ix
këtë revistë, De Rada pasqyroi e vuri në dukje planet e Fuqive të Mëdha për copëtimin e Shqipërisë. Një
tjetër organ i shtypit të kohës që doli në Napoli në 22 shkurt të vitit 1848 ishte “Arbëreshi i Italisë”,
gazetë e cila hyri në histori si gazeta e parë e shtypit shqiptar. Në gazetë, krahas ngjarjeve politike, janë
botuar në gjuhën italiane e janë shkruar edhe artikuj në të folmen arbërishte, fakt i cili e bën atë të quhet
gazeta e parë e shtypit shqiptar. Në këtë vepër, na pasqyrohet veprimtaria publicistike e De Radës që
nga viti 40 i shekullit XIX si bashkëpunëtor dhe drejtues në shtyp, duke pasur në qendër të vëmendjes së
tij çështjen shqiptare dhe të kaluarën historike të popullit shqiptar. Krahas trajtimit të figurës së De
Radës dhe kontributit të tij në çështjen kombëtare, në veprën e Kondos trajtohet monografia e Palako
Adrianos, njëkohësisht na jepen të dhëna për kolegjin arbëresh të Shën Adrianos, kolegj në të cilin u
arsimuan shumë arbëreshë. Një tjetër vepër e Ahmet Kondos është dhe “Dora D’Istria për çështjen
kombëtare”. Ahmet Kondo, në këtë vepër, paraqet qëndrimin e Dora D’Istrias për çështjen kombëtare
dhe problemet që shqetësonin shoqërinë shqiptare. Ajo ndoqi nga afër ngjarjet në Shqipëri dhe, e nxituar
nga ndjenja e fortë atdhetare, këmbeu mendime me bashkëkohësit e saj, si Jeronim De Rada, Thimi
Mitko, Zef Jubani etj., mendime të cilat lidheshin me format dhe mjetet që duheshin përdorur për luftën,
çlirimin e përparimin e Shqipërisë. Krahas autorëve të sipërpërmendur, në punimin tim kanë zënë vend
dhe vepra të autorëve jo vetëm shqiptarë, por dhe të huaj, autorë të cilët, përmes penës së tyre, kanë
ditur të na sjellin mjaft të dhëna për jetën dhe veprat e arbëreshëve. Një ndër të ta ka qenë Emanuele
Demetrio, me veprën “Arbëria, storia, cultura, folklore”, Castrovillari: il Coscile, 1988. Demetrio
shkruan se lidhjet mes Shqipërisë dhe Italisë kanë qenë të afërta, kjo nga afërsia që këta kanë pasur këta
dy popuj të cilët i ndan vetëm një det. Kjo i ka lehtësuar marrëdhëniet mes tyre në të gjitha periudhat. Ai
tregon për lidhjet mes dy vendeve që në kohën e Aleksandrit Molos, i cili i pari mbërriti në Itali me synim
pushtimin e saj, duke u pasur nga Pirroja i Epirit. Nga ana tjetër, tregon se si vetë Perandori August
studioi filozofi, histori dhe oratori në qytetin e mrekullueshëm të Apollonisë. Lidhjet mes dy palëve
tregohen dhe në vitet pasuese në 1228, kur Elena, vajza e Komnenit të II, despot i Arbrit, lidhi kurorë me
djalin e Federikos II, Manfredin, i cili mori kurorën e Mbretërisë së Dy Sicilive në 1258. Demetrio jep
dhe fakte të tjera që tregojnë se dy popujt kanë qenë të lidhur që herët me njëri-tjetrin. Por, pa dashur të
trajtoj me hollësi të gjitha të dhënat që na jep ai lidhur me afërsinë mes dy popujve, do te doja të
ndalesha në të dhënat të cilat përbëjnë rëndësi për punimin tim. Ky autor, përmes kapitujve të veçantë,
na tregon mjaft qartë se si shqiptarët emigruan në Itali pas vdekjes së Skënderbeut. Sipas të dhënave
sjellë nga Demetrio, ka pasur shtatë valë emigracioni nga Shqipëria drejt Italisë: Nga 1416-1446, 1459-
1461, 1468-1506 (pas vdekjes së Skëndërbeut), 1532-1434, 1647 dhe 1744, 1759-1825. Vlen të
theksohet, thotë Demetrio, se shqiptarët që u vendosën në Itali kishin cilësi shumë të mira ushtarake. Kjo
u verifikua nga pjesëmarrja e tyre në shumë beteja në mbrojtje të Italisë. Garibaldi, hero kombëtar i
x
