Redaktor: İlyas Şahquliyev Dizayner: Elçin Babayev «Gabud və gabudlular»
Yüklə 3,21 Mb. Pdf görüntüsü
|
- Bu səhifədəki naviqasiya:
- SƏNDƏN ÖTƏRİ
- KAŞ ARZUM ÇİN OLA
- TƏZƏLƏDİN DƏRDİMİ
- DADMIŞAM DUZUNU YURD İTİRMƏYİN
- ZARAFATYANA DÜŞDÜ
- HEYDƏR TÜRKOĞLU (Səfiquliyev Heydər Qurban oğlu) 1963cü ildə anadan olub, Bakıda yaşayır. DÜNYA
- HAYİFIM GƏLİR
- KİTABIN İÇİNDƏKİLƏR
- Nazir Əhmədli GABUD VƏ GABUDLULAR Bakı-2016
550 Gabud və gabudlular SƏNDƏN ÖTƏRİ Basmışam bağrıma tər bənövşəni, Yaman darıxmışdı məndən ötəri. Küsüb getdi duman dağdan arana, Dağlar qəribsədi çəndən ötəri. Gördüm dağ döşündə közərir lalə, Lal axır bulaqlar, çağlamır hələ. Nəğmələr söyləmir gülşəndə gülə Yas qurub bülbüllər nədən ötəri? Titrədi vücudum yenə dəmbədəm, Sarsıtdı könlümü bu həsrət, bu qəm. Axdı gözlərindən Sərrafın bu dəm Qanlı sellər, Vətən, səndən ötəri.
Hanı o gəzdiyim nərgizli çöllər, Hanı ayrıldığım doğma od-ocaq? Çağlayan bulaqlar, o tozlu yollar Indi xəyallarda yaşayır ancaq. Hanı o nəğməli, sözlü çinarım, Yalçın qayalarım pərişan, dalğın. Məni qınamasın dostlar, tanışlar, Bu dağlar gözümə görünür solğun.
551 Nazir Əhmədli Hanı boy atdığım o doğma kəndim, Ordan ayrıldığım gör neçə ildi... Qayğısız çağlarım, hardasız indi? Yadıma düşdükcə qəlbim üzüldü. Səkib daşdan-daşa xınalı kəklik, Peşiman-peşiman arxamca baxdı. Bir səhər Araza dedim dərdimi, Araz da bulanıb kükrəyib axdı. Bu da bir ömürdü yaşadıq, fəqət, Baxıb köks ötürdü dağlarda lalə. Həsrətim dağlardan ağırdı, dostlar, Bu yükü qürbətdə çəkirəm hələ...
Yaman darıxmışam səninçin, Vətən, Oyanıb qəlbimdə bir ümid yeri. Tərsinə fırlana çərxi fələyin, Kaş arzum çin ola, qayıdam geri. Deyəm salamat qal, sən də ey Xəzər, Atdım qəribliyin daha daşını. Qucub torpağını, gül-çiçəyini, Siləm gözlərimin hicran yaşını.
552 Gabud və gabudlular Görəm qapımızdı, o qoşa çinar, Açıb yol gözləyir kölgə ağuşun. Uzaq həsrətimiz qovuşur deyə, Ələyə başıma yarpaq yağışın. Düşüb çəmən boyu ayağı yalın, Gəzəm yuvasını bildirçinlərin. Bata ayağıma çəkillər hərdən, Deyinəm dalınca biçinçilərin. Məni görən kimi görəm kəkliklər, Az qala çiynimə qonacaqdılar, Fağır torağayı demirəm hələ, Sərçələr dövrəyə alacaqdılar. Düzü, mən nə deyim, keçib çox illər, Qalmayıb başımda nə huş, nə ağıl. Məni qınayırsan, bilirəm, anam, Baldan şirin gəlir mənə bu nağıl. Yaman darıxmışam sənünçün, Vətən, Oyanıb qəlbimdə bir ümid yeri. Tərsinə fırlana çərxi fələyin, Kaş arzum çin ola, qayıdam geri.
Yenə təzələdin dərdimi, ey dost, Köz basdın yaramın üstə elə bil.
