4-Mavzu: Amir Temur va Temuriylar davri madaniyati va san’ati
Reja:
Amir Temur va Temuriylar davlatida madaniy hayot
Mirzo Ulug‗bek akademiyasi
Miniatura va devoriy rassomlik
Temuriylar davri me‘morchiligi
Tayanch iboralar:
Madrasalar, masjidlar, Mirzo Ulug‗bek akademiyasi, Ulug‗bek rasadxonasi,
Amir Temur maqbarasi, Shohi Zinda ansambli, Bibixonim masjidi, Boysung‗ur
Mirzoning badiiy san‘at akademiyasi.
Amir Temur va Temuriylar davrida o‗rta Sharqda fan, san‘at va madaniyat rivoj
topdi. Bu davrda ajoyib saroylar, masjid va madrasalar, koshinkor maqbaralar qurildi.
Buyuk olimu-fozillar bu davlat shuhratini olamga tanitdilar. Mirzo Ulug‗bek, Alisher
Navoiy, Abdurahon Jomiy, Kamoliddin Behzod kabi olimlar, shoirlar va miniatura
ijodkorlari yashab ijod qildilar.
Temuriyar davlatida shakllangan yangi an‘ana va jarayonlar esa tezda boshqa
50
yerlarda o‗z davomini topib yangi maktab va yo‗nalishlarga turtki berdi.. Kitobat
san‘atida yangi kashfiyotlar ya‘ni kitob muqovasini relyefli bo‗rtma shakl va tasvirli
ishlash yuzaga keldi. Keyinchalik O‗rta Sharq kitobatida keng o‗rin egalladi. Amaliy,
amaliy-bezak madaniyati va san‘ati nihoyatda keng rivojlandi. Bronza, kumush va
oltindan quyma idishlar yasash borasida katta muvaffaqiyatga erishdilar. Ayniqsa
kumush va oltindan nafis buyumlar yasash keng rivojda bo‗lib saroy ahllari talabiga
javob berdi. Bu xususda ispan elchisi Klavixo Temur saroyida bo‗lganida oltin va
kumushdan ishlangan buyumlarning ko‗pligi, Temurning oltin taxti va stoli, uning
dam oladigan xonasida oltindan va qimmatbaho toshlar bilan ishlangan daraxt, undagi
mevalar, mevada o‗tirgan ajoyib qushchalar bo‗lganligini yozib qoldirgan. Vamberi
Temuriylar davri madaniyati haqida:
―Amir Temur davrida yaratilgan sarf-naxv kitoblari islom dunyosidagi yoshlar
qo‗lida hozirgacha dasturilamal tutilmoqda va Markaziy Osiyo musulmonlarining
e‘tiqod va ibodatga oid ko‗pgina xususiyatlari shu vaqtlarda yozilgan fiqh va uslub
kitoblariga zamin bo‗lmoqda. Osiyo va umum jahon musulmonlari qoshida eng nozik
saodat va eng oliy mukammal ma‘lumot sanlagan, hozirda yolg‗iz nomlarigina qolgan
nimaiki bor bo‗lsa ularning orasida Hirot va Samarqand hukumatlari vaqtida taraqqiy
etgan narsalar, shular orasida avvalo xattotlikni ko‗rsatish mumkin‖, - deb yozadi.
Yana davom ettirib: ―Garchi temuriylar sunniy mazhabiga ixlosmand bo‗lsada,
ularning kitoblarini turli rangdagi tasvirlar bilan bezamoq, binolarni har xil rasmlar
bilan ziynatilmoqqa intildilar, suv bo‗yoq bilan ishlangan bu rasmlarda rangbarang
naqshlar va jonsiz narsalarning suratlari emas, balki mashhur xonlar, askarlar, hatto
avliyolarning tasvirlari ham bor‖, deb takidlaydi.
