~ 69 ~
1897-ci ildə Azərbaycanda «müsəlmanların» sayı 1.375
min nəfər, ermənilərin sayı isə 299 min nəfər idi. 1917-ci
ilin sonunda bizim hesablamalarımıza görə «müsəlman»-
ların sayı 1.830 min nəfər, ermənilərin sayı isə Rusiya
ordusunda müharibədə iştirak edən erməni əskərləri ilə
birlikdə 390 min nəfərdən çox deyildi. 1918-1921-ci illər
ərzində baş verən kataklizmlər nəticəsində Azərbaycanda
«müsəlman»ların sayı azalaraq 1.550 min nəfər, ermə-
nilərin sayı isə 250 min nəfər olmuşdur. Üstəlik onu da
qeyd edək ki, sayını 1.550 min nəfər müəyyən etdiyimiz
müsəlman əhalisinin təxminən 50-100 min nəfərini həmin
illərdə Daşnak Ermənistanından qaçqın düşmüş azərbay-
canlılar təşkil edirdi. Bizim hesabımıza görə, 1917-ci ilin
sonunda indiki Ermənistan ərazisində 310 min nəfər
azərbaycanlı yaşayırdısa, 1922-ci ildə həmin ərazidə cəmi
83 min nəfər azərbaycanlı qalmışdı. Yəni Ermənistanda
daşnakların hakimiyyəti zamanı 227 min nəfər azərbaycanlı
ya erməni terrorunun qurbanı olub, ya da Azərbaycana və
qismən də Türkiyəyə köçüb gediblər. Beləliklə, 1918-1921-
ci illərdə indiki Azərbaycan ərazisində yaşayan «müsəl-
man»ların sayı 330-380 min nəfər azalaraq, 1.450-1.500
min nəfər olmuşdur. Eyni dövrdə Azərbaycanda yaşayan
ermənilərin sayı 140 min nəfər azalmışdır. Bu azalmanın
bir hissəsini təbii ölümlə ölənlər və I Dünya Müharibəsində
qırılan erməni əskərləri, bir hissəsini «müsəlman»lara qarşı
hərbi əməliyyatlar zamanı ölən ermənilər, qalan
~ 70 ~
əksəriyyətini də Ermənistana miqrasiya edənlər təşkil
edirdi. 1922-ci ildən başlayaraq, Azərbaycanda əhalinin
sayı həm təbii artım, həm də yeni miqrantlar hesabına
sürətlə artmağa başladı. 1926-cı ildə müsəlman əhalisinin
sayı 1.708 min nəfər olmuşdu ki, bu da Azərbaycan
əhalisinin 73,8%-nə bərabər idi. Halbuki 1897-ci ildə onlar
əhalinin 76,2%-ni təşkil edirdi. Ermənilərin sayı 1922-
1926-cı illərdə artaraq 284,4 min nəfər olmuşdu. Ancaq
onların bütün əhalinin tərkibində xüsusi çəkisi 1897-ci
ildəki 16,6%-dən 12,3%-ə qədər aşağı düşmüşdü.
Müqayisə üçün göstərək ki, eyni dövrdə Ermənistan əha-
lisinin tərkibində azərbaycanlıların xüsusi çəkisi 30,7%-dən
(1917-ci ildə – 28%) 10,2%-ə düşmüşdü. Belə ki, Ermə-
nistanda 880,5 min nəfər əhalidən 89,7 min nəfəri
azərbaycanlı idi. Ancaq maraqlıdır ki, onların 76,9 min
nəfəri (əhalinin 8,7%-i) «türk» kimi (yəni azərbaycanlı
kimi), 6,3 min nəfəri «qarapapax» kimi (ayrıca milliyyət
kimi), 5 min nəfəri «pers» kimi və 1,5 min nəfəri «türk-
osman» kimi qeydə alınmışdılar
47
. Halbuki bütün bu adlar
altında siyahıya alınanlar eyni millətin nümayəndələri idi.
Onların hamısının həmin əhali sayımında ana dillərinə görə
eyni dilin, yəni Azərbaycan (“türk”) dilinin daşıyıcıları ki-
mi qeydə alınması da bunu bir daha sübut edir. Görünür ki,
Ermənistan əhalisinin milli tərkibində azərbaycanlıların
47
Всесоюзная перепись населения 1926 года, Москва – 1929, 14-
cü cild.
