Şahdəniz 2 İnfrastruktur
Layihəsi
Ətraf Mühitə və Sosial-İqtisadi Sahəyə Təsirin
Qiymətləndirilməsi
Fəsil 3:
Təsirin Qiymətləndirilməsi üzrə Metodologiya
Dekabr 2011
3/6
Yekun variant
3.2.4 Təsirlərin Dərəcəsinin Qiymətləndirilməsi
ISO14001:2004 standartında verilmiş tərifə uyğun olaraq, təsir:
“Təşkilatın ekoloji aspektlərindən (fəaliyyətindən, məhsullarından və ya xidmətlərindən)
bütövlükdə və ya qismən irəli gələn hər hansı ekoloji dəyişiklikdir (istər mənfi, istərsə də
müsbət)”.
Layihə fəaliyyəti və reseptorlar arasında qarşılıqlı əlaqələr baş verdiyi hallarda təsir müəyyən
olunur. ƏMSSTQ prosesi çərçivəsində, təsirlər layihə fəaliyyətləri üzrə “hadisənin miqyası” və
“reseptorların həssaslığı” nəzərə alınmaqla müəyyənləşdirilən “dərəcələrinə” uyğun olaraq
kateqoriyalara bölünür. Hadisənin miqyasının müəyyənləşdirilməsi üçün, müntəzəm və qeyri-
müntəzəm layihə fəaliyyətləri nəticəsində ətraf mühitə və sosial sahəyə təsir göstərə biləcək
potensial mənbələrin təyin edilməsi və miqdarının dəqiqləşdirilməsi (praktiki baxımdan
mümkün olduğu qədər) tələb olunur. Reseptorların həssaslığının müəyyənləşdirilməsi üçün
biofiziki mühitin başa düşülməsi tələb olunur.
Aşağıdakı bölmələrdə həm ətraf mühitə, həm də sosial-iqtisadi sahəyə təsirin
qiymətləndirilməsi üçün metodologiya müəyyənləşdirir.
3.2.5 Ətraf Mühitə Təsirlər
Hadisənin Miqyasının Müəyyənləşdirilməsi Metodu
Hadisənin miqyası hər biri bərabər şəkildə ölçülən və hər birinə “1”, “2”, yaxud “3” qiyməti
təyin edilən aşağıdakı parametrlər əsasında müəyyən olunur:
Dərəcə / miqyas: Hadisələr:
1 - mənbədən 500 m-dək məsafədə olan əraziyə və ya 50 hektardan kiçik
əraziyə təsir edən hadisələrdən;
2 - mənbədən 500 m-dən çox və 1 km-dək məsafədə olan əraziyə və ya 50 –
100 hektar arasındakı əraziyə təsir edən;
3 - mənbədən 1 km-dən çox məsafədə olan əraziyə və ya 100 hektardan böyük
əraziyə təsir edən hadisələrədək dəyişir.
Təkrarlanma tezliyi: Hadisələr:
1 - bir dəfə baş verən hadisədən;
2 - 50 dəfəyədək baş verən;
3 - 50 dəfədən artıq, yaxud davamlı surətdə baş verən hadisələrədək dəyişir.
Davametmə müddəti: Hadisələr:
1 – bir həftəyədək müddət ərzində baş verən hadisələrdən;
2 – bir həftədən çox və bir ayadək müddət ərzində baş verən;
3 - bir aydan çox və daimi müddətlər ərzində baş verən hadisələrədək dəyişir.
İntensivlik: Yol verilmə mümkünlüyünə dair standartlara, o cümlədən qüvvədə olan
qanunvericiliyə və beynəlxalq təlimatlara münasibətdə emissiyanın və ya atqının
konsentrasiyası və yaxud səs-küyün səviyyəsi. Fiziki təsirin/narahatlıq doğuran
amillərin dərəcəsi/davamlılığı (məsələn: növlərə narahatlıq, təbii yaşayış mühitlərinin
itkisi və ya mədəni irsə ziyan).
1 - az intensivliyə malik hadisədən;
2-
orta intensivliyə malik;
3 - yüksək intensivliyə malik hadisəyə qədər dəyişir.
Şahdəniz 2 İnfrastruktur Layihəsi
Ətraf Mühitə və Sosial-İqtisadi Sahəyə Təsirin
Qiymətləndirilməsi
Fəsil 3:
Təsirin Qiymətləndirilməsi üzrə Metodologiya
Dekabr 2011
3/7
Yekun variant
Bundan sonra, hadisənin ümumi miqyası ayrı-ayrı parametrlər üzrə qiymətləri toplamaqla
aşağıdan (1) yuxarıya (12) doğru spektr üzərində qiymətləndirilir:
Nəticədə alınmış ayrı-ayrı göstəricilər cəmlənir və hadisənin miqyası üzrə ümumi kateqoriya
əldə olunur. Cədvəl 3.1-də “Aşağı”, “Orta” və “Yuxarı” miqyas kateqoriyaları üzrə qiymət
diapazonları təqdim olunur.
Cədvəl 3.1 Hadisə miqyasının kateqoriyaları
Hadisənin miqyası
Qiymət (parametrlər üzrə cəmlənmiş
göstəricilər)
Aşağı
4
Orta
5-8
Yuxarı
9-12
Reseptorların həssaslığının müəyyənləşdirilməsi metodu
Reseptorların həssaslığı hər biri bərabər şəkildə ölçülən və hər birinə “1”, “2” yaxud “3”
qiyməti təyin edilən aşağıdakı parametrlər əsasında müəyyən olunur:
Bioloji/ekoloji reseptorlar:
Mövcudluq:
3 - Əks ardıcıllıqla, nadir, yox olma təhlükəsi altında olan, yaxud mühafizə
olunan;
2 - Regional miqyasda nadir, yaxud əsas etibarilə ŞD2 İnfrastruktur
Layihəsinin
ərazisi ilə məhdudlaşmış, yaxud sənaye emissiyalarına/narahatlıq doğuran
amillərə həssas olan;
1 - Yuxarıdakıların heç birinə aid olmayan, buna görə də yalnız toplum
səviyyəsində qiymətləndirilən hər hansı növün adi, müntəzəm, yaxud etibarlı
surətdə proqnozlaşdırıla bilən mövcudluğu.
Davamlılıq (müəyyən edilmiş stress yaradıcı amilə qarşı):
1 - Təsirə məruz qalmayan, yaxud minimum səviyyədə məruz qalan növlərdən,
yaxud toplumlardan;
2 - Ekoloji funksionallıq qorunub saxlanılmaqla
növlərin, təsir mənbəyinin daimi
mövcudluğu şəraitində stabilləşən orta, lakin davamlı xarakter daşıyan
dəyişikliklərə məruz qalması ehtimalına;
3 - Ekoloji funksionallığın əhəmiyyətli surətdə itirilməsi (misal üçün, əsas
qruplarda növ itkisi, bolluq və müxtəliflik səviyyəsinin əhəmiyyətli dərəcədə daha
aşağı olması) ehtimalına qədər dəyişir.
İnsan reseptoru:
Mövcudluq:
3 - Təsirin gözlənildiyi coğrafi ərazidə insanların daimi mövcudluğundan (misal
üçün, yaşayış məqsədli mülkiyyət);
2 - Təsirin gözlənildiyi coğrafi ərazidə müəyyən vaxtlarda mövcudluğa (misal
üçün kommersiya yönümlü mülkiyyət);
1 - Təsirin gözlənildiyi coğrafi ərazidə insanların səciyyəvi olmayan
mövcudluğunadək dəyişir.
Yuxarı
Aşağı