553 Nazir Əhmədli Oturub dərdimi mən yazsam əgər, Yüz belə şeirə sığışan deyil. Var – dövlət yığmağa qarışdı başlar, “Vətən qeyrətini çəkən”lərə bax! Parça-parça olub inləyir, qardaş, Babam miras qoyub getdiyi torpaq. Kərkükdən Dərbəndə uzanan ellər, Təbrizim, İrəvan, Zəngəzur hanı? Səltənət hərisi o xəbis əllər Götürüb aradan Fətəli xanı! Haqqı var, haqqı var qınasın bizi, Ulu Xətainin ruhu, a qardaş! Riyalar , yalanlar burulğanında, Itirib haqq yolu, qalmışıq çaşbaş. ...Eh, gorun çatlasın, Pənahəli xan, Yurdunda bayquşlar, qurdlar ulayır! Qacar tək sərkərdə ala bilməyən Şuşada gör kimlər meydan sulayır?!
Dadmışam duzunu yurd itirməyin, Çoxu asan bilir bu dərdi bəzən. Nizamı pozulan durnalar kimi, Gör necə düşmüşük biz pərən-pərən?!
554 Gabud və gabudlular Sizdən uzaq düşdüm, doğma od-ocaq, Çadır şəhərciyi sıxdı könlümü. Dünyanın işinə, oyununa bax, Adi bir hal olub insan ölümü. Elin fəryadından titrədi dağ-daş, Gözünün qorasın sıxdı buludlar. Zəngəzur, Qubadlı, Laçın qalıb boş, Zəngəzur harayın yadlar nə duyar? Təzədən nə deyim, Vətən adına, Tək bunlar olsaydı nə vardı axı?! Hardan harınların düşər yadına, Xocalı dəhşəti, Şuşanın ahı? ...Yetirin Araza sözümü,dostlar, Deyin ki, bir qəlbin üsyan səsidir. Dərdli könülləri dərdlilər duyar, Burda güclülərin kəshakəsidir.
Bir dostum söz verdi işə düzəldə, O qədər içirtdim, çaxıra düşdü. Dedim ad qazanım qoşma, qəzəllə, Şeirim kitablarda axıra düşdü.
555 Nazir Əhmədli Işsiz qaldım, qohum-qardaş yad oldu, Ildə bir yol könlüm azca şad oldu. Şairlik də mənə artıq zad oldu, Dərd çəkdim, gözlərim çuxura düşdü. Dost-tanışım məni saldılar qana, Çəkilib getdilər hərə bir yana. Nisyə aldığım o yetim dana At vurdu, pəyədə axura düşdü. Pul-para cəm edib otdan-ələfdən, Gedib düyə aldım qonşum Tələtdən. Bir qəssab gəlmişdi bura Ələtdən, Meyli kənddə bütün naxıra düşdü. İstədim Xeybərtək sahibkar olum, Pullanıb şəhərdə mən lövbər salım. Nəhayət, kombayn, traktor alım, Asqırdım, işlərim təxirə düşdü.
Bir arzumu qova-qova gətirdim, Nazirliyin kandarında itirdim. Ərzi-halım Milli Fonda yetirdim, Rüşvət zirehini geydi kredit.
556 Gabud və gabudlular Az.TV, ANS, Lider, müxtəsər, Kişnədi:tələsin, “şans” əldən gedər. Vaxtı itirməyin boş yerə, hədər, Yaman dəymədüşər bəydi kredit. Həqiqət göründü hər şey gözümə, Satdım mal-qaranı, qıydım özümə. Hansı banka getdim, qəfil üzümə, Solaxay sillə tək dəydi kredit. Sordular dəlisən, yoxsa divanə?! Deyirsən pul verək, qaç get Tayvana? Harayım çatmadı şahi-mərdana, Qəddimi ikiqat əydi kredit. Dedilər əlləşmə puldan ötəri, Kəsilib banklardan ümid telləri. Ay sadə, dilbilməz şair sərsəri, Sanma hər yetənə paydı kredit.
557 Nazir Əhmədli HEYDƏR TÜRKOĞLU (Səfiquliyev Heydər Qurban oğlu) 1963cü ildə anadan olub, Bakıda yaşayır. DÜNYA Vəfası olmamış əzəldən bəri, Yaranan bir gündən belədi dünya. Nadana nə var ki, fərqinə varmaz, Qanana ağır yük, şələdi dünya. Neçə Süleymanlar gəlibdir, hanı? Tükənməz dövləti, şöhrəti, şanı. Çalış azdırmasın səni Şeytanı, Salar öz toruna, tələdi dünya. Bilmirsən başına gələcək nələr, Mərdin tikdiyini namərdlər sökər.
558 Gabud və gabudlular Elə haqsızlıqlar eylədi bəşər, Hönkürdü, quzu tək mələdi dünya. Aldadar görkəmi-dəyişər donun, Saymaqla qurtarmaz yazdığı qanun. Baxıb əvvəlinə, düşünsən sonun, Həzin bayatıdı, nalədi dünya. Rütbəyə dəyişən qeyrətin, arın, Çəkər bəlasını yığdığı varın. Ay Heydər, nadanlar əlindən qarın Vaxtsız saçlarına ələdi dünya.
