilən layihənin uğurlu icrasının
davamı olaraq bildirmək istərdik ki, Azər-
baycan Respublikasının Dövlət Dəniz Ad-
ministrasiyasında 2015-ci ilin noyabr ayın-
dan əsas məqsədi dəniz nəqliyyatı sahəsi
üzrə normativ hüquqi aktların beynəlxalq
standartlara uyğunlaşdırılmasından ibarət
olan “Azərbaycan Respublikasında dəniz
nəqliyyatı sahəsində məsuliyyətin artırıl-
masında Dövlət Dəniz Administrasiyasına
dəstək” adlı Tvinninq layihəsinin həyata
keçirilməsinə başlanılıb ki, bu layihə çər-
çivəsində dəniz üzgüçülüyünün təhlükə-
sizliyinin təmin edilməsi və ətraf mühitin
mühafizəsi ilə əlaqədar gəmi sahibləri
və dənizçilər üçün inzibati məsuliyyətin
müəyyən edilməsini nəzərdə tutan İnzibati
Xətalar Məcəlləsinə dəyişikliklər edilməsi
üçün layihə hazırlanıb. Həmin layihə ye-
kunlaşdırılaraq qısa bir zamanda aidiyyəti
üzrə təqdim ediləcək.
Azərbaycan Prezidentinin 14 mart
2014-cü il tarixli 338 nömrəli sərəncamına
əsasən ölkəmizin ərazisində dəniz üzgü-
çülüyünün təhlükəsizliyinin daha səmərəli
təşkilini təmin etmək məqsədilə Azərbay-
can Respublikası Dövlət Dəniz Administ-
rasiyasının tabeliyində Dəniz Üzgüçülü-
yünün Təhlükəsizliyi Mərkəzi yaradılıb.
Nazirlər Kabinetinin 23 may 2014-cü il
tarixli 164 nömrəli qərarı ilə təsdiq edilmiş
Nizamnaməyə əsasən adıçəkilən Mərkəzin
funksiyalarına Azərbaycan Respublikasının
ərazi sularında və liman akvatoriyalarında
dəniz üzgüçülüyünün təhlükəsizlik siste-
minin təşkil olunması, gəmilərin hərəkəti-
nin idarə edilməsi, gəmilərdə yoxlamala-
rın həyata keçirilməsi, bələdçi xidmətinin
göstərilməsi, gəmilərin uzaq məsafədən
izlənilməsi və dəniz üzgüçülüyünün təh-
lükəsizliyinə aid digər funksiyalar daxildir.
Dəniz Üzgüçülüyünün Təhlükəsizliyi
Mərkəzinin yaradılması Azərbaycanın qo-
şulduğu beynəlxalq konvensiyaların tələb-
lərinin yerinə yetirilməsinə və gəmilərin
nəzarət yoxlamasının beynəlxalq standart-
lara uyğun olaraq daha səmərəli və effektiv
həyata keçirilməsinə xidmət göstərməkdə-
dir.
Məlumat üçün qeyd etmək istərdim
ki, respublikamızda dəniz üzgüçülüyü-
nün təhlükəsizliyinin təmin olunmasında
görülmüş işlər və təşəkkül tapmış möv-
cud dövlət nəzarət üsulu mütəmadi olaraq
ölkəmizə səfərlər edən müstəqil beynəlxalq
ekspertlər, habelə Beynəlxalq Dəniz Təşki-
latı və Avropa Dəniz Təhlükəsizliyi Agent-
liyi tərəfindən müsbət dəyərləndirilərək
alqışlanmışdır. Dövlət Dəniz Administra-
siyası tərəfindən mütəmadi olaraq dəniz
üzgüçülüyünün təhlükəsizliyi sahəsində
görülmüş işlər və dəniz üzgüçülüyünün
təhlükəsizliyinin təmin olunması səviyyə-
si barədə adıçəkilən təşkilatlara illik hesa-
batlar təqdim edilir. Həmçinin Beynəlxalq
Dəniz Təşkilatının müvafiq Qətnaməsinə
əsasən 2014-cü ildən başlayaraq həyata
keçirilən üzv dövlətlərin audit yoxlaması
prosesi çərçivəsində adıçəkilən təşkilatın
müstəqil ekspertlərinin yaxın dövrdə növ-
bəti, müfəssəl yoxlama missiyası ilə res-
publikamıza səfəri planlaşdırılır.
