A Z
R B A Y C A N
X Z R D N Z G M
L Y
И
ИЧИ И И
15 iyul 2016-cы il № 41-44 (9047)
5
Astara çayı üzərində
tikiləcək dəmir yolu körpü-
sünün aşırımında 24 ədəd
32 metr dərinliyində özül
qoyulub, iki aşırımın dayağı
tikilib.
Astara stansiyasından İran
İslam Respublikası dövlət sər-
hədinə qədər birxətli 8,3 kilo-
metr uzunluğunda dəmir yolu
xəttinin 7 kilometrində torpaq
yatağının işlənməsi başa çat-
dırılıb. Relyefi mürəkkəb olan
əraziyə 100-ə yaxın texnika
cəlb olunub. Bu günə kimi
280 min kubmetr qum, qaya daşı, çınqıl və
köhnə dəmir-beton məmulatı döşənib.
Ərazidə çirkab sularının axıdılması
üçün 14 ədəd suötürücü qurğu tikiləcək.
Bunun 7 ədədi artıq hazırdır. Eyni zamanda
dəmir yolu xəttinin çəkildiyi ərazıyə düşən
elektrik və qaz xətlərinin köçürülməsi da-
vam etdirilir. Bu işlər yaxın vaxtlarda başa
çatacaq. Bütövlükdə bu ərazidə köçürül-
məli olan 315 obyekt var. Bunun da 10-u
yaşayış evidir. Artıq 60 yaxın obyektin, o
cümlədən 3 evin köçürülməsi başa çatıb.
Digərlərinin sənədləşməsi aparılır.
Həm körpünün, həm də dəmir yolu
xəttinin tikintisinin 2016-cı ilin sonunadək
yekunlaşdırılması planlaşdırılır.
Qeyd edək ki, “Şimal-Cənub” Bey-
nəlxalq Nəqliyyat Dəhlizi haqqında Ra-
zılaşma Rusiya Federasiyası, İran İslam
Respublikası və Hindistan arasında 2000-
ci il sentyabrın 12-də Sankt-Peterburq
şəhərində bağlanıb. Göstərilən dövlətlərdə
daxili prosedurlardan keçdikdən sonra Ra-
zılaşma 2002-ci il mayın 21-də qüvvəyə
minib. 2005-ci ilin sentyabrında Azərbay-
can “Şimal-Cənub Beynəlxalq nəqliyyat
dəhlizi haqqında Saziş”ə qoşulub.
Proqnozlar göstərir ki, tam gücü ilə
fəaliyyət göstərəcəyi təqdirdə “Şimal-Cə-
nub” Beynəlxalq Nəqliyyat Dəhlizi Avro-
pa ölkələrinin, Rusiyanın, Mərkəzi Asiya
və Qafqaz regionlarının Fars körfəzi və
Hindistana çıxışına, Xəzəryanı ölkələrin
Qara dəniz limanları ilə ticarət əlaqələrinin
intensivləşdirilməsinə şərait yaradacaq.
Xatırladaq ki, Azərbaycan Respubli-
kasının Prezidenti İlham Əliyev 2015-ci il
dekabrın 7-də “Şimal-Cənub Beynəlxalq
Nəqliyyat Dəhlizinin Azərbaycan Res-
publikasının ərazisindən keçən hissəsində
işlərin sürətləndirilməsi haqqında” Sərən-
cam imzalayıb.
Həmin Sərəncama uyğun olaraq, 2016-
cı il aprelin 20-də Azərbaycan Respubli-
kası ilə İran İslam Respublikasının döv-
lət sərhədində, Astara çayı üzərində 82,5
metr uzunluğunda dəmir yolu körpüsünün
təməli qoyulub, 2016-cı il martın 1-dən
Astara stansiyasından İran İslam Respub-
likası dövlət sərhədinə qədər birxətli 8,3
kilometr uzunluğunda yeni dəmir yolu xət-
tinin tikintisinə start verilib.
“Rosneft” 2017-ci ildən İrana yana-
caq ixrac etmək niyyətindədir. Bu müddət
ərzində “Petrocas Energy Group” şirkəti
(onun səhmlərinin 49%-i “Rosneft”ə
məxsusdur) Cənubi Qafqaz dəhlizi üzə-
rindən logistik terminal tikəcək.