Insanlar görürəm-lənət oxunan İblisə, şeytana hayifım gəlir. Arsızın, alçağın and yeri olan Müqəddəs Qurana hayıfım gəlir. Yaltaq mövqe tutub, mələyə dönüb, Ünvansız dolanan küləyə dönüb. Vəzifəyə qalxan fələyə dönüb Əzdiyi insana hayıfım gəlir. Tamahın əsiri, niyyəti bədə, Dünya bağışlansa, gözü özgədə. Loğmanlar əlindən şəfasın gədə Tapdığı dərmana hayıfım gəlir.
559 Nazir Əhmədli Tülkülər bağlayıb aslan qolunu, Namərdlər kəsibdi mərdin yolunu. Alaq otlarını, tikan kolunu Bitirən dövrana hayıfım gəlir. Qartallar zirvəyə, bülbüllər bağa, Yaraşır ceyrana ensə bulağa. Müxənnətə, biqeyrətə, alçağa Yar olan canana hayıfım gəlir. Yamanlar yanında yaxşı hallanır, Heydər haqsızlıqdan od tutub yanır. Alçaq təkəbbürlə elə dolanır, Tapdığı ad-sana hayıfım gəlir.
Haqqın üstün örtən kafir, imansız Gədalar yanında qınağa gəlməz. Kişi məclisində, mərd meydanında İnsan arasında sorağa gəlməz. Çaqqal tək sülənər, qurd tək ulayar, Yersiz təriflənsə, meydan sulayar. Böyüklər yanında quyruq bulayar, Dostun dar günündə qabağa gəlməz. Ayaqda bənd alar otursa başdan, Süzülər torpaqdan, adlayar daşdan.
560 Gabud və gabudlular Adı xatırlanmaz bərkdən, yavaşdan, Ürəkdən silinər, dodağa gəlməz. Türkoğlu, halaldan ləzzət alanlar, Olub keçənlərdən ibrət alanlar, İnsanlıq elmindən qiymət alanlar, Qiyamət günündə sınağa gəlməz.
Talan oldu dövlətimiz, varımız, Əsir düşdü ismətimiz, arımız. Oynayır, oxuyur qalan yarımız Vətən adlı can otağım gedəndən, Irəvanım, Qarabağım gedəndən. Seçilmir bir-birdən şirinim-acım, Yasa qərq olubdur qardaşım, bacım. Gözlərimdən nurum, başımdan tacım Alınıbdır qol-budağım gedəndən, Irəvanım, Qarabağım gedəndən. Başa çəkiləndən ay ellər, naşı Göynəyir ürəklər, axır göz yaşı. Kədərin üstünə qoyublar daşı, Çəmənim, çiçəyim, bağım gedəndən, İrəvanım, Qarabağım gedəndən. 561 Nazir Əhmədli Bu geyimdə, bu həvəsdə, bu axın, Hardan gəlir, hara gedir, bir baxın. Xoşu gəlməz bu millətdən Allahın, Dəyişiblər Aran, dağım gedəndən, İrəvanım, Qarabağım gedəndən. Saraylarda toy-büsatım quruldu, Yazıq xalqım yalanlardan yoruldu. Vətənimə neçə yara vuruldu Isti komam, od-ocağım gedəndən, İrəvanım, Qarabağım gedəndən.
Arama sözümü arifsayağı, Aqillik insanın kəlamındadır. Dastanlar yaratma söz yığınından, Şairlik insanın ilhamındadır. Təbsizi öyməklə salsan da dəbə, Ucalmaz qaldırsan neçə mərtəbə. Sözün qüdrətindən tikilib Kəbə, Hər nə var, Allahın məqamındadır. Vicdanı olanın payı həqiqət, Üstün örtsələr də, parlayar fəqət. Halallığa olan sevgi, məhəbbət, Heydər, Haqqa olan imanındadır.
562 Gabud və gabudlular KİŞİDƏN Gözləmə, fatehlər doğula bilməz Mayası fırıldaq, yalan kişidən. Min bir hiylə ilə, min bir əməllə Özünə bir mənsəb alan kişidən. Mete, Atillası, Dədə Qorqudu, Qoyduğu qanunlar deməyin budu. Hərə günahını bir cürə yudu, Bizə zillət oldu qalan,-kişidən Belə-belə olduq fərsiz, kütbeyin, İstər fəryad eylə, istərsə deyin. Hələ harasıdır, neçə eşşəyin Olacaq belinə palan kişidən. Dünya görməmişdi bu oyun kimi, Dəyişib, otlayır qurd qoyun kimi. Ortada qalmışıq ləlöyün kimi, Yurdumuz olubdur talan kişidən. Bezib yorulmadıq nağıl əlindən, Dərdə düçar olduq ağıl əlindən. Haqqa dön, yadların dağıl əlindən, Vətən imdad tapar qanan kişidən.
