57
asarlariga chizgan suratlari bor. Ularda turli voqealar – maishiy hayot, jang va ov
voqealari, shahzoda va malikalarning rasmlari ishlangan.
Jumladan, Sa‘diy ―Bo‗stoni»(1488)ga Sulton Husayn Mirzo surati bazm paytida
ishlangan. Bo‗stonga ishlangan suratlardan boshqa birida Eron shohi Doroning
yilqichi sarbonlar qarshisidan chiqib qolishi tasvirlanadi. Unda Eron shohi Doro ov
qilib yurib, o‗z sheriklaridan adashib qolganligi va qarshisidan yilqichi chiqib
qolganligi ko‗rsatiladi. Kompozitsiya markazida qo‗llarini ochib oldinga cho‗zib
turgan, qaddi behad bukchaygan keksa cho‗pon tasvirlangan. Uning atrofida tog‗lar,
archazorlar, yashil o‗tloq va zilol suvi oqib turgan ariq,
nasldor otlar, yilqichilar
ko‗rsatilgan. Behzod bezagan Ali Yazdiyning «Zafarnoma»(1490) asari va ko‗pgina
qo‗lyozmalarda turli tarixiy voqealar, jang holatlari, saroydagi qabul marosimi ham
o‗z ifodasini topgan. Jumladan, uning masjid qurilishida asari shunday ishlardan.
Rassom turli voqealar, tantanali qabul
marosimlarini ishlaganida, kelgan turli
mamlakat elchilari va saroy mansabdorlari tasvirlangan. Ular turli kiyim-libosda
holatlari ular egallagan lavozimiga mos. Xiva qal‘asining Amir Temur qo‗shinlari
tomonidan qamal qilinishini rasmi ham jonli. Amir Temur qo‗shinlarining Oltin O‗rda
xoni To‗xtamish (1361-1395) bilan bo‗lgan jangi uning qurilish borasidagi faoliyati
ham ―Zafarnoma‖dan o‗rin olgan. Shunday rasmlardan birida Bibixonim madrasasini
qurish payti ko‗rsatilgan. Ustalar o‗z ishlari bilan band, ular turli holatlarda, pastda
quruvchilarning bir qismi devor yuzasini qoplash uchun ishlatiladigan og‗ir
marmar
taxtalarni tashimoqdalar, boshqalari bo‗lsa g‗isht teruvchilar uchun loy
tayyorlamoqdalar. Eng yuqorida qo‗lida bir shaklni ushlab turgan me‘mor ko‗rinadi.
Sankt-Peterburgdagi Saltikov-Shchedrin nomidagi xalq kutubxonasida amir Xisrav
Dehlaviyning ikki nusxada saqlanayotgan ―Layli va Majnun‖ dostoniga ishlangan
suratlar ham Behzod qalamiga mansub. Unda Layli va Majnunning madrasada o‗qish
paytini tasvirlaydi, u 1495-yili bajarilgan. Bu yerda ham binoning me‘moriy bezagi,
naqshlar juda aniq va go‗zal ishlangan. Behzod tabiat manzarasini tasvirlashda o‗z
davri uchun noyob mahoratini namoyon etgan. Kamoliddin Behzod portret
madaniyati va san‘atida ham samarali ijod etgan. Uning Alisher Navoiy, Abdurahmon
Jomiy,
Husayn Boyqaro, Shayboniyxon, Sulton Husayn Mirzo shuning dalilidir.
Parijdagi shaxsiy kolleksiyada saqlanayotgan Sulton Husayn Mirzo portretida u
shohona kiyimda tasvirlanib, uning barcha xislatlarini ifodalashga harakat qilingan.
Qiyofasidan kuchli iroda, jismoniy quvvatga ega bo‗lganligi sezilib turadi. To‗ladan
kelgan gavdasi, horg‗in yuzli, qisiqroq ko‗zi, uzukli nozik qo‗llari tasvirdagiga
hukmdor umrining ko‗p qismi faqat maishat bilan o‗tganligida dalildir. Behzod Sulton
Husayn Mirzoning ichki dunyosini va tashqi dunyosini ko‗rinishini real tarzda
tasvirlay olgan.