Amir Temur va Temuriylar davrida turli millat va dinlar mavjud bo‗lib diniy
ilmlar va dunyoviy fanlar barqaror edi. Shu davrda Naqshbandiya tariqatining
asoschisi Shayx Xo‗ja Bahovuddin yashab ijod etdi. U o‗sha zamonda Buxoroda juda
hurmatli kishi, Buxoroning milliy avliyolaridan hisoblangan. Vafotidan keyin uning
qabrini uch marta borib ziyorat qilishlik uzoqdagi Kabaga haj qilish bilan barobar
sanaldi. Dunyoviy ilmlar ichida saroy shoiri Lutfillo Nishopuriy (1384-y. vafot
etgan), Shayx Kamoliddin Xo‗jandiy, ―Temurnoma‖, shoir Ahmad Kirmoniy eslash
mumkin.
Amir Temur davridan madrasalar ta‘sis etildi. Ular xayr-saxovat tufayli keng
miqyosda taraqqiy etdi. Temur bu ishning tashabbuskori bo‗lgani uchun uning
xonadoni a‘zolari, vazirlari ham mamlakatning boylari barcha yaxshilar madrasa-yu
masjidlar, qiroatxonalar, kasalxonalar ta‘sis etish hamda ularga ehson berishda o‗zaro
musobaqada bo‗lishgan. Binobarin, Markaziy Osiyoning ma‘naviy taraqqiyoti,
bilvosita bo‗lmasa-da, har holda Amir Temur xizmati va himmatiga chambarchas
bog‗liq holda kechdi.
Samarqand butun Osiyo savdosida mol ombori o‗rinni oldi. Bu yerda
Hindistondan bo‗yoq va attorlik, Xitoydan Ipak gazlama, chinni kosa, qadaxlar,
qimmatbaho aqiq toshlar, mamlakat shimoldan noyob po‗stinlar kelar edi. Shu yerdan
51
Osiyoning katta shaharlariga va Buyuk Ipak yo‗li orqali G‗arbiy Yevropaga jo‗natilar
edi. Amir Temur o‗z saltanati taxtini mamlakatlar zaminiga, ularning barchasidagi
urf-odatlar va marosimlarni o‗z saroyida to‗pladi, taraqqiy ettirdi.
O‗rta asr me‘morchilik san‘ati o‗zining gullagan davrini boshida kechirdi. Yangi
chin ma‘nodagi aristokratik me‘morchilik-hashamatli va go‗zal binolar qurish san‘at
uslubi vujudga keldi, rivojlandi. Devoriy rassomchilik, amaliy dekorativ san‘at
sohasida qator yangi an‘analari shakllandi. Jumladan me‘morchilikda birinchi bor
vujudga kelgan yirik va murakkab me‘morchilik majmualari shaharsozlikda muhim
o‗rinni egallay boshladi. An‘anaviy me‘morchilik shakl va uslublarini qayta qurib
chiqildi. Ayniqsa, me‘morchilik yodgorliklarini rangli koshinlar bilan boyishi katta
badiiy-estetik ahamiyat kasb etdi. Albatta rangli bezak Markaziy Osiyo an‘anaviy
me‘morchiligining ham ajralmas qismi bo‗lgan. Lekin XIV asrga kelib bino ichki va,
ayniqsa, tashqi pardozida bu uslub alohda o‗rinni egallay boshladi. Sirli sopol
taxtachalardan ishlangan rangli naqshlar, XIV asr oxiridan keng tarqala boshlagan
o‗yma sirli naqshlar keng ko‗lamda amalga tadbiq etilishi O‗rta Sharq xalqlari ijodiy
tafakkurining katta yutig‗i bo‗ldi Markaziy Osiyo me‘morchiligidagi bu o‗zgarishlar
ilk bor Ko‗hna Urganchdagi To‗rabek xonim maqbarasida namoyon bo‗lgan edi.
