48
daha
sonra xəbər verir ki, feodalların gözəl xidmətçiləri, müğənni cariyələri, kişi və qadın aşpazları vardır...
Onlar qızıl və gümüşdən hazırlanmış qablardan, tabaqlardan, taslardan, dolçalardan, gildən (şirli keramika –
S. A. ) və qiymətli
metallardan düzəldilmiş, satıllardan bununla yanaşı nəfi
s
şüşə qablardan, qiymətli büllurdan
və əla cəvahiratdan istifadə edirlər".
61
Şirvan ərazisində aparılan arxeoloji qazıntılar zamanı aşkara çıxarılmış
külli miqdarda maddi mədəniyyət əşyaları ərəb mənbələrinin verdiyi məlumatlar təsdiq edir.
IX əsrin ikinci yarısından Abbasilər xilafətinin zəifləməsi və tənəzzülə uğramağa başlaması, habelə
onda mərkəzdənqaçma meyllərinin güclənməsilə əlaqədar bəzi vilayətlər ayrılaraq müstəqil məlikliklər
yaratmağa başladılar. Bu dövrdə Şirvanda feodal torpaq sahibliyi möhkəmlənir və feodalların siyasi əlahiddəlik
cəhdləri nəticəsində daha da güclənirdi. Şirvanın əhalisi
feodal zadəganlardan, neftverən və şumluq torpaq,
duzlu göl, bağ və üzümlük sahiblərindən, şəhər məmurları, tacir və ruhanilərdən, sənətkarlardan, şəhər
rəiyyətindən, kəndlilərdən və qullardan ibarət idi.
Məzyədilər ilk müsəlman Şirvanşahlar sülaləsi idi. Onlar Bərdədə oturan ərəb
canişininə - əmirə tabe
idilər.
62
Əmirlər xəlifələr tərəfindən təyin olunurdular və tam mülki və hərbi hakimiyyətə malik idilər. Onlar
ərəblərin qoyduqları yerli hakimlərin fəaliyyətinə, şəhər və kənd əhalisinin üzərinə qoyulan vergilərin (cizyə,
xərac və s.) yığılmasına nəzarət etməli idilər.
63
Şirvanşahlar bütün tarixləri boyunca istiqlaliyyət uğrunda
mübarizə aparmış və əsasən, müstəqil hakimiyyət sürmüşlər. Lakin Şirvan bu və ya digər işğalçının hakimiyyəti
altına keçdikdə Şirvanşahlar vassal asılılığına düşür və öz suverenlərinə xərac verirdilər. X əsrin ortalarında
Şirvanşah Salar Mərzuban ibn Məhəmməd ibn Müsafırə ildə 1.000000 dirhəm xərac ödəyirdi.
64
İbn Havqəlin
yazdığına görə, vergi kimi qul, pul, təsərrüfat ləvazimatı, qatır, yük heyvanları və bəzək əşyaları alınırdı.
65
Şəhər
sənətkarları işğalçılara və Şirvanşahın xəzinəsinə böyük miqdarda vergi verməklə ərəblərin və yerli feodalların
ikiqat zülmünə məruz qalırdılar. Abşeronun neftverən torpaqları, neft quyuları,
duzlu gölləri, eləcə də Şirvanın
şum üçün yararlı torpaqları istər dövlətin, istərsə də ayrı-ayrı feodalların mülkiyyəti olub, adətən vergi verən
əhalini qəddarcasına istismar edən icarədarlara icarəyə verilirdi.
§2. Şirvanın şəhər və kəndləri. İqtisadi vəziyyət
(hasilat sənayesi, sənətkarlıq, ticarət)
IX-X əsrlərdə Şirvanın şəhərləri və digər yerləri haqqında ərəb mənbələrinin məlumatları natamam və
cüzidir. İbn Xordadbeh və digər ərəb müəllifləri Qafqazın şərq hissəsində öz məmləkəti olan 11 "dağ şahı"nı
qeyd edir. Həmin məmləkətlər sırasında Qəbələ, Şirvan, Məsqət, Şəbəran, Ləkz, Bab Firuz Qubad və
başqalarının adını çəkirlər.
