11
Dörd bədən mayesindən birinin üstünlüyünə əsasən Hippokrat insan
temperamentinin dörd tipini təsvir etmiş¬dir: sanqvinik (qan), fleqmatik
(selik), xolerik (sarı öd), melanxolik (qara öd). Onun fikrincə, insanın
temperamenti fiziki-coğrafi mühitdən və cəmiyyətdən asılıdır.
Hippokrat bir çox xəstəliklərin əlamətlərini dəqiq təsvir etmişdir:
«Hippokrat sifəti», «Hippokrat barmaqları», «Hip- pokrat çalxalanması»
və s. Kəllə yaralanmalarında qoyduğu «Hippokrat papağı», ortopedik
məqsədlə istifadə etdiyi «Hippokrat skamyası» və s. bu gün də tətbiq
olunur.
Həkimin yüksək mənəvi siması və etik davranışı haq¬qında təsəvvürlər
Hippokratm adı ilə bağlıdır («Hippokrat andı»).
Xəstəliyin mahiyyəti haqqında humoral nəzəriyyə ilə yanaşı, Hippokratm
müasiri, materialist filosof Demokritin atomistik nəzəriyyəsinə əsaslanan
solidar nəzəriyyə forma¬laşmışdı. Humoral nəzəriyyənin əksinə olaraq,
solidar nəzə-riyyənin tərəfdarları xəstəlikləri orqanizmin mayelərinin
yox, bərk hissələrinin dəyişiklikləri, toxumaların möhkəm¬liyinin
azalması ilə izah edir, bunu isə atomların xaotik hərəkətinin və yerlərinin
qeyri-mütənasib şəkildə dəyişilmə¬si kimi əsaslandırırdılar.
Qədim dövrün məşhur filosofu Aristotel (e.ə. 384 - 322) çoxlu heyvan
yarıb, orqanizmin quruluşunu öyrənmiş, hər bir heyvanın heyvandan
törədiyini, qan cərəyanında ürəyin rolunu, bioloji məqsədəuyğunluğu
göstərmişdir. Aristotel ürəyin döyündüyünü bilmiş, meyitdə əsas
arteri¬yaları görmüşdür. Amma səhvən onların hüceyrələrə hava
daşıdığını zənn etmişdir.
Hələ Qədim Yunanıstan alimləri artıq tibb tarixi ilə maraqlanırdılar.
Aristotelin tələbəsi Mekon «Tibb tarixi» kitabının müəllifi kimi
məşhurdur.
downloaded from KitabYurdu.org
12
Yunanıstanda xalq təbabəti ilə yanaşı, məbəd təba¬bəti də inkişaf edirdi.
Məbədlərin nəzdində kahinlərin rəhbərlik etdiyi müalicəxanalarla
bərabər, kahin olmayan həkimlərin müalicəxanaları da fəaliyyət
göstərirdi. Şəhər yoxsullarını pulsuz müalicə edən ictimai həkimlər,
dövlətliləri (ailə həkimləri), tacir və sənətkarları (səyyar həkimlər),
•müharibədə iştirak edib, yaralananları (kübar həkimlər) müalicə edən
həkimlər vardı.
Yunanıstan və Şərq mədəniyyətinin qovuşması ilə xarakterizə edilən
ellinizm dövründəki elmi mərkəzlərdən ən nəzərə çarpanı Iskəndəriyyə
məktəbi idi. Iskəndəriyyədə xüsusən anatomiya və cərrahlıq inkişaf
etmişdi. E.ə. III əsrdə Iskəndəriyyə tibb məktəbinin banilərindən olan
Herofıl və Erasistrat meyit yarmış və viviseksiya (canlı heyvanlar
üzərində kəskin təcrübələr) ilə məşğul olaraq, sinir və ürək-damar
sistemlərinin quruluşunu öyrənmişdilər. Iskəndəriyyədə çoxlu həkimlərin
çalışdığı apteklər vardı.
Qədim Romada tibbin inkişafının özünəməxsus xüsusiyyətləri vardı.
