Sənaye inqilabı
328
toxuculuq işində də dönüş yaradır. Rusiyanın pambıq istehsalındakı
mexanikləşdirmə, əsasən kətan toxuculuğunda böyük dəyişikliklərə
səbəb olmuşdur. Yeniləşmə nəticəsində pambiq-parça istehsalının
məhsuldarlığı dəfələrlə artır və nəticədə, ucuz qiymətə mal istehsal
etmək mümkün olmuşdur. Bunun nəticəsində daxili bazarda başqa
tekstil mallara qarşi güclü rəqabət yaranmışdır.
Maşınqayırmanın tərəqqisi və əmək məhsuldarlığının artması başqa
sənaye sahələrinin inkişafinda və istehsal gücünün başqa ərazilərdə
paylanmasında böyük rola malik idi. Bu geniş prosesdə, dəmir yolu
aparıcı əhəmiyyət kəsb edirdi. Istehsal prosesinin tərkib hissəsinə
çevrilən dəmir yolu maşınqayırma sənayesinin ümumi inkişafı üçün əsas
faktorlardan birinə çevrilir.
Şəxsi dəmir yolu tikintisini maliyyələşdirmək üçün çar Rusiyası
1867-ci ildə „dəmir yolu fondu“nu təsis edir. Burada daxili kapitaldan
əlavə xarici kapitalın dəmir yolu tikintisinə cəlb edilməsi üzrə işlər
görülür.
1861
−
80-ci illərdə Rusiya dəmir yolunun uzunluğu 14 dəfə artaraq
22 min km-i keçmişdir [2.15]. Nəticədə Rusiyanin Avropa hissəsində
şaxələnən dəmir yolu sistemi yaradılır. Mərkəzi Moskva olan bu şəbəkə,
4 qoldan ibarət idi: Moskva, Baltikyanı, Azov-Qaradəniz və Qərb.
Moskva dəmir yolu 18 xəttdən ibarət olub, 8 min km-ə çatırdı.
XIX əsrin 60-cı illərində dəmir yolu nəqliyyatı Rusiyada yük
daşınmasında geniş tətbiq olunur. 1861
−
77-ci illərdə yük daşınması 25
dəfə artır. Avropada dəmir yolu tikintisində müxtəlif firmalar
çalışdığından çox vaxt tikilən yolların eni də müxtəlif olurdu.
İngiltərədə, ABŞ-da müxtəlif endə dəmir xətləri mövcud olduğu halda,
Rusiyada yalnız eni 1524 mm olan dəmir xətti çəkilmişdir.
90-cı illərdə sənayenin bir çox sahələrində yeni energetika
sistemlərinin yaranması nəzərə çarpır. Bu baxımdan Ural zavodlarında
görülən işlər birincilər sırasında idi. 90-cı illərdə Uralda energetika
sistemində elektrik mühərriklərindən istifadə edilməyə başlanır. 1890-cı
ildə Perm top zavodunda Rusiyada ilk elektrik stansiyası tikilir [2.42].
Sənaye inqilabı
329
Sənayenin mexanikləşdirilməsində elektrik enerjisinin tətbiqi böyük
əhəmiyyətə malik idi. Ancaq, bu dövrdə Rusiyada elektrikləşdirmə
prosesi zəif gedirdi. XIX əsrin sonunda sənaye energetikasının əsasında
buxar maşınları dururdu.
XIX əsrdə Rusiyanın inkişafında əhali artımı da nəzərdən qaçmır. Bu
əsrdə əhalinin sayı 4 dəfə artır. Rusiya 1860-cı ildə 74 milyon, 1913-cü
ildə isə artıq 164 milyon əhaliyə malik idi [2.15]. Bu artım əsasən kənd
regionlarında nəzərə çarpırdı. Sənaye inqilabı ərəfəsində Rusiyada şəhər
əhalisinin sayı 5 dəfə artmışdır. Bunlardan dağ-mədən işlərində
çalışanların nisbəti 2% təşkil edirdi. Əhalinin böyük hissəsi öz gündəlik
çörəyini kəndçiliklə qazanırdı. Əsrin sonuna yaxın əhalinin sürətli
artımı, ölkədə onsuz da elə də çətin gedən iqtisadi prosesləri daha da
çətinləşdirmişdir.
