497
Nazir Əhmədli
Bu sirri duydumu görən çiçəklər?
Bildimi nazını çəkən kim oldu?
Haqsız işləri var bəzən dünyanın,
Biçənlər bilmədi əkən kim oldu.
Yaxşı adamlara bənzər tumurcuq,
Şirin arzuları gerçək olacaq.
Gileysiz, güzarsız öldü baharda-
Bildi ki, yerində çiçək qalacaq.
QAYIT, GƏNCLİYİM, QAYIT
Sən gedəli saçıma
Gümüşü izlər düşür,
Deyəsən, qocalıram-
Taqətdən dizlər düşür-
Qayıt, gəncliyim, qayıt.
Ömrün də dörd fəsli var-
Gənclik bahar deməkdir.
Baharsız keçən illər
Axı kimə gərəkdir?
Qayıt, gəncliyim, qayıt.
Payız kəsib yolumu,
Qışa az qalır daha.
Mənim üçün dünyada
Sənsən hər şeydən baha,
Qayıt, gəncliyim, qayıt.
498
Gabud və gabudlular
Ömrümün bənövşəsi,
Tamarzıyam ətrinə.
Bilirəm küsəyənsən
Dəymərəm ki, xətrinə
Qayıt, gəncliyim, qayıt.
Niyə məni aldatdın
Üzümə gülə-gülə?
Gözlərim yollardadır
İlqarsız olma belə.
Qayıt, gəncliyim, qayıt.
QƏZƏL
Yaşım artdıqca, baxıb ömrümü talan görürəm,
Ağlayan tək özüməm,hamını nalan görürəm.
Çoxu çox da dəyişib məsləkini, amalını,
Doğrunu doğru kimi, yalanı yalan görürəm.
Nənəsin də, babasın da danacaqmış nəvələr,
Oğul var, atasını çöllərə salan görürəm.
Əyrilər əyri-əyri minbərə dırmaşdı yaman,
Düzlərin çöhrəsini gör necə solan görürəm.
Gecikib ömrünə yaz, hələ açılmır ürəyi-
Neçə gülü-çiçəyi qönçədə qalan görürəm.
499
Nazir Əhmədli
Ürəyimin ürəyin bəs haçan alan tapılar?
Gözlərimin gözünü qan ilə dolan görürəm.
Valehəm, cəhd elədim anlayam hikmətləri mən
Dünyanı əvvəl-axır verdiyin alan görürəm.
PAPAQ
Papağı qoruya bilmirsə baş,
Təzədir, köhnədir,
Ucuzdur, ya baha
Vay o papağın halına, qardaş.
Papaq papaq olur onda
Baş papağı, papaq başı qoruyanda.
DƏNİZ BİZƏ OXŞAYIRMIŞ
Sən demə, dənizin
Oxşarlığı var bizə.
Sahili qayğılarıdı
Alıb onu araya.
Bəzən qəzəblənib coşar
Adi bir hərəkətindən küləyin,
Bəzən də qağayıları yığıb başına
Nəvələrinə nağıl deyən baba kimi
Danışar dəniz dilində sakit, mülayim.
Qayğılar kəsə bilmir
İnsan ümidinin yolunu.
500
Gabud və gabudlular
Vurnuxsa da o yan, bu yana
Araya girə bilmir sahil də.
Dəniz qovuşmaq istəyəndə ümmana
Bu da dənizin inamı, ümididir
Vallah düz tapmışam-
Dəniz də insan kimidir.
İnsan insan deyil inamsız, ümidsiz, qayğısız,
Dənizi görməmişəm sahilsiz.
Dəniz, Xəzər kimi qalar yana-yana
Dəniz olmaz, qovuşmasa okeana.
SAHİL
Məhəl qoymaz dalğaların qorxunc səsinə,
Çəkilməz geri
Təlatümə gələndə dəniz.
Dözər ərköyün ləpələrin yerli-yersiz həmləsinə,
Sinə gərər suların
Dağdan ağır zərbəsinə.
Heç nədən umacağı yox.
Dənizi basıb bağrına
Dözər hər əzabına sona kimi
Beşik başında körpəsinə
Keşik çəkən ana kimi.
Heç kimdən kömək diləməz,
Qalar məğrur, mətin.
Dəniz bilirmi görən
Sahil olmaq çətindir, çox çətin.
501
Nazir Əhmədli
İNANMA QAYITMA DESƏM
Getdin, ürəyimdə yerin boş qalıb,
Qayıt gəl, inanma qayıtma desəm.
Şirin arzularım yaman çaş qalıb,
Qayıt gəl, inanma qayıtma desəm.
Bu dünya qocalıb, nəşəsi kəmdi,
Göz yaşı qurumur gör neçə dəmdi.
Ömrə nə etibar, sonu ki, qəmdi.
Qayıt gəl, inanma qayıtma desəm.
Axı tikanı var qızılgülün də,
İncimə, gəl yanaq, köz ol külümdə.
Sənsiz mənası yox ömrün, günün də,
Qayıt gəl, inanma qayıtma desəm.
Deyirdin inadın bircə çərəkdir,
Sənin bu tərsliyin kimə gərəkdir?
Dilə fikir vermə, əsas ürəkdir,
Qayıt gəl, inanma qayıtma desəm.
Sevda yollarında çən var, duman var,
Valehəm, bilirəm yaxşı-yaman var.
Gəl ki, barışmağa hələ güman var,
Qayıt gəl, inanma qayıtma desəm.
502
Gabud və gabudlular
QAYIT
İnanma desələr dağam dözümdə-
Bezdim ayrılıqdan mən, qayıt, qayıt.
Getdiyin yolların əksi gözümdə,
Həsrətin saçımda dən qayıt, qayıt.
Özüm də bilmirəm heç, nəyəm indi,
Demə gərəksizəm, heç nəyəm indi.
Şirin vüsalına təşnəyəm indi,
Bölək günahları tən, qayıt, qayıt.
Dönməzəm, bütövəm mən ki sözümdə.
Yanmışam, qalmayıb odum, közüm də.
İndi başı qarlı dağam özüm də
Zirvəmə qonmamış çən qayıt, qayıt.
İçmə, göz yaşımdır axı bulaqlar,
Tək gördü, yaxamdan tutdu uzaqlar.
Məni dağ vüqarlı böyütdü dağlar
Əymə vüqarımı sən, qayıt, qayıt.
ƏGƏR SEVİRƏRSƏN MƏNİ
Uymaram gözəllərin
Kipriyinə, gözünə,
Gəl dinlə ürəyimin
503
Nazir Əhmədli
Söhbəti nə, sözü nə-
Əgər sevirsən məni.
Dözərəm min əzaba
Düşsəm dara, çətinə.
Dözmərəm ləkə düşsün
Sənin məhəbbətinə-
Əgər sevirsən məni.
Şaxta olub soldurma
Gülümü, çiçəyimi,
Qoyma başqa bir gözəl
Ovlasın ürəyimi
Əgər sevirsən məni.
MƏHƏBBƏTİM
Yaşa baxıb zənn eləmə
Qocalıbdır məhəbbətim.
İllər boyu saf qalmağı
Bacarıbdır məhəbbətim.
Bəxşiş deyil hər gözələ,
Verim düşsün əldən-ələ.
Qönçələnmiş gültək hələ,
Pak qalıbdır məhəbbətim.
Ovçu kimi düşüb izə,
Nə zaman ki gəldim sizə,
Dostları ilə paylaş: |