40
İlqaroğlu təxəllüsü ilə xalqı kütləvi iğtişaşa dəvət edib, özünü isə aksiya zamanı
yandıracağını bildirib) və 318.1-ci (Azərbaycan Respublikasının mühafizə olunan
dövlət sərhədini müəyyən edilmiş sənədlər olmadan və ya dövlət sərhədinin
nəzarət-buraxılış məntəqələrindən kənarda
keçmə - guya F.Novruzoğlu 2010-cu ilin noyabrından 2011-ci ilin oktyabr ayına
qədər qanunsuz olaraq Azərbaycan Türkiyə sərhədini keçib və orada qanunsuz
yaşayıb) maddələri ilə 4 il 6 ay müddətinə azadlıqdan məhrum edilib. Novruzoğlu
ona qarşı irəli sürülmüş ittihamları rədd edərək, Azərbaycanın idxal-ixrac siyasəti
ilə bağlı tənqidi məqalələr yazdığına görə həbs olunduğunu bildirib. Hazırda
jurnalist 1 saylı cəzaçəkmə müəssisəsində cəza müddətini çəkməyə davam edir.
Mayın 9-da dindar blogger Rəşad Ramazanov (Rəşad Həqiqət Ağaaddin) “20
Yanvar” metrostansiyası yaxınlığında saxlanılaraq Daxili İşlər Nazirliyinin Baş
Mütəşəkkil Cinayətkarlıqla Mübarizə İdarəsinə gətirilib. Bloggerin üzərində
axtarış aparılıb və üzərindən 9 qram heroin müsadirə edildiyi bildirilir. Ramazanov
bu ittihamı təkzib edir. Mayın 17-də Ramazanov barəsində üç aylıq həbs-qətimkan
tədbiri seçildi. Rəşad Ramazanovrəsmi facebook səhifəsində hazırkı hakimiyyəti
sərt tənqid edən məqalə və statuslar əsas yeri tutur və onlarda azadlıq və ədalət
mövzuları müəllif tərəfindən sərt mövqedə əks olunub.
16
Təqsiri sübuta yetirilərsə,
Rəşad Ramazanovun əmlakı müsadirə edilməklə 12 ilədək azadlıqdan məhrum
ediləcəyi gözlənilir. Kürdəxanı istintaq təcridxanasında saxlanılan Ramazanovun
orada işgəncəyə məruz qaldığı bildirilir.
Fevralın 4-də “Yeni Müsavat” qəzetinin jurnalisti və Müsavat Partiyasının sədr
müavini
Tofiq Yaqublu Cinayət məcəlləsinin 233-cü (ictimai qaydanın
pozulması) və 315-ci (hakimiyyət nümayəndəsinə müqavimət) maddələri ilə
ittiham olunaraq həbs olunub. Yaqublu yanvarın 23-24-də İsmayıllı rayonunda
kütləvi iğtişaşları təşkil etməkdə təqsirləndirilib. Əslində isə jurnalist İsmayıllıya
iğtişaşlar baş verdikdən sonra jurnalist qismində baş verən hadisələr barədə
məlumat toplamaq məqsədi ilə səfər edib. İsmayıllıya
Yaqublu ilə eyni gündə səfər edən REAL hərəkatının rəhbəri İlqar Məmmədov da
oxşar ittihamlarla həbs olunub. Tofiq Yaqublu barəsində ilkin olaraq 2 ay həbs
qətimkan tədbiri seçilib və bu müddət sonradan daha iki dəfə artırılıb. Aprelin 27-
də isə T. Yaqubluya qarşı qarşı Cinayət Məcəlləsinin 233-cü maddəsi üzrə ittihama
xitam verilib və 220.1-ci (zorakılıqların, talanların, yanğınların törədilməsi,
əmlakın məhv edilməsi ilə müşayiət olunan kütləvi iğtişaşları təşkil etmə və ya
belə iğtişaşlarda iştirak etmə) maddə ilə ittiham irəli sürülüb ki, bu maddə ilə də
dörd ildən on iki ilədək həbs nəzərdə tutulur. T. Yaqublu hal-hazırda Bakı İstintaq
Təcridxanasında saxlanılır.
