22
uzaqlaşdırılıb.
İyunun 3-də Bakının Nəsimi rayon ərazisində polis əməkdaşları səyyar qəzet satışı
ilə məşğul olanlara qarşı reyd keçirdərək, onları rayonun 22-ci polis bölməsinə
aparıblar. Bu barədə
gundemxeber.az
saytı məlumat yayıb. Məlumatda qeyd
olunur ki, polislər rayon ərazisində parklarda və digər insanların sıx oldugu
yerlərdə səyyar qəzet satışı ilə məşgul olan şəxsləri həbs edərək əllərindəki
qəzetləri də müsadirə edir və özlərini isə bölməyə aparıblar. Daxili İşlər
Nazirlliyinin Mətbuat Xidmətinin rəisi Ehsan Zahidov RATİ-yə açıqlamasında
DİN-ə belə bir məlumatın daxil olmadığını deyib.
İyunun 11-də Turan agentliyinin və “Amerikanın səsi” radiostansiyasının müxbiri,
“Obyektiv TV” on-line televiziyasının aparıcısı, tanınmış jurnalist Tapdıq
Fərhadoğlunun avtomobilinə hücum olub. İnsident Caspian Plaza Biznes
Mərkəzinin qarşısında baş verib. Belə ki, avtomobilin arxa pəncərəsi sındırılaraq
oturacağın üstündəki çantadan “Amerikanın səsi” radiostansiyasına məxsus
mikorofon götürülüb. T. Fərhadoğlu bildirib ki, baş verənlər barədə DİN-in “102”
saylı növbətçi hissəsinə məlumat verib və bir neçə dəqiqədən sonra polislər gələrək
zəruri istintaq-əməliyyat tədbirləri keçiriblər. Jurnalist Yasamal Rayon Polis
İdarəsinin 27-ci bölməsinə ərizə ilə müraciət etdiyini və bu işlə bağlı araşdırma
başlandığını da sözlərinə əlavə edib.
İyunun 12-də jurnalist İdrak Abbasov Lerik şəhərində dövlət məmurunun
təzyiqinə məruz qalıb. Abbasov bildirib ki, adi bir arayış almaq istədiyi zaman
Lerik şəhər inzibati ərazi dairəsinin rəhbəri Atamalı Nəcəfov ona hücum çəkib və
nalayiq söyüşlərlə onu söyüb. “Mən sənədləşmə işi ilə bağlı Lerik şəhər inzibati
ərazi dairəsinə bir neçə dəfə getdim, ancaq idarənin rəhbəri iş başında olmadığı
üçün məsələni həll edə bilmirdim. Belə olduğu üçün mən Nəcəfovun iş
kabinetinin üzərində yazılmış mobil telefona zəng etdim və o mənə çayxanada
olduğunu bildirərək ora dəvət etdi. Mən həmin yerə getdim və dövlət məmurunu iş
vaxtı sayılan 16:20 saatlarında çayxanada domino oynayan gördüm. Mən A.
Nəcəfova sənəd almaq üçün gəldiyimi bildirdim və nə zaman iş başında olacağını
soruşdum. Ancaq o mənim müraciətimə cavab vermədi və oyun oynamağa davam
etdi. Biraz gözlədikdən sonra oyun bitdi və o yerindən qalxaraq “sən kimsən mən
sənə hesabat verim” deyərək mənə hücum çəkdi, məni nalayiq söyüşlərlə söydü.
Bu zaman şəkilini çəkdiyim üçün o hücum edərək aparatımı əlimdən almaq
istəyirdi”,-deyə jurnalist qeyd edib. Jurnalist onu da qeyd edib ki, hadisə barədə
Lerik Rayon Polis Şöbəsinə rəsmi şəkildə ərizə ilə müraciət edib.
