18
Aprelin 25-də hökümətyönlü web-sayt
Xədicə İsmayılova haqda qondarma
pornoqrafiya videosunu öz səhifəsində yerləşdirib. İsmayılova 2012-ci ilin
martında da şəxsi həyatına ciddi müdaxilə ilə üzləşmişdi, belə ki, ünvanına
göndərilən təhdid məktubundan sonra da susmaqdan, araşdırmalarını
dayandırmaqdan imtina edən jurnalistin intim videosu anonim saytda
yerləşdirilmişdi.
Aprelin 27-də “Azadlıq” qəzetinin əməkdaşı Xalid Qarayev Nəqliyyat Nazirliyi
əməkdaşlarının fiziki hücumuna məruz qalıb. Jurnalistin sözlərinə görə səhər
saatlarında işə gedərkən “20 yanvar” metrosunun yaxınlığından keçərkən bir taksi
sürücüsünün Nəqliyyat Nazirliyinin əməkdaşları tərəfindən döyüldüyünün şahidi
olub. “Vəziyyəti gördükdə yaxınlaşıb özümü təqdim etdim və jurnalist olduğumu
bildirərək, nə baş verdiyini soruşdum. Bu zaman nazirliyin maşınının içərisində
əyləşmiş digər şəxs maşından düşərək yanımıza gəldi və hər ikisi məni itələyərək,
zərbələr endirməyə başladılar. Onlar mətbuatın ünvanına ağır ifadələr söylədilər,
istədiklərini edə biləcəklərini deyərək, fotokameramı əlimdən aldılar. Sonra da
maşınlarına əyləşərək, çıxıb getdilər”–deyə Qarayev RATİ-yə bildirib. Təsadüfən
hadisə yerinə gəlmiş azadlıq qəzetinin siyasət şöbəsinin müdiri Seymur Həzi
vəsiqəsini göstərməklə hadisəyə müdaxilə etməyə çalışarkən nəqliyyat nazirliyinin
müfəttişləri ona da kobudluq göstərərək Azadlıq qəzetinin ünvanına nalayiq sözlər
işlədiblər. Qarayev durumla bağlı Nəqliyyat Nazirliyinə və Mətbuat Şurasına
edilən zənglərin nəticəsiz olduğunu bildirib
.
Aprelin 28-də “Azadlıq” qəzetinin İsmayıllı bölgə müxbiri
Elçin İsmayıla hədə
zəngi edilib. Jurnalistin sözlərinə görə, İsmayıllı rayon icra hakimiyyəti başçısının
keçmiş birinci müavini Rafael Əhmədov ona zəng edərək, sosial şəbəkədə
haqqında yazdığı fikirlərə görə onu hədələyib təhqir edib. “Zəng edib məni və
yaxınlarımı ağır söyüşlərlə təhqir etdi. Mənə “pul verib səni döydürəcəyəm, başını
əkdirəcəyəm” deyə hədələdi. Buna səbəb isə onun haqqında rayonda ona olan
mənfi münasibət, İsmayıllı hadisələrindəki hərəkətləri ilə bağlı yazdığım
yazılardır”-deyə jurnalist bildirib. Keçmiş icra başçısının birinci müavini R.
Əhmədov RATİ-yə xəbəri təkzib edərək, jurnalisti hədələmədiyini, yalnız özünün
barəsindəki təhqiramiz ifadələrə görə narazılığını bildirdiyini deyib.
Mayın 9-da “Bizim Yol” qəzetinin əməkdaşı Cavid Qurbanov peşə fəaliyyətini
yerinə yetirən zaman polis təzyiqinə məruz qalıb. Jurnalistin sözlərinə görə, 10
may “Gül bayramı” ilə əlaqədar olaraq Heydər Əliyev adına sarayın qarşısında
çəkiliş apararkən polislərin təzyiqi ilə üzləşib. “Mən sabah olacaq “Gül bayramı”
ilə bağlı oradan reportaj hazırlayırdım, ərazidə çəkiliş edirdim. Uzaqdan kadrlar
götürəndə, keçiddə dayanan polislər məni saxladı. Mənə “bizi çəkirsən, gedək
bölməyə, bizi çəkdiyin kadrlar silinməzsə, sənə 15 sutka verdirəcəyik” –deyən
jurnalist kadrlar silinəndən sonra polislərin onu sərbəst buraxdığını deyib.
