Şahdəniz 2 İnfrastruktur Layihəsi Ətraf Mühitə və Sosial-İqtisadi Sahəyə Təsirin
Yüklə 5,26 Mb. Pdf görüntüsü
|
- Bu səhifədəki naviqasiya:
- 3.2.1 İlkin müəyyənləşdirmə və əhatə dairəsinin müəyyənləşdirilməsi
- 3.2.2 Layihənin Alternativləri və Əsas kimi qəbul edilmiş layihələndirmə variantı 3.2.3.1 Layihənin Alternativləri
- 3.2.3.2 Layihə üzrə Layihələndirmə İşləri
- 3.2.3 Mövcud Şərtlər
Şahdəniz 2 İnfrastruktur Layihəsi Ətraf Mühitə və Sosial-İqtisadi Sahəyə Təsirin Qiymətləndirilməsi Fəsil 3: Təsirin Qiymətləndirilməsi üzrə Metodologiya
Dekabr 2011 3/4 Yekun variant
İlkin müəyyənləşdirmə qiymətləndirmə prosesində birinci mərhələdir. Bu mərhələ layihənin həyata keçirildiyi müddət boyunca layihənin və onunla əlaqədar fəaliyyətlərin növünü biofiziki mühit, sosial-iqtisadi və siyasi-normativ baza baxımından qiymətləndirməklə ƏMSSTQ-yə zərurətin olub-olmadığını (və ya digər qaydada) təsdiqləyir.
ŞD2 İnfrastruktur Layihəsi ilə bağlı yerləşən sahəni, miqyası və planlaşdırılan fəaliyyətləri nəzərə alaraq, Ekologiya və Təbii Sərvətlər Nazirliyi (ETSN) ilə razılaşdırılıb ki, layihə üçün ƏMSSTQ tələb olunacaq və ƏMSSTQ “Siyasi, Normativ-Hüquqi və İnzibati Baza” adlı 2-ci Fəsildə müəyyənləşdirilmiş qüvvədə olan milli və beynəlxalq qanunvericiliyi, ŞD üzrə HPBS-ni və BP standartların; nəzərə almalıdır.
Əhatə dairəsinin müəyyənləşdirilməsi layihə fəaliyyətləri ilə ətraf mühitin “reseptorları” arasındakı gözlənilən “qarşılıqlı əlaqələrin” yüksək səviyyəli qiymətləndirilməsidir. Bu mərhələnin məqsədi qiymətləndirmədə diqqəti əsas problemlərə yönəltmək və fəaliyyətlərin nəzərəçarpan təsirlə nəticələnəcək məhdud potensialına əsaslanmaqla təsirin tam qiymətləndirilməsi prosesindən bir sıra fəaliyyətləri ləğv etməkdir. “Əhatə dairəsindən/iş həcmindən fəaliyyətin/hadisənin xaric edilməsi” qənaətinə gəlmək üçün əvvəlki fəaliyyətlər və hadisələrlə bağlı təcrübələrə əsasən ekspert və alimlərin birgə rəyindən, bəzi hallarda isə əhatə dairəsi səviyyəsində kəmiyyət təhlilindən (məsələn, emissiyaların və atqıların modelləşdirilməsi) istifadə olunur.
ŞD2 İnfrastruktur Layihəsi üzrə əhatə dairəsinin müəyyənləşdirilməsi prosesinə aşağıdakılar daxildir:
Layihə fəaliyyətləri üçün müvafiq olan mövcud ekoloji və sosial-iqtisadi məlumatların və hesabatların nəzərdən keçirilməsi; və Məlumatları toplamaq və layihə fəaliyyətlərinə dair anlayış formalaşdırmaq üçün ŞD İnfrastruktur üzrə Layihələndirmə Heyəti ilə əlaqə saxlanılması.
Bu yoxlamaların, araşdırmaların və məsləhətləşmələrin nəticələrinə və əldə edilmiş faktlara əsasən, ŞD2 İnfrastruktur Layihəsinin Heyəti aşağıdakıları müəyyənləşdirmişdir:
ŞD2 İnfrastruktur Layihəsinin fəaliyyətləri və ekoloji/sosial-iqtisadi reseptorlar arasında mümkün qarşılıqlı əlaqəyə əsasən layihə ilə bağlı ətraf mühitə və sosial-iqtisadi sahəyə təsirlər; və Ətraf mühitə və sosial-iqtisadi sahəyə dair məlumatların və/və ya texniki məlumatların miqyası, dərinliyi və/və ya keyfiyyəti ŞD2 İnfrastruktur Layihəsinin ƏMSSTQ prosesi üçün kifayət dərəcədə olmaması kimi çatışmazlıqlar (beləliklə də, ƏMSSTQ-ni tamamlamaq üçün zəruri əlavə işləri müəyyənləşdirmişdir).
variantı
Layihənin müəyyənləşdirilməsində atılan ilkin addım konseptual səviyyədə layihənin məqsədəuyğun alternativlərini müəyyən etməkdən ibarət olmuşdur ki, Əsas kimi Qəbul Edilən Layihələndirmə Variantını reallaşdırmaq mümkün olsun. Layihənin alternativləri iki səviyyədə nəzərdən keçirilir:
Bütövlükdə işlənmə üzrə, o cümlədən “işlənmənin olmaması” variantı da daxil olmaqla; və Layihənin seçilmiş konseptual layihələndirmə konteksti çərçivəsində mühəndis- layihələndirmə alternativləri.
