8
Ellinlərin (qədim yunanlar) fikrincə, təbabəti, xüsusən tibbidə
profilaktikanı misirlilər kəşf etmişlər. Misir mədə¬niyyəti dünya və
Avropa mədəniyyətinə, eləcə də tibbin inkişafına böyük təsir
göstərmişdir.
Qədim Mesopotamiyanın təbabətində e.ə. XVII – XII əsərlərdə həkimlik
(asutu) və cadugərlik (aşiputu) sənəti kimi 2 əsas istiqamət formalaşmışdı.
Xəstəliklərin səbəbləri sırasında fövqəltəbii qüvvələrlə (o cümlədən,
icmada qəbul edilmiş hüquqi, mənəvi və digər qaydaların pozulmasına
görə cəza) yanaşı, təbii hadisələr və həyat tərzi (sağlam olmayan qida,
çirkab və natəmizliklə təmasda olma, çirkli çayda çimmə və s.) sayılırdı.
Mesopotamiyanın qədim abidəsi olan Hammurapi qanunlarının bir neçə
maddəsi həkimlik fəaliyyətinin hüquqi əsaslarını əks etdirirdi.
Xalqın kollektiv təcrübəsinə əsaslanan gigiyenik adətlərə görə çirkli
qablardan və çirkab axıdılan hövzələrdən su içmək, əlləri natəmiz
saxlamaq qadağan edildi, müəyyən qidaların yeyilməsi məhdudlaşdırıldı,
imkanlı adamların xəstəxanalarından əlavə qullar üçün də xüsusi məbəd
xəstəxanaları təşkil edilmişdi.
Şumerlərin digər elmləri kimi, şumer tibbi də çox inkişaf etmiş, Babilistan
və Assuriya xalqlarının elmlərinin inkişafına güclü təsir göstərmişdir. E.ə.
III minilliyə aid şumer lövhələrindəki tibbi mətnlərdə olan reseptlər
göstərir ki, şumer təbibləri ən çox bitki mənşəli dərmanlardan istifadə
etmiş, dərmanların tərkibinə neft, qətran, xörək duzu, yun, hətta su
ilanının orqanlarını və s. daxil etmişlər.
Atəşpərəstlərin mədəniyyəti və zərdüştliyin üç min ilə yaxın tarixi olan
müqəddəs kitablar külliyyatı «Avesta» qədim Yunanıstanda tibbin
inkişafında mühüm rol oyna¬mışdır. Zərdüştə görə dünyanı daim
mübarizədə olan Şər (Əhriman) və Xeyir (Hörmüz) qüvvələr idarə edir və
qalib cələn Hörmüz olur. Tibbdə də həmin təsəvvür öz əksini tapmışdı.
Hesab edilirdi ki. bədən əsas elementlərdən (sümük, ət, beyin, qan, damar,
downloaded from KitabYurdu.org
9
toxuma, piy, öd) ibarətdir. Duyğu orqanları beyində yerləşir. Qan ürəkdə,
öd qaraci¬yərdə yaranır. Damarların üç növü (al qanı daşıyan arteriyalar,
qara qanı daşıyan venalar, ağ damarlar və ya sinirlər) ayırd edilirdi.
«Avesta»da xəstəliklərin səbəbləri (soyuqdəymə, həddən çox və ya
keyfiyyətsiz qida qəbulu, aclıq, fiziki yorğunluq) göstərilirdi. Midiya
həkimləri xəstəliklərin orqanizmə daxil olduğu yolları: ağız, gözlər,
burun, qulaqlar, cinsiyyət orqanları, dəri və s. bilirdilər.
Qədim yunan fəlsəfəsində materialist Demokrit və idealist Platon
istiqamətləri arasındakı mübarizə tibbdə də öz əksini tapmışdı. Demokritə
(e.ə. 460 - 370) görə dünya¬nın əsasını materiya təşkil edir və həyat ilkin
materiyadan yaranmışdır. Materiyanı təşkil edən xırda hissəciklər,
atomlar daim hərəkətdə (parçalanma və birləşmə) oldu¬ğundan, vahid
olan təbiət də daim hərəkətdədir. Tibbə böyük maraq göstərən Demokrit
nəbz, iltihab, həmçinin quduzluq haqqında əsər yazmışdır.
