Reportyorların Azadlıq və Təhlükəsizlik İnstitutu Azərbaycanda Seçki Ərəfəsində Azad Sözə Təzyiqlər Daha Da Artır
Yüklə 0,51 Mb. Pdf görüntüsü
|
- Bu səhifədəki naviqasiya:
- Diffamasiyaya görə cinayət məsuliyyətinin internetdə yayılan məzmuna şamil
- Azadlıq qəzeti bağlanma təhlükəsi ilə üz-üzə
29
ailələrinə aid olan əmlak məhkəmə icraçıları tərəfindən müsadirə olunub, cəriməni ödəməyən fəallar isə ictimai işə cəlb olunub. Fəal şəxslərin və QHT-lərin ciddi maliyyə çətinliklərini və tənqidçi şəxslərə mitinq üçün icazənin çox nadir hallarda verildiyini nəzərə alsaq, bu müddəalar ölkədə sərbəst toplaşma azadlığına “çəkindirici effekt” təsiri göstərə bilər. Bu, 2013-cü il prezident seçkiləri ərəfəsində hökumətin əl atdığı xüsusilə qorxuducu tədbirdir.
Mayın 14-də Milli Məclis bir çox əməllərə, o cümlədən icazəsiz aksiyaların təşkili və bu cür aksiyalarda iştiraka görə, nəzərdə tutulan inzibati həbsin maksimum müddətini artıran qanun layihəsini qəbul etdi. Beləliklə, həbs müddəti 15 gündən 60 günə kimi artırıldı. Bu o anlama gəlir ki, oktyabr seçkiləri ərəfəsində etiraz aksiyalarında iştirak edən fəallar həbs olunaraq bütün seçki kampaniyası və seçki dövrü müddətində həbsdə saxlanıla bilər.
olunması Azərbaycan qanunvericiliyində ifadə azadlığı üçün ən çox problem yaradan müddəalar Cinayət Məcəlləsində diffamasiya ilə bağlı olan müddəalardır. “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı” 10
diffamasiyaya görə cinayət məsuliyyətini aradan qaldıran yeni qanunun qəbulunu nəzərdə tutsa da, hökumət bu müddəanı hələ də həyata keçirməyib.
Hesabat dövründə qanunvericilik sahəsində baş vermiş ən çox narahatlıq doğuran hadisə isə Cinayət Məcəlləsinə internetdə diffamasiyaya görə üş ilə qədər həbs cəzası nəzərdə tutan qanun layihəsinin iyunun 4-də Prezident Əliyev tərəfindən təsdiqlənməsi olub. 11 Bu qanun layihəsi ilkin olaraq mayın 14-də parlament tərəfindən qəbul olunmuşdu. Dəyişikliklər iyul ayının sonundan qüvvəyə minəcək.
Qeyd etmək lazımdır ki, hökumət vətəndaş cəmiyyəti ilə əməkdaşlıq şəraitində “Diffamasiyadan müdafiə haqqında” qanun layihəsi işləyib hazırlasa da, bu layihənin Avropa Şurasının Venesiya Komissiyasına texniki baxış üçün göndərilmiş yekun versiyası təhrifə məruz qalmış – ifadə azadlığına təminat verən bir çox mühüm müddəalar sənəddən çıxarılmış, onların əvəzinə bir neçə problematik müddəalar əlavə olunmuşdu. 12 Qanun layihəsinin Venesiya Komissiyasına göndərilmiş versiyası ifadə azadlığının beynəlxalq standartları ilə ziddiyyət təşkil edir.