Xorazm ustalari yaratgan bu ajoyib yodgorlik an‘analari keyinroq Amir Temur
farmoni bilan Samarqand saltanatining boshqa yerlarida keng foydalanilgan. Va bu
ishlar uchun Xorazm ustalari jalb etilgan.
XIV asr oxiri va XV asr boshlarida Samarqandda, ayniqsa, katta qurilish ishlari
olib borilgan. Shahar qalin devor bilan o‗rab chiqildi. Unga olti darvoza orqali
kirilgan. Shaharning baland arkida baland Bo‗stonsaroy, Ko‗ksaroylar qurilgan. Bu
davrda pishiq g‗ishtda qurilgan, moviy rang koshinlar bilan bezatilgan masjid,
madrasa va maqbaralar, osmono‗par minoralar so‗lim tabiat qo‗ynida alohida fayz va
latofat kashf etgan. Amir Temur davrida shahar va shahardan tashqarida saroylar
qurish, istirohat bog‗lari yaratish keng tus oldi. Amir Temur nafaqat o‗z ona shahri
Kesh va poytaxti Samarqandda, balki o‗z mamlakatining boshqa shaharlarida ham
qator hashamatli binolar qurdirdi. Jumladan, Tabrizda masjid, Sherozda saroy,
Bag‗dodda madrasa, Turkistonda maqbara qurdirganligi shuning isbotidir.
Uning shahardan tashqarida qurdirgan saroyi Sharq tomonda joylashgan bo‗lib,
uning shahar tomonga qaragan darvozasiga ―Darvozai feruza‖ so‗zi yozilgan bo‗lgan.
Saroy ichida bir necha hovli bo‗lib, shulardan birida oltin naqshli taxt joylangan. Shu
taxtda u elchilar qabul qilgan. Hovlining tashqarisida esa favvoralar bo‗lib, atrof-
muhitni mo‗tadillashtirishga xizmat qilgan.
Shaharning janub tomonida qurilgan Bog‗i Behisht, saroyi esa sun‘iy tepalikda
Tabrizning sof oq marmaridan qurilgan. ―Bog‗i Shamol‖, ―Bog‗i Nav» qasrlari ham
marmar va koshinlar bilan pardozlangan bo‗lgan. Amir Temur davrida ko‗plab
saroylar qurilgan Shular ichida Oqsaroy majmuasi alohida o‗rin egallaydi. O‗n ikki
yildan ortiq vaqt mobaynida qurilgan bu saroy peshtoqi xitoy koshinlari, arabiy
naqshlar, gullar va o‗ymakorlik bilan bezatilgan. Devoring tashqi tomoni ko‗k va oltin
52
ranglardagi naqshli koshinlar bilan pardozlangan. Oqsaroy ichki tomonida katta hovli
bo‗lib uning o‗rtasida favvora ishlangan bo‗lgan. Shu hovlidan katta xonaga kirish
eshigi bezakka boy, uning tepa tomoni o‗rtasida she‘r va quyosh tasviri ishlangan
bo‗lgan. Oltin suvi yuritilgan, lojuvard va boshqa ranglar bilan pardozlangan bu saroy
chet ellik mehmonlarni kutib olish, majlislar o‗tkazish uchun foydalanilgan.
Oqsaroyda 1404-yili bo‗lgan mashhur sayyoh Klavixo uning ichki va tashqi tomoni
nihoyatda bezakka boy ekanligini ta‘kidlab, saroy ustalarining ishini Parij ustalarining
ishidan ham yuqori qo‗ygan.
Yana bir muhtasham binolardan biri l399-1402-yillarda bunyod etilgan
Bibixonim jome masjidi bo‗lib, uning qurilishiga Amir Temur alohida e‘tibor bergan.
Uning farmoniga binoan masjid tarhi (plani) ishlangan va 1399-yilda bo‗lajak
masjidning poydevoriga birinchi g‗isht qo‗yildi. Qurilishda Ozarbayjon, Hindiston va
Erondan kelgan 200 dan ortiq usta, 500 dan ortiq tosh kesuvchi mehnat qildi.