Bu barədə RBK-ya “Petrocas Energy
Group”un baş direktoru Vano Nakaidze
bildirib. İnformasiyanı şirkətin majoritar
(51%) səhmdarı olan David Yakobaşvili də
təsdiqləyib. “Petrocas Energy Group” ben-
zin və dizel yanacağını İranın Neka və Ən-
zəli limanlarına ixrac edəcək. İxrac şirkətin
Gürcüstanın Poti limanındakı neft termina-
lından həyata keçiriləcək. V. Nakaidze bil-
dirib ki, Poti terminalının illik ötürücülük
qabiliyyəti 3 mln. tondur. Hazırda o 1-1,5
mln. tonluq yüklənib. Terminal üzərindən
Ermənistana, Azərbaycana və Gürcüstana
əlvan neft məhsullarının ixracı həyata keçi-
rilir. TOP-menecer bildirir ki, İrana yanacaq
nəqli Azərbaycanın dəmir yolları üzərindən
həyata keçiriləcək: “Dəmir yolu ilə limanla-
ra, o cümlədən Bakının limanlarına çatdırı-
lan yanacaq buradan İrana tankerlərlə yola
salınacaq”. Yakobaşvili qeyd edib ki, İran
bazarına çıxmaq üçün il ərzində minimum
1 milyon ton benzin ixrac etmək lazımdır.
Şirkət terminallarını genişləndirmək, yeni
dəmir yolu vaqonları və tankerlər almaq
niyyətindədir. Bunun üçün təxminən 100-
200 milyon dollar arası vəsait lazımdır ki,
şirkət bu vəsaiti öz hesabına təmin edə bilər.
Nakaidze bildirib ki, İran bazarına 2017-ci
ildə çıxmaq planlaşdırılır.
Poti limanına 3 milyon ton neft məhsu-
lu çatdırılacaq ki, bunun da 1 milyon tonu
İrana ixrac olunacaq. Qalan 2 milyon ton
Türkmənistan və Qazaxıstandan alınaraq
Avropaya ixrac ediləcək. 1 milyon tonun
təxminən 500 min tonunu “Rosneft” təmin
edəcək. “Bu işlər elədir ki, İrandakı siyasi
vəziyyətdən, ölkələr arasındakı münasi-
bətdən çox asılıdır. Ona görə də dəqiq ta-
rix söyləmək çox çətindir. Bizim ən böyük
istəyimizdən biri İranda logistik terminal
inşa etməkdir. Cənub Qafqaz dəhlizi yara-
nandan sonra “Rosneft” İran bazarına öz
məhsullarını sata biləcək. Qazaxıstan və
Türkmənistanın da bu dəhlizdən istifadəsi
planlaşdırılır” - deyə Yakobaşvili bildirib.
RBK bu məsələ ilə bağlı İrandan mü-
nasibət öyrənə bilməyib. İranın neft naziri
iyun ayının əvvəlində bildirmişdi ki, ölkəsi
3,8 milyon barel neft istehsal edir və onun
da 2 milyon tondan çoxunu ixrac edir.
Buna baxmayaraq, İranda benzin çatış-
mazlığı var. Rəsmi Tehran 2020-ci ilə qə-
dər ölkədə 5 neftayırma zavodu inşa etmək
niyyətindədir. Amma bunun üçün hansı ma-
liyyə mənbəyindən istifadə ediləcəyi bəlli
deyil. “Bloomberg” yazır ki, təkcə mövcud
zavodların modernləşməsinə 14 milyard
dollar lazımdır. Yakobaşvili İranın bu müd-
dət ərzində zavod inşasına bu qədər vəsait
cəlb edə biləcəyinə inanmadığını qeyd edib.
Onun fikrincə, yeni istiqamət üzrə neft
məhsullarını ixracı İranın benzin məsələ-
sindəki problemini müəyyən qədər həll edə
bilər.
A. Miriyev
dəniz sərhədlərinə nəzarətin gücləndirilməsi
üçün yeni texnologiyalar tətbiq olunacaq
Kosmos texnologiyası üzrə
italiyalı eskpertlər Aralıq dəni-
zində nəzarətin gücləndirilməsi
üçün xüsusi layihə təqdim edib-
lər.
İtaliya Kosmos Agentliyi
(İKA) tərəfindən reallaşdırılan
“CLOSEYE” layihəsi Avropa
İttifaqının xüsusilə cənub dəniz
sərhədlərinə nəzarətin və fövqə-
ladə hallara təcili müdaxilələrin
daha təkmil həyata keçirilməsi üçün innovativ sistemin tətbiqini nəzərdə tutur.
Layihə çərçivəsində istifadə olunan “Cosmo SkyMed” yeri müşahidə sis-
temi hadisə yerindən şəkillər toplayır. “Athena-Fidus” peyki isə istənilən dəniz
nəqliyyat vasitəsini tanımaq xüsusiyyətinə malikdir. Bu, xüsusilə qeyri-qanuni
miqrasiya və məhsulların qanunsuz dövriyyəsi zamanı müdaxilə üçün yararlı
ola bilər.
İKA-nın prezidenti Roberto Battiston layihənin önəmli nailiyyət olduğu-
nu vurğulayıb. O, bildirib ki, Avropada miqrasiya sahəsində müşahidə olunan
fövqəladə vəziyyətin xüsusi nəzarətə götürülməsi, bu istiqamətdə baş verən
hadisələrə vaxtında müdaxilə edilməsi və profilaktik tədbirlərin həyata keçiril-
məsi üçün bu cür təkmilləşdirilmiş texnologiyanın istifadəsi vacibdir.
Gürcüstanın hərbi dəniz qüvvələri yaratmaq
üçün maliyyə imkanları yoxdur
Bizim Hərbi Dəniz
Qüvvələrimiz yoxdur.
Bu cür qüvvələrin
yaradılması üçün
təkcə bacarıqlı hərbçi
kadrların olması azdır.
Bunun üçün maliyyə
imkanları olmalıdır.
Gürcüstanın Hərbi
Dəniz Qüvvələrini ya-
ratmaq üçün maliyyə
imkanları yoxdur.
Bu sözləri Gürcüstanın müdafiə naziri Tinatin Xidaşeli deyib.
Nazir bildirib ki, Qara dənizdə təhlükəsizlik məsələlərini NATO həyata keçi-
rir və Gürcüstan bu prosesdə iştirak edir. “Bizim NATO-ya üzvlüyümüzdən asılı
olmayaraq Varşava Sammitində qəbul olunacaq istənilən konsepsiya Gürcüstanın
iştirakı ilə qəbul ediləcək. NATO-nun Qara dənizdə keçirəcəyi istənilən bütün tə-
limlərdə Gürcüstan fəal iştirak edəcək”, - deyə o bildirib.
Bəzi siyasətçilər T.Xidaşelinin bəyanatını Gürcüstan-NATO əlaqələrinin inki-
şafının göstəricisi kimi qiymətləndiriblər.
Nazirin bu bəyanatını Gürcüstanın NATO və digər beynəlxalq təşkilatlardan,
eləcə də hegemon dövlətlərdən asılılığına işarə kimi dəyərləndirənlər də var.
Xətayi Əzizov
şəhid limançıların xatirəsinə həsr
olunmuş abidə ucaldılacaq
Bakı Limanı Əsas yük
terminalında Qarabağ döyüş-
lərində Vətənin azadlığı uğ-
runda canını qurban vermiş
limançı şəhidlərin xatirəsinə
həsr olunmuş abidə ucaltmaq
niyyətindədir.
Bu məqsədlə Bakı Limanı
heykəltəraşlar və həvəskar ya-
radıcı şəxslər üçün müsabiqə
elan edib.
“Bakı Beynəlxalq Dəniz
Ticarət Limanı” QSC-nin mətbuat xidmətindən bildirilib ki, müsabiqədə bütün
peşəkar və həvəskar yaradıcı şəxslər iştirak edə bilərlər. İştirakçıların eskizlərini
peşəkar və tanınmış heykəltəraşlardan ibarət münsiflər heyəti qiymətləndirəcək və
qaliblər müəyyən olunacaq. Abidənin ucaldılması üçün forma və ya dizaynla bağlı
təklif və eskizlərin bölüşdürülməsi təklif olunur.
Qeyd edək ki, monumentin hazırlanması üçün material, ölçü və miqyas barədə
dəqiq bir tələb yoxdur. Hər bir iştirakçı öz versiyasını göndərə bilər.
altı ayda ceyhan limanından
8,5 milyon tondan çox neft ixrac edib
SOCAR iyunda Novorossiy-
sk lim
anından 159 min 574 ton,
Supsa limanından 176 min 120
ton, Ceyhan limanından isə 1
milyon 340 min 337 ton xam neft
ixrac edib.
SOCAR-ın mətbuat xidmətin-
dən bildirilib ki, yanvar-iyun ay-
larında Novorossiysk limanından
479 min 73 ton, Supsa limanından
1 milyon 217 min 67 ton, Ceyhan limanından 8 milyon 536 min 793 ton, Kulevi
terminalından isə 14 min 946 ton xam neft ixrac olunub.
