16
Fevralın 24-də Müsavat Partiyası məclisinin üzvü
Cahangir Əmirxanlı “Yeni
Müsavat” qəzetinin 23 fevral 2013-cü il tarixli sayında dərc olunmuş və Gəncə
şəhər rəhbərliyini, ələlxüsus icra başçısı Elmar Vəliyevi tənqid edən “Gəncə -
gözəl diyar, kasıb şəhər...” başlıqlı yazısına görə polis idarəsinə çağırılıb.
C.Əmirxanlı bildirib ki, əvvəlcə Gəncə Şəhərinin Kəpəz Rayon Polis İdarəsinə
çağırılsa da, oradan polis əməkdaşlarının müşayiəti ilə Gəncə Şəhər Baş Polis
İdarəsinə - rəis müavini İlqar Balakişiyevin qəbuluna aparılıb. İlqar Balakişiyev
yazı ilə bağlı etirazını bildirərək, onu qərəzli yazı yazmaqda günahlandırıb. Daha
sonra isə C. Əmirxanlı sərbəst buraxılıb.
Fevralın 27-də “Azadlıq” qəzetinin müxbiri, peyk vasitəsilə Medya TV-də
yayımlanan “Azərbaycan saatı” verilişinin əməkdaşı və Azərbaycan Xalq Cəbhəsi
Partiyasının (AXCP) mətbuat xidmətinin rəhbəri Natiq Güləhmədoğlu (Ədilov)
Sabirabad rayonunda yaşayan qardaşı Muradın və dayısı oğlu Səbuhi Nadirovun
həbs edildiyini bildirib. Sabirabad Rayon Polis Şöbəsinin rəisi Mübariz Quliyevin
mətbuata verdiyi məlumata görə isə, adı çəkilən şəxslər narkotik vasitələrin
qanunsuz dövriyyəsində günahlandırılaraq saxlanılıblar. Ədilov isə hesab edir ki,
qohumları onun hökuməti tənqid etməsi səbəbindən həbs olunublar.
Martın 2-də “Zerkalo” qəzetinin reportyoru Rəşad Rüstəmov peşə fəaliyyətini
həyata keçirərkən kənd bələdiyyəsinin başçısı və altı nəfər başqa şəxs tərəfindən
döyülüb. Rüstəmov Daşəkəsən rayonunun Çovdar kəndinə sakinlərin torpaqlarının
Azərbaycan Beynəlxalq Mineral Resurslar Şirkəti tərəfindən qanunsuz olaraq ələ
keçirildiyi barədə şikayətləri araşdırmaq məqsədi ilə getdiyini bildirib. Kəndə
çatdıqda özünü bələdiyyə başçısı kimi təqdim edən şəxs jurnalisti məktəbin
həyətinə çağırmış, orada altı nəfər digər şəxslə jurnalisti döymüşdür. Baş vermiş
hadisə ilə bağlı olaraq qəzet rəhbərliyi Daxili İşlər Nazirliyinə və Baş Prokurorluğa
müraciət edib.
Martın 14-də "Gündəlik Bakı" qəzetinin baş redaktoru Habil Vəliyev iki şəxsin
hücumuna məruz qalıb. Vəliyevin bildirdiyinə görə, tanımadığı şəxs ona zəng
edərək görüşmək istədiyini bildirib. Razılaşdırılmış yerə gəldikdə isə jurnalist
orada tapança və bıçaqla siahlanmış 10 nəfərlə qarşılaşıb. Həmin şəxslərdən ikisi
bıçağın dəstəyi ilə Vəliyevin qulağına və gicgahına zərbələr endirib. Jurnalist onu
döyən şəxslərdən birinin- avtomobilin sürücüsünün - Bakı sakini Emil Zeynalov
olduğunu, ikinci şəxsin isə onun sərnişini olduğunu bildirib. Hücum edən şəxslər
Vəliyevin hansı qəzetin redaktoru olduğu bildikdən sonra ona hücum ediblər.
