82
hipersteniklər və normo- steniklər. Normosteniklərin bədən ölçüləri
mütənasib, asteııiklərin boyu köndələn ölçülərindən artıq, hiperstenik-
lərdə əksinə olur. Bu tiplərin morfoloji-funksional xüsusiy¬yətləri ilə
əlaqədar onlardan hər biri müəyyən xəstəliklərə meylli olur. Məsələn,
asteniklərin arterial təzyiqi nisbətən aşağı, mədəsinin hərəki və sekretor
fəaliyyəti zəif, hemo- qlobinin miqdarı və eritrositlərin sayı az olur,
hiperste- ııiklərdə bunun əksi müşahidə edilir.
Konstitusiyanın anomaliyalarma aid olan diatezlər (ekssudativ,
spazmofil, limfatiko - hipoplastik və s.) irsi meylliklə əlaqədar olur və ya
xarici mühit amillərinin təsiri altında formalaşır. Bunlar uzun müddət gizli
qalıb, əlverişli şəraitdə aşkar olur.
İrsiyyət də patologiyada böyük rol oynayır.
Patoloji proseslərin insan orqanizmində inkişafı üç amilin - genotipin,
fenotipin və xarici mühit şəraitinin qarşılıqlı təsirindən asılıdır. Genotipin
patoloji dəyişilməsi nəticəsində inkişaf edən xəstəlikləri irsi xəstəliklər
adlan¬dırırlar.
İrsi xəstəliklərin törənməsində xarici mühitin rolu böyükdür. Bəzi irsi
xəstəliklər hələ ana bətnində, bir sıra irsi xəstəliklər uşaq yaşlarında,
digərləri böyük yaşlarda, bəziləri də hətta yaşlı adamlarda başlanır.
İrsi xəstəliklərin əsas səbəbi xarici miihit amillərinin genetik aparata təsiri
nəticəsində irsi əlamətlərin sıçrayışla dəyişilməsindən ibarət olan patoloji
mutasiyalardır.
İrsi xəstəliklərdən ən çox rast gələnlərinə lal-karlıq, korluq, ağıl zəifliyi,
şizofreniya, atayaqlıq, altıbarmaqlıq, əl barmaqlarının bitişməsi,
dovşandodaqlıq, qurdağızlıq, daltonizm (rəng korluğu), Daun xəstəliyi və
s. aiddir. Bəzi
downloaded from KitabYurdu.org
83
irsi xəstəliklərə qarşı orqanizmdə meyllik olur və mühit şəraitindən asılı
olaraq, həmin xəstəlik meydana çıxa və ya çıxmaya bilər. Məsələn,
podaqra, şəkərli diabet, ateroskle- roz, vərəm və s.
İrsi xəstəliklərin bəziləri cərrahi yolla müalicə edilir. Məsələn,
dovşandodaqlıq, əl barmaqlarının bitişməsi, altıbarmaqlıq və s.
İrsi xəstəliklərin baş vermə səbəblərini aradan qaldır¬maq istiqamətində
tədbirlər həyata keçirməklə onların yavaş-yavaş aradan qalxmasına
çalışmaq vacibdir. Ona görə də qohumların, rezus-amili düz
gəlməyənlərin evlən¬məsinə yol verilməməli, lazım gələrsə, ailə və
sağlamlıq mərkəzinə müraciət edilməlidir.
Anadangəlmə şikəstliklər. Anadangəlmə şikəstliklər bəzən irsi, bəzən də
qeyri-irsi xəstəliklər kimi meydana çıxır. Qeyri-irsi yolla əmələ gələn
şikəstliklərə beyin yırtığı, yekəağızlıq, damağın bitişməməsi,
əyriboyunluq, bud- çanaq oynağının anadangəlmə çıxığı, ayaqların X-
əbənzər və O-yabənzər əyrilikləri, topallıq, atayaqlılıq, ətrafların
inkişafdan qalması və s. aiddir. Bunların səbəbləri hələ tam
aydınlaşdırılmamışdır. Lakin güman olunur ki, hamiləlik dövründə
ananın keçirdiyi infeksion və ya iltihabi xəstəlik¬lər nəticəsində baş verir.
Belə uşaqlarla ətrafdakılar, xüsusilə müəllimlər, tərbiyəçilər, dostları çox
ehtiyatla davranmalıdırlar.
İrsi xəstəliklərin diaqnostikasında statistik, genealoji, biokimyəvi,
immunogenetik, eksperimental və s. metodlar¬dan istifadə edilir. Müalicə
üsullarından ən təsirlisi etioloji müalicə hələlik ancaq eksperiment
şəraitində öyrənilir (gen mühəndisliyi). Əsasən patogenetik müalicə
(dietoterapiya, maddələr mübadiləsinin normallaşdırılması, cərrahi
müda¬xilə və s.), bu mümkün olmadıqda isə simptomatik müalicə
aparılır.
Xəstəliklərin inkişaf mexanizmləri, gedişi və nəticələri
downloaded from KitabYurdu.org
84
Patofıziologiyanın xəstəliklərin inkişaf mexanizmlə¬rini, gedişini və
nəticələrini öyrənən hissəsinə patogenez deyilir. Hər bir etioloji amil
orqanizmdə hər hansı xarakterli ilkin zədələnmə törətməklə xəstəliyə
səbəb olur ki, xəstəliyin patogenezi də həmin zədələnmədən başlanır.
Patogenezin əsas məsələləri xəstəliklərin inkişafında xəstəliktörədici
amilin orqanizmə daxil olması və bədəndə yayılması yollarını, zədələnmə
səviyyəsinin əhəmiyyətini, xəstəliyin yerli və ümumi əlamətləri, spesifik
və qeyri- spesifik mexanizmləri arasındakı əlaqəni, xəstəliyin gedişində
yaranan qüsurlu dövranları, xəstəlik nəticəsində pozulmuş funksiyaların
bərpa olunma mexanizmlərini öyrənməkdən ibarətdir.
Bəzən xəstəliyin gedişində səbəblə nəticə yerini dəyişir, patoloji prosesin
nəticəsi yeni pozulmalara səbəb olur və s. Buna qüsurlu dövran deyilir.
Məsələn, miokard infarktı zamanı ürək əzələsinin bir hissəsi nekrozlaşır
(ölür). Nəticədə törənən ağrı katexolaminlərin (adrenalin, noradrenalin və
s.) sekresiyasının artıb, qanda miqdarının yüksəlməsinə səbəb olur.
Bunların təsirindən ürək əzələ¬sində nekrotik proseslər dərinləşərək,
infarkt zonası genişlənir, ağrı daha da güclənir və s.
Davametmə müddətinə görə xəstəliklər çox kəskin (4 günədək), kəskin
(14 günədək), yarımkəskin (15-40 günə¬dək) və xronik (6 həftədən və ya
40 gündən artıq) olur.
Xəstəliyin inkişafında aşağıdakı mərhələlər müşahidə edilir:
1.
Latent (gizli) dövr.
2.
Prodromal dövr (xəstəliyin ümumi xarakterli ilk əlamətləri aşkar
olur).
3.
Xəstəliyin tam inkişaf dövrü.
4.
Xəstəliyin nəticəsi.
downloaded from KitabYurdu.org
Dostları ilə paylaş: |