Reportyorların Azadlıq və Təhlükəsizlik İnstitutu Azərbaycanda Seçki Ərəfəsində Azad Sözə Təzyiqlər Daha Da Artır
Yüklə 0,51 Mb. Pdf görüntüsü
|
31
Fevralın 19-da Bakı Apelyasiya Məhkəməsində hakim İlqar Dəmirovun sədrliyi Binə Ticarət Mərkəzinin sahibi Kəbirə Məmmədovanın iddiası əsasında "Azadlıq" qəzetinə kəsilmiş cərimə qərarından verilən şikayətə baxılıb. Məhkəmə heç bir araşdırma aparmadan və əsas gətirmədən əvvəlki instansiyanın qərarını qüvvədə saxlayıb. Qeyd edək ki, “Azadlıq” qəzetində 7 iyul 2012-ci il tarixində “Kəbirə Məmmədovanın “Eurovizyon əməliyyatı” və 8-9 iyul 2012-ci il tarixində dərc olunmuş “Kəbirə Məmmədovanın yeni kupça əməliyyatı” başlıqlı məqalələrə görə “Binə” ticarət mərkəzinin sahibi Kəbirə Məmmədovanın Yasamal rayon Məhkəməsində qaldırdığı iddiaya əsasən 22 oktyabr 2012-ci il tarixində məhkəmə qəzetin təkzib verməsi və “Azadlıq”qəzetinin 30 min manat, yazıların müəllifi Ramin Dekonun isə 2 min manat cərimələnməsi barədə qərar çıxarıb.
Bundan başqa, aprel ayında müdafiə nazirinin müavini, general-leytenant Çingiz Məmmədov “Azadlıq” qəzetinə qarşı məhkəməiddiası qaldırıb. İddiaçı tərəf qəzetin 20-24 mart 2013-cü il tarixli sayında Xaqani Əliyevin müəllifliyi ilə dərc edilmiş “Ordu, yoxsa can bazarı” yazısında həqiqətə uyğun olmayan, böhtan xarakterli məlumatların yer aldığını, nəticədə Müdafiə Nazirliyinin işgüzar nüfuzuna və qurumun vəzifəli şəxslərinin şərəf və ləyaqətinəciddi xələl gəldiyini bildirib. Qəzetdən təkzib və 100 min manat təzminat istəyən nazirlik göstərilən məbləğin “Azadlıq”dan tutularaq Silahlı Qüvvələrin Yardım Fondunun hesabına köçürülməsini tələb edir.
Diffamasiya iddiaları ilə yanaşı “Azadlıq” qəzetinin maliyyə problemlərinin böyük səbəblərindən biri də Qasid Mətbuat Yayım şirkətinin qəzetə satışa görə 40 min manatlıq borcunu ödəməməsidir.
Mart ayında Daxili işlər naziri Ramil Usubov və fövqəladə hallar naziri Kəmaləddin Heydərov "Azadlıq" qəzetinin baş redaktoru Qənimət Zahidə qarşı xüsusi ittiham qaydasında diffamasiya iddiası qaldırıblar. Buna səbəb martın 1-də “Azadlıq" qəzetində dərc olunmuş "Ramil Usubov Kəmaləddin Heydərova qəzəblənib" başlıqlı məqalə olub. Nazirlər məhkəmədən jurnalisti Cinayət Məcəlləsinin 147.1 və 147.2-ci maddələri ilə təqsirli bilərək cəzalandırmağı istəyiblər. Martın 12-də qəzetin qeyd olunmuş yazı ilə bağlı təkzib verməsindən və nazirlərdən üzr istəməsindən sonra hər iki nazır iddialarını geri götürüblər.
