76
Cərəyan əzələlərdən keçdikdə qıcolmaya, ürəkdən keçdik¬də səyrici
aritmiyaya və ürəyin dayanmasına, başdan keçdikdə ölümə səbəb olur.
Elektrik cərəyanının təsir etdiyi nahiyədə sərt konsis- tensiyalı dairəvi və
ya oval şişkinlik, ətrafında qızartı, «elektrik yanıqları», bəzən yüksək
gərginlikli cərəyanın
orqanizmə daxil olduğu və çıxdığı yerlərdə odlu silah yaralarına bənzər
yara əmələ gəlir.
Elektrik cərəyanı orqanizmdə ümumi əlamətlər də törədir. Başağrısı,
ürəkbulanma, ödem, qıclıq, iflic, sinir sistemində oyanma, sonra ləngimə
müşahidə edilir. Ürək fəaliyyəti və tənəffüs tezləşir, arterial təzyiq
yüksəlir, sonra kəskin surətdə enir, xəstə huşunu itirir. Ağır elektrik
travmaları tənəffüs mərkəzinin iflici və ürək fəaliyyətinin .dayanması
nəticəsində ölümə səbəb olur.
Ultrayüksək tezlikli cərəyanın uzunmüddətli təsiri zamanı bədən
temperaturu yüksəlir, taxikardiya, aritmiya, yorğunluq, yuxuculluq,
başağrısı qeyd edilir.
Yüksəklik şəraitində atmosfer təzyiqi, deməli, oksige¬nin parsial təzyiqi
də azaldığından, orqanizmin oksigenlə təchizatı pozulur, toxumalarda
hipoksiya (oksigen aclığı) törənir ki, bu da yüksəklik xəstəliyinə səbəb
olur. Həmin xəstəlik dağa qalxanlarda inkişaf edərkən dağ xəstəliyi,
təyyarəçilərdə - uçuş xəstəliyi və s. adlanır.
Dəniz səviyyəsindən 4000 - 5500 m hündürlükdə insanın əhvalı pozulur,
başda ağırlıq hissi və ağrı, yuxucul¬luq, diqqətsizlik, eyforiya halı
müşahidə edilir, əmək qabiliyyəti azalır, bəzən yersiz hərəkətlərə yol
verir. 7000 m hündürlükdə tezliklə insanın huşu itir. 8000 m hündürlükdə
isə 2 - 3 dəq. ərzində dərin bayılma halı törənir ki, bu da, tezliklə tədbir
görülməsə, ölümlə nəticələnir.
downloaded from KitabYurdu.org
77
Yüksəklik şəraitində meteorizm (qarının köpməsi, qarında ağrı), toxuma
emfizeması inkişaf edir, orqanizmin mayelərində həll olmuş qazlar xaric
olub, qaz emboliyası əmələ gətirir və bədənin müxtəlif nahiyələrində ağrı
törədir.
Yüksək atmosfer təzyiqi şəraitində (kessonçularda, şaxtaçılarda,
dalğıclarda və s.) qanda, toxumaların kolloid məhlullarında çoxlu qaz həll
olur ki, bunlar da, xüsusən azot və oksigen orqanizmə toksik təsir göstərir.
Başağrısı, başgicəllənmə, ağciyərlərdə ödem, bronxlarm spazması,
hallüsinasiya, qıclıq müşahidə edilir, hərəkətlərin koor¬dinasiyası
pozulur, huş itə bilər. Həmin şəxs sürətlə
qaldırılıb, normal təzyiq şəraitinə keçdikdə, həll olmuş qazlar məhluldan
ayrılır, xüsusən azot qanda iri qabar- cıqiar əmələ gətirir ki, bunlar da qaz
emboliyası şəklində damarları tutur. Eyni zamanda təzyiqin kəskin
surətdə azalması qulaqda və burunətrafı boşluqlarda ağrı, təbil pərdəsinin
zədələnməsi, meteorizm, ağciyər ödemi, toxuma emfizeması kimi
barotravma əlamətləri törədir. Buna kesson xəstəliyi deyilir. Atmosfer
təzyiqi normal olan mühitdən aşağı olan mühitə keçərkən də eyni
dəyişikliklər əmələ gəldiyi üçün həmin patoloji proses dekompressiya
xəstəliyi də adlanır. Müalicə məqsədilə bu şəxsi yenidən sürətlə atmosfer
təzyiqinin yüksək olduğu şəraitə keçirirlər. Belə rekompressiya
nəticəsində qaz qabarcıqları yenidən həll olduqdan sonra xəstə tədricən
adi atmosfer təzyiqi olan mühitə keçirilir. Həmin müalicə barokamerada
(hermetik qapalı kabinə) aparılır.
Zəhərlər, yəni orqanizmin funksiyalarını pozan və həyat üçün təhlükə
törədən kimyəvi maddələr, müxtəlif prinsiplər üzrə qruplaşdırılır.
Mənşəyinə görə qeyri-bioloji (qeyri-üzvi və üzvi turşular, qələvilər,
oksidlər, ağır metal, arsen, flüor birləşmələri, bəzi sintetik dərman
preparatları və s.), heyvan mənşəli (ilan, qaraqurd, əqrəb və s. zəhər¬ləri),
bitki mənşəli (alkaloidlər, qlükozidlər, saponinlər) zəhərlər, bakteriya və
downloaded from KitabYurdu.org
78
göbələkciklərin həyat fəaliyyətinin zəhərli məhsulları (aflatoksin,
botulizm toksini, bəzi antibiotiklər və s.) ayırd edilir. Törətdikləri klinik
əlamət¬lərə görə qıcıqlandırıcı (yandırıcı), boğucu, qıdıq törədən, dəridə
yara əmələ gətirən, narkotik təsirli, qana, ürəyə, qaraciyərə və s. təsir
göstərən zəhərlər vardır. Biokimyəvi təsirinə görə toxuma tənəffüsü
fermentlərini fəaliyyətdən salan, zülalların və ya fermentlərin funksional
qruplarını blokadaya alan, fermentlərin biosintezini pozan və s. zəhərlər
ayırd edilir. Patofizioloji baxımdan hipoksiya törədən, əsasən mərkəzi və
ya periferik təsir mexanizmi olan, xolinergik və ya adrenergik sistemləri
zədələyən zəhərlər vardır. Eləcə də ümumi zəhərləyici maddələr (sian
birləşmələri, narkotik maddələr və s.), qan zəhərləri (Bertole duzu, dəm
qazı və s.), sinir zəhərləri (strixnin, arsen birləşmələri), qaraciyəri
zədələyən zəhərlər (floridzin, karbon 4 - xlorid və s.) ayırd edilir.
yollarından,
Zəhərlər orqanizmə dəridən, tənə
ağızdan və ya parenteral yolla, yəni iynə vasitəsilə daxil olur. Endogen
mənşəli, yəni maddələr mübadiləsinin məhsulları olan və toxumaların
parçalanması nəticəsində 'orqanizmin özündə yaranan maddələrin
törətdiyi zəhərlən¬məyə autointoksikasiya deyilir.
Zəhərlərin orqanizmdə törətdiyi patoloji prosesin ağırlığı zəhərin
dozasından, bədənə hansı yolla daxil olma¬sından, həmçinin orqanizmin
müqavimət qabiliyyətindən, yaşından, fərdi xüsusiyyətlərindən və s.
asılıdır. Məsələn, kiçik dozası müalicəvi təsir göstərən maddənin böyük
dozasının təsiri öldürücü ola bilər; biri üçün təsirsiz olan doza başqasını
zəhərləyə bilər və s. Bağırsaqlardan qana sorulmuş zəhərli maddələr
qaraciyərdə zərərsizləşdirildiyi üçün həzm sisteminə keçən maddənin
təsiri zəif olur.
downloaded from KitabYurdu.org
Dostları ilə paylaş: |