Me’moriy usullarning takomillashuvi.
Markaziy Osiyo me‘morchilik
maktablarining shakllanishi. Monumental inshootlarning me‘morchiligida hovli
kompozitsiyalarning ahamiyati. Bino tuzilishida peshtoq ahamiyatining o‗sishi.
Balxiy gumbaz, ikki qatlamli va kulohiy gumbazlar. Xorazm me‘moriy maktabi
xususiyatlari: Ko‗hna Urganchdagi me‘moriy obidalari misolida: kulohiy gumbazlar,
Movarounnahr maktabi xususiyatlari. Masjid turlari. Minoralarning konstruktiv
xususiyatlari. Ularning shaharsozlikdagi ahamiyati.
XI-XII asrda masjid qurilishi ham keng rivojlandi va uning o‗ziga xos tipi
yuzaga keldi. Asosi kvadrat shaklidagi gumbazli bino kompozitsiyalar Markaziy
Osiyo yerlarida keng tarqaldi va mahalliy sharoitga qarab o‗ziga xos fazilat va
ko‗rinish kasb etdi. Bu davrda peshtoq-gumbazli maqbaralar qurilishi ham rivojlandi.
Peshtoqlari esa badiiy bezatilgan. Masjidlar qurildi, ularda ham yangi uslub va
yo‗nalishlar yuzaga keldi. Jumladan: XII asrda qurilgan Mag‗oki Attori masjidi
Movarounnahr me‘morchiligida yangi uslubiy izlanishni boshlanishida turgan
yodgorliklardan hisoblanadi. Mag‗oki Attori masjidi uncha katta bo‗lmagan kvartal
ichidagi inshoot hisoblanadi. U bino assimetrik qoidaga binoan tiklangan. Masjidning
dastlabki holatidan faqat bosh fasad me‘moriy unsurlari bilan birga saqlangan.
Devorlari kesilgan va kesilmagan, o‗yilgan va o‗yilmagan g‗ishtlardan, ularning
to‗plamidan bezakli qilib ishlangan. Inshootni barpo etishda kesilgan terrakotali
plitkalar bilan to‗ldirilgan releyfli yechim qo‗llanilgan. Arkaning kuchaytirilgan
konstruksiyasi moviy sayqal holda ajratib ko‗rsatilgan, inshootga yozuvlar ham
tushirilgan. Bu topilma pardoz ishlarida ganchkorlik usuli ishlatilgan degan xulosaga
olib kelgan.
XI-XII asrda minora qurilishi ham keng odat tus oldi. Buxoroning belgisi
hisoblangan Minorai Kalonning barpo etilish vaqti va Raboti Malik karvonsaroyining
qurilish davri Qoraxoniylar davriga to‗g‗ri keladi. Buxoroda 1127-yilda bunyod
etilgan Minorai Kalon jahon me‘morchiligining me‘moriy-muhandislik san‘atining
yuksak cho‗qqisiga chiqqan asarlardan hisoblanadi. Minoraga noyob shakl berilgan
bo‗lib, poypeshi qirrador, tanasi konussimon shaklda, yuqoriga qarab torayib boradi;
muqarnasli qafasa (minora yoki gumbaz tepasidagi ko‗shk) bilan tugaydi. Balandligi
50 m., devorlarini qalinligi 0,8-0,9 m, poydevor chuqurligi 10 m gacha ketgan.
Minora ichidagi 105 pog‗onadan iborat bo‗lgan aylanma zina – rotonda orqali uning
tepasiga chiqiladi. Minoraning tepasida ichidagi zinapoyani yoritish uchun 16 ravoqli
darchalar o‗rnatilgan, ular orqali atrofni kuzatish mumkin. Ushbu noyob inshootdagi
shakllar o‗zaro monand va mutanosib tanlangan. Geometrik qoidalarga to‗la rioya
qilingan holda chiroyli va har tomonlama puxta ishlangan ushbu minora Buxoro
me‘morchilik maktabining noyob asarlaridandir.