XVI asrning dastlabki yillari yaratilgan Behzod mo‗yqalamiga
mansub
suratlardan
musavvirning
yuksak
kamoloti,
shuning
bilan
birga,
hissiy
kechinmalarning murakkablasha boshlaganligi, ichki dunyosida paydo bo‗la
boshlagan ruhiy mayuslikning aksi ko‗rina boshladi. Bu bejiz emas, albatta. Uning
58
buyuk murabbiysi va ustozi Alisher Navoiy (1501-yil, yanvar), Sulton Husayn Mirzo
(1506-yil 5 may) vafot etishdi. Shundan keyin amirlar o‗rtasida boshlanib ketgan
nizolar Muhamad Shayboniyxonga Hirotni osonlikcha qo‗lga kiritishga (1507-yil,
may) yordam berdi. Ana shu notinchliklar Behzod ijodiga ham salbiy ta‘sir etmay
qolmadi. Behzod Shayboniyxon xizmatiga o‗tdi. XVI asr boshlarida Behzod ijodida
mazkur hodisalar chuqur o‗ychanlik, nozik lirik kechinmalarni ifodalovchi sahnalarda
o‗z aksini topdi. Bunday suratlar Xisrav Dehlaviyning ―Layli va Majnun‖ dostonida
mavjud. Behzodning Layli va Majnunning sahrodagi visol chog‗ini tasvirlovchi surati
o‗rin olgan. Sahro Layli hijron azobi tufayli holdan toygan
sevgilisining boshini
avaylab tizzasi ustiga qo‗ygan. Inson azobiga tabiatdagi tinch hayot hamohangdek.
Sahro qaridan o‗tgan zilol suvli ariq qirg‗oqlari turli-tuman gullar bilan qoplangan.
Xarsang toshlar orasidan ko‗m-ko‗k butalar ikki oshiq sevgisi barhayotligiga
guvohdek. Sahro hayvonlari: sher, qoplon, tog‗ bo‗risi, shog‗ol, tuya ikki inson
yuragini g‗arq qilgan ulkan sevgi kuchi bilan sehrlangandek sukutda, ular dardiga
sherik. Ruhiy kechinmalar ohangi ulkan mo‗yqalam sohibi tomonidan mohirona
ochilgan. Behzod zamondoshlari bu rasmdan ko‗plab nusxa ko‗chirishgan, hatto shu
manzara tasviri tushirilan gilamlar ham paydo bo‗lgan edi. Behzod o‗z davrigacha
bo‗lgan tasviriy san‘at yutuqlarini qunt bilan egalladi va san‘atning
mazkur turida
realistik va insonparvar sifatida gavdalanadi. Shuning uchun ham Behzod asarlari
ta‘sirning haqqoniyligi va jozibadorligi bilan kishiga zavq baxsh etadi. Behzod
Shayboniyxon xizmatida bo‗lgan kezlari uning portretini ham ishladi. Tasvirda
Shayboniyxon oyoqlarini chalishtirib bolishga (yostiqqa) suyangan holda ikki qo‗lini
tizzasiga tirab allanimalar haqida o‗ylab yozishga tayyorlangan payti tasvirlangan.
Uning kiyimlari oddiy, gavdasi pishiq, hiyla qorin solgan. Uning olidida turgan yozuv
ashyolari: siyohdon, qalam, kitob Shayboniyxonning o‗qimishli bilimdon, har bir
ishni puxta o‗ylab amalga oshiradigan shaxs sifatida tasvirlaydi. Asarda tasvirlangan
qamchi esa uning qattiq qo‗lliligi, mohir chavandozligi ramzi sifatida idrok etiladi.
Shayboniyxonning mazkur surati hozir AQShda shaxsiy kolleksiyada saqlanadi.
Shayboniyxon 1510-yili Marv yonida Eron safaviylari qo‗shini bilan bo‗lgan
jangda mag‗lub bo‗lib, o‗ldirilgandan keyin, Hirotni 1512-yili
Eron shohi Ismoil
Safaviy (1501-1524) bosib oldi. Shu bilan Hirot tasviriy san‘at maktabi o‗zining
ilgarigi, temuriylar davridagi, mavqeyini yo‗qotdi. Behzod Tabrizga qochib o‗tdi.
1520-1522-yili Shoh Ismoil farmoni bilan o‗z kutubxonasiga boshliq qilib tayinladi.
Behzod hayotining so‗nggi yillaridagi shoh asarlaridan biri ikki tuyaning
olishuvini aks ettiradigan suratdir. Uning ijodi Sharq xalqlari, ayniqsa, Markaziy
Osiyo, Eron, Afg‗oniston, Ozarbayjon madaniyati va san‘ati rivojiga katta ta‘sir
o‗tkazdi. Bu ta‘sirda uning ko‗p sonli muxlislari muhim o‗rinni egalladilar. Ular
Behzod ijodini davom ettirib Sharq miniatura madaniyati va san‘atining keng
qirralarini ochilishida yetakchilik qildilar
Dostları ilə paylaş: