132
Ehtimal ki, Xəlilüllah
tərəfindən qovulduqdan sonra, onu Müzəffər Mirzə adlandıran Hürşahın
məlıımatına görə, Fərrux Yasar Dağıstana, qohumu olan “Şamxal ölkesi”nə qaçmış və onun himayəsində
yaşamışdır.
*
Orada onun Şahrux adında oğlu doğulmuşdur. Özündən sonra vərəsəsi olmayan II Xəlilüllah
öldükdən sonra Şirvan feodalları Şahruxu Şamaxıya gətirərək Şirvanşahlar taxtına oturtmuşlar. Beləliklə,
numizmatik məlumatlar qısa müddət, ehtimal ki, bir neçə ay ərzində Şirvaııda hakimiyyət sürmüş indiyədək
elmə məlum olmayan Şirvanşah II Fərrux Yasarı üzə çıxarmağa imkan vermişdir. Bundan sonra Şirvanda h.942
(1535-ci ilə qədər yenidən II Xəlilullah hökmranlığını davam etdirmişdir.
ŞAHRUX İBN FƏRRUX YASAR
Özündən sonra vərəsəsi olmayan II Xəlilüllah h.942 (1535)-ci ildə öldükdən sonra Şirvanın
feodal
əyanları Fərrux Yasarın oğlu və Şeyxşahın nəvəsi on beş yaşlı Şahruxu təcili Dağıstandan Şamaxıya gətirərək
Şirvanşahlar taxtına oturtdular.
136
h.942 (1535/6)-ci ildə Şamaxıda Şahruxun adından gümüş sikkə
kəsilmişdir.
137
Bu dövrdə Dərbəndi Şirvanşahlar xanədanı tənəzzülə uğradı. Şirvanda hakimiyyət, əslində
dövləti azyaşlı Şahruxun adından idarə edən feodal zadəganlarının - başda vəkil Hüseyn bəy Lələ olmaqla,
Şirvan əmirlərinin əlində idi. Mənbələrdə heç bir qayda-qanun qalmamış Şirvanda feodal zülmü və
özbaşınalığından, xalq kütlələrinin ağır
vəziyyətindən, "ölkədə açıq-aşkar ictimai hərc-mərclik yaranmasından"
xəbər verilir. Tezliklə, h.944 (1537)-cü il qışın əvvəllərində Şirvanda özünü Şeyxşahın oğlu Sultan Məhəmməd
adlandıran qələndərin başçılığı ilə xalq kütlələrinin üsyanı başlandı. O, başına saysız-hesabsız dəstələr
toplayaraq Salyanı tutdu və Şamaxıya doğru hərəkət etdi. Aralarında birlik olmadığı, qoşunlar vuruşmaq
istəmədiyi üçün Şahrux əmirləri və əyanları ilə birlikdə üsyançıların qabağına çıxmaq iqtidarında deyildi.
Şahrux əmirlərlə birlikdə Şamaxını tərk edərək Buğurt qalasına qaçdı. Qələndər şəhəri
[240 - 241]
döyüşsüz
tutdu. Lakin nıöhkəm rəhbərlik və mütəşəkkillik olmadığından üsyançılar qayda-qanun yarada
bilmədilər və
Şirvan əhalisinin narazılığına səbəb oldular. Bir neçə gün Şamaxıda qaldıqdan sonra üsyançılar arasında ixtilaf
düşdü və onlar şəhəri tərk edərək, Salyana yollandılar. Qələndərin geri çəkilməsi xəbərini alan Şahrux əmirləri
ilə Buğurt qalasından Çixaraq üsyançıları təqib etməyə atıldı. Salyan yaxınlığında onlara çataraq,
döyüşdə
məğlub etdilər, Qələndəri əsir tutub öldürdülər.
138
Sosial xarakterinin aydın olmamasına
baxmayaraq,
kortəbiiliyi və kütləviliyi, yalançı hökmdarın zühuru və dərvişlərin iştirakı bu hərəkatı Ön Asiyanın XIII-XVI
əsrlər kəndli üsyanlarına aid etməyə imkan verir.
139
Üsyan yatırıldıqdan sonra, II Xəlilüllahın qələndəri Şirvanşah kimi tanıyan və Səfəvi sarayının tapşırığı
ilə fəaliyyət göstərən dul
arvadı Pərixan xanım Təbrizə gedərək, Şirvanın ağır daxili vəziyyəti və onu asanlıqla
ələ keçirməyin mümkün olması barədə qardaşı sah Təhmasibə məlumat verdi.
