Reportyorların Azadlıq və Təhlükəsizlik İnstitutu Azərbaycanda Seçki Ərəfəsində Azad Sözə Təzyiqlər Daha Da Artır
Yüklə 0,51 Mb. Pdf görüntüsü
|
- Bu səhifədəki naviqasiya:
- Jurnalistlər tərəfindən qaldırılmış məhkəmə iddiaları
33
əməkdaşlarının arasında ona qarşı inamsızlıq, etimadsızlıq halları və digər neqativ münasibətlərin formalaşmasına səbəb ola bilər. Vilyam Hacıyev məhkəməyə ünvanladığı iddia ərizəsində şərəf və ləyaqətinin alçaldılması, işgüzar nüfuzuna xələl gətirən yalan məlumatların təkzib edilməsi və vurulmuş ziyana görə veteninfo.az xəbər portalından 100 min manat tələb edir. Məhkəməni udacağı təqdirdə həmin vəsaiti Bakıda yerləşən uşaq evlərinin birinə bağışlayacağını qeyd edib”.
Müstəqil İnformasiya Agentliyi (MİA) İmişli rayon İcra Hakimiyyətinin başçısı Vilyam Hacıyev tərəfindən məhkəməyə verilib. Bu barədə mia.az saytı məlumat yayıb. Məlumatda qeyd olunur ki, icra başçısının məhkəməyə üz tutmasına səbəb “İcra başçısının 700 minlik borc qalmaqalı; Vilyam Hacıyev «Banditizm»də dindirilib” başlıqlı yazı olub. Vilyam Hacıyev agentlikdən rəsmi təkzib və 100 min manat təzminat tələb edir.
Aprelin 19-da Bakı Apellyasiya Məhkəməsində hakim Toğrul Əliyevin sədrliyi ilə “Xural” qəzetinin həbsdə olan baş redaktoru Əvəz Zeynallının “Baltika-Bakı” MMC-nın baş direktoru Adam Tlexurayın iddiasına əsasən Nərimanov rayon məhkəməsinin 23 yanvar tarixli qərarından verdiyi apellyasiya şikayəti təmin edilməyib. “Xural”ın baş redaktorunun həyat yoldaşının məlumatına görə, hakim T. Əliyev çox qısa müddət ərzində qərar çıxararaq, ”Xural” qəzetinin 25 min manat cərimə olunması barədə qərar verib. Xatırladaq ki, “Xural” qəzetinin bir neçə sayında (31 iyul 2011-ci il tarixli müəllifin “”Xırdalan” Pivə zavodunda nələr baş verir?” adlı, 21-27 avqust 2011-ci il tarixli “”Xırdalan” pivənin əfsanəsi qıcqırdı” başlıqlı yazılar)”Baltika-Bakı” MMC haqqında dərc olunmuş araşdırma məqalələrdə şərəf və ləyaqətin alçaldıldığını, işgüzar nüfuzuna xələl gətirildiyini iddia edərək, qəzetin təkzib verməsini, 150 min manat cərimələnməsini istəmişdi. Nərimanov Rayon Məhkəməsi isə həmin iddianı qismən təmin edərək Əvəz Zeynallının 50 min manat cərimə olunması ilə bağlı qərar qəbul etmişdi. 28 iyun 2012-ci ildə Bakı Apellyasiya Məhkəməsiapellyasiya şikayətinin təzminat hissəsinin dəyişdirilməsi və cərimənin 50 min manatdan 25 min manata endirilməsi ilə bağlı qərar qəbul etmişdi. Bu qərardan Ali Məhkəməyə şikayət verilib və ali məhkəmə şikayəti təmin edərək işi yenidən baxılması üçün apellyasiya məhkəməsinə göndərib.
Yanvarın 23-də 1 saylı Bakı İnzibati-İqtisad Məhkəməsində hakim Vüsalə Baxışovanın sədrliyi ilə Turan İnformasiya Agentliyinin Bakı şəhər İcra Hakimiyyətinə qarşı iddiası üzrə məhkəmə prosesi keçirilib. Məhkəmə Turan agentliyinin iddiasını qismən təmin edib. İcra Hakimiyyətinin üzərinə qəzet köşklərinin sahibi və sayı haqqında məlumat vermək, həmçinin 10 manat məhkəmə xərclərini ödəmək öhdəliyi qoyub. Turan agentliyinin direktoru Mehman Əliyev məhkəmənin işə baxılması prosesini əsassız olaraq uzatması və praktiki 34
olaraq meriyanın maraqlarını dəstəkləməsinə görə qərardan apellyasiya şikayəti verməyi planlaşdırır.