“Yeni Müsavat” qəzetinə qarşı iki yeni məhkəmə iddiası qaldırılıb. İddialardan biri “Bakı Poladtökmə” ASC və “Baku Steel Company” MMC şirkətləri tərəfindən qaldırılıb. İddiaçılar qəzetin 23 noyabr 2012-ci il tarixli sayında dərc olunmuş “Zülfüqarlı qardaşlarının yağmalanan zavodu bağlandı” sərlövhəli yazının işgüzar nüfuzlarına xələl gətirdiyini əsas gətirərək, “Yeni Müsavat” qəzetindən təkzib verilməsi və 1000000 (bir milyon) manat təzminat ödəməsi tələb edilir. 32
Fevralın 26-da “Yeni Müsavat” qəzetinin baş redaktoru Rauf Arifoğlu RATİ-yə bildirib ki, “Yeni Müsavat” qəzetinə qarşı yüksək məbləğli iddialar qəzeti sıradan çıxarmağa hesablanıb. O vurğulayıb ki, bu iddiaları verənlər ya hakimiyyətdə təmsil olunan şəxslər, ya da vəzifəli şəxslərin nəzarətində olan biznes qurumlarıdır. “Qəzetdən 2012-ci ildə məhkəmələr vasitəsilə tələb olunan cərimələrin ümumi məbləği 2 milyon 950 min manat olub və hazırda icrada olan cərimələrin məbləği 55600 manatdır” – deyə Arifoğlu qeyd edib. Apreldə ANS Şirkətlər Qrupu “Yeni Müsavat” qəzeti və aznews.az portalı ilə bağlı qaldırdığı məhkəmə iddialarını geri götürüb. Şirkət rəhbərliyi hüquq departamentinin simasında bu addımını onunla əsaslandırıb ki, həmin mətbuat orqanlarının bəziləri artıq ANS-ə, buraxılmış səhvlərin anlaşılmazlığın nəticəsi olduğunu etiraf edib, bəziləri isə yol verilmiş xətaları bilərəkdən etmədiklərini və bununla əlaqədar ANS-in mövqeyini dərc etməyə hazır olduqlarını bildirməklə ANS-in onlara qarşı irəli sürdüyü iddiaları təmin etmiş olublar. İddiaya səbəb “Yeni Müsavat” qəzetinin aznews.az portalına istinadən dərc etdiyi 15 yanvar tarixli “ANS-in iki jurnalı bağlandı” adlı məqalə olub. İddiaçı tərəf məhkəmə iddiasında “aznews.az” saytından 100 min manat, “Yeni Müsavat” qəzetindən isə 20 min manat təzminat, eləcə də, hər iki cavabdehdən təkzib tələb edirdi. “Yeni Müsavat” qəzetinin hüquqşünası Vaqif Hüseyn ANS Şirkətlər Qrupunun rəhbərliyinin qəzetə zəng edərək, qəzetlərə qarşı son məhkəmə prosesləri nəticəsində onların bağlanma təhlükəsini nəzərə alaraq, ANS-in belə bir həmkar jesti etdiyini bildirib. Həmçinin hesabat dövründə, Aprelin 3-də Ali Məhkəmədə hakim Zakir Quliyevin sədrliyi ilə “Yeni Müsavat” qəzetinin “Gilan” konserv zavodunun məhkəmə iddiasına qarşı kassasiya şikayətinə baxılıb. Musavat.com-un məlumatına görə, hakim Z. Quliyev tərəfləri dinləyib və kassasiya şikayətini təmin etməyərək əvvəlki instansiyaların çıxardığı 50 min manatlıq cərimə qərarını qüvvədə saxlayıb. Xatırladaq ki, iddiaya səbəb “Gilan Qəbələ Konserv Zavodu” MMC “Yeni Müsavat” qəzetində 2009 ildə dərc olunmuş “Jalə 100 faiz təbii şirə deyil” məqaləsi olub. İyulun 31-də 2 saylı Bakı İnzibati-İqtisadi Məhkəməsi Bakı Apellyasiya Məhkəməsi iddianı qismən təmin edərək “Yeni Müsavat” 50 min manat cərimələyib. 14 noyabr 2012-ci il tarixində qərardan verilən apellyasiya şikayətini təmin etməyərək, “Yeni Müsavat”qəzetinə qarşı çıxarılmış 50 min manatlıq cərimə qərarını qüvvədə saxlayıb. Aprelin 12-də
İmişli rayon
İcra Hakimiyyətinin başçısı Vilyam
Hacıyev Veteninfo.az xəbər portalında 11.04.2013-cü ildə yayımlanan “Vilyam Hacıyev iş adamının həbsinə səbəb oldu” başlıqlı məlumata etiraz olaraq iddia ərizəsi ilə Səbail rayon Məhkəməsinə müraciət edib. Qəzetin baş redaktorunun sözlərinə görə, “iddia ərizəsində V.Hacıyev bildirir ki, yayılan məlumat onun işgüzar nüfuzuna xələl gətirməklə bərabər, eyni zamanda rəhbərlik etdiyi İmişli rayon İcra Hakimiyyətinin kollektivində, rayon ictimaiyyətində və tabeçiliyində olduğu Azərbaycan Respublikası Prezident Administrasiyasının rəhbər və digər
Yüklə 0,51 Mb. Dostları ilə paylaş:
|