46
Minorai Kalon minorasi baland bo‗lishiga qaramay o‗tgan 9 asr davomida ro‗y
bergan ko‗plab yer silkinishlariga qarshilik ko‗rsatib kelgan. U keyingi davrda dastlab
1924-yilda ta‘mirlangan. Yer ostida qolib ketgan qismi 1960-yillarda ta‘mirlangan.
Ustuvorlik siri inshoot konstruksiyasi hamda g‗isht terimining sifatliligi,
zilzilabardosh yechim qabul qilinganligidadir.
Markaziy Osiyodagi eng baland minora Buxorodagi Kalon masjidi minorasi
bo‗lib uning badandligi 60 m.ga yetadi. Bularda ham g‗ishtning badiiy imkoniyatlari
ularning tashqi bezagini belgilashda muhim rol o‗ynagan. Aslida g‗isht minora yuzasi
naqshini tashkil etuvchi birdan bir unsur bo‗lib qolgan. Ularning taxlanishi va turish
holati hisobiga yuza o‗ziga xos ko‗rinish va latofat kashf etgan. Jarqo‗rg‗on minorasi
(1108-09 yillar) o‗ziga xos uslubda yaratilgan va xarakteri jihatidan avvalgi VI-VIII
asr me‘morchilik uslubini davom ettiradi. Bu minora usta Mahmud o‗g‗li Ali
tomonidan qurilgan. Keyinchalik shu Jarqo‗rgon minorasiga o‗xshash qurilma
Dehlida (Qutb-Minor), Xurosondagi minorali maqbarada o‗z aksini topgan. Va bu
minoralar rivojiga Markaziy Osiyo me‘morchiligi uslubini ta‘siri borligini e`tirof etish
kerak. Kalon masjid va uning ajoyib minorasi Markaziy Osiyo me‘morchiligida
g‗ishtdan bezak berish, san‘atining yuksak namunasi sifatida mashhurdir.
Bu me‘morchilik XI-XII asr mahalliy me‘morchilik va bezak san‘ati an‘analari
asosida qurilgan yangi davrdagi rivoji edi. Bu davrda katta qurilishlar rivoji mavjud
qurilish konstruksiyalarining o‗zgarishi va murakkablashishiga olib keldi. Bu
o‗zgarishlar pishiq g‗ishtdan foydalanish bilan bog‗liq va gumbaz ravoqlarning
xarakterida ifodasini topdi. Katta qurilishlar esa quruvchilarga talabni oshirdi.
Hunarmandchilik sexlari vujudga kela boshladi. Shogirdlik keng quloch yoya
boshladi. Ayni shu davrga kelib, umuman, keyingi feodalizm davriga xos bo‗lgan
monumental me‘morchilik qurilmalarining tiplari yaratildi. To‗rt ayvonli
kompozitsiya ayniqsa keng yoyildi.
Raboti Malik karvon saroyi esa 1078-1079-yillarda qoraxoniy Shams ul-Mulk
tomonidan qurilgan, deb taxmin qilinadi. Bir qator olimlarning fikricha, bu bino
buyurtmachisi noma‘lumdir. Bu imorat ham xom g‗isht(28x28x6,5 sm)dan qurilib,
24x24x4 sm o‗lchamli pishiq g‗isht bilan pardozlangan. Hozirgi kunda faqatgina
peshtoqi saqlanib qolgan bu binoning tarhi 86x86 m o‗lchamli kvadrat shaklida
bo‗lgan. Devorlarining balandligi 12 metr ekanligi uning ikki oshyonalik
bo‗lganligidan dalolat berib turibdi. Bino ikki qismdan iborat bo‗lgan. Peshtoqdan
kirgach ko‗ndalang joylashgan hovliga chiqilgan, uning to‗rttala tomoni xonalar bilan
o‗rab olinganligi aniqlangan.
Hovlining to‗ridagi ikkinchi qismi markazida katta gumbazli saroy va atroflari
yaxlit tomli xonalar joylashgan. Old ko‗rinishining ikki burchagini ikki minora bezab
turgan.