Qurilishda 95 ta fil band bo‗ldi. Qurilish ishlari avjiga chiqqan payitda Amir Temur
safarga jo‗nab ketadi. Oradan ancha vaqt o‗tib, qaytganida masjid deyarli bitgan edi.
Bibixonim masjidi katta to‗rtburchak shaklidagi maydonni egallagan, uning atrofi esa
devor bilan o‗rab chiqilgan. To‗rt burchakgida minoralar qurilgan. Masjid Sharqqa
qaragan juda katta peshtoqli darvoza bilan boshlanadi. Masjid chor hovlisi atrofi
ustunli ochiq ayvonlar balan o‗ralgan, ikki yon tomoni va o‗rtasida uncha katta
bo‗lmagan peshtoq-gumbazli binolar qurilgan. Hovlining ichkarisida esa 40 metrli
peshtoq va uning burchaklarida esa qirrali minora ishlangan. Shu peshtoq bilan
masjidni asosiy ―muqaddas‖ yarim sferik gumbazli binosi boshlanadi. Masjid ichki va
tashqi tomonini bezagiga alohida e‘tibor berilgan. Sirli koshinlar bilan bezatilgan,
bino devorida ko‗k va sarg‗ish oxra, yashil rang gammasi keng o‗rinni egallaydi.
Ayniqsa moviy rang butun bino koloritida hukmronlik qilib uning yaxlit va
ulug‗vorligini ta‘minlab, go‗yo uni cheksiz falak bilan musobaqalashayotgandek qilib
ko‗rsatadi. Qurilishda Sharq va G‗arbning ko‗p usta-yu naqqoshlari, me‘mor-u
toshtaroshlari ishtirok etganligi yozuv manbalaridan ma‘lum.
O‗rta asr me‘morchiligining haqiqiy durdonasi Amir Temur maqbarasidir. Amir
Temur farmoniga binoan qurila boshlangan bino O‗rta Sharq me‘morchiligida muhim
o‗rinni egallaydi. Bino tantanavor monumentalligi va dekorativ-qurilganligi bilan
ajraladi. Bino sodda me‘morchilik hajmlardan sakkiz qirrali asos, silindirik baraban
va qirrali ko‗k-moviy gumbazdan tashkil topgan. Binoning ichki qismi ham juda
serjilo, uning ichki devorlari marmar bilan pardozlangan o‗yma naqsh va rangli va
oltin suvi yuritilgan naqshlar bino ichi qismiga alohida fayz kirgan.
Amir Temur davri me‘morchiligini ―Shohi Zinda» me‘morchilik kompleksisiz
tasavvur etib bo‗lmaydi. Afrosiyob yonbag‗riga joylashgan bu ansanbl XI-XII
asrlarda bu yerda qurila boshlagan maqbaralar o‗rnida barpo etilgan. Bu yer
musulmonlarga qadar ham muqaddas sig‗inish joyi bo‗lib Qusam ibn Abbos
maqbarasi joyashgan, go‗yo u shu yerda tirilib, yer ostiga kirib ketgan va oxiratgacha
shu yerda yashashga qaror qilgan. ―Shohi zinda‖ – ―Tirik podshoh‖, ―Tirik shoh‖
53
nomi shundan olingan.
Hozirgi Shohizinda maqbara majmuasi XIV-XV asrlarning birinchi yarmida
qurilgan yodgorliklardan tashkil topgan bo‗lib, bu majmua biroz kechroq, 1434-1435-
yillarda Ulug‗bek tomonidan qurdirilgan peshtoq bilan boshlanadi. Ichkarida kirishga
yaqin joyda XV asrning qo‗sh maqbarasi bo‗lib unda gumbaz baland baraban ustiga
joylashgan. So‗ngra zinadan boshlanib qator maqbaralar bir-biriga yaqin qurilgan.
