~ 65 ~
soydaşlarımızın «Həmşəri» və «Şahsevənlər» məhəlləsi
adlı yaşayış massivləri formalaşmışdı. 1913-cü ildə Bakıda
keçirilən əhali sayımının materiallarında «pers» kimi qeydə
alınan Güneyli soydaşlarımızın sayı 47,9 min nəfər idi.
Yəni Bakıda hər 6 nəfərdən biri «həmşəri» idi. Beləliklə,
azərbaycanlıların Bakı əhalisinin etnik tərkibində xüsusi
çəkisinin azalması güneyli soydaşlarımız hesabına xeyli
dərəcədə kompensasiya olmuşdu. Ancaq Bakı əhalisinin
bütün Azərbaycan əhalisi tərkibində xüsusi çəkisinin
kəskin şəkildə artması şübhəsiz ki, bütövlükdə Azərbaycan
əhalisinin etnik tərkibinin Bakıya uyğun şəkildə
dəyişməsinə təsir göstərmişdir. Məsələn, 1897-1913-cü
illər ərzində Azərbaycanda rusların sayı təxminən 2 dəfə
artmış və əhalinin etnik tərkibində onların xüsusi çəkisi
olduqca yüksəlmişdir. Ermənilərin sayı da yeni gəlmələr
hesabına nisbətən daha yüksək templərlə artmış və əhalinin
etnik tərkibində az da olsa onların da xüsusi çəkisi
qalxmışdı. Azərbaycanlıların, eləcə də digər müsəlman
xalqlarının sayı isə əsasən təbii artım hesabına artdığına
görə əhalinin etnik tərkibində onların xüsusi çəkisi bir
qədər aşağı düşmüşdü.
1914-1917-ci illərdə Rusiyanın I Dünya Müharibəsində
aktiv iştirakı bütün imperiya ərazisində, o cümlədən,
Azərbaycanda həyat səviyyəsinin kəskin şəkildə aşağı
düşməsinə və təbii ki, demoqrafik proseslərin pisləşməsinə
səbəb oldu. Ancaq bu dövrün ən fərqli cəhəti isə Rusiya
~ 66 ~
Ordusu sıralarına yalnız Azərbaycanın xristian xalqlarının
(bəzi istisnalarla), o cümlədən, ermənilərin kişi əhalisinin
kütləvi şəkildə səfərbər edilməsi idi. Müsəlmanlardan
əsgərlik əvəzinə rüsum alınırdı. Bu da şübhəsiz ki, xristian
xalqları arasında müharibə ilə bağlı insan tələfatının çox
olmasına və nigah əlaqələrinin pozulması səbəbi ilə
doğumun kəskin şəkildə aşağı düşməsinə gətirib çıxarırdı.
Ona görə də güman etmək olar ki, həmin illərdə
Azərbaycanda rusların və ermənilərin sayı xeyli azalmış və
uyğun olaraq, əhalinin etnik tərkibində onların xüsusi
çəkisi aşağı düşmüşdü.
Qeyd edək ki, Çar hökumətinin siyasətinə uyğun
olaraq, erməni millətçilərinin başçılığı ilə Qafqazın erməni
əhalisi və Osmanlı dövlətinin ərazisində yaşayan ermənilər
aktiv şəkildə Rusiya lehində müharibəyə cəlb edilmişdilər.
Ermənilərdən təşkil olunmuş yüksək hərbi hazırlığı olan
ordu bölmələri Rusiya tərəfində Osmanlı dövlətinə qarşı
döyüşür və işğal olunmuş Türkiyə ərazilərində yerli
müsəlman əhalisinə qarşı soyqırım siyasəti aparırdılar.
