77
Abbasın anası Mədinə xanım ona daha çox rəğbət bəsləyirdi. Eyni zamanda o,
Qaçaq Abbasın qızı Fizalə üçün də yaxın bir adama çevrilir.
Mədinə xanım Xub Əhmədə tez-tez yalvarırdı ki, bu ailəyə dayaq olsun,
onun övladlarını Sovet hökumətinin qəzəbindən qurtarmaq üçün səyini
əsirgəməsin. Bu yalvarışların müqabilində o dərdli anaya təskinlik verir, hər şeyin
yaxşı olacağını bildirirdi.
Bolşevik rejiminin quduz qəzəbi Çopur oğlu Babanın ailəsinə fəlakət
dalınca fəlakət gətirirdi. Qaçaq Abbasın qardaşları Məmməd və İsrail həbs edilib
güllələnmiş, anası Mədinə, oğlanları Fərrux və Bəlyar, qızı Fizalə qazamata
salınmışdılar.
Şəki həbsxanası ağzına kimi qaçaq ailələri ilə dolmuşdu. Arıq oğlu
Əhmədin, Tapdığın, Kərimin, Əşrəfin, İsfəndiyarın da ailə üzvləri burada idilər.
Xub Əhməd şəhərə gələrək Qaçaq Abbasın ailəsini zaminə götürür.
Əlbəttə, onun bu addımı razılaşdırılmşdı. O, Mədinə xanıma narkomla danışdığını,
bu ailənin problemini həll etmək üçün ilkin addım kimi oğlanlarından birinin
hökmən üzə çıxarılmasının vacibliyini bildirir. Bu barədə məlumat Qaçaq Abbasa
çatdırıldıqda o, Xub Əhmədə inanmadığını açıq-aşkar bildirir.
Bu arada Xub Əhmədlə Fizalə evlənirlər. DSİ agenti ailənin bir üzvünə
çevrilir. Qaçaq Abbas qardaşlarını üzə çıxarmazdan əvvəl Xub Əhmədi bir daha
sınamaq məqsədilə təyin olunan yerə bir at yükü silah çatdırmağı tapşırır. Silahlar
həmin yerə gətirilir. Bundan sonra Qaçaq Abbas qardaşları Əhməd və Vahidi üzə
çıxmaq üçün yola salmağa razılıq verir. Vahid və Əhməd təyin olunan yerə gələn
kimi həbs edilirlər.
Xub Əhməd bir-birinin ardınca Qaçaq Abbasa iki məktub göndərir.
Həmin məktubların məzmunu Xub Əhmədin bu işdə heç bir günah sahibi
olmaması fikrini təlqin edirdi.
Qaçaq Abbas bütün konspirasiya qaydalarını gözləməklə Xub Əhmədlə
görüşür. Söhbət olduqca sərt olur. DSİ agenti andaman etsə də, yalanı yalana
calasa da hər şey Qaçaq Abbasa aydın olur. O, qardaşlarının qisasını alır. Casusu
sahibsiz it kimi güllələyir. Xub Əhmədin Fizalədən olan iki övladı isə uşaq evinə
verilir.
30-cu illərin əvvəllərində Şəki qəzasında fəaliyyət göstərən qaçaqların
böyük əksəriyyəti ya məhv edilmiş, ya da ələ keçirilmişdi. Qaçaq Abbasın
ətrafında həlqə hər an dolanmaqda idi. Deyəsən, o özü də artıq hər şeyin tezliklə
bitəcəyini hiss etmişdi. Bəlkə də bunu hiss etdiyindən arvadı Xədicə ilə görüşmək
qərarına gəlir (Onun Leyli və Xədicə adlı iki arvadı olmuşdur). Qaçaq Abbas
İsfəndiyarla Xədicəyə xəncər göndərir. Bu bir işarə idi. Əgər xəncər geri
qaytarılmazsa, deməli, yol açıqdır. Xədicə xəncəri qəbul edir. Görüşə gedərkən
qaçaq yoldaşları Kərim və Əşrəf də onunla birlikdə idilər. Onlar pusquya düşürlər,
Qaçaq Abbas havada tütün qoxusunu duyur və tələyə salındığını anlayır.