563 Nazir Əhmədli OLA BİLMƏZ Nüftəsi qarışıq vələdüznanın Yanında haqq sözün düz ola bilməz. Yağlı dillər ilə mələk donuna Girəndə utanan üz ola bilməz. Çəkər hər məclisdə özgələr bəhsin, Cilovlaya bilməz tamahın, nəfsin. Mayası əzəldən pak olan kəsin Hallanıb bir adı yüz ola bilməz. Kimləri udmadı bu qoca torpaq? Insan bu dünyada beş günlük qonaq. Xain qaladığı təsadüf ocaq Yansa, qızınmağa köz ola bilməz. Vədəsində gətir haqq sözün dilə, Heç zaman barışma haqsızlıq ilə. Ay Heydər, qismətin Allahdan dilə, Tanrı verən paya söz ola bilməz.
Qorxma həqiqətdən, qucaq aç ona, Yalanlar, böhtanlar yandırar səni. Açar gözlərini, kəsər dilini, Haqqın divanında qandırar səni.
564 Gabud və gabudlular Dövr edər qanında ahın-amanın, Min bir əzablara tuş gələr canın. Vəfasız dünyadır, xoş keçsə anın, Bir gün soyuğunda dondurar səni. Ibrət al həyatın məşəqqətindən, Dərs götür Hatəmin səxavətindən. Türkoğlu, kişinin biqeyrətindən Uzaq ol, aldadıb sındırar səni.
Əməli sözüylə düz olmayanın Üzündə nə həya, ar olmaz-olmaz. Gözün görə-görə min dona girər, Utanıb, qızarıb xar olmaz-olmaz. Binadan acdırsa, yesə tox olmaz, Dəyişsə libasın, əsli yox olmaz. Gədənin dövranı heç də çox olmaz, Haramla yığdığı var olmaz-olmaz. Axtarma üzündə həya-isməti, Tac edər başına saxta şöhrəti. Heydər, qeyrətsizdən umma qeyrəti, Kökü zay olanda bar olmaz-olmaz.
565 Nazir Əhmədli DÜŞƏR Kişi tamahından, qadın dilindən Tapar bəlasını, hörmətdən düşər. Nə Allah tanıyar, nə də ki, bəndə, Mahalda xar olub ismətdən düşər. Sevdik əyriləri, pislədik düzü, Döndü yavaş-yavaş dövranın üzü. Təcrübədən çıxmış atalar sözü: Yerində deməsən, hikmətdən düşər. Dikbaşlar görmüşük, barsızdı, barsız, Özünü sevənlər arsızdı, arsız. Ədalətsiz insan varsızdı, varsız, Gün gələr, yığdığı qiymətdən düşər.
Deyirlər küsənlər barışar sonda, Abrı olmayanla barışmaq olmur. Dəyişib zəmanə, itib ar-namus, Qarnı tox olanla danışmaq olmur. Azalıb elə bil mərdi dünyanın, Çoxalıb günbəgün dərdi dünyanın. Qanunu-qaydası şərdi dünyanın, Heç kəsin işinə qarışmaq olmur.
566 Gabud və gabudlular Ağılı özünə qul edib şöhrət, Hanı insanlarda insaf, mərhəmət? Nadana, nakəsə qoyulur hörmət- Daha gədə ilə yarışmaq olmur.
Var-dövlətə, zərə uyma, Sel kimidir, gələr, gedər. Bel bağlama bədəsilə, Yıxılarsan, gülər gedər. Pis qohuma, nə də yada, Arxalanma bu dünyada. Ömür-günün verər bada, Izini də silər gedər. Sevməz düzü, eylər inad, Yaxşılığa çıxarmaz ad. Fərsiz oğul, sarsaq arvad Bir nəsili bölər gedər. Ay Türkoğlu, batma yasa, Yollar bağlı, ömür qısa. Oxdan iti sözün olsa, Dağı-daşı dələr gedər.
