59
Liberiya (162) bu səviyyəyə çatmaq üçün yüz illərin
tarixini yaşamalıdır.
Məlumdur ki, tarix azadlıq dərkinin tərəqqisidir. Ta-
rix bir nəfərin, bir qrupun azadlığından bütün bəşə-
riyyətin azadlığına doğru inkişaf edir. Şəkil 5a-da bu
fikirlər praktik həyatda öz təsdiqini tapır. Aydındır ki,
zaman artdıqca, K artır. K artdıqca, azadlığın dərki artır.
K ≥ 5 olan ölkələrdə, demək olar ki, bütün insanlar
azaddırlar. K ≤ 2 olan ölkələrdə isə ya bir nəfər, ya da bir
qrup insan azaddır. Sabiq ABŞ prezidenti C. Kennedi
bəşəri inkişafda azadlığın yerini belə müəyyən etmişdir:
“ Azadlıq bölünməzdir: əgər bir nəfər əsarətdədirsə, onda heç kəs
azad deyil”.
Doğma planetimizin bir neçə ölkəsi firavan yaşa-
mağın nümunəsini yarada bilmişdir. Belə yüksək nəticəyə
bu dövlətlər ona görə nail ola bilmişlər ki, bu ölkələrdə hər
kəs xoşbəxt gələcək üçün öz töhfəsini verə bilir. İnsan oğlu
bu dünyaya gəlişinin səbəbini bilməlidir. Əminliklə
demək olar ki, insan bu dünyaya gündən bir gün, ildən bir
il yaşamağa gəlməyibdir. Onun ilahi missiyası bəşəriy-
yətin gələcək taleyinə öz töhfəsini verməkdir. Bu barədə
“Qurani-Kərim”də belə bir ayə var: “Yaxşı işlər görməkdə
bir-birinizi ötməyə çalışın” (5, 48-49). Bu düşüncə başqa bir
formada M. Prişvin tərəfindən belə ifadə edilmişdir: “ Ali
mənəviyyat – öz şəxsiyyətini kollektivin xeyrinə qurban
60
verməkdir “. Birinci qrup dövlətlərin vətəndaşları həm
Allah əmrinə riayət edən, həm də yüksək mənəviyyata
malik insanlardır.
Yuxarıda deyilənləri ümumiləşdirərək tarixi inkişafın
belə bir qanunauyğunluğunu müəyyənləşdirmək olar:
İctimai mənafenin şəxsi mənafeyə nisbəti artdıqca, bəşə-
riyyət öz inkişafının ali səviyyəsinə (məqamına) doğru
təkamül edir. Məncə, bu fikrə bəşəriyyətin inkişaf qanunu
da demək olar.
Bəzi dövrlər üçün bu nisbət vahiddən böyük, bəziləri
üçün isə vahiddən kiçikdir. Bu səbəbdən də bəşər tarixini
iki dövrə bölmək olar:
a) şəxsi mənafenin, zorun, fiziki gücün hakim olduğu
dövr;
b) ümumi mənafenin, ağlın hakim olduğu dövr.
Bəşər tarixinin birinci dövrü şəxsi mənafenin hakim
olduğu dövrdür. Bəşər tarixinin bu dövrdən başlamasının
əsas səbəbi “özünüqoruma” instinktidir. Bu dövrün
qüsuru ilə bərabər, uğuru da olmuşdur. Bəşəriyyət öz
maddi və mənəvi inkişafının bugünkü səviyyəsinə görə
məhz bu dövrə borcludur. Çünki inkişafın hərəkətverici
qüvvəsi şəxsi mənafe olmuşdur. Bu dövrü yaşamış
dövlətlər üçün K≤ 2 -dir və tarixin başlanğıcından XX əsrə
qədərki dövrü əhatə edir. K ≥ 2 olan ölkələrdə ictimai
mənafe şəxsi mənafedən üstündür. K böyüdükcə, bu
üstünlük də böyüyür. Cəmiyyətdə əhalinin düşüncə tərzi
dəyişir, kamilləşir. Fəaliyyətdə şüur həlledici rol oynayır.
