5
Orqanların xəstəliklərinə uyğun olaraq sınıq və çıxıq¬larda, diş
ağrılarında, qanaxmalarda, yaralarda, boğulma¬da, zəhərlənmələrdə, sinir
xəstəlikləri tutmalarında, donma, elektrik zədələnməsi, günvurma və s.
zamanı ilk yardım tədbirləri aydınlaşdırılmışdır.
Bir sözlə, kitabda 100-dən artıq xəstəlik, onların profilaktikası və
müalicəsi haqqında material vardır.
Cəmiyyətimizin bəlalarından biri də əhalinin müəyyən qisminin öz
sağlamlığını ekstrasens adlandırılan hər cür fırıldaqçılara etibar etməsidir.
Hətta ziyalıların arasında da
bunların toruna düşənlər olur. Odur ki, kitabın sonuncu fəsli telepat və
ekstrasenslərin fəaliyyətinin təhlilinə həsr edilmişdir.
Ali məktəblərin bütün fakültələrində tədi'is edilən «Tibbi biliklərin
əsasları» proqramı əsasında tibb ixtisası olmayan tələbələr üçün yazılmış
bu dərsliyin dilinin sadəliyi diqqət mərkəzində olmuşdur.
Bununla bərabər, hesab edilir ki, tibb elminin bütün sahələrini əhatə edən
həmin kitab tibb işçiləri də daxil olmaqla bütün ziyalılarımız üçün maraqlı
və ümumiyyətlə, sağlam yaşamaq istəyən hər kəs üçün faydalı olacaqdır.
I.
TİBB ELMİNİN VƏ SƏHİYYƏNİN İNKİŞAF
TARİXİNDƏN
Tibbin və səhiyyənin tarixi, demək olar ki, insan cəmiyyətinin tarixi qədər
qədimdir.
Qədim Misir papiruslarında, Çin («Neyszin»), Hind («Ayurveda»),
Babilistan, yunan, Roma əlyazmalarında, həmçinin mədəniyyəti
bunlardan geri qalmayan və hətta bir çox cəhətdən bunlardan üstün olan
midiyalıların qədim mədəniyyət və ədəbiyyat abidəsi «Avesta»da bir sıra
səhv, hətta fantastik fikirlərlə yanaşı, tibbə dair qiymətli məlumatlar
vardır.
downloaded from KitabYurdu.org
6
Eramızdan 3500 - 1500 il əvvəl hindlilərin müqəddəs «Veda» kitablarında
təbiət elmləri və tibb haqqında biliklər sistemi vardır. «Ayurveda»nın
təliminə görə insan kainatın bir hissəsi olub, orqanizmdə dünyanı təşkil
edən əsas elementlərin hamısı vardır. Həmin kitabda 150-dək xəstəlik,
760 dərman bitkisi, müalicə məqsədilə işlədilə bilən mineral maddələr
(mis, dəmir, civə, arsen və s.), 120 cərrahi alət barədə məlumat verilir,
iltihabın əlamətləri təsvir edilir. Yeri gəlmişkən, Ayurveda təliminə
mükəmməl yiyə¬lənmiş Nepal həkimlərinin oncildli «Ayurvedadan
rəhbərlik» kitabı indiyədək qalmışdır.
Hind həkimləri qanburaxma, amputasiya, laparotomi- ya, daşçıxarma,
yırtıq, plastik, həmçinin mamalıq sahəsində bəzi əməliyyatlar edirdilər.
E.ə. II əsrə aid edilən «Manu qanunvericiliyi»ndə sanitariya
qanunvericiliyi, əhaliyə tibbi yardımın təşkili, şəxsi və ictimai sanitariya
və gigiyena qaydaları hüquqi baxımdan öz əksini tapmış, həkim etikası,
deontologiya məsələlərinə toxunulmuşdur.
