42
№ 3 (11) Sentyabr 2014
cibimdə iki dənə stəkan çıxartdım. Püff. Pivə
qaxsıyıb. Ay sənin, yekəbaş kopayoğlu.. ―Heç nə
eləməz bizə?‖ Zəki soruşdu. ―Noolar olar da‖
dedim. Düzü özüm də qorxdum, amma tullamağa
heyfim gəldi, o qədər pul vermişik. Yekəbaşı söyə-
söyə pivəni içdik. Zəkini tez tutur, o saat da başlayır
danışmağa. Özü də elə yekə-yekə danışır ki, heç
məllim birinci sinif uşaqlarının qabağında belə
danışmır. Pivə dilini açıb yenə.
―Həci‖ deyir, ―bizim axırımız necə olacey?‖
Çiyinlərimi çəkdim, ―yəğin yaxşı olar da‖
dedim.
―Neyi
yaxşı
olaceyee?
Hindiki
qızdarı
görmürsən? Olar saba ne arvad olaceylər?
Giyinmeylərini, özdərini aparmağlarını görmürsən?‖
Keçmə də Zəkinin bu cür söhbətlərindən. Qulaq
asmağa məcburam, özü yorulmasa, dayanan deyil.
―De, biri bizim bu Rəfiqə‖ Rəfiqə qonşunun qızıdır.
Məndən beş, Zəkidən üç yaş balacadır. Zəki əvvəl
bunu istəyirdi. Sonra qız nəsə Zəkinin xoşuna
gəlməyən hərəkətlər eləyib, bu da əl çəkib ondan.
―Dünən küçədə gördüm, bir dənə yubqa
giyinmişdi... Vay-vay, Həci, utandım öldüm girdim
yerə. Dayi hələ ananın bu cürnə də qızı olacey də.
Yaxçı canımı qutardım onnan.‖ ―Amma atası yaxşı
kişidi‖ dedim. ―Atası yazıq bedbəxtdiye. Arvada söz
yeridə bilmir, qalır yana-yana. İçgi kopoyoğlu şeydi
də. Bu bedbəxt cavannığdan içib gezib, arvadın
gözünnən düşüb. Hindi də sözünə baxan yoxdu. Ne
bilim əşşi. Süzee, süz görey.‖
Rəfiqə göyçək qızdı. İnişil bu təzə-təzə Rəfiqənin
dalıycan düşürdü. Mən hələ bilmirdim. Rəfiqəgil
onda doqquzda oxuyurdular. Zəki hər gün saat birə
on beş dəqiqə qalmış gəlirdi bizə. Deyirdim gəl
içəri, gəlmirdi. Bayırda, qapının yanında otururduq.
Demə bu oğraşın qarınağrısı varmış. İkiyə beş
dəqiqə işləmiş Rəfiqəgil dərsdən qayıdırdılar.
Bunlar yanımızdan keçən kimi Zəki də sağollaşıb
gedirdi. Tezliklə hal-qəziyyə məlum oldu. Arabir
məktəbə də gedirdi dalıycan, oğlanlarla dava zad da
salırdı. Üstündən üç-dörd ay keçmiş, Zəkiynən yenə
qapıda oturmuşduq. ―Həci, memə diyir ki, Həcər
yaxşı qız döyür, Həciyə dinən onnan əl çeksün‖
dedi. Həcər Rəfiqəgilin kirayənişinlərinin qızıydı,
eyni sinifdə oxuyurdular. ―Mən hara, Həcər hara?‖
dedim, ―Mən heç Həcərin üzünü əməlli-başlı
görməmişəm‖. ―Bilirsən‖, - Zəki dedi, ―-Memə
soruşdu ki, hər gün hara gedirsən, mən də didim ki,
Həcinin Həcərdən xoşu gəlir, özü tek diyanmağa
utanır. Məni də çağırır‖. Şillənin birincisi tutdu
Zəkini, ikincini vurmaq istəyəndə qaçdı. Yaxşı ki, əl
altında daşdan zaddan heç nə yox idi, yoxsa alçağın
başını partladardım. Uşaqda oğraşlığa baxee.