Majmua so‗ngida esa XIV asr o‗rtalarida qurilgan Xo‗ja Ahmad maqbarasi o‗rin
olgan. Tuman oqo majmuasi (1372) peshtoqi o‗simliksimon naqshlar bilan bezatilgan.
Devorlarida mayda manzarali pannolar ishlangan. Shirinbek oqo maqbarasi (1385-86-
yillar) xonalarida tilla hal berilgan hamda shu yerda ilk bor o‗yma naqsh ishlatila
boshlagan. Shohi Zinda me‘morchilik majmuasidagi maqbaralar turli davrlarda
qurilgan shunga qaramasdan, ular hammasi yagona me‘morchilik kompozisiyasi
sifatida idrok etiladi. Me‘morlar har safar yangi maqbara qurganlarida relyefni, ya‘ni
yer sathi xarakteri va qiyaligi hamda avvalgi qurilgan maqbaralarni xarakteri hisobga
olgan holda me‘morchilik hajm va bezagini tanlaganlar. Amir Temur davrida
qurilgan maqbaralar o‗zining badiiy yechimining yuksakligi va yorqin rangdorligi
bilan ajralib turadi. Sirli koshin va naqqoshlik san‘ati butun ansamblga ajoyib fayz
kiritib davr kishilarning go‗zallik tushunchalarini ifodalaydi. ―Bu yer jannat bog‗i, bu
yerda baxt yulduzlari ko‗milgan‖ deb maqbara peshtoqlarining biriga yozilgan
so‗zlarda butun ansamblning g‗oyaviy-badiiy va falsafiy mazmuni yechiladi.
Amir Temur davrida Markaziy Osiyoning ko‗pgina yerlarida ham me‘morchilik
kompozisiyasi va majmumalari vujudga keldi. Shahrisabzdagi Oqsaroy (1380),
Turkistonda barpo etilgan Ahmad Yassaviy maqbarasi, Toshkent viloyatida Zangiota
me‘moriy obidalari shular jumlasidan. Amir Temur farmoni bilan barpo etilgan
Zangiota majmuasining maqbara peshtoq, gumbazli ziyoratxona va go‗rxonadan
iborat bo‗lib, naqshlar bilan bezatilgan. Bino me‘moriy bezagilarida kufiy va suls
xatida yozuvlar bilan birga tosh o‗ymakorligi, rangli naqsh keng ishlatilgan. Temur va
temuriylar davrida tasviriy va amaliy bezak madaniyati va san‘ati o‗zining haqiqiy
gullash davrini boshidan kechirdi. Miniatura va devoriy rassomlik san‘atida nodir
asarlar yaratildi. Haykaltaroshlik esa, asosan, bo‗rtma tasvir tarzida mavjud bo‗ldi.
Amir Temur davrda monumental rangtasvir nihoyatda rivojlandi. Bu davrda
qurilgan saroy, qasr, masjid va maqbaralar, zodagonlarning xonadonlari turli
mavzudagi rasmlar bilan bezatilganligi haqida tarixchilarning yozma bayonlari
saqlanib qolgan. Afsuski, shu davrda qurilgan saroylar, jamoat binolari bizgacha yetib
kelmagan yoki ayrim parcha va ko‗chirmalarda saqlanib qolgan xalos. Shularning o‗zi
ham davr san‘ati to‗g‗risida tasavvur beradi. Jumladan, Shirinbeka oqo maqbarasi
devorlarida tabiat ko‗rinishi tasvirlangan bo‗lib, daraxtlarda qushlar aks ettirilgan
bo‗lgan. Bibixonim masjidi devorlariga naqshli bezaklar bilan birga tabiat
manzaralarini aks ettiruvchi rasmlar ishlangan.