Qədim çinlilər xəstəliklərin səbəblərini, onların fikrin¬cə, orqanizmi
təşkil edən dörd elementin (torpaq, hava, su, od) miqdarca nisbətinin
dəyişilməsində görürdülər (sonra- lar bu fikrə qədim dövrün bir çox
görkəmli alimləri şərik olmuşlar). Çin həkimləri belə hesab edirdilər ki,
orqanizm¬də daim xəstəliklə sağlamlıq arasında mübarizə gedir.
Aktiv (kişi mənşəli) qüvvələr «yan», passiv (qadın mənşəli) qüvvələr «in»
adlanır, xəstəliklər də müvafiq olaraq iki qrupa - yana (funksiyaların
artması) və inə (funksiyaların azalması) bölünürdü. Çinlilər bir sıra
düzgün anatomik və fizioloji təsəvvürlərə malik idilər. Bilirdilər ki, ürəyin
sıxılması qanın hərəkətini təmin edir; nəbzin müxtəlif formalarını bilir və
diaqnostikada nəzərə alırdılar. Çin təbabətində gigiyenik qaydalara,
bədənin möhkəmlən¬dirilməsinə (pəhriz, masaj, gimnastika, günəş
vannaları, su proseduraları və s.) xüsusi fikir verilir, bitki, heyvan, mineral
mənşəli çoxlu dərmanlar hazırlanırdı. Özlərinə məxsus minillik tarixə
downloaded from KitabYurdu.org
7
malik iynəbatırma və dağlama üsullarına malik olan çinlilər insan
bədənində 600-dək «həyat nöqtəsi» bilirdilər. 3500 il tarixi olan bir Tibet
əlyazmasında göstərilir ki, ürək vurğusu bütün bədənə yayılır və hər bir
orqanın damarlarında aşkar olur. Qədim Tibet həkimləri 400 xəstəliyin
1600-dən artıq variantını bilirdilər, o cümlədən, vərəm, sifilis, qurd
xəstəlikləri və s. ilə tanış idilər. Tibet təbabəti əvvəlcə zərərsiz həyat tərzi,
normal pəhriz, sonra dərman və axırda bıçaqla tibbi yardım göstərməyi
tövsiyə edirdi.
Qədim Misir həkimləri eramızdan 2000 il əvvəl xəstəliklərin 260-dək
növünü ayırd etmiş, onların diaqnos¬tikasında xarici müayinədən,
palpasiyadan, nəbzdən və bədən temperaturundan istifadə etmiş, döş
qəfəsinə qulaq asmışlar. Qədim misirlilər ölümdən sonrakı həyata inanır,
insanların cənazəsini və «müqəddəs» heyvanları balzamlayıb
saxlayırdılar. Mumiyalama prosesində insan bədəninin quruluşu haqqında
məlumat əldə etmişdilər. Hazırda məlum olan 10-dək Qədim Misir
papirusunda insanın anatomiyası (beyin, ürək, damarlar, böyrəklər,
bağırsaqlar, əzələlər və s.), cərrahlıq, daxili, yoluxucu, parazitar, burun,
qulaq, boğaz, göz, dəri, diş xəstəlikləri, yanıqlar, qanaxmalar və s.
haqqında material vardır. Eləcə də dərmanşünaslığa dair məlumatlar, o
cümlədən 900 dərman, bir çox kosmetik maddələr təsvir edilmişdir.
Qədim Misir həkimləri xəstəliklərin səbəblərini təbii (qeyri-sağlam qida,
bağırsaq parazitləri, havanın dəyişil¬məsi və s.) amillərlə yanaşı, həm də
fövqəltəbii qüvvələrlə izah etdiklərindən zalım ruhları qorxutmaq üçün
dərman-ların tərkibinə pis dadlı və qoxulu maddələr qatırdılar ki, onların
da qəbulu qorxunc dua və cadularla müşayiət edilirdi.
Bütün dünyada məşhur olan Misir həkimləri arasında İxtisaslaşma
gedirdi, yəni bir həkim başı, digəri daxili orqanları, başqası gözü, dişi və
s. müalicə edirdi.
downloaded from KitabYurdu.org
Dostları ilə paylaş: |