Martın 18-də Yasamal Rayon Məhkəməsində hakim Tahir İsmayılovun sədrliyi ilə jurnalist Xədicə İsmayılovanın “İki Sahil” qəzetinə qarşı iddiası təmin edilməyib. Xatırladaq ki, Xədicə İsmayılova “İki Sahil” qəzetinin 15 mart 2012-ci il tarixli sayında “Xədicənin suçu nə” başlıqlı məqalədə ona böhtan atıldığını əsas gətirərək şərəf və ləyaqətinə, işgüzar nüfuzuna dəyən zərərə görə qəzetin təkzib verməsini, üzr istəməsini və jurnalistə mənəvi zərərə görə iki min manat təzminat ödənilməsi tələbi ilə məhkəməyə müraciət etmişdi. Jurnalist qərardan apellyasiya şikayəti verməyi planlaşdırır. Aprelin 9-da Yasamal Rayon Məhkəməsi elitar.az saytının təsisçisi, jurnalist Elmin Bədəlovun Azərbaycan Respublikasının Prezidenti Yanında Kütləvi İnformasiya Vasitələrinə Dövlət Dəstəyi Fonduna (KİVDF) qarşı qaldırdığı iddianı geri qaytarıb. Jurnalistin sözlərinə görə, hakim Fuad Talışinski qəbul etdiyi qərardadda iddiaçının şəxsiyyətini müəyyən edən sənədin işə əlavə olunmadığını əsas gətirib. “Qanunvericilikdə belə bir sənədin işə daxil olunması nəzərdə tutulmayıb. Buna baxmayaraq vəkillər tələb olunan sənədləri işə əlavə edərək yenidən məhkəməyə göndəriblər” deyə jurnalist qeyd edib. Xatırladaq ki, Elmin Bədəlov apardığı jurnalist araşdırmaları ilə əlaqədar KİVDF-yə iki informasiya sorğusu göndərib. Lakin bu qurum sorğuya cavab verməkdən imtina edib. Buna görə də jurnalist “İnformasiya sorğusuna cavab verməkdən imtina edilməsinin qanunsuz hesab edilməsi, informasiya sorğusundakı məlumatların cavabdehin üzərinə qoyulması tələbinə dair” iddia ərizəsi ilə Yasamal Rayon Məhkəməsinə müraciət edib. May ayında “Azadlıq” qəzetinin əməkdaşı Natiq Adilov informasiya sorğusuna cavab vermədiyinə görə, Bakı Dövlət Universiteti (BDU) və Maliyyə Nazirliyini məhkəməyə verib. Ədilovun sözlərinə görə, təhsilə ayrılan vəsaitlərin xərclənmə durumu ilə bağlı araşdırma apardığından və lazımi məlumatları sözügedən qurumların saytlarından əldə edə bilməməsi səbəbindən həmin qurumlara informasiya sorğusu göndərib. “2011-ci ildə dövlət büdcəsindən BDU-ya ayrılan vəsaitlər, həmin ildə ödənişli əsaslarla təhsil alan tələbələrin sayı, ödənişli təhsildən BDU-nun hesabına daxil olan vəsaitlər haqqında bilgiləri və BDU-nun 2011-ci ildə Maliyyə Nazirliyinə təqdim etdiyi maliyyə hesabatının surətinin ona təqdim olunmasını xahiş etmişdim. BDU-nun 2011-ci il üzrə maliyyə hesabatının surəti həm də Maliyyə Nazirliyindən istənilib. BDU və Maliyyə Nazirliyi sorğuları cavablandırmayıblar” deyə jurnalist bildirib. May aında həmçinin “Xural” qəzetinin həbsdə olan baş redaktoru Əvəz Zeynallı “Ekspress Servis” MMC-yə qarşı “Öhdəliyin yerinə yetirilməməsi nəticəsində pozulmuş hüquqların bərpası və vurulmuş zərərin ödənilməsi barədə” 1 saylı İnzibati İqtisad Məhkəməsi qarşısında iddia qaldırıb. Vəkil E. Sadıqovun sözlərinə görə, Əvəz Zeynallı “Xural” qəzetini qanunsuz olaraq çap etməkdən imtina etməsinə görə vurulmuş maddi zərər üçün cavabdeh “Ekspress Servis” şirkətindən Yüklə 0,51 Mb. Dostları ilə paylaş:
|