Minoralardan
peshtoqqacha
bo‗lgan
devor
oralig‗ida
kungurador
yarimustun(gofir)lar joylashtirilgan bo‗lib, ularning usti ravoq toqlari bilan
birlashtirilgan. Bir vaqtlar bu rabot katta kompleksdan iborat bo‗lgan va hozirgi
kunda qarama-qarshisida sardoba saqlanib qolgan. Bu binoning chekkasida minorasi
47
pishiq g‗isht bilan kafelga o‗xshatib pardozlangan. Devor old tomon devorini yarim
aylana ustun va arkali ishlanishi hamda peshtoqli darboza qurilishi keyingi
Movarounnahr me‘morchiligi rivojida muhim rol o‗ynaydi.
1196-1211-yillarda
qurilgan
Vobkentdagi
minora nisbatlarining
nozik
topilganligi va nihoyatda yuqoriga intiluvchan ajoyib konussimon shaklining
mustahkam va mag‗rurligi bilan xarakterlanadi. Quruvchi Sadr Burhoniddin
Abdulaziz nomi minora bezagi ichida yozib koldirgan. Bu davrda marhumlar ruhini
abadiylashtirishga qaratilgan maqbaralar qurilishi ham o‗ziga xos shakllarni yaratdi.
Ko‗hna Urganch(Xorazm)dagi Faxriddin Roziy va Tekesh maqbarasi o‗ziga xos
xususiyatga ega. Garchi u Markaziy Osiyoda keng tarqalgan peshtoq-gumbazli
kompozitsiya tipiga kirsa ham, lekin qirrali barabanga o‗rnatilgan chodirsimon
gumbazdan tashkil topgan. Turkmanistondagi peshtoq-gumbazli binolar bezatilishida
g‗ishtning badiiy imkoniyatidan keng foydalanilgan.
XI-XII asrlarda hokimiyat tepasiga qoraxoniylar va saljuqiylar keldi. Iqtisodiy-
madaniy taraqqiyot natijasida shaharlar o‗z qiyofasini o‗zgartirdi. Yirik-yirik
inshootlar qurila boshlandi. Ayniqsa, pishiq g‗ishtdan ravoqlar va gumbazlar qurilishi
an‘anaga aylandi.
Bu davr me‘morchiligining yana bir xususiyati binolarda sirli va rangli
koshinlardan foydalanilganligidir. Natijada, maxsus hunarmandchilik sexlari
ochilgan. Qurilishda foydalaniladigan turli maxsus kasblar paydo bo‗lgan. Bu davr
me‘morchiligi tarixda «Binokor shoh» nomi bilan kirgan bo‗lib, uning taraqqiy
etishida Muhammad Sulaymon Tegin o‗g‗li Arslonxon katta hissa qo‗shgan.
IX-X asrlardan girih san‘ti yuksalgan, arab yozuvi bezak-naqsh darajasiga
ko‗tarilgan. X asrdan kufiy, XI-XII asrlardan nasx yozuvi me‘morchilikda ko‗p
ishlatila boshlagan. IX-XI asrlarda Termizda Qirqqiz saroyi, Navoiyda Mirsaid
Bahrom maqbarasi Sulton Saodat ansambli, Malik karvon, saroyining saqlangan
qismlari me‘morchilikning yuksak darajaga ko‗tarilganini, inshootlar badiiy
hunarmandlar tomonidan jozibador bezatilganligini ko‗rsatadi.