İyunun 14-də “Azadlıq” radiosunun bölgə müxbiri Azər Əli peşə fəaliyyətini
yerinə yetirən zaman fiziki hücuma məruz qalıb. Jurnalist Azər Əlinin sözlərinə
görə, bu gün Fövqəladə Hallar Naziri Kəmaləddin Heydərov Salyan şəhərində
sakinlər ilə görüş keçirib, ancaq medianümayəndələrinin görüşü izləməsinə imkan
verilməyib. “Nazirin qəbulundan çıxan vətəndaşlardan müsahibə götürmək
istəyirdim. Bu zaman FHN əməkdaşı tərəfindən küçə söyüşləri ilə təhqir olunaraq
23
ərazidən uzaqlaşdırıldım” –deyə jurnalist bildirib. RATİ hadisəyə aydınlıq
gətirilməsi üçün FHN-nin mətbuat xidməti ilə əlaqə saxlama cəhd etsə, nazirlik
edilən təkidli zənglərə cavab verməyib.
İyunun 14-də “Space” telekanalının “Etibar edin” proqramının aparıcısı İlham
Mirzəyev hücuma məruz qalıb. Bu barədə
anspress.com
saytı məlumat
yayıb. Məlumatda qeyd olunur ki, İ. Mirzəyev cümə günü axşam saatlarında
çalışdığı “Space” kanalının arxa qapısından çıxıb avtomobilinə yaxınlaşarkənbaşqa
bir avtomobildən 4 nəfər düşərək ona hücum edib. Tanınmamaq üçün üzlərini
qrimləyən dəstə teleaparıcının özünü və ailəsini ölümlə hədələdikdən sonra sərbəst
buraxıb. Məlumatda həmçinin İlham Mirzəyevin peşə fəaliyyəti ilə bağlı, aparıcısı
olduğu “Etibar edin” proqramına müraciət edən şikayətçiyə yardım etdiyi üçün
təzyiqə məruz qaldığı bildirilir. Jurnalist hadisə ilə bağlı dünən səhər Nərimanov
rayon Prokurorluğuna və Bakı şəhər Prokurorluğuna şikayət ərizəsi ilə müraciət
edib.
İyunun 15-də
avropa.info
saytının əməkdaşı Saleh Qafarlı peşə fəaliyyətini yerinə
yetirən zaman fiziki hücuma məruz qalaraq döyülüb. Jurnalistin sözlərinə görə,
İmişli-Biləsuvar yolunun üzərində (Biləsuvar ərazisində) yerləşən fahişəxanada
gizli olaraq videoçəkiliş apardıqdan sonra obyektin sahibi və onun yanındakı bir
neçə nəfər tərəfindən vəhşicəsinə döyülüb. “Obyektin sahibi olduğu deyilən
Allahverən adlı şəxs 13 nəfər şəxslə birlikdə üstümə hücum çəkdi. Allahverən və
yanındakı qoçu dəstəsi mənə zərbələr vurmağa başladılar. Bir müddət döyəndən
sonra mobil telefonumu, qol saatımı və şəxsiyyət vəsiqəmi götürdülər. Allahverən
mənə “Sən heç bilirsən kimə ilişmisən? Sən heç bilirsən bura kimin obyektidir?”
deyə hədə-qorxu gəldi. İki saat davam edən fiziki və mənəvi işgəncələrdən sonra
kafeyə gələn tanımadığım şəxslərin müdaxiləsi nəticəsində bizi girovluqdan
buraxdılar. Üzərimdə olan əşyaları isə özlərində saxladılar. Yanımdakı şəxslər
dərhal məni İmişli Rayon Xəstəxanasının Təcili Tibbi Yardım bölməsinə gətirdilər.
Həkimlər ilkin müayinə zamanı bədənimdəki xəsarətləri qeydə aldılar və tibbi
yardım göstərdilər. DİN-in “102” xidmətinə zəng vurub hadisə barədə məlumat
verdim. İmişli Polis Şöbəsinin əməkdaşları məni və yanımda olan şahidləri polis
bölməsinə gətirdilər. Məndən izahat alıblar və tibbi ekspertiza keçirilib. Ekspertiza
rəy verib ki, mənim bədənimdə döyülmə nəticəsində yaranmış xəsarətlər var”,-
deyə jurnalist qeyd edib.