38
2013-cü il yanvarın 26-da baş redaktora qarşı CM-nin 167-2.2.1-ci (qabaqcadan
əlbir olan bir qrup şəxs və ya mütəşəkkil dəstə tərəfindən müvafiq razılıq olmadan
dini təyinatlı ədəbiyyatı, əşyaları və dini məzmunlu başqa məlumat materiallarını
istehsal etmə, satış və ya yayma məqsədi ilə idxal etmə, satma və ya yayma),
281.2-ci (bir qrup şəxs tərəfindən hakimiyyətin zorla ələ keçirilməsinə, zorla
saxlanılmasına və ya Azərbaycan Respublikasının konstitusiya quruluşunun zorla
dəyişdirilməsinə və ya ərazi bütövlüyünün parçalanmasına yönələn açıq çağırışlar
etmə, habelə bu cür məzmunlu materialları yayma) və 283.2.3-cü (mütəşəkkil dəstə
tərəfindən milli, irqi, sosial və ya dini nifrət və düşmənçiliyin salınmasına, milli
ləyaqətin alçaldılmasına, habelə milli, irqi və ya dini mənsubiyyətindən asılı olaraq
vətəndaşların hüquqlarının məhdudlaşdırılmasına və ya üstünlüklərinin müəyyən
edilməsinə yönələn hərəkətlər, aşkar surətdə və ya kütləvi informasiya
vasitələrindən istifadə olunmaqla törədildikdə) maddələri ilə yeni ittihamlar irəli
sürülüb. Məhkəməsi Bakı Ağır Cinayətlər Məhkəməsində davam edən Əliyev
hazırda Kürdəxanı istintaq təcridxanasında saxlanılır. Onun həbsdə işgəncəyə
məruz qaldığı bildirilir.
Aprelin 5-də xeber44.com saytının redaktoru Araz Quliyev səkkiz il həbs cəzasına
məhkum olundu. Birinci xuliqanlıq maddəsi ilə həbs olunmasına baxmayaraq
Quliyevə hökm Cinayət Məcəlləsinin (CM) 228.1 (Qanunsuz olaraq odlu silah,
onun komplekt hissələrini, döyüş sursatı (yivsiz odlu ov silahı və həmin silah üçün
döyüş sursatı istisna olmaqla), 233 (İctimai qaydanın pozulmasına səbəb olan
hərəkətləri təşkil etmə və ya bu cür hərəkətlərdə fəal iştirak etmə), 283.1 (Milli,
irqi, sosial və ya dini nifrət və düşmənçiliyin salınmasına, milli ləyaqətin
alçaldılmasına, habelə milli, irqi və ya dini mənsubiyyətindən asılı olaraq
vətəndaşların hüquqlarının məhdudlaşdırılmasına və ya üstünlüklərinin müəyyən
edilməsinə yönələn hərəkətlər, aşkar surətdə və ya kütləvi informasiya
vasitələrindən istifadə olunmaqla törədildikdə), 315.2 (Hakimiyyət nümayəndəsinə
qarşı müqavimət göstərmə və ya zor tətbiq etmə), 324 (Azərbaycan
Respublikasının Dövlət bayrağı və ya Azərbaycan Respublikasının Dövlət gerbi
barədə təhqiredici hərəkətlər) maddələri əsasında oxundu.
Araz Quliyev Masallıda keçirilmiş beynəlxalq folklor festivalını pozmağa cəh
etməkdə, iki vətəndaşa və polisə xəsarət yetirməkdə və avtomobilin şüşələrini
qırmaqda ittiham olunaraq sentybarın 8-də həbs olunmuşdur. Quliyev özü bu
iddiaları rədd edərək dini və jurnalist fəaliyyətinə görə həbs olunduğunu bildirib.
2012-ci ilin dekabrında Quliyevə qarşı yeni ittihamlar irəli sürülmüş və bu
ittihamlar əsasında da o, nəticədə, məhkum olunmuşdur. Quliyev hazırda
Kürdəxanı istintaq təcridxanasındadır və Şirvan Apellyasiya Məhkəməsində onun
ilkin instansiya məhkəməsinin qərarından şikayətinə baxılır. Jurnalistin
həbsxanada işgəncəyə məruz qaldığı bildirilir.