―Pivə qalıb?‖- Zəki soruşdu. Butulkanın dibində
qalanı süzdüm, içdik. Hardansa əsgər yoldaşım
yadıma düşdü. Gicin biriydi, qabaq dişləri yox idi,
vampir deyirdik. İstədim Zəkiyə vampirdən danışım,
saxladım özümü. Qələt elə Zəkinin yanında
əsgərlikdən bir cümlə de, azı iki saat danışmasa,
adımı dəyişərəm. Adam eyni söhbətdəri nə qədər
danışar? Amma insafən, həmişə harasınısa
dəyişdirir, ya adamları çoxaldır, ya məkanı
dəyişdirir. Qısası, bu gün danışdığı sabahkını tutmur.
―Mən gedim Həci, sağ ol‖. Zəki getdi, stəkanları
yuyub yenə cibimdə evə apardım.
Hələ bahardı, havalar sərindi. Rahat yatmaq olur,
ağcaqanad-zad yoxdu hələ ki. Yay da bu tərəflərdə
sərin keçir, dəniz qırağıdı axı. Bircə ağcaqanadı
olmaya. Keçən yay ağcaqanadların əlindən yata
bilmirdim. Bədənimin açıq yerlərinə qonub qanımın
dadına baxan ağcaqanadları öldürə-öldürə onların
qruplarını müəyyənləşdirdim. Deməli, bir var
normal ağcaqanad. Bir var qoca, yekə ağcaqanadlar
– onlar mığmığalardılar. Bir də var balaca, sütül
ağcaqanadlar – onlar da ditdilidirlər. Odu-budu
onları belə çağırıram.
Gecənin bir aləmi bərk səs gəldi, oyandım.
Deyəsən qapı səsiydi. Pəncərəni açıb bayıra
boylandım. Bu biri qonşugildən gəlirdi. ―Hara
gedirsən, ay g....‖. Hə, Baharın səsidi, oğluyla dava
edir. Bahar yaşlı arvaddı, oğlu da yekə kişi. Biqeyrət
oğuldu. Bir-iki dəfə türmədə yatıb oğurluq üstündə.
Gecəylə nə hoqqa çıxardıbsa anası hirslənib, özü də
içənə oxşayırdı, ayaq üstündə dayanmağa heyi yox
idi, tez-tez yıxılırdı. ―Sən öl, pıçağı götürüb soxaram
qarnuva. Evlad qatili olaram mən.‖ ―Ay arvad, ged
içəri‖. ―Qışqırma! G..verən evlad. S.... içəri...‖
Rüblük ədəbiyyat dərgisi
43
Yarım saatacan bir-birini söydülər, yarım saatacan
onlara qulaq asdım. Baharın qəşəng söyməyi varmış,
kişilərdən dala qalmaz. Düzdü, özü mırinin biridi,
amma sinədəftər imiş. Beləsini qoyasan bələdiyyə
sədri, işləri elə aparar ki. Bahar oğlunu tutub Eminin
evinə tərəf çəkirdi, o da qapıya tərəf sürünürdü.
Emin
Baharın
qaynının
ortancıl
oğludur.
Boşanandan sonra evdə yatmır. Əsgərlikdən
qayıdanda bildim ki, Emini evləndiriblər. Həyətin
aşağı tərəfində xudmani ev də tikiblər.
Emin özü sakit uşaq idi. Uşaqlıqda dayısından
nağara çalmaq öyrənmişdi. Bir müddət hər gün məşq
elədi, hamımız elə bilirdik ki, nağaraçalan olacaq.
Amma tezliklə nağaranın daşını atdı. Dalınca
getsəydi, yəqin ki, uğur qazanardı. Qisməti deyilmiş.
Məktəbi qurtarandan sonra bir-iki il atasının kənddə
açdığı yem dükanını işlətdi. Sonra dükanı bağladılar.
Əsgərlikdən sonra qəssablığa başladı. Belə yaxşı
uşaq idi, ara adamı idi. Toylarda, yaslarda əl-ayaq
tərpədirdi, ortalıqda olurdu. Bir pis işi vardı ki,
möhkəm içirdi. Atası Qəzənfər kimi. O da yaman
içən idi. İçki artıq sağlamlığını əlindən almışdı.
Gəlin də sakit, üzüyola, işli-güclü qız idi. Öz
evinin işləri qurtaran kimi qaynanasına köməyə
qaçırdı. Dinc dayanmırdı. Qaynatası Qəzənfər
əvvəldən ağırxasiyyətli idi. Xəstələnəndən sonra
daha dəymədüşər olmuşdu. Eləliyinə baxmayaraq,
gəlin Qəzənfərin ağzından girib burnundan çıxırdı.
