Bakıdan Qazaxa qədər, Bakıdan Astaraya qədər bütün
respublikanın Komsomol təşkilatlarına rəhbərlik etmək asan
məsələ deyildi. Harda çətin işlər vardısa, ora birinci mən
getməli olurdum. Heç yadımdan çıxmaz – Qusar rayon Kom-
somol Təşkilatının konfransını qurtarmışdıq. Maqsud Əlizadə
zəng vurdu ki, Tovuz və Qazax rayonlarında konfransın
keçirilməsi pozulub, təcili ora getməlisən. Mən Qusardan
çıxıb Bakıya gəldim, Bakıdan isə Qazaxa getdim. Bir gündə
956 km məsafəni qət etməli oldum. Sonrası gün Qazax-
Tovuz Rayon Komsomol Komitələrinin birləşmiş
konfranslarını keçirtdik. Bütün narazılıqlar, konfliktlər
aradan qaldırıldı. Qazaxdan çıxış edən komsomol təşkilatları
Komsomol Təşkilatının işindən danışmaq əvəzinə şeir
deməklə məşğul idilər. Bütün bunların hamısına son qoyuldu.
Rayon Komsomol Komitəsinin katibləri, büro üzvləri seçildi.
Belə konfliktli məsələlər o vaxtlar çox olurdu. Bütün bunları
nizama salmaq əlbəttə asan məsələ deyildi. Mən tez-tez ray-
onlara gedir, KT-nın işi ilə məşğul olurdum. Heç yadımdan
çıxmaz, Ağdamda komso mol çuların müşavirəsini keçirməli
idim. O vaxt Ağcabədi rayonunun Ağdam rayonuna
birləşdirilməsi məsələsi çox ciddi bir xarakter almışdı.
Ağdama gələrkən raykomun qarşısında çoxlu insanların
toplaşdığını görüb, soruşdum: – bunlar niyə yığışıblar?
Dedilər: - biz Ağcabədi ilə birləşmək istəmirik. Onların
hamısını kluba yığıb, söhbət apararkən bir nəfər komsomolçu
çıxış edib dedi: Yoldaş Sailov, səni and verirəm o başının
üstündəki Leninin portretinə, bizim məsələni həll edin. Mən
onlara məsələni izah etdim ki, bu mə sələlər mənim
Sahib Sailov
38
səlahiyyətim daxilində deyil. Sonra Ağca bə didən gələn
nümayəndə heyətini qəbul etdim. Nüma yəndənin başçısı
çıxış edərkən dedi ki, biz KTN-nin müavini Əhməd
Paşayeviç Xəlilovu həbs etmişik. Mən soruşdum ki, nə üçün
həbs etmisiz? Dedi ki, bizim məsələmiz həll olunmayana
qədər onu buraxmayacağıq. Bu söhbət çox uzun çəkdi. Mən
məcbur olub MK-nin katibi Qəmbər Kazımovu axtarmağa
başladım. Dedilər ki, Füzuli rayonundadır. Mən məcburən
Füzuli rayonuna gedib onunla görüşdüm, Ağdam, Ağcabədi
rayonunda olan vəziyyəti məruzə etdim. O, isə öz növbəsində
Azərbaycan KP MK-nin birinci katibi Vəli Axundovla
danışdı. Və əlavə tədbirlərin görülməsi üçün razılığa gəldilər.
Azərbaycan Kommunist Partiyası MK-nin Kənd Təsərrüfat
üzrə katibi Qəmbər Kazımov çox işgüzar, bacarıqlı, qayğıkeş
bir rəhbər idi. İşlədiyim bütün dövrlərdə istər Komsomolun
MK-nin katibi, istərsə də MK-nin Aparatında işlədiyim vaxt
və eyni zamanda Astara, Qasım İsmayılov RPK-lərinə
rəhbərlik etdiyim zaman mənə istədiyim köməyi etmişdir.
