509
yetirə bilməmiş və məğlub kimi qiyamçılar ölkəsinin
sərhədlərindən kənara çıxmağa məcbur olmuşdular. Artıq
yəqin bilinirdi ki, araukanların cəzalandırılaraq, ram edil-
məsi üçün uzun müddət bu ölkəyə cəza ekspedisiyası
göndərilməyəcək.
Alonso Araukaniyadakı ekspedisiyanın məğlubiyyətlə
üzləşməsindən xəbərsiz idi. O, əvvəlki kimi Karib dənizinin
cənub sahillərində dəniz quldurları haqqında məlumatlar
toplamaqla məşğul idi. Tale elə gətirdi ki, Alonso Portobelo
limanına gəlib çıxır və orada Migelgil ilə rastlaşır. Köhnə
silahdaşların görüşü mehribançılıq şəraitində keçir.
Araukaniyaya göndərilən qasid Portobeloya bəd xəbərlə
gəlir. Ekspedisiyanın oradakı uğursuzluğu köhnə konkista-
dorların təəccübünə səbəb olur və hamı bir nəfərə kimi bu
işdə qraf Ferdinandı taqsırlandırırlar. Qraf Ferdinandın
Araukaniyada apardığı sərt siyasət nəticəsində, ispan
əsgərinin qanı bahasına əldə edilən qələbə, məğlubiyyət ilə
nəticələnmişdi. İspaniyaya qalib kimi yola düşməyə hazır-
laşan polkovnik Alonso artıq məğlub qismində Mərkəzi
Amerika sahillərində qalmağı məcbur olmuşdur. Necə olsa
da, kral II Filipp özü ona xəbərdarlıq etmişdir ki,
Araukaniya fəth edilməsə və orada yaşayan aborigenlər
cəzalandırılmasalar, polkovnik Alonso İspaniyaya qayıtma-
ya bilər. Məğrur sərkərdə qəzəbli monarxın gözünə
510
dəyməməli idi. Hamıdan pis vəziyyətə məhz ekspedisiyanın
rəisi düşmüşdür. O, Araukaniyanın fəth edilməsi və silahlı
döyüşçülərin fiziki cəhətdən məhv edilməsi barəsində geniş
məzmunlu məktub tərtib edərək, artıq Eskorial sarayına
göndərmişdi. Söz yox ki, kral bu haqda məlumatlandırıl-
mışdı. Əgər Araukaniyanın, İspaniyanın mülkləri siyahısın-
dan çıxması xəbəri krala çatdırılsa, onda qəzəbli monarx bu
işdə qraf Ferdinand Morelosu günahlandıracaq. Çunki kral-
da olan məlumata əsasən, Araukaniyanı fəth edən Alonso,
həmin ölkəni idarə etmək və orada ispan qayda-qanunları-
nın həyata keçrilməsi üçün bütün səlahiyyətləri qraf Ferdi-
nanda vermişdi. Bu haqda kral notariusunun tərtib etdiyi
müvafiq sənədlər Eskorial sarayına göndərilmişdi. Qrafın
səriştəsizliyi və səhlənkarlığı ucbatından, böyük uğur qaza-
nan ekspedisiya iştirakçıları qısa müddət ərzində qiyamçılar
ölkəsi sayılan Araukaniyada böyük bir məğlubiyyətlə
üzləşiblər. Polkovnik Alonso istəsə, Araukaniyanın fəth
edilməsi üçün növbəti ekspedisiya təşkil edər, lakin o, yaxşı
bilirdi ki, nə indi, nə də ki, sonrakı illərdə araukanları
dizləri üstə çökdürmək mümkün olmayacaq. Onların hansı
amal uğrunda mübarizə aparmaları, bu müharibədə iştirak
edən hər bir insana bəlli idr. Alonso bu müharibədə bircə
şeyi yaxşı dərk etdi; hər hansı bir ölkəni fəth etmək olar,
hər hansı bir düşmən ordusunu məhv etmək olar, lakin hər
511
hansı bir xalqı dizləri üstə çökdürmək, heç bir sərkərdəyə
və ya hakimə müəssər ola bilməz. Bütün araukanları
qılıncdan keçirsələr, onda Araukaniya uzun müddətə ölü bir
ölkəyə çevriləcək. Çunki heç bir mühacir və ya təsərrüfat-
çılar sərt iqlimi ilə tanınan bu ölkədə yaşamağa öz razılığını
bildirməyəcək. Hamını münbit və bərəkətli torpaqlar
maraqlandırırdı.
XXII fəsil. Araukan müharibəsinin qısaca
tarixi
Bacarıqlı sərkərdə ekspedisiyaya başçılıq edəndə
ispanlar, məğlubedilməz və yenilməz sayılan araukanlar
üzərində bir necə dəfə uğurlu əməliyyatlar keçirmiş və
Araukaniyanın işğalını tam başa çatdırmaq üzrə idi. Lakin
adi səhlənkarlıq uçbatından konkistadaorların əldə etdikləri
qələbə puç olub yoxa çıxmışdır.
Coğrafiyaşünas Bartolomeu XVI əsrin ortasından
başlayan araukan müharibəsinin son illərinin iştirakçısı
olmuş və həmin müharibəni bir şahid kimi öz kitabında əks
512
etdirmək istəyirdi. Artıq, vaxtı ilə məşhur konkistador
Diyeqo Almarqo tərəfindən başlanan amansız müharibə,
araukanlara qarşı aparılan döyüş əməliyyatlarının bilavasitə
iştirakçısı sayılan kapitan don Alonso de Ersilya-i-Sunyiqa
tərəfindən “Araukana” poemasında (1569-1589) təsvir
edilmişdir. İspan zabiti araukanları ruhun, şücaətin və
gücün Axillası adlandırmışdı. Alim bilavasitə həmin
poemanı böyük bir həvəslə oxuyub, hərarətlənmişdi.
Polkovnik Alonso nəinki həmin poemanı oxumuş, hətta
əsərin müəllifi ilə də tanış olmuşdu. Araukan məsələsi kata-
lon zadəganları arasında qaldırılan zaman və qoca səyyah
Rodrigesin rəğbətlə Mərkəzi Çilidə yaşayan hinduların
gücünü və yenilməzliyini nümayiş etdirməsi, hər hansı bir
sərkərdə tərəfindən birmənalı qarşılanmamalıydı. Polkov-
nik Alonso araukanlar barəsində daha dürüst, daha ətraflı
məlumat toplamaq üçün bir başa “Araukana” poeması
müəllifinin evinə yollanmışdır. Don Alonso Ersilya-i-
Sunyiqanın dedikləri Rodriges Kartahenanın dedikləri ilə
identik formada eyni idi. Həmin söhbətlərdən məlum
olmuşdu ki, Amerika qitəsinə ayaq basan ispan konkista-
dorları irili-xırdalı ölkələri işğal edən zaman, həmin qitədə
yaşayan minlərlə hindu tayfaları arasında yalnız araukanlar
tərəfindən ciddi müqavimətə rast gəlmişdilər. Araukanlar
mübarizə vaxtı nəinki öz müstəqilliklərini, azadlıqlarını
Dostları ilə paylaş: |