Emin artıq əyyaş olmuşdu. İçmədiyi gün
olmurdu. Böyrəkləri sıradan çıxırdı. Tez-tez yerini
isladırdı. Səhərlər gəlin döşəyi bayıra çıxartıb
qurudurdu. Bir ildən çox uşaqları olmadı. Eminin
qaynatası onları müalicə elətdirməyə başladı, iynə-
dərmana kalan pul tökdü, pirlərə, ziyarətgahlara
apardı. Emin içməyi tərgitdi. Daha gəlin döşək
qurutmurdu. Axır ki, çəkilən zəhmət bəhərini verdi –
Emingilin oğlu oldu.
Qəzənfər rəhmətə getdi. Birinci insultdan sonra
xeyli müalicə alıb birtəhər ayağa durmuşdu. İkinci
insultdan bir az sonra öldü. Uşaqlar Qəzənfərdən
həm qorxurdular, həm hörmət edirdilər. Onun
sağlığında həyətdən nə bir artıq səs gəlirdi, nə
narazıçılıq olurdu. Qəzənfərdən sonra Emin yenə
içməyə başladı. Yenə böyrəkləri zay oldu, yenə
gecələr altını islatdı. Onun əyyaşlığı artıq əndazədən
çıxırdı. Bunun üstündə Emin böyük qardaşı
Atabalayla davaya çıxdı. Həyətdə mərəkə qopdu.
Bir-birinin üstünə bıçaq çəkdilər.
Artıq gəlin də dözə bilmirdi. Onun da tez-tez
səsi eşidilirdi, qışqırıb, ağlayıb ürəyini boşaldırdı.
Eminin qardaşıyla davasından iki gün sonra gəlin
uşağı da götürüb atası evinə getdi. Gəlindən sonra
Emin də evdə gecələmirdi. Bir-iki ay evdə işıq
yanmadı. Ara bir az soyuyandan sonra Eminin anası
qaynı arvadıyla bir yerdə gedib gəlini qaytardılar.
Yenə gəlin səhərlər döşək qurutmağa başladı. Üç-
dörd aya gəlin yenə getdi. Emin yenə evə gəlmədi.
Qaynanası gəlini iknci dəfə qaytardı. Elə gəldiyi gün
gəlin Eminlə dava etdi, səsləri aləmi başına götürdü.
Səhər Emin evdə olmayanda gəlin qaynanasıyla
davaya çıxdı. O dedi, bu dedi. O qışqırdı, bu
qışqırdı. Gəlin ağladı, qaynanası ―oğlumu tək
görməmisiz aa‖ deyib getdi. Bir saatdan sonra
gəlinin atası gəlib qızıyla nəvəsini apardı. Bir-iki
həftəyə isə yük maşını cehizlərin dalınca gəldi. O
vaxtdan Eminin evində işıq yanmır.
Məhəlləmiz Bombey fason yerdi, burda hər cür
adama rast gələ bilərsən. Bahargil hələ davanı
qurtarmayıblar. Səsə anam da oyandı, pəncərəni
bağladım ki, söyüşləri eşidməsin. Gedib yatdım.
―İtin qarnınnan çıxanin balasiiiii‖. Ədə, bu
arvad haçan yatır, haçan durur? Səhər obaşdandandı,
bu yenə uşaqları döyür. Sənin zatına lənət! Yatmağa
da qoymullar adamı. Xırıltılı səsi səhər-səhər
beynimə işləyir. Sən bura gəlin gələn günü başına
özündən yekə daş düşəydi, səni götürən maşının
təkəri buraxaydı, gəlinlik paltarın cırılaydı. Düzdü,
mən onun kimi qarğış eliyə bilmirəm, amma hər
halda ürəyim soyuyur.
Əynimi geyinib bayıra çıxdım. Başmaqlarımı
kimsə qaranquş yuvasının altına sərdiyim qəzetin
üstünə qoymuşdu. Qardaşım olacaq da, başqa kim
ola bilər ki? Gecə külək əsəndə qəzeti uçurdurmuş,
bu da mənim başmaqlarımı qoyub üstünə ki,
uçmasın. Qaranquş murdar kopayoğlanları da fürsəti
əldən verməyiblər, hansısa başmağımın sağ tayını