46
zorla ələ keçirdilər.
Mənbədə sonra göstərilir ki, onlar Şirvanı qarət edib, əsirlərlə birlikdə öz ölkələrinə
qayıdarkən əl-Babın taxta (əl-əsab) qapılarına çatdılar, lakin sərhəd vilayətlərinin əhalisi əmir Mənsurun
başçılığı ilə onlara hücum etdi və çoxunu məhv edərək Sirvandan qarət etdikləri hər şeyi əllərindən aldı.
Alanların cüzi bir hissəsi əmirləri ilə birlikdə xilas ola bildi. H.424 (1033)-cü ildə alanların dəstəsi əl-Bab
sakinlərindən qisas almaq məqsədilə yenidən basqın etdi və bu dəfə də məğlubiyyətə uğradı. H.425 (1034)-ci
ildə Şirvanşah Mənuçöhr yeddillik hökmranlıqdan sonra öz evində qardaşı Əbu Mənsur ibn Yəzid tərəfindən
xaincəsinə öldürüldü.
Səbəb bu idi ki, Əbuı Mənsur özü Şirvanşahdan qorxur və ondan gizlənirdi. "Tarix-i əl-
Bab"da Şirvanşahın öldürülməsi hadisəsi müfəssəl təsvir olunur. Şirvanşahlar sarayının dəb və adətlərini,
hökmdarların şəxsi həyatını səciyyələndirən həmin mətni bütövlükdə veririk: “[Əbu Mənsur]” Yəzidiyyə
əhalisinin sayıqlığını azaltdığı gecələrin birində şəhərə girdi və bu barədə qardaşının arvadına - Fəzlin [Şəddadi]
qızı Sittə [xəbər] göndərdi. Sittə ona ürəkdən vurulmuşdu. Əbu Mənsur öz vəziyyətini xəbər verdi və Sittin
tapşırdığı kimi, onun qulamlarından birinin evinə düşdüyünü bildirdi. Bu xəbəri alan həmin qadın yaxın
adamlarından olan bir qadını mətbəx sandığı ilə onun yanına göndərdi. Həmin qadın onun sandıqda qalaya
girməsinə kömək etdi. Əbu Mənsur [Sittin] evinə çatanda Sitt adam göndərərək əri Mənuçöhrü öz yanına dəvət
etdi. Mənuçöhr gəlib [onun qabağında dayananda] Sitt qardaşından, Arran hakimi Fəzlin oğlu Musadan aldığı
məktubu ona göstərdi. Mənuçöhr oxumağa başladı. Mənuçöhr məktuba
[88 - 89]
baxa-baxa
onun məzmununu
arvadına izah edərkən Əbu Mənsur qəfıldən evin uzaq küncündən sıyrılmış qılıncla içəri daxil oldu. Mənuçöhr
soruşdu: Səni mənim evimə kim buraxmışdı?" Lakin Mənuçöhr sözlərini deyib qurtarmamış Əbu Mənsur
qılıncla onun boynunun ardından vurdu. O, zərbəni təkrar eləmək istədi. Lakin ürəyini bürümüş qorxudan qılınc
onun əlindən sürüşüb düşdü. Bu vaxt məlun qadın adamlarından [birinə] qətli başa çatdırmağı əmr edəndə o,
Manuçöhrün [cəsədini] palaza [zilliyə] bükdü. H.425 (1034)-cü ildə çıxan Əbu Mənsur Əli ibn Yəzid ibn
Əhməd qardaşının dəfn olunmasını əmr etdi və adət üzrə bir ildən sonra - h.426-cı ilin rəbiyül əvvəl ayında
(yanvar, 1035) onun dul arvadına evləndi.
45
Əl- Babın əhalisi cümə axşamı, rəbüyül əvvəlin 17-də (9
fevral
1034) öz əmirləri Əbd ül-Məliki qovduqdan sonra Şirvanşah Mənsura tabe oldular. O, içqalanı bərpa etdirdi və
orada öz qoşunlarının qarnizonunu yerləşdirdi. Göründüyü kimi, Şirvanşahlar Şirvan dövlətinə birləşdirməyə
cəhd göstərdikləri əl-Baba iddialarından əl çəkmirdilər. Şirvanşahların əl-Baba iddiaları onunla
izah edilirdi ki,
xəlifə Mütəvəkkil h.237 (851)-ci ildə əl-Bab şəhərini ondan asıli olan torpaqlarla birlikdə ikta şəklində
Ərminiyyə, Arran və Azərbaycan valisi Məhəmməd ibn Xalidə bağışlamışdı. Şirvanşah əbu Mənsur da, öz
sələfləri kimi, əl-Baba sahib olmaq üçün bu şəhərin əmiri ilə müharibə aparmışdır. Sonra Şirvanşah vəziri
Mənsur ibn Müsəddidi əl-Babda öz canişini təyin edərək onu "hökumət binası"nda yerləşdirdi, özü isə h.426
(1035)-cı ildə paytaxtı Yəzidiyyə qayıtdı. Lakin əmir Əbd ül-Məlik elə həmin il qəflətən əl-Babda Şirvanlılara
hücum edərək Mənsur ibn Müsəddidi öldürdü. İçqalanı mühasirəyə aldı və rəis Əli ibn Həsən ibn Ənakın
vasitəçiliyi ilə h.426-cı il rəcəb ayının 1 -də (12 may, 1035) onun təslim edilməsinə nail oldu. Bundan sonra o,
şəhəri və qalanı tutdu, Şirvan qoşunları isə Şirvana qayıtdı. Sonra Əbd ül-Məlik Şirvanşahla sülh sazişi bağladı
və h.427-ci ilin səfər ayında (1035-ci ilin dekabrında) onun bacısı, Yəzidin qızı Şəmkuyyə ilə evləndi. Əl-Babın
hərbi rəisləri öz təhlükəsizliyi üçün qorxu keçirməyə başladılar. Buna görə də onlar
tabeliyində olanlarla
birlikdə Əbd ül-Məlikə hücum edib, onun vəzirini evindəcə öldürdülər. Əbd ül-Məlik ailəsi ilə Şirvana qaçdı.
Rəislər onu paytaxta qaytarıb gətirmək üçün Şirvana iki ağsaqqal göndərdilər. Lakin Şirvanşah elçiləri həbs
etdi, onları qandallayıb qalalardan birinə saldı. Bundan sonra o, əmirə ol-Babda öz
hakimiyyətini bərpa etməkdə
kömək göstərdi.
40
Əmir Əbd ül-Məlik doqquzillik hakimiyyətdən sonra h.434-cü il rəcəb ayının 25-də, cümə
axşamı (10 mart 1034-cü il) öldü.
47
Əbu Mənsur Şirvanda on il
- h.435 (1043)-ci ildə ölənə qədər hakimiyyət
sürdü. Həmin vaxtdan Şamaxı rayonunun Çuxuryurd həndəvərində tapılmış alçaq əyarlı gümüş sikkə qalmışdır.
Sikkənin üzərində aşağıdakılar təsvir olunmuşdur: 1 - səthində bir neçə kiçicik dairələr,
sağ tərəfdən oxunmayan
söz var, sol tərəfı budanmışdır. Çevrə boyu budanmiş yazı nəzərə çarpır II [Məhəm]məd rəsulullah, [əl]-Məlik
əl-adil...əd-dövlə Əbu [Mənsur Əli ibn Yəzid] [şir]vanşah, müvali əmir [əl-Möminin.]; çevrə boyu hər şey
budanmışdır.
48
Əbu Mənsurun hökmranlığı dövründə Şirvanşahla hərbi rəislər arasında ç əkişmələr davam edirdi.
Onun ölümündən sonra Şirvanşahlığa qardaşı Qubad ibn Yəzid keçdi. H.436 (1044)-cı ildə əl-Bab əmiri ilə
hərbi rəislər arasında nifaq düşdü. Onlar əmirin üstünə hücum
[89 - 90]
çəkdilər, onun arvadı Şəmkuyyəni ələ
keçirib qardaşı Şirvanşah Qubadın yanına göndərdilər. Qubad Şemkuyyəni qalaya saldı, lakin sonra azad etdi və
h.437 (1045)-cı ildə ərinin yanına qaytardı. Elə həmin il Qubad türk oğuzların hücumundan qorxaraq paytaxtı
Yəzidiyyənin ətrafına yonulmuş daşdan möhkəm qala divan çəkdirdi və dəmir qapı qoydurdu. Qubad altı il
səltənət sürüb h.441-cı il səfər ayının 24-də (28 iyul 1049) öldü.
Qubadın öldüyü ilk gündən hakimiyyətə onun qardaşı oğlu Buxtnəssar Əli
ibn Əhməd ibn Yəzid ibn
Əhməd ibn Məhəmməd ibn Yəzid keçdi. Təqribən bir ildən sonra o, hakimiyyətdən salındı və onun əmisi Salar
ibn Yəzid Şirvanşah elan olundu. Qala təslim olunduqdan sonra Buxtnəssar Şirvandan qaçdı, lakin Saların onun
dalınca saldığı dəstə Beyləqan yaxınlığında onu yaxalayıb öldürdü.
49