Şüuru birinci, materiyanı isə ikinci, ondan törəmə hesab edənlər təbiətdəki
hər bir dəyişikliyi dünya üzərində duran mistik qüvvədə - mistik
rəqəmlərdə (Pifaqor) və ya mütləq ideyada (Platon) görürdülər. Obyektiv
idealist olan Platon (e.ə.428 - 348) «pnevma» haqqında təlim irəli sürərək,
belə hesab edirdi ki, pnevma hava ilə orqanizmə daxil olub, beyinə
yaşamaq və düşünmək əmri verir, ürəyi isidir, qaraciyəri qidalandırır.
Göydən göndərilən cəza nəticəsində pnevmanm dəyişilməsi xəstəliyə
səbəb olur.
Qədim yunan alimlərindən Alkmeon (e.ə. VI - V
əsrlər) anatomik - fizioloji tədqiqatlar aparmış, anatomi¬yaya dair ilk
kitabı yazmış, insan bədəninin mikrokosm və fəlsəfi əksliklərin
müvazinətli sistemi kimi natur konsepsiyasını vermişdir. Alkmeon görmə
sinirini, görmə çarpazını, eşitmə borusunu kəşf etmişdir. O, belə hesab
edirdi ki, beyin insana eşitmək, görmək, qoxunu bilmək imkanı verir,
nəticədə düşüncə, hafizə, fikir, təsəvvür və bunlardan da bilik yaranır. O,
downloaded from KitabYurdu.org
10
beyni, onurğa beynini və qanı xəstəlik mənbəyi hesab etmiş, bununla da
daxili xəstəliklərin patogenezi haqqında təlimin əsasını qoymuş¬dur.
Həmin təsəvvürü Knid məktəbi və sonra Hippokrat qəbul etmişdir. Digər
yunan alimi Empedokl (e.ə. 490 - 430) hələ o vaxt hesab edirdi ki, insan
öz inkişafında uzun bir təkamül yolu keçmişdir.
Qədim Yunanıstandakı çoxlu tibb məktəblərindən on güclüləri Knid və
Kos məktəbləri idi. Tibb elminin atası sayılan dahi yunan həkimi
Hippokrat (e.ə. 460 - 377) Kos adasındakı məktəbin yetişdirməsi idi. O,
uzun müddət səyahət edib, Misir, Liviya, Kiçik Asiya və s. xalqların
təbabəti ilə yaxından tanış olmuş və hərtərəfli bilik əldə etmişdi. Bizə
gəlib çatmış «Hippokrat külliyyatı» 70-dək əsərdən ibarətdir. Hippokrat
xəstəliyə orqanizmin maddi həyat substansiyasının dəyişilməsi kimi
baxırdı. O, xəstə¬liklərin mahiyyətini izah etmək üçün Knid məktəbində
əsası qoyulmuş humoral nəzəriyyəni inkişaf etdirmişdir. Həmin
nəzəriyyəyə görə orqanizmin sağlamlığı bədəndəki dörd mayedən və ya
şirədən (qan, selik, sarı öd, qara öd) asılıdır ki, bunların da əsasında dörd
maddi başlanğıc (isti, soyuq, quruluq, nəmlik) durur. Sağlam şəxslərin
bədənində bu mayelərin nisbəti sabitdir (krazis). Xarici mühit amillərinin
təsirindən mayelərin tərkibinin və ya nisbətinin dəyişilməsi (diskraziya)
xəstəliyə səbəb olur.
Hippokrat bu pozulmuş tarazlığı bərpa etmək üçün müxtəlif kimyəvi,
bitki və heyvan mənşəli dərmanlar işlətməyi təklif etmişdir. «Hippokrat
külliyyatı»nda 250 bitki mənşəli, 50 heyvan mənşəli maddənin adı çəkilir.
Hippokrat
xəstəliyin
səbəblərini
mövsüm,
iqlim,
tem¬peratur
dəyişikliklərində, torpağın, suyun, yerin, ərazinin vəziyyətində,
epidemiyalarda, miazmlarda görür, həyat və məişət şəraiti, qidalanma,
yaş, irsiyyət, meyllik, tempera- ment kimi xarici amilləri və fərdi
xüsusiyyətləri də nəzərə alırdı.
downloaded from KitabYurdu.org
Dostları ilə paylaş: |