Markaziy Osiyo, umuman, O‗rta Sharq madaniyatida kitobni bezash, xattotlik va
miniatura madaniyati va san‘ati tarixida o‗ziga xos qaytarilmas jozibasi bilan tengi
54
yo‗qdir. Bu san‘at turlarida nodir yodgorliklar yaratiladi. Ayniqsa, kitoblarga
illustratsiya tarzida ishlangan miniatura san‘atida yutuqlar kattadir. Movarounnahr
san‘atida mahalliy madaniy an‘analar unga kirgan ko‗pgina xalqlar an‘analari silsilasi
kuchaya bordi. Natijada yangi, ilg‗or ijodiy jarayon shakllana bordi. San‘atkorlar
mavjud va o‗tmish madaniyati va san‘ati yutuqlarini inkor etmaganlari holda
an‘anaviy shakl va yo‗nalishlarga yangi badiiy ruh kirita boshladilar. Eng muhimi,
ijodkorlar yangi ijodiy yechimlarga erishib zamon talabiga mos asarlar yaratishga
muyassar bo‗ldilar.
Amir Temur saroyining yirik musavviri Xo‗ja Abdul-Xayya rassomlar
ustaxonasining boshlig‗i lavozimida ishlagan. Uning ishlash uslubi Samarqand
rassomchilik maktabini asosini tashkil etdi. Rassomning bir qator asarlari bizgacha
ko‗chirmalarda yetib kelgan. ―Sher‖, ―Suvdagi o‗rdak‖, ―Urushayotgan ikki jangchi»
rasmlari ushbu san‘atkorning ijodiy namunalaridan bo‗lib, u ishlanishi nafisligi
hamda rang va oltin hallarga boyligi bilan ajralib turadi.
Sa‘diyning ―Guliston‖ asariga ishlangan rasmda darvish haqida hikoya
tasvirlangan. Unda cho‗l-sahrodan o‗z eshagida qo‗shiq va hazil bilan og‗ir yo‗l
qiyinchiliklarni yenggan darvish va uni yo‗l davomida mayna qilib kelgan, o‗ziga zeb
bergan tuyaga mingan boy yo‗lovchi tasvirlanib, boyning oxir-oqibatda ovullardan
birida yiqilib, o‗lganligi hikoya qilinadi. Asarga xos xususiyat hikoyanavislik bo‗lib,
ko‗pgina hayotiy lavhalar asar mazmunini boyitadi. Rassomning «Suvdagi o‗rdak»
asari ham e‘tiborga loyiq. Bu rasmda Xo‗ja Abdul-Xayya o‗zining kuzatuvchan
ekanligini, real borliq ko‗rinishlarini o‗ziga o‗xshatib ishlashga intilishi shu rasmlarda
ham o‗z ifodasini topgan. Rassom ijodining ushbu tomonlari, shuningdek, qalamining
o‗tkirligi, koloritining aniq va jiddiyligi keyingi Hirot maktabi shakllanishida muhim
o‗rinni egalladi.
Amir Temur saroyida xizmat qilgan musavvirlardan yana biri Pir Ahmad Bog‗i
Shamoliy bo‗lib, u Abdul-Xayyaning zamondoshi va shogirdlardan bo‗lgan.
Tarixchilar Pir Ahmad Bog‗i Shamoliyga yuqori baho berib davrning eng yuksak,
tengi yo‗q musavviri deb ta‘riflashadi. Bog‗i Shamoliy rassomning taxallusi bo‗lib,
Bog‗i Shamol bog‗ining saroylari bosh bezakchisi bo‗lganligi va ishlagani uchun
berilgan deb taxmin qilinadi. Amir Temur davrida saroy kiborlarining nozik didiga
mo‗ljallangan amaliy-bezak madaniyati va san‘ati namunalari yuzaga keldi. Ayni shu
davrda shahar hayotida o‗rta xol aholsining o‗rni muhim o‗rinni egalladi.