1
Bəlazuri Arran hakimi
[92 - 93]
Məsləmə ibn Əbd əl-Məlikin VIII əsrin birinci
yarısında Cənubi Dağıstanda xəzərlərlə müharibəsindən bəhs edərək yazır: "dağ şahları onunla (Məsləmə ilə)
saziş bağlamağa tələsdilər. Şirvanşah, Miranşah, Təbərsəranşah, Xursanşah
*
,
habelə Məsqət hakimi onun
hüzuruna gəldi.
2
Göstərilən vilayətlər VIII əsrdə "şahlıq" adlandırılan ayrıca feodal məliklikləri idisə, artıq IX
əsrdən onlar tədriclə Şirvan tərəfındən zəbt edilərək müstəqilliklərini itirirlər. Bu məlikliklər IX-XI əsrlərdə
müxtəlif vaxtlarda Şirvanşahlar dövlətinin tərkibinə daxil olmuşlar. Eyniadlı şəhərlə birlikdə Qəbələ mahalı
Şəkidən şərqdə, Türyançay çayı hövzəsində yerləşirdi. Onun cənub sərhədləri isə Kürə qədər gedib çatırdı.
Qəbələ şəhərinin xarabalıqları indiki Qəbələ (keçmiş Qutqaşen –
S. A. ) rayonunun Çuxur-Qəbələ kəndi
yaxınlığında, Qocalançay və Qaraçay çaylarının qovuşduğu yerdədir. Orta əsrlər Qəbələsinin qala divarları və
bürclərinin qalıqları bu günədək durur.
3
Ərəblərin gəlməsindən, Dərbəndədək bütün Albaniyanın
Sasanilər
tərəfindən işğal edilməsindən xeyli əvvəl Qəbələ türklərin, un-sabirlərin hakimiyyəti altında olan ərazinin
mərkəzi olmuşdur. Bəlazurinin məlumatına görə Qəbələ xəzərlərin şəhəri idi.
4
Mənbələr xəbər verirlər ki,
Qəbələ 646-cı ildə ərəblər tərəfindən zəbt olunduqdan sonra da türk tayfaları... bu vilayətə gəlməkdə davam
etmişlər. Cərrah ibn Abdulla əl-Həkəmi h.104 (722)-cü ildə
Dərbənddən keçərək,
xəzər şəhərlərini zəbt edərkən,
xəzərləri Qəbələ mahalının kəndlərinə köçürmüşdür.
5
Məsudinin məlumatına görə Şəkidən sonra "Qəbələ ölkəsi
gəlir, buranın şəhər əhalisi müsəlman, ətraf qəsəbə və kəndlərin (əl-Əmair vəldiya), isə xristianlardır. Hal-
hazırda oranın hökmdarının adı Taygöz Ənbəsədir. O, oğru, quldur və pozğunlara sığınacaq verir"
6
.Müqəddəsi
aşağıdakıları xəbər verir: "Qəbələ istehkamlarla
möhkəmləndirilmiş şəhərdir; çay şəhər divarlarının kənarından
axır Cümə məscidi şəhərdən aralı, təpənin üstündədir".
7
"Hüdud əl-aləm"də deyilir: "Qəbələ Şəki, Bərdə və
Şirvan arasında firavan səfalı şəhərdir. Buradan çoxlu miqdarda qunduz xəzi ixrac olunur".
8
"Tarix-i əl-Bab"da
Qəbələ və onun nahiyələri xatırlanır. H.371 (981/2)-ci ildə Qəbələnin hakimi həmin Taygöz Ənbəsənin oğlu
Əbd əl-Bərr idi. Şirvanşah Məhəmməd ibn Əhməd Qəbələni onun əlindən tutub almışdı. Şirvanşah Yezid ibn
Əhməd h.389 (999)-cu ildə Gürzül (Göyçay çayı üstündəki Girdədül) qalasını da həmin hakimdən almışdı.
Sonralar və XI əsrin birinci rübündə də Qəbələ və Gürzül qalası Şirvanşahların əlində olmuşdur. "Tarix-i əl-
Bab"da Qəbələ kunililərin h.459 (1067)-cu ildə Şirvanşahın dayısı Fəribürzün oğlu Ləşkəristanı şəhər
*
Bəlazurinin əsərinin ərəbcə mətnində Xursanşah əvəzinə səhvən “Çarşanşah” getmişdir. Bu səhv mürəttibin
diakritik işarələri düzgün
qoymaması üzündən baş vermişdir.