Umuman olganda, IX-XII asrga oid maqbaralar Markaziy Osiyo hududida
anchagina saqlanib qolgan. Bular jumlasiga Termiz yaqinidagi Sulton Saodat
kompleksidagi, O‗zgan, Miyona, Seraxs, Mari(Ko‗hna Marv)dagi va boshqa
maqbaralar kiradi. Shularning ichida ayniqsa Marvdagi Sulton Sanjar maqbarasi
diqqatga sazovordir. 1175-yilda vafot etgan va Xuroson hokimi bo‗lgan saljuqiy
Sulton Sanjar o‗zi hayotlik vaqtida qurdirgan, deb taxmin qilinuvchi bu bino
devorlarining qalinligi 5 metrni tashkil etib, maqbaraning ichki tomonlari 17 metrni
tashkil etuvchi kvadratdan iboratdir. Ichki balandligi 35 metrga teng bo‗lgan bu
imorat nihoyatda mahobatlidir. Kirish eshigi g‗arb tomonda joylashgan. To‗rtburchak
qismining balandligi 15 m. Undan yuqoridagi gumbazga o‗tuvchi sakkizburchak
qismi tashqi va ichki tarafdan ravoqdor galereyani tashkil etadi. Sakkiz burchakning
har uchidan gumbaz konstruksiyasi tashkil turadi. Ular o‗zaro kesishgan toqlar (―linga
zarba» usuli) majmuasidan iboratdir. Bino g‗isht va ganchdan iborat girih hamda
48
chizma naqshlar bilan ziynatlangan. Gumbaz tashqi ko‗rinishi moviy rangda
bo‗lganligi haqida o‗sha vaqtda yashab o‗tgan mualliflarning ma‘lumoti saqlanib
qolgan. Sirli koshinning qo‗llanila boshlanishi mana shu davr ya‘ni XII asrdan
boshlanganligini ko‗pgina olimlar qayd etganlar.
Yana diqqatga sazovor hol shuki, O‗rta asrlarda Markaziy Osiyo
me‘morchiligida keng ishlatilgan ikki gumbazli. (ichki va ustki) konstruksiya ham
dastlab XI-XII asrlarda Xurosonda uchraydi. Misol tariqasida Seraxsdagi Abul Fazl,
Miyonadagi Abu Said, Tusdagi al-G‗aяzoliy maqbaralarini ko‗rsatib o‗tish kifoya.
Shuningdek, butun dunyoga mashhur Marv (qadimda Xuroson markazi, hozirgi Mari
va Bayram Ali shaharlari oralig‗idagi xarobalar) yaqinidagi eng katta bir xonali
imoratlardan hisoblanadigan Sulton Sanjar maqbarasi ham ikki qavatli gumbaz bilan
yopilgan.
XI-XII asrlarda bunyod etilgan maqbaralar ichida chodirsimon (шатровые)
gumbaz bilan yopilganlari alohida ajralib turadi. Bu turdagi gumbazlar Pokiston,
Hindiston va shu kabi mamlakatlarda ―gumba‘zi turkistoni‖ deb nomlanishini
e‘tiborga olib biz ham shu iborani qabul qilamiz. Gumba‘zi turkistoni bilan yopilgan
maqbaralar turkumiga Qadimgi Taroz (hozirgi Jambul) yaqinidagi XI asrda qurilgan
Bobaji Xotun va Ko‗hna Urganchdagi Faxriddin Roziy hamda Sulton Tekesh
maqbaralarini misol keltirish mumkin. Bu binolar ham pishiq g‗ishtdan qurilgan
bo‗lib ichki va sirtqi gumbazlardan iborat bo‗lgan.
Jarqo‗rg‗ondagi minora 1108-1109 yillarda Seraxslik usta Ali ibn Muhammad
tomonidan qurilganligi ma‘lum. Uning dastlabki balandligi ancha viqorli bo‗lib uch
oshiyonadan iborat bo‗lgan deb taxmin etiladi. Hozirgi saqlanib qolgan balandligi
21,6 m va ostki diametri 6,4 metrga teng. Devorlari yarim aylanasimon bo‗rtmalar
tarzida olinib ular yuqori qismida ravoqchalar bilan tutashtirilgan. Bu shakl Markaziy
Osiyo me‘morchiligida ko‗p qadim davrlardan boshlab mavjud bo‗lgan va 1220 yilda
Dehlida qurilgan Qutb Minorada ham qaytariladi.
Dostları ilə paylaş: |