Amir Temur vafotidan keyingi uning ulkan saltanatini Xuroson va
Movarounnahrni uning o‗g‗li Shohruh va nabirasi Ulug‗bek boshqardi. Deyarli 40
yildan ortiq vaqt mobaynida bu yerlarda Amir Temur boshlab bergan an‘analar
davom etdi. Me‘morchilikda mahobatli me‘moriy majmualar barpo etildi. Samarqand,
Buxoro va Vobkentda qurilgan madrasalar shu davr me‘morchiligining an‘analari
asosida vujudga kelgan.
Ulug‗bek
madrasasi
darvning
ulug‗
yodgorlik
va
noyob
tarixiy
yodgorliklardandan biridir. Bu madrasada buyuk olim va ulamolar dars o‗tishgan.
55
Handasaviy va islimiy naqshlar peshtoq yozuvlari bilan davr kishilarining ham
falsafiy, ham estetik qarashlarini namoyon etgan.
1420-28-yillarda Ulug‗bek farmoni bilan barpo etilgan dunyoviy ilm maskani
rasadxona ham davrning nodir yodgorligii bo‗lgan. Uch qavatli o‗rtasida yulduzlarni
kuzatadigan moslama bo‗lgan bu bino devorlari esa turli-tuman rasmlar bilan
bezatilgan. Ularda tog‗, daryo va ajoyib tabiat ko‗rinishlari tasvirlangan. Temuriylar
davrining muhim yodgorliklaridan biri Shohi Zinda me‘moriy majmuasi
Ulug‗bekning farmoni bilan qurilgan mahobatli bezakdor katta peshtoq shu majmuaga
yaxlitlik baxsh etgan.
Ulug‗bek boshqargan Movarounnahrda Samarqand O‗rta Sharqdagi go‗zal va
boy shaharlardan bo‗lgan. Shu yerda ko‗zga ko‗ringan olim va ulamolar yashab ijod
qilgan. Shu yerda dunyoviy fanlar rivojlandi. Ulug‗bek olim sifatida o‗z atrofida
shogirdlar to‗pladi, ularga dars berdi. Qozizoda Rumiy, G‗iyosiddin Jamshid, Ali
Qushchi tadqiqotlar olib borishdi. Ularning izlanishlari «Yulduzlar jadvali kitobi‖da
o‗z aksini topdi. Ulug‗bek farmoni bilan barpo etilgan rasadxona kutubxonasi
davrning haqiqiy akademiyasi edi. Bu yerda turli nazariy fanlarga oid risola va
tadqiqotlar ko‗chirilar, ta‘mirlanar va ular zaruriy rasmlar bilan to‗ldirilar edi. Bu
ishlar bilan kutubxona qoshida faoliyat ko‗rsatgan xattot va musavvirlar shug‗ullanar
edi. Shunday astronomiyaga oid qo‗lyozmalardan biri as-So‗fiy risolasi (traktati)
bo‗lib, unda ishlangan miniaturalar e‘tiborga loyiq.
Musavvir miniaturalarni shunchaki tushuntirishga mo‗ljallangan astronomiyaga
oid rasmgina emas, balki badiiy qiymatga ega bo‗lgan badiiy asar darajasiga
ko‗tarishga intiladi. Tasvirlangan odam, hayvon va afsonaviy mavjudotlarni hayotiy
va jonli bo‗lishiga harakat qiladi. Astronomiyaga oid rasmlarni haqqoniy bo‗lishiga
intilish Ulug‗bek davri madaniyati va san‘ati realistik yo‗nalishda rivojlanganligidan
dalolat beradi. Shuni ta‘kidlash kerakki, Temuriylar davrida shoh saroylari qoshidagi
kutubxonalar haqiqiy san‘at maktabi rolini o‗ynadi. Bu yerga mashhur rassom, xattot,
naqqoshlar to‗planadilar. Kutubxonada nodir qo‗lyozmalar to‗planib, ko‗chirilib kitob
holiga keltirilar, tasvir va bezak naqshlar bilan bezatilar, yaroqsiz holga kelgan
qo‗lyozmalar ta‘mirlanar edi.