Rusiyada sənayeləşmə prosesinin gedişində dövlətin aktiv iştirak
etməsi 90-cı illərdə maliyyə naziri Sergey Vitt (1891
−
1900) tərəfindən
daha intensiv şəkildə aparılırdı. O, böyük təzyiqlərə baxmayaraq şəxsi
sənaye sahələrinin inkişafına yardımı gücləndirmişdir. Onun Transsibir
dəmir yolunun tikintisində gördüyü işlərlə bərabər, Rusiya üçün ən
dəyərli xidməti 1897-ci ildə etdiyi pul islahatı idi. Rus valyutasının
qızıla bağlılığı xaricdən gələn kapital axınını gücləndirir. Bu kapital
əsasən sənayenin genişləndirilməsinə sərf edildiyindən, dəmir və polad
istehsalında, kömur və neft hasilatında böyük inkişaf nəzərə çarpırdı.
Rusiyada sənaye inqilabı, ümumiyyətlə başqa Avropa ölkələrindən
fərqli olaraq uzun çəkən proses olub, ölkə daxilində və xaricində baş
verən siyasi proseslər nəticəsində müxtəlif mərhələlərlə baş vermişdir.
XIX əsrin sonunda demək olar ki, Rusiya artiq dünyada gedən qlobal
sənayeləşmə prosesinə qoşularaq, ölkədə gələcək geniş sənayeləşmə
üçün zəmin yaratmışdır.
Sənaye inqilabı
330
2.4. İlkin sənayeləşmə dövründə metal emalının inkişafı
M
aşınqayırma və ağır sənayenin başqa sahələrinin inkişafı
metallurgiya sənayesinin də inkişafını zəruri etmişdir. Dəmir, polad və
dəmir tərkibli xüsusi legirli metalların və eləcə də əlvan metal (mis, sink
və nadir metallar) ərintilərinə sənayenin tələbi getdikcə artmaqda idi.
Sənaye inqilabının təsiri ilə Avropanın bir sıra dövlətlərində baş
verən sənayeləşmənin intensivliyi X
Ι
X əsrin ortalarında domna
sobalarının geniş yayılmasına gətirib çıxartmışdır. Zamanın tələblərinə
cavab vermək üçün sobaların məhsuldarlığının artırılması istiqamətində
də müəyyən işlər görülmüşdür. Sobaya hava verilməsi sistemi
təkmilləşdirilmiş və üfürcəklərin məhsuldarlığı artırılmışdır. Adi
üfürcəklərin mərkəzdənqaçma üfürcəkləri ilə əvəz olunması, XIX əsrin
ortalarında sobaya kifayət qədər hava verilməsi problemini həll etməyə
imkan vermişdir.
Konverter qazının tətbiqi ilə X
Ι
X əsrin əvvəllərində yanacaqdan
qənaətli istifadə olunmağa başlanmışdır. Belə sobalara X
Ι
X əsrin
əvvəlində Rusiyada da rast gəlinir. Anosovun əlyazmalarından və
cizgilərindən məlum olur ki, bu sobalar 1819-cu ildə Slatovski
metallurgiya fabrikində tətbiq olunmuşlar. Bu dövrdə, Fransada şəxsi
metallurgiya fabrikinə sahib olan Aubertinin apardığı sınaqların
nəticələri məlumdur. 1809-cu ildə o, konverter qazının dəmirin
tablandırılmasında tətbiqi və kərpiclərin sobalarda istifadə olunması
üzrə sınaqlar aparmağa başlayır. 1811-ci ildə Aubertin bu işlərin
nəticələrini patentləşdirmişdir.
Sobalara, ilk dəfə olaraq isidilmiş havanın verilməsi şotlandiyalı C.
Nayson (ingl. James Neison) tərəfindən aparılır və o bu texnologiyası
üçün 1818-ci ildə patent alır. Nayson havanı 420K ilə 470K arasında
isidərək yanacağa 40% qənaət edir. Bununla, domna sobalarının
məhsuldarlığının kəskin artırılmasına nail olunur. Rusiyada, Peterburq
şəhərinin metallurgiya zavodunda 1829-cu ildə sobaya verilən havanın
mineral yanacaqların tətbiqi ilə qızdırılması sınaqları aparılmışdır.
Dostları ilə paylaş: |