~ 71 ~
xüsusi çəkisinin süni olaraq aşağı salınması bu
respublikada azərbaycanlılar üçün milli muxtariyyət
qurumunun yaradılması ehtimalının qarşısını almağa
xidmət edirdi. Belə ki, artıq 1923-cü ildə Azərbaycanda
ermənilər üçün «Dağlıq-Qarabağ Muxtar Vilayəti» ya-
radılmışdı.
Rus əhalisinin sayının dinamikası ermənilərlə
müqayisədə bəzi oxşar cəhətləri olsa da olduqca fərqli idi.
Belə ki, 1914-1920-ci illərdə I Dünya Müharibəsi və
Vətəndaş müharibəsi ilə bağlı olaraq onların sayı xeyli
azalmışdı. Ancaq Azərbaycanda Sovet hakimiyyətinin
qurulduğu ilk günlərdən başlayaraq, rusların Azərbaycana
böyük axını başladı. Bolşevik Rusiyası Azərbaycanda neft
sənayesinin və onunla bağlı sahələrin tezliklə inkişaf
etdirilməsində çox maraqlı idi. Bu marağın gerçəkləşdiril-
məsi isə işçi qüvvəsinə olan tələbatın yerli əhali hesabına
deyil, məhz Rusiyadan sövq edilən miqrantlar hesabına
təmin edilməsi əslində Azərbaycanın ruslaşdırılması
siyasətinə xidmət edirdi. 1920-1926-cı illəri əhatə edən qısa
bir dövr ərzində Rusiyadan Azərbaycana miqrasiya
edənlərin sayı 150 min nəfər idi. Bu dövrdə ana dili rus dili
olanların sayı 2,5-3 dəfə artmış, onların əhalinin etnik
tərkibində xusüsi çəkisi isə 1897-ci ildəki 4,9%-dən
yüksələrək, 11,0%-ə çatmışdı.
Yerli (avtoxton) etnik azlıqların əhalinin etnik
tərkibində uğradığı dəyişikliklərə gəldikdə isə yuxarıda
~ 72 ~
qeyd etdiyimiz kimi kəskin təzadlar müşahidə edilir.
Məsələn, 1897-ci ilə nisbətən sayı xeyli azalmış olan
tatdilli əhalinin əksəriyyəti 1926-cı ildə milliyyətcə «türk»
kimi qeydə alınmışdı. Eyni təmayül ləzgilərdə, həmçinin
buduxlarda, krızlarda və xınalıqlarda (“ketlərdə”) da
müşahidə edilməkdədir. Belə ki, 1926-cı ildə ana dili ləzgi
dili olanların yalnız 54,6%-i (37,3 min nəfər) milliyyətcə
ləzgi kimi, qalanı isə «türk» kimi qeydə alınmışdılar.
Avarlarda isə avardillilərin sayında kəskin azalma getsə də
milliyyətcə avar kimi qeydə alınanların sayı onlardan bir
qədər çox olmuşdur. Saxurlarda ana dilinin daşıyıcılarının
sayı dəyişməz qalmış və milliyyətcə saxur olanların sayı
ikiqat çox olduğu üzə çıxmışdır. Saxurlarda və qismən də
avarlarda qeyd etdiyimiz halları etno-linqivistik proseslərin
nəticəsi kimi dəyərləndirmək olar. Ancaq tatların, ləzgilərin
və s. etnik qrupların o dövrdə özlərini milliyyətcə «türk»
kimi (yəni azərbaycanlı kimi) qeydə alınmasına meylli
olmaları bizcə stimullaşdırıcı amillərlə və qismən də etnik
assimilyasiya ilə izah edilə bilər. Kürdlərdə isə bu
meyllərin tam əksi müşahidə edilməkdədir. Belə ki, 1926-cı
ildə cəmi 7,4 min nəfər olan kürddilli əhalinin sayı
milliyyətcə kürd kimi qeydə alınanlardan 5,6 dəfə az idi.
Başqa sözlə, kürd kimi qeydə alınanların 83%-nin ana dili
Azərbaycan dili idi. Xatırladaq ki, 1897-ci ildə də kürddilli
əhalinin sayı cəmi 5,4 min nəfər idi. Bu rəqəmlərdən belə
nəticəyə gəlmək olar ki, artıq XIX yüzilliyin sonunda
Dostları ilə paylaş: |