Italisë, nuk harroi kurrë të përmendë cilësitë heroike të shqiptarëve. Ai thekson: “Shqiptarët janë heronj
të cilët janë shquar në të gjitha luftërat kundër tiranisë”
2
. Krahas të dhënave të sipërpërmendura, autori
në librin e tij, na ndihmon duke na dhënë informacione të rëndësishme për punimin. Konkretisht, ai
dëshmon për ekzistencën dhe rëndësinë që kishin krijimi i kolegjeve apo seminareve shqiptaro-italiane,
si ai i Shën Adrianit apo Seminari i Palermos dhe Korsini. Informacione të vlefshme janë dhe të dhënat
rreth shtypit të kohës, i cili ka dhënë një kontribut të rëndësishëm në jetën social-kulturore dhe politike të
arbëreshëve në Itali. Demetrio flet hollësisht për të gjitha vendet ku u vendosën arbëreshët dhe
njëkohësisht për personazhe të rëndësishëm të botës arbëreshe. Krahas Demetrios, në realizimin e këtij
punimi më kanë ndihmuar dhe veprat e Petro Skaliones dhe Oracio Irianit. Petro Skalione, në veprën e
tij “Historia e shqiptarëve të Italisë”, na jep statistika dhe informacion të bollshëm për vendosjen e
shqiptarëve në Itali, arsyet e lëvizjet së tyre drejt Italisë, ku u themeluan kolonitë e para dhe cilat ishin
vitet e emigrimit të shqiptarëve drejt Italisë. Jo vetëm kaq, por Skalione, ashtu si dhe autorë të tjerë, jep
një pamje të qartë edhe të kontributit të mjaft figurave me rëndësi të botës arbëreshe në të gjitha fushat
të artit, letërsisë dhe politikës. Atdhetarë si Zef Skiroi, Anselmo Lorekio, Terencio Toçi, Gaetano Petrota,
Antonio Skura, etj. Përmendim At Gjergj Guxetën, i cili themeloi Kolegjin italo-shqiptar në Palermo,
apo At Feliçe Samuele Rodota, i cili themeloi Kolegjin italo-shqiptar në Shën Benedeto Ullano. Në një
kapitull të veçantë, autori trajton figurën e Jeronim De Radës, duke folur gjerësisht për kontributin e tij
jo vetëm në spektrin letrar, por dhe në atë politik. Skalione, përmes veprës së tij, na jep të dhëna rreth
një ndër figurave më të diskutuara arbëreshe, Françesko Krispit. Si një figurë kryesore në politikën
italiane, por edhe si një italo-arbëresh i lidhur ngushtë me shqiptarët dhe çështjen shqiptare, Krispi ka
pasur një ndikim të rëndësishëm në politikën e jashtme italiane ndaj Shqipërisë. Krahas trajtimit të
personazheve me rëndësi të botës arbëreshe, autori në fjalë trajton gjerësisht dhe rëndësinë e formimit të
kolegjeve dhe seminareve italo-shqiptarë. Përmendim Kolegjin e San Adrianos, Kolegjin italo-shqiptar
në Palermo apo Kolegjin e ndërtuar në San Demetrio Korona. Skalione nuk lë pa përmendur dhe
kontributin e shqiptarëve të Italisë në kryengritjen e Italisë kundër qeverisë së Burbonëve më 1848 si dhe
lëvizjen pro garibaldine në 1860. Prof. Oracio Irianini, në studimin e tij “Risveglio Albanese” na jep
marrëdhëniet shqiptaro-italiane përmes një tjetër këndvështrimi. Përmes letërkëmbimeve mes palëve të
shoqërive patriotike, tregohet kontributi i arbëreshëve në lëvizjen revolucionare të vitit 1848,
njëkohësisht dhe pjesëmarrja aktive në luftën pro bashkimit të Italisë në 1860. Një kontribut me rëndësi,
ashtu siç citojnë dhe autorë të tjerë italianë, kanë dhënë Axhesilao Milano, Vinçenzo Stratiogoi, Nikola
Demarko, gjenerali i të “Njëmijëve” Domeniko Damis, etj. Burime të tjera me rëndësi janë veprat si
“Origini europee, religioni, viaggi, studi etnografici”, ku në një kapitull të veçantë, A. Skura trajton
2
Emanuele Demetrio, Arbëria: storia, cultura, folclore (Castrovillari: il Coscile, 1988), 12
Dostları ilə paylaş: |