Yalnız iki faktı göstərmək istəyirəm ki, Astara rayonunda
işləyərkən böyük Lavain Su anbarının tikintisinə çox qayğı
ilə yanaşır və onun vaxtında tikilib istifadəyə verilməsi üçün
Respublikanın aidiyyatı orqanlarını nəzər-diqqətində
saxlayırdı. Hətta bir dəfə Lavain Su Anbarının tikildiyi yerdə
Respublikanın aidiyyatı təşkilatlarını ora dəvət edib əməli
iclası özü apardı və müvafiq orqanlara lazımi göstərişlər
verdi. Daha sonra Qasım İsmayılov (İndiki Goranboy) rayo -
nunda pambığın suva rılması üçün çox böyük çətinlikləri
onun vasitəsilə aradan qaldıra bildik. Qasım İsmayılov rayo-
Zəkanın gücü
39
nunda kənd təsərrüfa tının, xüsusilə pambıqçılıq, taxılçılıq və
yemçilik sahələrinin suvarılması subartezian quyularının
qazılıb istifadəyə verilməsi çox ciddi dövlət əhəmiyyətli iş
idi. O vaxtlar Respublika Nazirlər Soveti xüsusi qərarla
quyuların qazılması üçün bölgünü təsdiq edirdi. Bu işə
nəzarət isə Su Təsərrüfat Nazirliyinə tapşırılırdı. Respublika
Su Təsərrüfat naziri Tağı Əbdülrəhimov rayona müstəsna
kömək etmək məqsədilə Subartezian Quyularının qazılması
və istismarı idarəsini bu rayonda yaratmışdı. Subartezian
Quyularının qazılmasının məsuliyyəti idarənin rəisi Hidayət
Səfərova həvalə olun muşdu. Hidayət Səfərov Rayon Partiya
Komitəsinin büro üzvü idi. O, çox məsuliyyətli, intizamlı,
özünə və işçilərinə qarşı tələbkar idi. Mən isə bundan istifadə
edərək quyuları qabaqcadan qazdırırdım. Bu məsələ çox
ciddi xarakter aldığı üçün, Mərkəzi Komitənin bürosunun
müzakirəsinə çıxarıldı. Mən büroda cavab verməli oldum.
Lakin MK-nın bürosu mənim mövqeyimi müdafiə etdi. Mən
öz çıxışımda dedim: - düzdür, quyuları qazdırmışam, ancaq
təsərrüfatın inkişafı üçün. Əlavə etdim ki, mən bu rayondan
gedəndə belə qazılan quyuların suyu təsərrüfat üçün istifadə
olunacaq. Beləliklə, mənə cəza verdirmək istəyənlərin arzusu
ürəklərində qaldı.
İşlədiyim dövr ərzində elə bir məsələ olmayıb ki, ona
müraciət edim, nəticəsiz qalsın. Onun qayğıkeşliyi sayəsində
Respublikanın Partiya orqanlarında işləyən Raykom katibləri
həmişə ondan razılıq edirdilər. O vəzifədən getdikdən sonra
da münasibəti olan insanlarla əlaqə saxlayır, onlara lazımi
köməklik göstərirdi.
Sahib Sailov
40
Mənim AKP MK-nin Partiya Orqanlar Şöbəsinə işə
keçirilməyimin əsas səbəbi Respublika Komsomolunun
Mərkəzi Komitəsindəki fəaliyyətim zamanı qaldırdığım
bütün təşəbbüslərin MK tərəfindən müdafiə edilməsi idi ki,
nəhayət, öz müsbət nəticəsini verdi. Respublikada tut
bağlarının salınması, qarğıdalıya hamilik etmək, mexaniza-
siya kadrlarının hazırlanması, Mənsur Kərimovun iş təşəb -
büsü, 1+5: bir mexanizator 5 mexanizator hazırlamalıdır
təklifi və Respublikanın kolxoz və sovxozlarında gübrənin
saxlanması üçün mərkəzi anbarların tikilməsi təşəbbüsü MK
tərəfindən daima müdafiə olunmuşdur.
***
Kənd təsərrüfatı istehsalının intensivləşdirilməsi və
Azərbaycan komsomolunun və gənclərinin gördüyü
işlərin mənzərəsini bu yazıdan aydın görmək olar.
1
Sosialist kənd təsərrüfatı SSRİ xalq təsərrüfatının mühüm
tərkib hissəsi və maddi nemətlər istehsalının həyati əhəmiy -
yəti olan başlıca sahələrindən biridir. O, əhaliyə ərzaq məh -
sulları, yüngül sənayeyə və yeyinti sənayesinə isə xammal
verir. Elmi kommunizmin banisi K. Marks göstərmişdir. "…
kənd təsərrüfatı məhsulları istehsalı bilavasitə istehsalçıların
yaşayışı üçün və ümumiyyətlə, hər cür istehsal üçün ən bi -
rinci şərtdir"
2
.
K. Marksın bu dahiyanə sözləri sosialist kənd təsərrüfatına
da şamil edilə bilər. Sosialist kənd təsərrüfatı sosializm
Zəkanın gücü
41
1 "" Azərbaycan Dövlət Universiteti. Elmi əsərlər. Tarix və fəlsəfə seriyası. Bakı, 1967, № 8.
2 K. Marks. Kapital, III cild, Azərnəşr, 1960, səh.655.
Dostları ilə paylaş: |