Burun bo’shlig’i chap tomonidan burun to’sig’i tog’ayining tashqi chetidan 4-
5 mm tashlab shilliq va tog’ay usti pardalari burun tubidan burun qirrasi tomon
yoysimon (1.11 rasm (a)) kesiladi. O’tkir ajratgich yordamida burun to’sig’ining
chap tomonidagi shilliq parda tog’ay usti pardasi bilan birga tog’aydan ajratiladi.
Bu eng asosiy holat- qavat orasiga “to’g’ri “ kirish kerak bo’ladi. Natijada
tog’ayning silliq, yaltiroq yuzi ko’zga ko’rinadi (1.11 rasm (b)).
Bir tarafni to’liq ko’chirilib bo’lgandan keyin, ikkinchi tarafini ko’chirilishga
kirishiladi. Buning uchun burun to’sig’i tog’ayi kesiladi. Tog’ayni kesayotganda
qarama-qarshi tomondagi shilliq pardaga zarar etkazmaslikka harakat qilinadi.
Keyin ajratkich yordamida qarama- qarshi tomondagi shilliq parda to’gay usti
qavati bilan birga asta sekinlik bilan ajratiladi (1.11 rasm (c)). Shundan so’ng
qaychi va pichoq yordamida tog’ayning qiyshaygan qismi kesiladi va Bryun-
ingsning aylanma uchli qisqichi bilan kesilgan tog’ay olib tashlanadi (1.11 rasm
(d)). Shu qisqich bilan burun to’sig’ining suyak qismini qiyshaygan qismi olib
tashlanadi. Ba’zan to’gay va suyaklarining to’g’ri bo’laklari shilliq pardaning
orasiga joylashtiriladi (septoplastika). Shundan so’ng burun yo’llariga antibiotikka
shimdirilgan tiqma (tamponada qilinadi) qo’yiladi. Ayrim hollarda shilliq qavat-
ning birinchi kesilgan joyiga chok qo’ysa bo’ladi.
1.10 rasm. Infiltratsion anestesiya uchun anestetikni yuborish nuqtala-
ri.