~ 45 ~
Buna baxmayaraq qeyd etmək lazımdır ki, əhalinin
sayının artım templərinə görə Azərbaycan dünya ölkələri
arasında hələ də irəlidə gedənlər arasındadır. Xüsusilə qeyd
edək ki, 114 il ərzində (1897-2012-cu illər) ayrı-ayrı
dövrlərdə Azərbaycanın başına gələn fəlakətlər nəticəsində
verdiyi böyük əhali itkilərinə baxmayaraq, burada əhalinin
sayı yetərincə yüksək templərlə artaraq 1897-ci ildəki 1.807
min nəfərdən 2012-ci ildə 9.235 min nəfərə çatmışdır.
Başqa sözlə bu dövrdə Azərbaycan əhalisinin sayı 5,1 dəfə
artmışdır. Müqayisə üçün göstərək ki, eyni dövr ərzində
Rusiyanın əhalisi 2,1 dəfə, Ukraynanın əhalisi 1,6 dəfə,
Gürcüstanın əhalisi 2,6 dəfə, Ermənistanın əhalisi 3,8 dəfə
(rəsmi məlumatlara görə), bütovlükdə keçmiş SSRİ
ərazisində yaşayan əhalinin sayı 2,3 dəfə, dünyanın əhalisi
isə 4 dəfə artmışdır. Burada xüsusilə vurğulamaq lazımdır
ki, bu dövrdə azərbaycanlıların sayı daha sürətlə artmışdır.
Belə ki, bizim hesablamalarımıza görə keçmiş SSRİ sər-
hədləri daxilində yaşayan azərbaycanlıların sayı 1897-ci
ildə təxminən 1,5 milyon nəfər, 2012-ci ildə isə 9,8 milyon
nəfər olmuşdur. Yəni bu dövrdə onların sayı 6,5 dəfə art-
mışdır. Orta hesabla bu dövrdə azərbaycanlıların sayı hər il
72,8 min nəfər və ya 1,65% artmışdır.
Son olaraq qeyd edək ki, Rus-Sovet imperiyasının
1813-cü ildən başlamış 1991-ci ilə qədərki 177 il ərzində
tarixi Şimali Azərbaycan torpaqlarında yerli xalqa qarşı
apardığı etnodemoqrafik siyasətinin nəticəsi olaraq Azər-
~ 46 ~
baycanın bir sıra etnik bölgələri (Göyçə, Zəngəzur, Zəngi-
basar, Borçalı və Dərbənd) hazırki Azərbaycan Respublika-
sının ərazisindən kənarda qalmış, üstəlik Qarabağ bölgəsi
də erməni separatizmi və işğalına məruz qalmışdır. Başqa
sözlə, son 20 ildə Azərbaycanın etnik münaqişə ocağına
çevrilməsi, daha doğrusu etnik zəmində Azərbaycana qarşı
ərazi iddiaları əsasında torpaqlarının işğal edilməsi 150
ildən artıq bir dövrdə Azərbaycana qarşı aparılan etno-
demoqrafik siyasətin nəticəsidir. Ona görə də Azərbaycanın
beynəlxalq miqyasda erməni işğalına qarşı apardığı xarici
siyasətində bu tip araşdırmalardan geniş istifadə olunmalı-
dır. Zaman-zaman Azərbaycanda və ayrı-ayrı bölgələrdə, o
cümlədən indiki Ermənistan ərazisində baş verən iri
miqyaslı etno-demoqrafik dəyişikliklər siyasi və iqtisadi
baxımdan dəyərləndirilməli, indiki siyasi durumun forma-
laşmasındakı rolunun öyrənilməsi sahəsində elmi araş-
dırmalar daha da genişləndirilməlidir.
~ 47 ~
Azərbaycan Respublikasında etnik tərkibin
formalaşması: xüsusiyyətləri, dəyişməsi meylləri və
reallıqlar
Azərbaycan Respublikası əhalisinin böyük əksəriy-
yətini təşkil edən azərbaycanlılar, türklər, türkmənlər, krım-
tatarları, qaqauzlar və salarlarla (Çində yaşayan türk
xalqlarından biri) birlikdə Altay dillər ailəsinin Türk dil
qrupunun Oğuz altqrupuna aiddirlər. Azərbaycan əhalisinin
qalan hissəsi əsasən Hind-Avropa və Qafqaz dillər ailəsinə
aid olan etnoslardan və etnik qruplardan ibarət olmaqla,
qarışıq bir etnik tərkibə malikdir. Rəsmi sənədlərdə, o
cümlədən, əhali sayımının materiallarında göstərilməyən və
ənənəvi olaraq, azərbaycanlı kimi qeydə alınan etnik qrup-
ları da göz önünə alsaq, milli azlıqların əslində daha
mozaik bir tərkibi olduğunu görmüş olarıq. Belə etnik
qruplardan
ingiloyları,
krızları, hapıtları, lahıcları,
qaraçıları və s. misal göstərmək olar.
Azərbaycanın etnik tərkibinin formalaşması bilavasitə
etnik və demoqrafik faktorların təsiri altında baş verən uzun
və mürəkkəb bir tarixi proses kimi özünü göstərmişdir.
Həmin faktorların xarakteri və təsir gücü isə öz növbəsində
həlledici və istiqamətləndirici təsir göstərən siyasi, sosial-
iqtisadi və başqa önəmli faktorlardan asılı olmuşdur.
Bu prosesin müxtəlif aspektlərinin öyrənilməsi bir sıra
iri elmi araşdırmalarda öz əksini tapmışdır. Ona görə də biz
~ 48 ~
yalnız etno-demoqrafik aspektlərə üstünlük verməklə bu
prosesin qısa icmalı ilə kifayətlənəcəyik.
Sovet alimlərinin fikrincə, XI yüzilliyin əvvəlləri
Azərbaycan tarixində çox önəmli bir dönüş nöqtəsi olmuş-
dur
19
. Belə ki, bu dövrdə səlcuq türklərinin Azərbaycana
kütləvi axını nəticəsində türk etnik komponentləri kəskin
şəkildə artmış və onlarla yerli türklər arasında gedən etnik
konsolidasiya və müəyyən dərəcədə demoqrafik proseslərin
inkişafı burada türklərin dominant bir etnosa çevrilməsinə
gətirib çıxarmışdır. Yəni, ən azı son min il ərzində türklər
Azərbaycanda əhalinin böyük əksəriyyətini təşkil etmiş və
hakim etnos olmuşdur. Qədim dövrlərdən Azərbaycan
Respublikasının ərazisində əsasən Hind-Avropa dillər
ailəsinin İran qrupuna və Qafqaz dillər ailəsinin Dağıstan
qrupuna aid olan başqa etnoslar da yaşayırdı. VIII
yüzillikdə alban-xristian kilsəsinin erməni kilsəsinin
tabeçiliyinə keçməsi erməni dilinin yerli xristian-alban
etnik qrupları arasında öncə kilsə dili kimi, sonra isə yazı
və danışıq dili kimi yayılmasına gətirib çıxartdı. Bu
prosesin yüzillərlə davam etməsi və xristian-albanların
qismən də olsa Bizansdan gəlmə ermənilərlə qohumluq
əlaqələrinə girməsi isə son nəticədə Azərbaycanın bəzi
rayonlarında ermənidilli kiçik əhali qruplarının forma-
19
Большая Советская Энциклопедия (третье издание), 1-ci cild,
Москва – 1969, səh. 250-251, 277-278, Советская Историческая
Энциклопедия, 1-ci cild, Москва – 1961, səh. 230-235, 265
Dostları ilə paylaş: |