Jurnalist hesab edir ki, onun bu hücuma məruz qalması qəzetində insan alveri,
əxlaqsızlıq yuvaları və ümumilikdə Azərbaycanda hökm sürən kriminal durumla
bağlı silsilə məqalələrin dərc edilməsidir. Vəliyev baş vermiş hadisə ilə bağlı
olaraq Daxili İşlər Nazirliyinin “102” xidmətinə məlumat verib- Yasamal Rayon
Polis İdarəsində hadisə üzrə istintaq başlanıb.
17
Yafəz Əkrəmoğlu
Azadlıq Radiosunun Naxçıvan müxbiri Yafəz Əkərmoğlu (Həsənov) hesabat dövrü
ərzində dəfələrlə hədə-qorxu və şantaj faktları ilə üzləşib.
Aprelin 6-da Əkrəmoğlu şantaja məruz qaldığı barədə məlumat verib. O bildirib ki,
aprelin 3-də onun evinə şantaj və hədə dolu məktubla paket gətiriblər, paketdə
çılpaq qadın şəkilləri, facebook yazışmaları və naməlum kişi və qadın arasında
intim söhbət əks olunan CD var idi. “Növbəti gün bir kişi mənə zəng edərək, özünü
Naxçıvan MTN-in nümayəndəsi kimi təqdim etdi. O dedi ki, paket MTN
əməkdaşları tərəfindən göndərilib və mənə Naxçıvan haqqında neqativ materiallar
hazırlamağa son qoymağı təklif etdi O, həmçinin pul təklif etdi, lakin mən imtina
etdim”, deyə jurnalist bildirib.
Aprelin 19-da hökumət-meylli onlayn televiziya kanalı Səs TV Həsənovun bir
Naxçıvan sakini olan mobil telefon danığının səs yazısını yayımladı. Jurnalist bu
faktın arxasında da MTN-nin dayandığı hesab edir.
Mayın 10-da isə Əkrəmoğlu ölümlə təhdid edildiyi ilə bağlı məlumat yayıb.
Əkrəmoğlunun sözlərinə görə, hadisə İstanbulda yaşayan naxçıvanlılar haqqında
reportaj hazırlamaq məqsədilə orada olanda baş verib: “Naxçıvan Təhlükəsizlik
Nazirliyinin “Şahin” ləqəbli əməkdaşı tərəfindən təqib edilməyə başlanıldım. O,
bir qrup şəxslə qaldığım evə gələrək, naxçıvanlılar haqqında videomaterialları
verməyimi tələb edib. Bunu etməyəcəyim təqdirdə onlar məni öldürməklə
hədələdilər. Evdə yaşayan dostlarımızın köməyilə çağırılmamış qonaqları qovmağa
müvəffəq olduq”- deyə jurnalist bildirib.
İyunun 12-də Əkrəmoğlu Türkiyədə qonaq qaldığı evə basqın edən şəxslərdən
birinin – Xano Əmayevin Bakıda olmasının onun özü və ailəsinin həyatına təhlükə
yaratdığı üçün mühafizə orqanlarından təhlükəsizliklərinə təminat verilməsini
istəyib. Polis izahatının alınması üçün jurnalisti polis diarəsinə çağırıb və şöbədə
ona bildiriblər ki, Xano Əmayevin telefon nömərəsinə zəng çatmır və bundan artıq
heç nə edə bilməzlər. Əmayev sonradan müsavat.com saytına verdiyi açıqlamada
Əkrəmoğlunu təhdid etmək kimi niyyətinin olmadığını bildirib.
Əkrəmoğlu ondan apardığı araşdırmaların dayandırılmasını tələb edən təhdid dolu
digər telefon zəngləri və mesajlar aldığını da bildirib. Əkrəmoğlu Naxçıvanda
insan hüquqlarının pozulması və yerli məmurların özbaşınalığı ilə bağlı yazıları,
xüsusilə də, Naxçıvan MTN-ində işgəncəyə məruz qalaraq vəfat etdiyi bildirilən
Naxçıvan sakini Turac Zeynalov haqqında araşdırmalarına görə təqib olunduğunu
hesab edir. Əkrəmoğlu və Azadlıq Radiosu məsələ ilə bağlı Daxili İşlər
Nazirliyinə, Milli Təhlükəsizlik Nazirliyinə və Baş Prokurorluğa müraciət edib.
Əkrəmoğlu DİN-in məsələni araşdıracağına vəd etdiyini bildirib.