Müstəqil və müxalifət qəzetlərinin fəaliyyətini məhdudlaşdırmaq üçün mülki diffamasiya müddəalarından intensiv formada istifadə olunub. “Azadlıq”, “Yeni Müsavat” və “Xural” kimi kəskin tənqidçi qəzetlər diffamasiya ittihamları ilə daha
10 http://bit.ly/PxH3Tw 11 http://bit.ly/13uH0cl 12 http://bit.ly/11Z16hs 30
çox üzləşir, və bu ittihamların da əksəriyyəti deputatlar və digər dövlət məmurları tərəfindən irəli sürülür. Məhkəmə qərarları ilə təyin olunan yüksək məbləğli cərimələr isə bu qəzetlərin onsuz da ağır olan maliyyə durumunu daha da ağırlaşdırır, bununla da qəzetlərin öz fəaliyyətlərini davam etməsi daha da çətinləşir.
2013-cü ilin ilk yarısında tənqidçi media qurumlarına qarşı çoxsaylı mülki diffamasiya ittihamları irəli sürülüb.
Azadlıq qəzeti bağlanma təhlükəsi ilə üz-üzə
Diffamasiya iddiaları əsasında kəsilmiş iri məbləğli cərimələr və digər iqtisadi amillərin nəticəsində “Azadlıq” qəzeti ciddi maliyyə böhranı ilə üzləşmiş və bir neçə dəfə fəaliyyətini dayandırmağa məcbur olacağı barədə məlumat vermişdir. Ölkənin ən iri tirajlı qəzetlərindən biri olan və hökuməti tənqid etməsi ilə tanınan “Azadlıq” qəzeti tez-tez diffamasiya ittihamları ilə qarşılaşır ki, bu ittihamların da əksəriyyəti dövlət məmurları və ya onların qohumları tərəfindən irəli sürülür.
2013-cü ilin birinci yarısında iki müxtəlif halda “Azadlıq” qəzeti üzərinə diffamasiya iddiaları əsasında yüksək məbləğli cərimələr qoyulub. Bundan başqa, qəzetin diffamasiya ilə bağlı əvvəlki məhkəmə işlərindən də ödəmədiyi cərimə borcları vardır.
Fevralın 14-də Ali Məhkəmədə hakim Tatyana Qoldmanın sədrliyi ilə keçirilən prosesdə "Azadlıq" qəzetinin kassasiya şikayəti təmin edilməyib. Tağı Əhmədovanın iddiasına əsasən qəzetə qarşı çıxarılmış 30 min manat cərimə cəzası qüvvədə qalıb. Xatırladaq ki, "Azadlıq" qəzetinin 2012-ci il aprel sayında dərc olunmuş "Tağı Əhmədov 5 qəpikləri mənimsədi" sərlövhəli yazıya görə, metropoliten rəisi məhkəməyə müraciət edərək qəzetin 200 min manat cərimələnməsini tələb etmişdi. Yasamal Rayon Məhkəməsi 2012-ci ilin iyun ayında iddianı qismən təmin edərək, qəzetin üzərinə 30 min manat təzminat ödəmək vəzifəsi qoymuş, sentyabrın 13-də isə Bakı Apellyasiya Məhkəməsi bu qərarı qüvvədə saxlamışdı.
Aprelin 5-də “Azadlıq” qəzetinin redaksiyasına Yasamal rayon İcra Şöbəsindən bildiriş daxil olub. Bildirişdə qəzetin 30 min m anatlıq borcunu 10 gün müddətində ödəməsi tələb olunub və bu müddət keçdikdən sonra icranın məcburi qaydada təmin olunacağı bildirilib. “Azadlıq” cəriməni ödəyə bilməmiş, nəticədə Yasamal rayon Məhkəməsinin qərarı ilə aprelin 16-da qəzetin bank hesabı dondurulmuşdur. “Azadlıq” qəzeti cərminənin hissə-hissə ödənməsi ilə bağlı məhkəməyə müraciət edib. Qəzet Tağı Əhmədovla kompensasiyanın ayda 400 manat olmaqla uşaq evinə ödənilməsi ilə bağlı razılıq əldə etdikdən sonra, iyunun 19-da Nəsimi rayon Məhkəməsinin qərarı ilə qəzetin bank hesabından həbs götürülüb.
Yüklə 0,51 Mb. Dostları ilə paylaş:
|