Layihənin alternativləri ŞD2 İnfrastruktur Layihəsinin ilkin konseptual layihələndirməsi zamanı müəyyənləşdirilmişdir və maliyyə, texniki layihələndirmə, texniki təhlükəsizlik, ətraf mühit və Şahdəniz 2 İnfrastruktur Layihəsi Ətraf Mühitə və Sosial-İqtisadi Sahəyə Təsirin Qiymətləndirilməsi Fəsil 3: Təsirin Qiymətləndirilməsi üzrə Metodologiya
Dekabr 2011 3/5 Yekun variant
sosial-iqtisadi sahəyə aid meyarlar üzrə müqayisə edilmişdir. Bütün meyarlar baxımından ən yaxşı balansı təşkil edən alternativ seçilərək sonrakı müfəssəl layihələndirmə mərhələsinə keçirilmişdir.
“Qiymətləndirilmiş Variantlar” adlı 4-cü Fəsildə ŞD2 İnfrastruktur Layihəsi üzrə qiymətləndirilmiş variantların və nəzərdən keçirilmiş alternativ layihələndirmələrin xülasəsi təqdim olunub.
ŞD2 İnfrastruktur Layihəsinin ƏMSSTQ Heyəti ƏMSSTQ üzrə müvafiq məlumatların toplanılması və təfsir olunması üçün ŞD2 İnfrastruktur Layihəsinin Layihələndirmə Heyəti ilə birgə işləmişdir. Heyətlər arasındakı bu dialoq təsirləri azaltmaq üçün ŞD2 İnfrastruktur Layihəsinin Əsas kimi Qəbul Edilən Layihələndirmə Variantında mövcud nəzarət tədbirləri və əlavə təsirazaltma tədbirləri baxımından harada layihənin əlavə layihələndirmə kontekstinin tələb olunduğunu müəyyənləşdirmişdir. Ətraf mühit və sosial-iqtisadi sahədəki təkmilləşdirmələr üçün müəyyənləşdirilmiş imkanlar heyətlər tərəfindən nəzərdən keçirilmişdir və müvafiq və praktiki olan hallarda Əsas kimi Qəbul Edilən Layihələndirmə Variantına daxil edilmişdir.
ŞD2 İnfrastruktur Layihəsinin təsirlərinin qiymətləndirilməsinin əsaslandığı ŞD2 İnfrastruktur Layihəsi üzrə Əsas kimi Qəbul Edilmiş Layihələndirmə Variantı “Layihənin Təsviri” adlı 5-ci Fəsildə təqdim olunub.
Reseptorlara potensial təsirləri müəyyənləşdirmək məqsədilə, layihə fəaliyyətlərinin icrasından əvvəl mövcud şərtlərə dair anlayış formalaşdırılmışdır. ŞD2 İnfrastruktur Layihəsinin ƏMSSTQ prosesi üzrə Əhatə Dairəsinin Müəyyənləşdirilməsi işləri müəyyən etdi ki, layihə çox güman ki aşağıdakı reseptor qruplarına təsirlərin olması ilə nəticələnəcək:
Bioloji/Ekoloji Reseptor; Fiziki Reseptor/Xüsusiyyət; Torpağın, Qrunt Sularının və Səth Sularının Keyfiyyəti; və Sosial-İqtisadi sahə/İnsanlar.
1996-cı ildən 2011-ci ilədək olan müddəti əhatə edən ilkin vəziyyətə dair mövcud məlumatlar və o cümlədən, davam etməkdə olan Kompleks Ekoloji Monitorinq Proqramının (KEMP) nəticələri nəzərdən keçirilmişdir ki, Terminal ətrafı daxilindəki mövcud şərait müəyyənləşdirilsin. Ətraf mühitə dair əlavə məlumatlar toplamaq məqsədilə həmçinin bir sıra spesifik tədqiqatlar da həyata keçirilmişdir. Buraya səs-küy, qoxu, vizual kontekst və işıqlandırma ilə bağlı tədqiqatlar daxil idi. Meteoroloji və hidroloji məlumatlar Bakı Dövlət Universitetinin Milli Hidrometeoroloji Departamenti və Azərbaycan Respublikası Milli Elmlər Akademiyasının Coğrafiya İnstitutu tərəfindən təqdim olunmuşdur.
Mövcud sosial-iqtisadi şərait ilə bağlı məlumatlar ikinci dərəcəli məlumat mənbələrindən, o cümlədən Dövlət Statistika məlumatlarından və birbaşa olaraq Qaradağ Rayon İcra hakimiyyətindən əldə olunmuşdur. Terminal ətrafındakı yerli icmalar daxilindəki sosial-iqtisadi şəraiti xarakterizə etmək məqsədilə müvafiq ən son məlumatları əldə etmək üçün Maraqlı Tərəflər və Sosial-İqtisadi Sahə üzrə Tədqiqat (MTSİST) da həmçinin aparılmışdır. Bu tədqiqatla bağlı daha müfəssəl məlumatlar “Məsləhətləşmə və Məlumatın İctimaiyyətə Təqdim Olunması” adlı 8-ci Fəsildə təqdim olunub.
“Ətraf Mühitin Təsviri” adlı 6-cı Fəsildə və “Sosial-İqtisadi Sahənin Təsviri” adlı 7-ci Fəsildə hazırkı ƏMSSTQ-ni məlumatla təmin etmək üçün həyata keçirilmiş spesifik ekoloji tədqiqatların, mövcud məlumatların və MTSİST-in nəticələrinin nəzərdən keçirilməsinə əsaslanan mövcud ətraf mühitlər təsvir olunur.
Yüklə 5,26 Mb. Dostları ilə paylaş:
|