1917-ci ilin sonunda Rusiyada bolşeviklərin hakimiyyətə
gəlməsi ilə rus qoşunları hərb meydanlarını kütləvi şəkildə
tərk etməyə başladılar və ölkə Vətəndaş müharibəsinə sü-
rükləndi. Eyni zamanda Rusiya imperiyasının tərkibində
olan xalqlar, o cümlədən, Azərbaycan xalqı milli azadlıq
uğrunda hərəkata başladılar. Bu ərəfədə, birinci fəsildə
qeyd edildiyi kimi Azərbaycanı «Böyük Ermənistan»
~ 67 ~
ideyası üçün hədəf seçmiş erməni-daşnak ideoloqlarının
formalaşdırdığı erməni ordusu Erivan quberniyasında və
indiki Azərbaycan ərazisində müsəlman əhaliyə qarşı
soyqırım əməliyyatlarına başladı. Bakıda hakimiyyəti ələ
keçirən bolşeviklərlə («26 Bakı Komissarı» kimi xatırlanır)
ittifaqda olan daşnaklar 1918-ci ilin mart ayında Bakıda,
Şamaxı və Quba qəzalarında etnik təmizləmə əməliyyatları
apardılar.
Bu
əməliyyatlarda
ermənilərlə
birlikdə
bolşeviklərin və yerli rus-molokan əhalisinin silahlı
qruplaşmaları da iştirak etmişdir. Azərbaycanlıların ən
kütləvi qırğınları isə 1918-1920-ci illərdə indiki Ermənistan
ərazisində törədilmişdir. 1828-ci ildən bəri ordu təşkilatı
olmayan və hərbi ənənələrini unutmuş olan azərbaycanlılar
təcrübəli erməni hərbi maşınına qarşı hələ çox zəif idilər.
Ancaq 1918-ci il mayın 28-də müstəqilliyini elan edən və
Gəncədə hakimiyyətini qura bilən Azərbaycan Xalq
Cümhuriyyətinin rəhbərliyi tezliklə Osmanlı dövlətinin
hərbi yardımı ilə Milli Ordunun yaradılmasına nail oldu və
Osmanlı
ordusu
ilə
birlikdə
hərəkətə
keçərək,
Azərbaycanın daşnak-bolşevik işğalı altında olan ərazilərini
azad etməyə başladı. 1918-ci il sentyabrın 15-də Bakı
daşnak-bolşevik qara-güruhunun işğalından azad edildi.
Bütün bu siyasi-hərbi proseslərin nəticəsi olaraq,
Azərbaycanda əhalinin sayı 1913-cü ilə nisbətən 1920-ci
ildə 387 min nəfər və ya 16,5% azalaraq, 1.952 min nəfər
~ 68 ~
olmuşdu
45
. 1920-ci ildə Azərbaycan yenidən bolşevik
işğalına uğradıqdan sonra ölkənin əhalisi sonrakı iki il
ərzində azalmağa davam etmiş və 1922-ci ildə 1.863 min
nəfər olmuşdur
46
. Bu illər üçün Azərbaycan əhalisinin milli
tərkibi haqqında məlumat olmadığı üçün etnoslar üzrə əhali
itkisi və ya artımı haqqında dəqiq fikir söyləmək mümkün
deyildir. Ancaq 1926-cı ilin etnostatistik məlumatları və
bəzi başqa materiallar əsasında apardığımız hesablamalar
təxmini də olsa, bir sıra nəticələr əldə etməyə imkan verir.
Öncə onu qeyd edək ki, 1926-cı ilin məlumatlarından
göründüyü kimi, bəzi müsəlman təriqətli etnik azlıqların
etnik mənsubiyyətinə görə olan sayı ana dilinə görə olan
sayından kəskin olaraq fərqlənir; bundan başqa bəzi etnik
azlıqlar haqqında 1897 və 1926-cı illər üçün verilən
məlumatlar arasında kəskin fərqlər vardır. Bu halların
müxtəlif səbəbləri vardır və biz bu mövzuya dönəcəyik.
Hələlik isə etnik zəmində aparılan soyqırımın nəticələrini
üzə çıxarmaq və xətalarımızı minimuma endirmək məqsədi
ilə hesablarımız Azərbaycanın bütün müsəlman əhalisini
şərti olaraq bir xalq kimi qəbul etməklə aparılmışdır. Həm
də unutmaq olmaz ki, erməni terrorçularının soyqırım
əməliyyatları təkcə azərbaycanlılara qarşı deyil, bütün yerli
müsəlman xalqlarına qarşı yönəlmişdi.
45
Население СССР 1987 (статистический сборник), Москва –
1988, səh.11
46
Yenə orada, səh.11
Dostları ilə paylaş: |