SOCAR tərəfindən ixrac olunan xam neftin göstəriciləri həm Azərbaycan
dövlətinə, həm də şirkətin özünə məxsus xam neft həcmlərini əks etdirir.
körpünün və dəmir yolu xəttinin tikintisinin 2016-cı
ilin sonunadək yekunlaşdırılması planlaşdırılır
“dəmir yolu ilə limanlara, o cümlədən bakının limanlarına
çatdırılan yanacaq buradan irana tankerlərlə yola salınacaq”
11iyul - Ümumdünya Əhali
Günü 1989-cu ildə BMT-nin Əha-
li Fondu tərəfindən təsis olunub.
Məqsəd dünya əhalisinin prob-
lemlərinə ictimaiyyətin diqqətini
yönəltmək və ümumi inkişafa nail
olmaqdır.
Ölkəmizdə əhalinin problem-
ləri daim diqqət mərkəzindədir.
Bu sahədə dövlət siyasətinin əsas
məqsədi demoqrafik proseslərdə
yaranmış neqativ meyilləri aradan
qaldırmaqla ölkənin inkişaf stra-
tegiyasına uyğun olaraq əhalinin
kəmiyyət-keyfiyyət artımını təmin
etməkdir. Prezident İlham Əliye-
vin 2006-cı il 25 iyul tarixli Sərəncamı
ilə “Azərbaycan Respublikasının Dövlət
Miqrasiya Proqramı” təsdiq edilib. Həmin
proqram çərçivəsində dövlət başçısının
2007-ci il 19 mart tarixli Fərmanına əsasən
Dövlət Miqrasiya Xidməti yaradılıb. Eyni
zamanda, 2006-cı il dekabrın 28-də “İnsan
Hüquqlarının Müdafiəsi üzrə Milli Fəaliy-
yət Planı” təsdiq edilib.
İlin əvvəlindən Azərbaycan əhalisinin
sayı 33,6 min nəfər və ya 0,3 faiz artaraq
9 milyon 739,2 min nəfərə çatıb.
Əhalinin sıxlığı bir kvadratkilo-
metrə 112 nəfər olub. Ölkə əhali-
sinin 53,1 faizi şəhərlərdə, 46,9 fa-
izi kəndlərdə yaşayır. Hazırda hər
1000 kişiyə 1007 qadın düşür.
Qeyd edək ki, 2016-cı ilin axı-
rında Yer kürəsi əhalisinin sayı
təxminən 7,3 milyard nəfər təşkil
edəcək. Bir il ərzində dünya əha-
lisinin sayı 78 milyon, yaxud 1,08
faiz artıb. Dünyanın ən çox əhali-
si olan ölkəsi Çindir. Çində 1,367
milyard insan yaşayır. İkinci yerdə
isə 1,252 milyard nəfərlə Hindis-
tan qərarlaşıb. ABŞ, İndoneziya,
Braziliya, Pakistan, Nigeriya, Banqladeş
əhalisinin sayına görə növbəti pillələrdə
yer alıblar. Rusiya 142,423 milyon nəfərlə
9-cu yeri tutur. Yaponiya isə sırada 10-cu
yerdədir.
11 iyul - ümumdünya əhali Günü idi
ipək yolu ölkələri ilə
neft-qaz əməkdaşlığını
genişləndirməyi təklif edir
İpək Yolu iqtisadi qurşağında və
XXI əsrin dəniz İpək Yolunda yerləşən
ölkələr arasında neft-qaz əməkdaşlı-
ğını genişləndirmək üçün daha ciddi
addımlar atılmalıdır. Bu sahədə əmək-
daşlıq bütün neft-qaz sənayesi zəncirini
əhatə etməlidir. “Sinxua” agentliyinin
verdiyi xəbərə görə, bunu Çuntsində
(Cənub-Qərbi Çin) “Asiyada davamlı
energetik inkişaf və əməkdaşlıq yolları”
devizi ilə keçirilən forumda çinli ekspert
bildirib.
Çin Neft Texniki-İqtisadi İnstitutu-
nun direktor müavini Tsyan Syuefenin
sözlərinə görə, dünya neft təchizatının
yarısı və istehlakının üçdəbir hissəsi İpək
Yolu iqtisadi qurşağı və XXI əsrin dəniz
İpək Yolunda yerləşən ölkələrin payına
düşür. Lakin Avrasiya regionunda bütün
neft və qaz dəhlizlərinin 70 faizi qərb və
şimal istiqamətlərinə uzanıb və yalnız 30
faizi cənuba və şərqə yönəlib.
Tsyan Syuefenin fikrincə, neft-qaz
marşrutlarının təhlükəsizliyini təmin et-
mək üzrə ikitərəfli və çoxtərəfli əməkdaş-
lıq mexanizmləri yaradılmalı, fövqəladə
hallara əlaqəli reaksiya verilməlidir.