504
Gabud və gabudlular
Bax, o vaxtdan evinizə
Yol salıbdır məhəbbətim.
YADİGAR QAL
Qoymaram düşəsən xəbis əllərə,
Saxta gözəlliyə uyma,amandır.
Sən ağlar qalarsan ömrün uzunu,
Mənasız bir ömrün sonu yamandır.
Özün bilirsən ki, axı həyatda
Sevmək asan olur, sevilmək çətin.
Sevdinsə, hicrana dözəsən gərək,
Belədir qanunu ilk məhəbbətin.
Bunları ürəyim, saxla yadında,
Bir gözəl əlimdən alacaq səni.
Görsə ki, dönüksən, yoxdur ilqarın,
Ayaqlar altına salacaq səni.
Gəl indi unudub qəmi-qüssəni,
Məhəbbət dünyamın seyrinə dalaq.
Onun əl dəyməmiş tər güllərindən
Sevdiyim gözələ töhfə aparaq.
Gedək görüşünə bəxt ulduzumun,
Eşqiylə dil açsın arzum, diləyim.
Qoymaram düşəsən xəbis əllərə,
Verim yadigar qal ona, ürəyim.
505
Nazir Əhmədli
ÜRƏK
Bu axşam bilmirəm, bilmirəm nədən,
Köksümə sığmırsan bir anlıq, ürək?
Kükrəyib köpürmə vaxtsız, vədəsiz,
Mənasız döyünmək nəyinə gərək?
Demirəm daş olub asıl sinəmdən,
Duyğusuz yaşamaq məncə nahaqdır.
Qanqallar içində zərif bir çiçək,
Özün bilirsən ki, tez solacaqdır.
İncəsən, zərifsən, dözümlü də ol,
Buza döndərməsin səni boran, qar.
Pas atıb çürümə xəbis qəlbi tək,
Qoy şüarın olsun sədaqət, vüqar.
ÜRƏYİM
Kim səni incidib, dəyib xətrinə,
Cavab ver, alışıb yanma, ürəyim.
Həyatın sınağı hələ öndədir,
Mərdliyi, dözümü danma, ürəyim.
Ülvi məhəbbətin çırpıldı daşa,
Qəmdən qar ələndi kipriyə,qaşa.
Gəl xəyanət etmə dosta, yoldaşa,
Onları günahkar sanma, ürəyim.
506
Gabud və gabudlular
Səndən uzaq olsun qüssə, qəm, kədər,
Yoxsa gənclik məni erkən tərk edər.
Vəfasız gözəlçin ağlama hədər,
Onu ömrün boyu anma, ürəyim.
QALDI
Güman yoxdur qovuşmağa-
Yurd yerində izim qald.
Bu həsrətin soyuğunda
Odum söndü, közüm qaldı.
Çulğalaşıb yaxşı-yaman,
Bir-birinə vermir aman.
Ögey oldu bizə zaman,
Yada dağım-düzüm qaldı.
Mərdliyimiz ovxalandı,
Belimizdə od qalandı.
El basıldı, yurd talandı,
Yaşamağa lüzum qaldı?
El dərdini el çəkəndi,
Yad yıxdığın el tikəndi.
Nəyim var bitdi, tükəndi,
Mənə ancaq dözüm qaldı.
507
Nazir Əhmədli
Valehəm, kaş bu yaşımda
Mamır olam bir daşında.
Bəlkə onda yaddaşında
Vətən, söhbət-sözüm qaldı.
QIRX YAŞIM TAMAM OLAN GÜN
Birdən-birə boğdu məni qəhər,
İliyimə şaxta kimi
Işlədi qəm, kədər.
Qırıq-qırıq xatirələrin alatoranlığında
Tapdım, itirdim uşaqlığımı.
Keçdi əlimə hərdən
Yaxası cavanlığın da.
Keçmişə qayıtmaq istədim,keçmişə
Qırx yaşım tamam olan gün.
Ayılıb gördüm ki,
Muğanın ilan mələyən şoran çöllərində
Ömrümün nə qədər
Aylarını, illərini
Keçirmişəm hədər.
Könlümə toxunub neçə-neçə ürəksiz.
Qanadı sınmış quşdur insan,
Qalanda arxasız, köməksiz.
Yaxşı ki, inama söykəndi ümidlərim.
Bir az səbrim artdı, bir az da həvəsim
Qırx yaşım tamam olan gün.
508
Gabud və gabudlular
Götürüb tarix kitabını vərəqləyirəm...
İşə bax, 40 yaşa çatmayıb
Şah İsmayıl kimi şiri-nər,
33 il yaşayıb Makedoniyalı İsgəndər.
Gərək mən taleyimə, qismətimə
Şükür eyləyim, şükür
Bir borcu ödəmir min fikir.
SIFIRABƏNZƏR ADAMLAR
“Heç nədir” deyə-
Sadə görünməsin gözünüzə.
Mürəkkəb ədəddir sıfır.
Istər bölünsün,
Istər vurulsun,
axırı heçdir
bu bölünməyin, vurulmağın.
Yaxşı ki, qiymətli rəqəmlərdən keçəndə qabağa
Heçliyi üzə çıxır dərhal-
Geridəkilərə nə xeyri olur, nə ziyanı.
Nə qədər sıfırabənzər adamlar var həyatda.
Ancaq belələri keçəndə
dəyərli adamlardan irəli
fəlakət olur, fəlakət-
Itir ayaq altda haqq-ədalət,
göyə çəkilir bərəkət.
Yaşada bilmir heç kəsi
əlinin qabarı,alnının təri.
509
Nazir Əhmədli
Bəhər vermir sinəsini sipər verən oğulların
zəhməti, hünəri.
Indi neçə illərdi
göyə çəkilb bərəkətimiz.
Sıfırabənzər adamlar
keçib qiymətli insanlardan qabağa-
Pis günə qalıb məmləkətimiz.
VARSA
Tövşüyüb qalmaram yoxuşlarda mən,
Zirvələr aşmağa hünərim varsa.
Heş zaman yayınmaz elin gözündən
Yaxşımın yanında yamanım varsa.
Ömrün çox illərin versəm də yelə,
Kiməm, nəçiyəmsə, qalmışam elə.
Hardasa, kiməsə gərəyəm hələ,
Məndən bir yaxşılıq umanım varsa.
Kim geri qaytarıb olub keçəni-
Yaş artdı, çoxaldı saçımın dəni.
Təpə yox, əyilməz dağ bilin məni,
Başımda çiskinim, dumanım varsa.
Bir sirrin açmağa göstərdim inad,
Gördüm başdan-başa sirdi kainat.
510
Gabud və gabudlular
Yaxın üz çevirib olmaz mənə yad-
Əgər cah-cəlalım, ümmanım varsa.
Valeh, Savalana indi qar yağır,
Qabaqdan qış gəlir, ha çığır, bağır.
Çıxar qar altından yenə yol, cığır
Yaz gələr, sabaha inamın varsa.
XOŞ XATİRƏ QALASIDIR
Payız gəldi ömrümüzə-
Qış var hələ, harasıdır.
Qönçələnmiş gül arzular
Açılmamış solasıdır.
Ömrün eniş-yoxuşu var,
Ulduz kimi axışı var.
Bu dünyanın naxışı var,
Boşaldıqca dolasıdır.
Var-dövlətə uyduq elə,
Xırdalandıq ildən-ilə.
Kim nə bilir, getsə belə.
Hələ nələr olasıdır?
Çox sirrini bilə-bilə,
Dünya bizi saldı ələ.
Üzümüzə gülə-gülə,
Nə veribsə, alasıdır.
Dostları ilə paylaş: |