61
Bu dövr XX əsrdən “Tarixin sonuna”qədərki dövrü əhatə
edir.
Hesab etmək olar ki, ictimai və şəxsi mənafelər əks
qütblər kimi mübarizə aparmırlar. Əksinə, ictimai mənafe
xüsusi mənafenin içərisində yetişir. Xüsusi mənafe,
ictimai mənafe içərisində həll olub yox olur.
62
TƏHSİL PROBLEMİ:
TƏHSİLİMİZİN DÜNYA TƏHSİL
SİSTEMİNDƏ YERİ
Bilik – insanın gözüdür. Biliksiz sənin 100 min gözün
olsa da, onsuz da korsan. Biliyin olsa, gözün olmasa
da, sadə insanların görə bilmədiklərini görəcəksən.
Konfutsi.
Qlobal dünya iqtisadiyyatı, qlobal rəqabətdir. Qlobal
iqtisadiyyat şəraitində müstəqil yaşamaq çox çətindir. Be-
lə şəraitdə zəiflər, ya güclülərin oyun qaydalarını qəbil
etməli, ya da rəqabətə davamlı olmasını təmin etməlidir.
Rəqabətə davamlı dövlət qurmaq güclü təhsildən keçir.
Keçən əsrin 70-ci illərində ABŞ sualtı atom qayığının atası
sayılan Rikover SSRİ –ABŞ təhsil sistemlərinin rəqabəti
haqda belə dəmişdir: “ Təhsil – bizim Sovet İttifaqı ilə yarışa
girdiyimiz sahədir. Bu yarışı udan tərəf də potensial cəhətdən
qalib tərəf olacaqdır”.
Təhsilin cəmiyyətin həyatında önəmi əvəzedil-
məzdir. Bu səbəbdən də təhsil sistemimizin dünya təhsil
sistemində yerini bilmək dövləti əhəmiyyət kəsb edir.
Milli təhsildə problemlərin olması hər kəsə məlum-
dur. Bu problemlərdən ən əsası təhsilin maraqlar arasında
63
parçalanması və təhsil maşınının pulu biliyə çevirə bil-
məməsidir. Bundan əlavə olaraq digər problemlər də (12
illik təhsil, repititorluq, əsgərlik problemi, xaricdə təhsil, vahid
milli test, müəllimin (alimin) maaşı, təhsildə mədəniyyət qıtlığı,
təhsildə rüşvət, təhsil müddəti, tələbə sayı, universitetlərin şəhər
kənarına çıxarılması, universitetlərin reytinqi və s. )
mövcuddur. Bütün bu problemlərin varlığı səbəbindən,
əhalinin təhsil müəssisələrinə baxışı pozitiv deyil. Bir çox
insanlar təhsil ocaqlarına (məktəblərə, universitetlərə) az
idrak işığı yayan məkan kimi baxırlar. Professor və
müəllimlərimiz isə haqq daşıyıcıları funksiyalarını yerinə
yetirənlərə az bənzəyirlər. Nəticədə, həmişə ictimai
faydalı sahə hesab edilən təhsil, sosial-mənəvi sahədən
daha çox, qulluq sferasına çevrilməkdədir.
Azərbaycan Respublikası Prezidentinin 2013-cü il 24
oktyabr tarixli Sərəncamı ilə Azərbaycan Respublikasında
təhsilin inkişafı üzrə Dövlət Strategiyası təsdiq
edilmişdir. Təhsilimiz üçün böyük əhəmiyyət kəsb edən
bu sənədin Azərbaycan Respublikasında təhsilin vəziy-
yəti adlanan 3-cü bəndində yazılıb: “… aparıcı beynəlxalq
təşkilatların statistik təhlilləri Azərbaycan təhsilinin beynəlxalq
rəqabətə davamlılıq göstəricilərinin və Azərbaycan Respubli-
kasının ərazisində yerləşən ali təhsil müəssisələrinin reytinq
səviyyəsinin yüksəldilməsinin zəruri olduğunu göstərir”.
Dostları ilə paylaş: |