Audit yoxlamasının nəticələri Bey-
nəlxalq Dəniz Təşkilatı tərəfindən rəsmi
olaraq dövlətə təqdim olunur və audit yox-
lamasının nəticələrində əsas diqqətin də-
niz üzgüçülüyünün təhlükəsizliyi ilə bağlı
beynəlxalq konvensiyalarda nəzərdə tutul-
muş dövlət nəzarətinin effektiv və səmərə-
li həyata keçirilməsinə yönəldiyini nəzərə
alsaq, hazırda formalaşdırılmış dövlət nə-
zarət mexanizmi audit yoxlamasından müs-
bət rəylə keçilərək respublikamızın dəniz
nəqliyyatı sahəsində beynəlxalq konven-
siyaların tələblərindən irəli gələn öhdəlik-
lərinin icrasının, habelə Beynəlxalq Dəniz
Təşkilatında, eləcə də beynəlxalq aləmdə
dəniz nəqliyyatı sahəsində müsbət imicinin
qorunub saxlanılmasının və daha da artma-
sının qarantı hesab edilməlidir.
nəqliyyat donanmasının
yenilənməsi daim diqqət
mərkəzindədir
Dəniz üzgüçülüyünün təhlükəsizliyi
baxımından mühüm göstərici olan dəniz
donanmasını təşkil edən həmin gəmilərin
orta yaş həddinin daha da azaldılması baş-
lıca hədəf kimi müəyyən olunub və ölkə-
mizin tranzit potensialının gücləndirilməsi
məqsədilə donanmanın yenilənməsi və
müasir tələblərə cavab verən yeni gəmilə-
rin tikintisi daim diqqət mərkəzində sax-
lanılır və bu məsələyə tərəfimizdən xüsusi
həssaslıqla yanaşılır.
“Azərbaycan Xəzər Dəniz Gəmiçiliyi”
QSC tərəfindən öz maddi imkanları hesa-
bına ötən 3 ildə quru yük gəmilərinin, neft
tankerlərinin, təchizat və sərnişin gəmiləri-
nin alınması ilə donanmanın yenilənməsi
istiqamətində mühüm addımlar atılmışdır.
Həmçinin “Azərbaycan Xəzər Dəniz
Gəmiçiliyi” QSC-nin sifarişi əsasında Bakı
Gəmiqayırma Zavodunda Xəzər dənizində
ilk olacaq iki ədəd yeni unikal Ro-Pax tip-
li bərə gəmisi inşa edilməkdədir. Eləcə də
müasir tələblərə cavab verən 7 - 13 min ton
arası yükgötürmə qabiliyyətinə malik olan
tankerlərin sifarişi nəzərdə tutulub.
Xüsusi olaraq vurğulamaq istərdim ki,
quru yük gəmilərinin, tankerlərin, dəniz-
də neft və qaz əməliyyatlarının aparılma-
sına xidmət edən ixtisaslaşmış donanma
üçün tələb olunan gəmilərin inşa edilməsi
üzrə geniş texniki imkanlara malik Bakı
Gəmiqayırma Zavodu istifadədə olan gə-
milərin müasir standartlara uyğun, daha
yeni gəmilərlə yenilənməsi baxımından
ümumiyyətlə respublikamızda fəaliyyət
göstərən bütün gəmi sahibləri üçün cəlbe-
dici xarakter daşıyır.
Bununla əlaqədar olaraq bildirmək
istərdim ki, adıçəkilən zavodda inşası
2017-ci ilin aprel ayına qədər başa çatdı-
rılması planlaşdırılan, regionda analoqu ol-
mayan xüsusi təyinatlı “Xankəndi” gəmisi
2017 - 2027-ci illər ərzində “Şahdəniz-2”
layihəsinin sualtı quraşdırma işlərində is-
tifadə ediləcək. 155 metr uzunluğa, 32
metr enə, 13 metr hündürlüyə malik olacaq
gəminin 2,5 metr hündürlüyündə böyük
dalğalarda (Hs) fəaliyyət göstərə bilmək
üçün dinamik mövqeləndirmə sistemi,
600 metrədək sualtı əməliyyatlar aparmaq
üçün 900 metrik tonluq əsas kranı, iki
ədəd 18 nəfərlik dalğıc kapsulu sistemi,
iki ədəd məsafədən idarə olunan aparatı,
möhkəmləndirilmiş avadanlıq endirmə
şaxtası olacaq.