140
Üsyan yatırıldıqdan sonra
Şirvan əmirləri və zadəganları əhaliyə zülm və qəddarlığı daha da gücləndirərək son həddə çatdırdılar. Bu
zaman Qorçubaşı Padar
bir qrup hərbçi ilə
Təbrizə gəldi, Təhmasibə şikayətlə müraciət edərək, ondan Şirvanın
işlərinə qarışmasını xahiş etdi.
141
Şahruxun məktub göndərərək sədaqətini bildirdiyi türk sultanının ciddi təhlükə
doğurması Təhmasibi təcili tədbirlər görməyə vadar etdi.
142
Şirvanı çoxdan bəri Səfəvilər dövlətinə birləşdirmək
fıkrinə düşən şah Təhmasib əlverişli bəhanə tapdı. Həsən bəy Rumlunun təbirincə "...Şah Şahruxun ölkəni pis
idarə etməsi, onun əmirlərinin bəd əməlləri, ordusundakı oğurluq, bu ölkədəki imansızlıq və dini təsisatlara
etinasızlıq haqqında eşitmişdi". Onda şah ustaclı, qacar və talış tayfalarının əmirlərinə Əlqas Mirzənin başçılığı
altında Qarabağ və Muğanın qeyri-nizami dəstələri və iyirmi minlik qızılbaş qoşunu ilə Şirvanı tutmağa
getməyi
əmr etdi. H.945 (1538)-ci ilin baharında Əlqas Mirzə Qorçubaşı Padarın müşayiətilə Kürü keçdi, Şirvana
girərək, 300 nəfər qarnizonla birlikdə Surxab və Qəbələ qalalarını tutdu. Sonra onlar Şirvanın ən möhtəşəm
qalası olan Gülüstanı mühasirəyə aldılar. Şəhərin komendantı (kütval) Nemətulla bəy idi. Lakin qızılbaş əmirləri
qoşıınlarının bir hissəsini Gülüstan qalasının yanında qoyaraq, qalanın Şirvanşah Şahruxun vəkil Hüseyn bəy
Lələ və Şirvan zadəganları ilə sığındığı yüksək zirvədə yerləşən əlçatmaz Buğurt qalasına tərəf döndərdilər.
Qalanın müdafiəçilərinin müqavimətinə, Buğurt qalası yanında Hüseyn bəylə qızılbaşlar arasındakı döyüşün
nəticəsinə baxmayaraq, sonuncular Şirvanlıları məğlubiyyətə uğradaraq, Gürcü qalasını da ələ keçirdilər. Əlqas
Mirzənin dörd ay (Cənnabi və Münəccimbaşıya görə yeddi, Hürşaha görə doqquz ay) mühasirədə saxladığı
Şahrux və onun əmirləri məhrumiyyətlərə və vəziyyətlərinin ağırlığına baxmayaraq, Buğurt qalasında mərdliklə
müdafiə olunurdular. Bu vaxt öz qoşunları ilə mühasirədəkilərin köməyinə gələn Şəki hakimi
Dərviş
Məhəmməd xan Buğurt qalasının yanında məğlubiyyətə uğradı və döyüşçülərinin çoxunu itirərək geri çəkildi.
Buğurtun bürcləri toplarla dağıdılıb uçurulduqdan sonra Dərviş Məhəmməd xanın koməyindən ümidi kəsilən
qala müdafıəçiləri müqaviməti dayandırdılar. Vəkil Hüseyn bəy bildirdi ki, şah gəlsə təslim olmağa hazırdılar.
Saraya göndərilən qasid şahı Mərənddə tapdı. Cənnabinin məlumatına görə Buğurta
gələn şah Təhmasib
adamlarını Şahruxun yanına göndərərək, ona aman, böyük iqta və müxtəlif
[241 - 242]
hədiyyələr veriləcəyini
vəd etdi. Lakin bunların hamısı yalan çıxdı. Sonra şah Samaxının bütün sərkərdələrinə və rəislərinə hər cür
*
Şirvanşahlar hələ I Fərrux Yasarın vaxtında Dağıstanın feodal hakimlərinə
qohumluq münasibətlərində olmuşlar (Bax: Dağıstan tarixi,
c.I, s.213, rusca).