Mayın 10-da “Hüriyyət” qəzetinin əməkdaşı Azər Sadıxov peşə fəaliyyəti ilə
əlaqədar təzyiqə məruz qalıb. “Gül bayramı” ilə əlaqədar Heydər Əliyev adına
sarayın qarşısında təşkil olunan bayram tədbirində çəkiliş edərkən polis və mülki
19
geyimli şəxslər mənə yaxınlaşaraq çəkilişə mane olmağa çalışıblar, həmçinin
mənim fotoaparatımı əlindən alıblar. Polislər və mülki geyimli şəxslər qolumdan
tutaraq məni ərazidən uzaqlaşdırıblar, daha sonra isə məni post patrul maşınına
salaraq zor tətbiq ediblər”,-deyə Sadıxov qeyd edib. Jurnalist bir neçə saat maşında
saxlanıldığını, tədbir bitdikdən sonra isə fotoaparatındakı görüntülərin silinərək
sərbəst buraxıldığını da sözlərinə əlavə edib.
Mayın 10-da “Azadlıq” radiosunun İmişli rayonu üzrə bölgə müxbiri Azər Əli
peşə fəaliyyətini yerinə yetirərkən saxlanılıb. Jurnalistin sözlərinə görə, İmişli
rayonun bir qrup sakini örüş yerinin əllərindən alınmasına etiraz olaraq mal-qara
ilə birgə rayon icra hakimiyyəti qarşısında aksiya keçirməyə cəhd edib və bu
zaman hadisələri lentə alan bölgə müxbiri Azər Əli polis tərəfindən saxlanılıb.
Jurnalist aksiyaçıların polis tərəfindən döyülməsi səhnəsini lentə alarkən tutulmuş
və beş saat saxlandıqdan sonra sərbəst buraxılmışdı. Mayın 11-də isə İmişli rayon
məhkəməsində Azər Əlinin 200 manat cərimələnməsi barədə qərar çıxarılıb.
Mayın 12-də saat 21.10 radələrindən etibarən "Yeni Müsavat" qəzetinin baş
redaktorunun birinci müavini Azər Ayxanın mobil nömrəsinə iki mobil nömrədən
hədə zəngləri gəlməyə başlayıb. Jurnalist böyük ehtimalla bu kampaniyanın
arxasında Gəncə şəhər icra hakimiyyətinin başçısı Elmar Vəliyevin dayandığını,
buna səbəb kimi isə "Yeni Müsavat" qəzetinin son saylarında Gəncənin icra başçısı
Elmar Vəliyev haqqında silsilə yazılar dərc olunduğunu, həmin yazılarda
E.Vəliyevin idarəçilikdə yol verdiyi bəzi qanunsuzluqların əksini tapdığını bildirib.
Mayın 15-də “Yeni Müsavat” qəzeti baş redaktorunun birinci müavini Azər Ayxan
Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə dəvət
olunaraq iki saat müddətində ifadə verib. Nazirlikdən zəng edən şəxslərin
tapılacağı vədi verilib.
Mayın 14-də salamnews.org-un (
interaz.tv
) şimal bölgəsi üzrə müxbiri Rauf
Əhmədov və operatoru
Baba Xələfov peşə fəaliyyətini yerinə yetirərkən polisin
fiziki təzyiqinə məruz qalıblar. Jurnalistin sözlərinə görə, özü və operator B.
Xələfov Bakı-Quba-Rusiya sərhədi yolunun Qusar rayon Nəqliyyat Nazirliyi
əməkdaşlarının “Ford Tranzit” markalı avtomobili qovduqlarının şahidi olaraq,
həmin faktı lentə alıblar. “Avtomobili saxlatdıra bilməyən departament işçiləri bu
dəfə bizim qabağımızı kəsdilər. Mən bunun səbəbini soruşanda onlar mənə hücum
edərək, yumruq zərbələri endirməyə başladılar, daha sonra isə iş avadanlıqlarımızı
dartaraq almağa çalışdılar. Biz bununla bağlı Nəqliyyat Nazirliyinin Dövlət
Avtomobil Xidmətinin Qusar postuna məlumat verdik. Burada özünü təqdim
etməyən “rəis” belə halın yolverilməz olduğunu, həmçinin departament
əməkdaşlarının minik avtomobillərini saxlamaq səlahiyyətinin olmadığını bildirdi”
–deyə bildirən R. Əhmədov faktla bağlı Qusar RPŞ-nə rəsmi müraciət olunduğunu
dedi. RATİ məsələ ilə bağlı Qusar RPŞ ilə əlaqə saxlayıb. Telefona cavab verən,
eyni zamanda özünü təqdim etməyən şəxs bu barədə onlara heç bir məlumatın
daxil olmadığını, ümumiyyətlə məsələdən xəbərsiz olduğunu deyib.