Azərbaycanda gəmiçilik sahəsi üçün
strateji əhəmiyyətə malik olan bu sifarişlər
yalnız Azərbaycan Xəzər Dəniz Gəmiçili-
yinin donanmasının yenilənməsi üçün de-
yil, eyni zamanda ölkəmizdə yerli gəmiqa-
yırma təcrübəsinin zənginləşməsi üçün də
çox mühümdür.
Xüsusilə vurğulanmalıdır ki, ölkəmiz-
də gəmiçilik sahəsində mövcud infrastruk-
turun təkmilləşdirilməsi, habelə regionda
ən iri, müasir və güclü potensiala malik
milli gəmiqayırma zavodunun tikintisi də-
niz nəqliyyatı sahəsinə dövlətimiz tərəfin-
dən göstərilən dəstəyin bariz nümunəsidir.
Azərbaycanın dəniz nəqliyyatı
infrastrukturu Asiya və Avropa
arasında səmərəli, etibarlı,
birləşdirici körpüdür
Dəniz yolları, digər nəqliyyat xətlə-
ri bəşər sivilizasiyasının tarixində həmişə
çox böyük rol oynayıb, həyatın bütün
sahələrinə öz mühüm təsirini daim göstə-
rib. Şərqlə Qərbi birləşdirən tranzit qovşağı
kimi əlverişli coğrafi mövqeyə və zəngin
təbii sərvətlərə malik olan ölkəmiz, eləcə
də regionun inkişafı üçün yeni imkanların
yaradılması, bu ərazilərdə yaşayan insan-
ların rifahına töhfə verilməsi baxımından
nəqliyyat dəhlizlərinin təhlükəsizliyinin və
etibarlılığının təmin edilməsi çox vacib bir
məsələdir.
Bu gün administrasiya tərəfindən regi-
onun lider dövlətinə çevrilən ölkəmiz üzrə
dəniz nəqliyyatı ilə daşımaların təhlükəsiz
həyata keçirilməsi məqsədilə dəniz üzgü-
çülüyünün təhlükəsizliyinin səmərəli və
effektiv təşkili, eləcə də gəmilərin limanla-
ra girişi və çıxışı zamanı vaxt itkisinin də
qarşısının alınması istiqamətində məqsəd-
yönlü işlər görülür və həmin işlər ciddi nə-
zarətdə saxlanılır.
Xüsusilə vurğulanmalıdır ki, dəniz
nəqliyyatı ilə daşımaların həyata keçiril-
məsi təhlükəsiz və etibarlı olmasa, bu sahə
əcnəbi və yerli yük sahibləri üçün heç za-
man cəlbedici ola bilməz. Belə ki, qeyd
edilən amil nəqliyyat dəhlizləri ilə tranzit
yükdaşımalarının həyata keçirilməsində
yük sahiblərinin daim xüsusi diqqət etdik-
ləri məsələdir.
Ölkəmizin ərazisi üzərindən keçən
beynəlxalq və regional nəqliyyat dəhlizlə-
ri üzrə gəmilərin hərəkətinin optimallaş-
dırılması, dəniz və digər nəqliyyat növləri
arasında nəqliyyat qovşaqlarında yük sa-
hibləri, operatorlar, ekspeditorlar, agentlik
və digər təşkilatlarla qarşılıqlı münasibət-
lərin təkmilləşdirilməsi, dəniz yolların-
da naviqasiya təminatının yüksəldilməsi,
eləcə də naviqasiya avadanlıqlarının yeni
avadanlıqlarla əvəz edilməsi istiqamətində
Dövlət Dəniz Administrasiyası tərəfindən
müvafiq işlər görülür.
Administrasiya tərəfindən, həmçinin
dəniz nəqliyyatının inkişaf etdirilməsi, nəq-
liyyat donanmasının dünya bazarında qar-
şıya çıxan rəqabətin tələblərinə uyğunlaşdı-
rılması üçün yeniləşdirilməsi istiqamətində
atılan mühüm addımlar dəniz nəqliyyatı ilə
daşımaların həyata keçirilməsinə öz müs-
bət töhfəsini verəcək.