567 Nazir Əhmədli AĞLAYAR Naləm ərşə bülənd olmuş, Kaman susar, tar ağlayar. Nadan məni başa düşməz, Vəfalı dildar ağlayar. Sınıq könlümün çarasın Bilənlər dərman arasın. Dərdli aşiqin yarasın Bağlayan qəmxar ağlayar. Ayrılığın odu yaman, Qovuşmağa yoxsa güman. Heydər, gözü yolda qalan Çəkər intizar, ağlayar.
Dövrana meydan sulama, Yavaş-yavaş didər səni. Dünya adlı bu dəyirman Dən kimi üyüdər səni. Şükür eylə hər gününə, Ağlar çıxma dərd önünə. Fələk salar düyününə, Dərdə yoldaş edər səni.
568 Gabud və gabudlular Tükənməzdir onun qəmi, Hansı gözdə yoxdur nəmi? Yetirsə də zəmi kimi, Vaxt gələndə biçər çəni. Türkoğlu, yox ömrə güman, Gül tək açıb solar insan. Qalıb yolda neçə karvan, Eylər ondan betər səni.
Çəmənzardır qoynun içi, Gül qoxusu səndədir ki. Allahına şükür edən Bizim kimi bəndədir ki. Ömür ki, var, əmanətdir, Vəfasızlıq xəyanətdir. Gördüklərin həqiqətdir, Əhdə vəfa məndədir ki. Türkoğlunun sözü kəsə, Könül vermə nadan kəsə. Dünya gedir bəhsə-bəhsə, Can deyənlər gendədir ki.
569 Nazir Əhmədli BİLMƏZ Öz kökündən ayrılanı, Apardığı sel də bilməz. Varlığını-yoxluğunu Mərd kişilər, el də bilməz. Ara vurar qeybət ilə, Oyun oynar millət ilə. Kimliyini söhbət ilə Söylədiyi dil də bilməz. Dəyişsə də dövran, məkan, Utanmazdan uzaq dayan. Səxalıdan gəlməz ziyan, Verdiyini əl də bilməz.
Dünya səndən əsirgəsə, Umduğunun nə faydası? Fələk tarimar eyləsə, Qurduğunun nə faydası? “Gəl-gəl” deyib, “can” eyləsən, Əməlinlə qan eyləsən. Haqsız imtahan eyləsən, Sorduğunun nə faydası?
570 Gabud və gabudlular Heydər, olsa səxavətin, Yıxılsan, itməz hörmətin. Ayaq üstə biqeyrətin Durduğunun nə faydası?
Bahar gəlib, yal-yamac Yaman göyərib, kişi. Dostluğa, yoldaşlığa Gətirmə eyib, kişi. Agah eylə bu sirri, Qəlbin şöhrət əsiri. Qocalığın təsiri Qamətin əyib, kişi. Bumu etibar, vəfan? Haqqa qarşıdı davan. Zaman adlı dəyirman Səni ələyib, kişi.
571 Nazir Əhmədli KİTABIN İÇİNDƏKİLƏR Proloq.....................................................................................3 Tarixi məlumat.........................................................................5 İstifadə olunan tarixi mənbələr...............................................34 Hürşanlılar.....................................................................126 Fətəlilər......................................................................166 Məmmədlilər...................................................................260 Abbaslılar..................................................................277 Məmmədrzalılar................................................................286 İmolular..........................................................................292 Ağxaçlılar...............................................................................323 Qonşularımız............................................................329 Adət-ənənələrimiz(Etnoqrafiya)..............................356 Gabud məktəbi......................................................................383 Son söz yerinə.......................................................................410 Gabudlu şairlər.......................................................................413 Surxay Əhməd.......................................................................413 Valeh Savalan.......................................................................464 Şahmar Vəliyev......................................................................517 Səyyad Sərraf.........................................................................536 Heydər Türkoğlu...................................................................557
Gabud və gabudlular Nazir Əhmədli GABUD VƏ GABUDLULAR Bakı-2016 Nazir Əhmədli Yığılmağa verilmiş: 01.06.2016 Çapa imzalanmışdır: 01.07.2016 Şərti çap vərəqi:36 Format: 60X84 1/16 Tirajı:500 Gabud və gabudlular Kitab “ORXAN” Nəşriyyat və Poliqrafiya müəssisəsinin mətbəəsində hazır diopozitivlərdən istifadə olunmaqla ofset üsulu ilə çap edilmişdir. Nazir Əhmədli Ünvan: Bakı şəhəri, Dərnəgül qəsəbəsi, 3105-ci məhəllə Direktor: Cəfər Bağırov Tel: 562-83-03 Gabud və gabudlular QEYD ÜÇÜN Document Outline
Yüklə 3,21 Mb. Dostları ilə paylaş:
|