Müstəqil jurnalist Fuad Hüseynov Ucarda polis əməkdaşlarının qanunsuz
əməllərini (narkotik və insan alveri) ifşa etdikdən sonra 2010-cu ilin oktybarında
39
xuliqanlıq ittihamları ilə həbs olunmuşdur. Hüseynov 26 sentyabr 2011-ci ildə
Cinayət Məcəlləsinin 22.13-cü maddəsi ilə 6.5 il müddətinə azadlıqdan məhrum
edildi. Hüseynovun əleyhinə ifadə verən “şahid”lərdən biri sonradan etiraf etdi ki,
ifadəsini yerli mafia qrupunun təzyiqi altında verib. Hüseynov bundan əvvəl də
Ucar polisinin rəisini narkotik cinayətində ittiham etdikdən sonra xuliqanlıq
ittihamı ilə həbs olunaraq 3.5 il azadlıqdan məhrum edilmiş, və cəzanın 2 ilini
çəkmişdi. Fuad Hüseynov cəza müddətini 12 saylı cəzaçəkmə müəssisəsində
çəkməyə davam edir
.
Hilal Məmmədov
"Talışi Sədo” qəzetinin baş redaktoru və Talış Mədəniyyət Mərkəzinin sədr
müavini Hilal Məmmədov 21 iyun 2012-ci ildə həbs olunmuş və növbəti gün
Nizami Rayon Məhkəməsinin qərarı ilə barəsində narkotik vasitə əldə etmə və
saxlama ittihamı ilə 3 ay həbs qətimkan tədbiri seçilib. Məmmədova qarşı
sonradan dövlətə xəyanət və milli, irqi, sosial və ya dini nifrət və düşmənçilik
salma ittihamları da irəli sürülüb.
Jurnalist İranın gizli xidmət agentlikləri ilə əlbir olaraq Azərbaycanın ərazi
bütövlüyünə və təhlükəsizliyinə qarşı fəaliyyətdə günahlandırılıb. "Talışi Sədo”
qəzetinin keçmiş baş redaktoru Novruzəli Məmmədov da 2008-ci ildə oxşar
ittihamlarla həbs olunmuş və 2009-cu ildə həbsxanada vəfat etmişdi. Hilal
Məmmədov ittihamları rədd edərək, YouTube video portalında paylaşdığı,
Rusiyada da çox populyarlıq razanmış “Tı kto takoy davay do svidaniya”
meyxanası ilə bağlı həbs olunduğunu hesab edir.
15
Hilal Məmmədovun işinə Bakı Ağır Cinayətlər Məhkəməsində baxılması davam
edir. Məhkəmənin dövlətə xəyanətlə bağlı olan ilk hissəsi ictimaiyyət üçün qapalı,
narkotik maddəyə sahib olma ilə bağlı hissəsi isə açıq keçirilir.
Yerli mətbuatda dəfələrlə Məmmədovun məhkəmə prosesinin qanun pozuntuları
ilə müşayiət olunduğu və jurnalistin məhkəmə heyətinin tərkibinə etiraz etdiyi
barədə yazılar dərc olunub. Məmmədov ona qarşı irəli sürülmüş ittihamlar əsasında
əmlakın müsadirəsinə və 12 il həbs cəzasına məhkum oluna bilər. Jurnalist hal-
hazırda Kürdəxanı istintaq təcridxanasında saxlanılır. Jurnalisin bildirdiyinə görə,
o, Narkotiklərə qarşı Mübarizə İdarəsində işgəncəyə məruz qalıb.
Müstəqil jurnalist Fərəməz Novruzoğlu 2012-ci il avqustun 22-də Cinayət
Məcəlləsinin 220.2-ci (Kütləvi iğtişaşlara, habelə vətəndaşlara qarşı zorakılıq
etməyə çağırışlar etmə - guya F.Novruzoğlu gənclərin 2011-ci ildə təşkil etdikləri
“11 mart böyük xalq günü” aksiyası ərəfəsində Facebook sosial şəbəkəsində Elçin
15
http://bit.ly/LeqoAb