Geniş əraziləri fəth etmiş Roma imperiyasının çox böyük ordusuna
xidmət edən hərbi tibb təşkilatı yaradılmışdı. Hərbi hospitallar -
valetudinari- yalar, su kəmərləri, kanalizasiyalar, kloakalar (çirkabın
axması üçün yeraltı kanal), hamamlar vardı. Düşərgə, legion həkimləri və
s. fəaliyyət göstərirdi. E.ə. V əsrdə yaradılmış 12 qanun cədvəlində
sanitariya xarakterli qanunlar da vardı. Bunlar ölüləri şəhərdə basdırmağa
icazə vermir, qəbiristanlıqlara qulluq edilməsini tələb edirdi. Həkimlərin
işinə nəzarət edilməsi arxiatra (baş həkim) tapşırılır. Sağlamlaşdırıcı,
abadlaşdırıcı, himayəçi kimi dövlət məmurları olan edillər fəaliyyət
göstərirdilər.
Roma şairi və materialist filosofu Tit Lukresi Kar (e.ə. I əsr) «Şeylərin
təbiəti haqqmda» poemasında göstərmişdir ki, təbiətdə xırda hissəciklər
downloaded from KitabYurdu.org
13
(toxumalar) vardır. Torpaq çürüyərkən yaranan bu toxumalarla insan
bilavasitə təmas yolu ilə və ya hava vasitəsilə yoluxur.
Yunan mənşəli Qədim Roma həkimi Asklepiad (e.ə. 128-56) solidar
nəzəriyyəni inkişaf etdirmişdi. Onun fikrin¬cə, orqanizmi təşkil edən
atomlar ağciyərlərdə havadan, mədədə isə qidadan yaranır, sonra qana
keçib, toxumalara yayılır. Atomların hərəkətinin pozulması, düzgün
paylan- maması, maye və qazabənzər atomların qarışması, durğun¬luq
xəstəliyə səbəb olur. Atomların hərəkətinin pozulma¬sını kanalların
daralmasının və ya genəlməsinin nəticəsi hesab edən Asklepiad bunu
iqlim, ərazi, insanın həyat tərzi, xüsusən zərərli vərdişlər və az hərəkət
etməklə əlaqələndirirdi.
Dərinin gözəgörünməz tənəffüsünə xüsusi əhəmiyyət verən Asklepiad
dərini təmiz saxlamağı, tez-tez yuyub ovuşdurmağı, tərləməyi və • idmanı
vacib sayırdı. Asklepiadın tibbdə əsas tutduğu prinsip təhlükəsiz, cəld və
xoşagələn müalicə etməkdən ibarət idi. O, dərmanlara ehtiyatla yanaşırdı.
Belə hesab edirdi ki, xəstəliyi istənilən fazada saxlayıb, geri döndərmək
olar. Asklepiad ilk dəfə traxeotomiya əməliyyatı aparmışdır.
Eramızdan əvvəl doğulub, eramızın əvvəlində fəaliyyət göstərmiş Qədim
Roma həkimi Sels ilk dəfə xəstəliklərin təsnifatını yaratmağa cəhd etmiş,
qızdırmalı və qızdırmasız şəxslərdə nəbzin sürətlənməsinin fərqləndiyini
göstərmiş, iltihabın 5 əsas əlamətindən dördünü təsvir etmişdir. Beşinci
əlaməti eksperimental tibbin banisi sayılan Qalen Klavdi (130-200)
göstərmişdir. Qalen tibb elminin bütün sahələrini bilən bir şəxsiyyət
olmuşdur. O, insanın bədən quruluşunu, orqanların funksiyalarını
öyrənmək üçün çoxlu təcrübələr aparır, viviseksiya ilə məşğul olurdu.
Qalen təcrübələrini meymunlar, ana bətnində öldürülüb atılmış uşaqlar,
yaralı qladiatorlar üzərində aparırdı. O, xüsusən sümükləri və əzələləri
dərindən öyrənmiş, onları adlandırmışdır. Dərmanşünaslığın inkişafında
Qalenin böyük xidmətləri olmuşdur. Dərman hazırlamaq üçün
downloaded from KitabYurdu.org
Dostları ilə paylaş: |