Shuning uchun ham bu kutubxonalardagi ijodxonalar rassom, naqqosh va
xattotlar uchun ta‘lim va mahorat maktabini o‗tab, har bir san‘atkorni ijodiy o‗sishi,
o‗z hunar kasbini yanada rivojlanitirishi imkoniyatini yaratgan. Nigoriston nomi bilan
tanilgan bu ijodxona mazmun va mohiyat jihatidan bugungi badiiy akademiya
mazmun va yo‗nalishiga yaqinlashib ketadi. Shu yerda ustoz o‗zining mukammal
ko‗rinishiga erishdi.
Bu xususiyatni shu davrda ishlangan janrli kompozitsiya va portretlarda ham
ko‗rish mumkin. Shu o‗rinda Ulug‗bekka bag‗ishlab ishlangan portret va janrli
kompozitsiyalari e‘tiborli. Ulug‗bekning navbatdagi ovdan keyin o‗z oila a‘zolari
bilan shiyponda dam olib o‗ltirgan paytini aks ettiruvchi rasm ( 1441- 1442-yilar)
yuksak mahorat bilan ishlangan. Qalam chizgisi nozik, rang tizimi boy, tasvirlangan
56
har bir obrazlar esa o‗z xatti harkati bilan ajralib jonli ishlangan.
1447-yili Shohrux vafotidan keyin, Hirot ham Ulug‗bek qo‗liga o‗tdi. U Xuroson
va Movarounnahrni boshqardi. Shu davrda bir qator xattot va musavvirlar
Samarqandga ko‗chib o‗tishdi, ayrimlari taklif etildi. Jumladan, davrning mashhur
musavvirlari Mavlono Zahiriddin Abdulla, Mavlono Zahiriddin Azhar va boshqa yirik
san‘atkorlar Samarqandga, Ulug‗bek davlati poytaxtiga taklif qilindi. Ularga bu yerda
Ulug‗bek hukmronlik-yillari haqidagi bayonnomani rasmlar bilan bezatish topshirildi.
Afsuski, bu bayonnoma va rasmlar bizgacha saqlanmagan.
Alisher Navoiy davri. Markaziy Osiyo madaniyati va san‘atining yangi bosqichi
temuriy Sulton Abu Said nomi bilan bog‗liq. U 1451-yili mamlakatdagi
notinchliklardan foydalanib qattiq kurashlarda hokimiyatni o‗z qo‗liga oladi. 1456-
yili esa u poytaxtni Samarqanddan Hirotga ko‗chirdi. Natijada Movarounnahrda
yashab ijod etgan san‘atkor va davlat arboblarini shu yangi joyga ko‗chib o‗tishlariga
sabab bo‗ldi. Shular qatorida ko‗plab shoir, rassom, me‘mor va xattotlar va ularning
oilalari bor edi.
Temuriylar davri madaniyati va san‘ati va madaniyati shu yerda o‗z rivojini
yangi bosqichini boshladi. Shu yerda davrning ulamolari, buyuk mutafakkirlari,
rassom-u me‘morlari Abdurahmon Jomiy, Alisher Navoiy, Kamoliddin Behzod va
boshqalar o‗z ijodlarini qiyomiga yetkazdilar. Temurzoda Husayn Boyqaro 40-yildan
ortiq hukmronligi davrida mamlakatda kattagina obodonlashtirish ishlari amalga
oshirildi. Bu ishlarda davrning buyuk mutafakkiri, o‗zbek she‘riyatining yulduzi
Alisher Navoyining xizmatlari katta bo‗ldi. Uning rahnamoligida yirik inshootlar,
masjid va madrasalar qad ko‗tardi. Shu yerda O‗rta Sharq miniatura maktabi o‗zining
eng yuksak cho‗qqisiga erishdi.
Dostları ilə paylaş: |