Əvəz Zeynallı
Martın 12-də “Xural” qəzetinin baş redaktoru Əvəz Zeynallı Cinayət Məcəlləsinin
311.3.3 (külli miqdarda rüşvət alma), 311.3.4-cü (hədə-qorxu tətbiq olunmaqla
16
http://on.fb.me/12G0WJE
41
rüşvət alma) və 306-cı (məhkəmə qərarlarını icra etməmə) maddələri ilə ittiham
olunaraq 9 il həbs cəzasına məhkum olundu. Zeynallı
həmçinin 213.1-ci (vergidən yayınma) maddə ilə günahkar bilinərək 4076 manat
cərimə olunmaqla yanaşı bir il kommersiya fəaliyyəti ilə məşğul olmamaq cəzası
alıb.
Barəsində hökm verilənədək Zeynallının istintaq təcridxanasında keçirdiyi müddət
17 aya bərabər olub (28 oktyabr 2011-ci ildən). Mayın 13-də Bakı Apellyasiya
Məhkəməsi jurnalist barədə həbs qərarını qüvvədə saxlayıb. Hazırda jurnalist həbs
cəzasını 10 saylı cəzaçəkmə müəssisəsində çəkir. Zeynallı həbsdə ikən səhhətinin
pisləşdiyini, bir neçə ciddi xəstəlikdən əziyyət çəkdiyini bildirib. Mayın 23-də
jurnalistin vəkilinə onunla görüşə icazə verilməyib.
Əvəz Zeynallıya qarşı cinayət işi keçmiş deputat Gülər Əhmədovanın iddiası
əsasında açılıb. Əhmədova jurnalistin onu şantaj edərək pul tələb etdiyini bildirib.
Sonradan eks deputatın özü barəsində YouTube video portalında qalmaqallı rüşvət
videosu yayıldı.
17
Həmin videodan sonra Əhmədova deputat
mandatından imtina etdi. Bunun ardınca isə Baş Prokurorluq tərəfindən açılmış
cinayət işi əsasında dələduzluqda və ağır cinayəti gizlətməkdə ittiham olunaraq
həbs olundu. Hazırda Əhmədova Kürdəxanı istintaq təcridxanasında saxlanılır.
Digər həbslər
2013-cü ilin ilk yarısında bir çox digər jurnalistlər, bloqçular və hüquq
müdafiəçiləri də ifadə azadlığı hüququndan istifadə etdiklərinə görə dəmir
barmaqlıqlar arxasına salınmış, digərləri isə şərti həbs cəzasına məhkum edilmiş və
ya onlara qarşı cinayət işi açılmışdı.
Oqtay Gülalıyev
“Kür” vətəndaş cəmiyyəti qərargahının koordinatoru və “Şəffaflıq” jurnalının baş
redaktoru Oqtay Gülalıyev 2012-ci il aprelin 8-də Sabirabad rayonunun Minbaşı
kəndində daşqınlarla bağlı monitorinq apararkən həbs olunaraq barəsində əvvəlcə
12 sutka inzibati həbs tədbiri seçilib. Aprelin 17-də jurnalist vəkilinə polis
əməkdaşları və Sabirabad Rayon Polis Bölməsinin rəis müavini Rauf Məcidov
tərəfindən döyüldüyünü bildirib. 2012-ci il aprelin 19-da Sabirabad Rayon
Prokurorluğu O.Gülalıyev barəsində Cinayət Məcəlləsinin 220.2-ci maddəsi ilə
(hökumət nümayəndəsinin tələblərinə fəal şəkildə tabe
olmamaq və kütləvi iğtişaşlara, habelə vətəndaşlara qarşı zorakılığa çağırışlar
etmə) cinayət işi açıb və Sabirabad Rayon Məhkəməsi onun barəsində 2 ay
müddətinə həbs qətimkan tədbiri seçib. Lakin Gülalıyevin həbsinin əsas səbəbinin
2010-cu il Kür daşqınları ilə əlaqədar yerli hakimiyyət orqanlarını
17
http://bit.ly/10UBSmo