Fəaliyyətimizdəki uğurlardan danı-
şarkən hazırda Dövlət Dəniz Administra-
siyası tərəfindən göstərilən xidmətlərin,
demək olar ki, hamısının elektronlaşdırıl-
ması faktını diqqətə çatdırmaq yerinə düşər-
di. Hüquqi və ya fiziki şəxslər tərəfindən
administrasiyaya ünvanlanan müraciətlər
hətta qanunvericiliklə müəyyən edilmiş
müddətdən də az bir zamanda əməkdaşla-
rımız tərəfindən ətraflı şəkildə cavablandı-
rılır və həmin müraciətlərin böyük əksəriy-
yəti dərhal öz müsbət həllini tapır.
Xüsusilə bildirmək istərdim ki, admi-
nistrasiya tərəfindən daimi olaraq dəniz
nəqliyyatı sahəsi üzrə fəaliyyət göstərən
şirkətlərə qarşılaşdıqları problemlərin
nəzəri və praktiki həlli yolları izah edilir
və gələcəkdə bu kimi hallarla qarşılaşma-
maları üçün qabaqcıl beynəlxalq təcrübə
də nəzərə alınmaqla müvafiq tövsiyələr
verilir.
Bununla yanaşı vurğulanmalıdır ki,
dəniz nəqliyyatı müəssisələri, digər təşki-
latlar, eləcə də vətəndaşlarla operativ əlaqə-
nin təmin edilməsi məqsədilə Dövlət Dəniz
Administrasiyasında həftənin yeddi günü
hər gün 24 saat aktiv olmaqla “Qaynar
xətt” rabitə əlaqəsi fəaliyyət göstərməkdə-
dir, eləcə də vətəndaşlarımız administrasi-
yanın rəsmi internet səhifəsində yaradılmış
interaktiv sual-cavab bölməsi vasitəsilə də
administrasiyaya aidiyyəti məsələlər üzrə
müraciətlər ünvanlaya bilərlər.
Müstəqillik illərində Azərbaycan Res-
publikasının dəniz nəqliyyatı sistemi Av-
ropa və Asiya nəqliyyat sisteminə intensiv
inteqrasiya edərək Avroatlantik məkanın
mühüm nəqliyyat-tranzit qovşaqlarından
birinə çevrilib. Asiya ilə Avropa arasında
birləşdirici körpü rolunu oynayan Azər-
baycan dəniz nəqliyyatı infrastrukturunu
möhkəmləndirməklə yanaşı, onun davamlı
təkmilləşməsini, müasirləşməsini və mo-
dernləşməsini təmin edir.
Əminliklə demək olar ki, Prezident
İlham Əliyevin Azərbaycanın dəniz nəq-
liyyatı və tranziti potensialının artırılması
ilə bağlı həyata keçirdiyi dövlət siyasəti və
qlobal miqyaslı təşəbbüsləri bundan sonra
da ölkəmizin sosial-iqtisadi inkişafına əsas-
lı töhfə verəcək.
Qüdrət QURBANOV,
Azərbaycan Respublikası
Dövlət Dəniz Administrasiyasının rəisi
A Z
R B A Y C A N
X Z R D N Z G M
L Y
И
ИЧИ И И
9 dekabr 2016-cы il № 81-84 (9087)
3
“Azərbaycan Asiyanı Avropa ilə birləşdirən körpüdür. Biz indi
öz nəqliyyat infrastrukturumuzu möhkəmləndiririk. Bizim dəniz nəq-
liyyatına böyük investisiyalar qoyulur. Bir sözlə, nəqliyyat sektoru
gələcəkdə böyük rol oynayacaqdır. Regionda digər mühüm işlər də
məhz bununla bağlıdır”.
İlham ƏLİYEV,
Azərbaycan Respublikasının Prezidenti
AzərbAycAnın dəniz nəqliyyAtı sistemi AvrAsiyA məkAnının ən
mühüm nəqliyyAt-trAnzit qovşAqlArındAn birinə çevrilib
prezident ilhAm əliyevin UğUrlU fəAliyyəti nəticəsində bU strAteJi sAhə
dAvAmlı olArAq təkmilləşir, müAsirləşir və modernləşir