78
Qaçaqları Xədicənin qonşusu Məhəmməd satmışdı. O buraya kiminsə
gələcəyini
əvvəldən hiss etmiş, və inqilabi sayıqlıq nümayiş etdirmişdir.
Pusquda duran dəstəyə erməni millətindən olan çekistlər Badalyan və
Vartan rəhbərlik edirdilər. Döyüş başlanır. Əvvəl Əşrəfi, sonra isə Kərimi vururlar.
Snayper Səmir Qaçaq Abbası da yaralayır, qayanın arxasına çəkilməyə macal
tapan Qaçaq Abbas onun yerini müəyyən edir və cavab atəşi ilə Səmirin düz
alnından vurur. Abbasın olduğu mövqe üzük kimi əhatəyə alınmışdı. Ağır yaralı
halda bu mühasirədən çıxmaq qeyri-mümkün idi. Bunu başa düşən Abbas həyatını
olduqca baha satmağa, son damla qanına qədər vuruşmağa qərar verir. Bu şərəfli
ölümü allahsız bolşevik rejimi ilə uzun illər apardığı mübarizə dastanının
yaddaqalan epiloquna çevirmək istəyirdi. Buna da nail olur.
Çox saylı yaralarından axan qana, dəhşətli ağrılara baxmayaraq barıt
tüstüsündən, tərdən qapqara qaralmış halda qaş qaralana qədər vuruşur. Qüvvəsinin
tükəndiyini hiss etdikdə isə özünü vurur. Qaçaq Abbas günəşin qürub çağının
insana təlqin etdiyi qəriblik duyğusunun qanadlarında bu əzabla dünyanı tərk
etdi.
64
Bəxtiyar Vahabzadənin xatirələrindən:
«...Qaçaq Abbasın meyitini dağdan düşürdükləri indi də gözümün
qabağındadır. Meyiti şəlin üstünə qoyub dağ aşağı sürüyürdülər.
Eybəcər şəklə salınmış meyiti milis idarəsinin qarşısında şəlin üstündə
uzatmışdılar. Bütün şəhər meyitin yanından keçməli idi. Bununla rəsmi dairələr
adamları qorxudub demək istəyirdi ki, hökumətdən narazı adamların aqibəti belə
olacaq».
65
1939-cu ildə cəsarətli hücumları ilə hakimiyyət orqanlarını daim təşviş
içində saxlayan ələkeçməz xalq qisasçıları zəyzidli Xudu İbrahim Abdulla oğlunun
və bideyizli Cəfər Mirzə oğlunun qaçaq dəstələri də sıradan çıxarıldı. Bu hadisə
əsasən ermənilərin başçılıq etdiyi Azərbaycan hüquq-mühafizə orqanlarının böyük
uğuru kimi qeyd edilmişdir.
Azərbaycan XDİK Yemelyanovun 1940-cı il yanvar ayının 10-da verdiyi
24 saylı əmrin məzmunu bunu təsdiq edir. Əmrdə qaçaqlara quldur epiteti vurulur,
onlar soyğunçuluqda, qətllər törətməkdə ittiham olunur. Əslində isə qaçaqların
qəzəbi xalqa zülm etməkdə ad çıxarmış ayrı-ayrı bolşevik çinovniklərin və xüsusi
xidmət orqanları işçilərinin üzərinə yönəlmişdi. Qaçaqlar tərəfindən 1932-ci ildə
Azərbaycan DSİ-nin Cəfərabad şöbəsinin müvəkkili, milli mənşəcə erməni olan və
bədnam əməlləri ilə yerli əhalinin nifrətini qazanmış Aqacanovun öldürülməsi
bunu sübut edir. Sənədin məzmunundan o da məlum olur ki, elin igid övladlarının
64
Qaçaq Abbasla bağlı epizodlar Nəzir Eltəkinin «Qaçaq Abbas» poemasına (Bakı, Gənclik, 2001 və
ixtiyar yaşlı kişilərin söhbətlərinə istinad edilərək yazılmışdır
65
Bəxtiyar Vahabzadə. Şənbə gecəsinə keçən yol. Bakı, Azərnəşr, 19.91, s. 259